教育王國

標題: 真係唔明白,係咪女仔一定乖,男仔一定曳 [打印本頁]

作者: Lovely媽咪 時間: 10-10-16 22:52 標題: 真係唔明白,係咪女仔一定乖,男仔一定曳

我仔個班啲女仔既行為好多時仲恐怖過啲男仔,成日郁手郁腳,成日講啲好粗魯既說話,我都親眼見識過

但另一方面佢地最叻就惡人先告狀,例如上體育堂佢地先攪起火頭,講啲好難聽既說話鬧人,班男仔又忍唔到鬧番佢地,最終佢地就扮受害者去班主任到投訴,老師就罸班男仔.

呢個只係其中一個例子,講真我真係怕咗班女仔,郁吓就去投訴,但我最唔明係點解老師眼中曳既一定係男仔呢

講真依家啲女仔仲大胆過啲男仔啦

我仔之前都試過俾其中一個女仔"me"到隻手瘀咗,但咪又係不了了知.....依家唯有叫個仔盡量遠離最麻煩個幾個,有時真係驚俾佢地攪到啲操行分差咗

作者: happyvalley 時間: 10-10-17 00:08

原帖由 Lovely媽咪 於 10-10-16 22:52 發表
我仔個班啲女仔既行為好多時仲恐怖過啲男仔,成日郁手郁腳,成日講啲好粗魯既說話,我都親眼見識過但另一方面佢地最叻就惡人先告狀,例如上體育堂佢地先攪起火頭,講啲好難聽既說話鬧人,班男仔又忍唔到鬧番佢地 ...

班女 EQ 都好高下，佢 d 父母係咪江湖中人。

作者: dad1234 時間: 10-10-17 10:18

現今己經好小人用曳字啦,係用活潑好動

作者: yuenwa 時間: 10-10-17 10:49

男仔曳, 通常都係百厭. 女仔就利害啦, 佢地會係老師面前扮乖, 私底下用好難聽既說話傷害你.

我個女而家小二, 佢有D女仔同學小一都係咁. 我同亞女講, 佢可以同百厭男同學玩, 就算個D成日比老師罰既都可以. 但個D表面乖, 內裏暗深既女仔, 一定唔可以埋佢地堆.

作者: jolo 時間: 10-10-17 11:18

作者: 已刪除用戶 時間: 10-10-18 10:47

我估同腦部發展有關
我仔有專注力問題, d專家話, 訓練固然重要, 但希望遲d佢腦部發展再好d, 專注同衝動問題會有改善
女仔既腦部發展好似比男仔早一d wor, 會唔會係咁原因?

原帖由 jolo 於 10-10-17 11:18 AM 發表

作者: SUSANNA 時間: 10-10-18 11:21

雖然我個果係女，但都聽吾小佢講班上女同學ｄ野，真係有好多會扮乖，私下就蝦蝦霸霸，攪分黨分派，吾埋（隊），就吾受你玩，所以我都叫呀女，吾好多事，少出聲，費事野麻煩．

作者: KT0603 時間: 10-10-19 14:39

提示: 作者被禁止或刪除內容自動屏蔽

歡迎光臨教育王國 (/)