教育王國

標題: 開始為囡囡申請2011/2012幼稚園 [打印本頁]

作者: pekklegigi 時間: 10-10-6 22:54 標題: 開始為囡囡申請2011/2012幼稚園

開始為囡囡申請2011/2012幼稚園,
為左佢既前途, 仲緊張過自己考會考,
驚考唔到心儀學校,
個囡又怕羞, 佢要同你玩熟先同你講野,
試過上年考劍明, 人地問佢, 佢唔理人,
煩....
希望佢今次主動d, 咪搞破壞,
今個星期六去翠茵面試, 保佢大,
咪十問九不知咁!
各位媽咪! 你地有無好似我咁既煩惱呀?
你個小朋友幾大? 分享下意見啦!

作者: Smartterrence 時間: 10-10-6 23:12 標題: 回覆 1# pekklegigi 的文章

我囝囝又係今年報11/12'年K1, 呢排我都好大壓力,又好緊張, 好似你話噤仲緊張過自己去考會考呀!!!!雖然目前仍未有一間開始Interview, 不過因為我囝囝d脾氣好大, 好鍾意亂發脾氣, 由其是對住d陌生人, 一唔鍾意就對住人發睥氣囉...依家我最怕到時in緊o個陣, 對住老師發老脾, 我都唔知點收科...哎..真係噤的話, 邊有學校肯收我囝呀...

但係如果囝囝心情好, 係有問有答o架..仲答得幾好..因為我地依家日日都同囝囝練習..再加上目前開始返playgroup..希望到時唔怕陌生人, 發少陣老脾就好喇!

作者: Fishlo 時間: 10-10-7 11:19

我都好緊張呀, 因為亞女吾知點解由兩歲開始, 突然間變咗好怕羞, 以前見到人主動打招呼，哎，就算而家返緊nursery，　都係咁怕羞，每朝叫佢同人講早晨，吾肯講，什至呢埋我後面，好似冇面見人咁！
上年同佢考nursury, 佢係超合作個隻，有問有答，今年大個咗反而仲衰！死啦，　好多interview 時，媽咪係坐埋一邊，　只可遠望架咋，　我個女實喊更，　所以都打定輸數！

作者: qqbabe 時間: 10-10-7 11:51

面試從來都係3分實力7分運氣, 父母盡左力就算, 我最想唔駛in父母佢自己入去面試, 我唔知佢表現成點就唔會怪佢.

作者: brrbaby2007 時間: 10-10-7 12:16

原帖由 qqbabe 於 10-10-7 11:51 發表
面試從來都係3分實力7分運氣, 父母盡左力就算, 我最想唔駛in父母佢自己入去面試, 我唔知佢表現成點就唔會怪佢.

m2, 好似CCKG o甘就最好

作者: joeywongmy 時間: 10-10-7 12:29

提示: 作者被禁止或刪除內容自動屏蔽

作者: an~gel 時間: 10-10-7 14:44

原帖由 brrbaby2007 於 7-10-2010 12:16 發表

m2, 好似CCKG o甘就最好

CCKG點解甘好呢~?...可否分享吓呢~!

作者: nisha 時間: 10-10-7 15:02

CCKG - only the child in the interview. No question to Parents.

作者: hohoho36 時間: 10-10-7 15:02

我仔仔都係, 佢唔熟既人係唔會同人打招呼架, 就算而家返緊n1班, 都係咁上下, 唉, 算啦, 各安天命啦! 我就算點死諗爛諗又train佢都無用架, 佢一見人就唔出聲, 識幾多野都無用啦~

作者: lionbaby 時間: 10-10-7 17:17

我個囝無時停, 叫唔聽, 都驚佢interview時都係甘, 又唔講野, 唯有報多幾間啦.

作者: w_y 時間: 10-10-7 17:28

睇呢版咁多年, 都無話有人無書讀, 壓力只係來自家長. 幼稚園只係人生中短短 3 年, 你搵到間老師有愛心的並不太難. 至於有人話 bb 係細仔女難考, 我又咁睇, 佢真係夠成熟, 自然 interview 出色唔使怕, 唔夠成熟, 你俾佢讀多年囉.

最重要一樣事情亦係好現實, 大部份香港小學係官津校, 根本唔睇你讀邊間幼稚園, 總之你夠關係, 或者夠運就得啦. 咁諗係咪輕鬆少少?

作者: tiktiktmlkl 時間: 10-10-7 17:56

我仔仔就好多野講架,又坐唔定,上playgroup會不停咁講野,我覺得老師會當佢係攪事份子個種~
初初簡讀邊間,比較邊間好個時真係好緊張架,日日都好大壓力,但係諗諗下我報左5間點都有一間收呱,5間都係自己簡所以入到邊間都一樣要滿足,最緊要係個間幼稚園可以令小朋友鐘意返學~

作者: brrbaby2007 時間: 10-10-7 18:04

原帖由 w_y 於 10-10-7 17:28 發表
睇呢版咁多年, 都無話有人無書讀, 壓力只係來自家長. 幼稚園只係人生中短短 3 年, 你搵到間老師有愛心的並不太難. 至於有人話 bb 係細仔女難考, 我又咁睇, 佢真係夠成熟, 自然 interview 出色唔使怕, 唔夠成熟, 你俾 ...

壓力係來自怕揀錯學校俾佢

作者: Pertra 時間: 10-10-7 20:44

提示: 作者被禁止或刪除內容自動屏蔽

作者: w_y 時間: 10-10-8 16:33

呢個係所有家長都會怕的. 你盡左負任, 了解過自己小朋友, 又了解過間學校再下決定即可. 無人能預知未來, 小朋友發展好快, 今日你覺得佢係 type a, 明日又可能會改變. 尤其係 k1 前更難說得準.

我都有擔心過: 小朋友活潑, 你想揀間活動 d, 又怕佢疏懶, 揀間傳統想束縛下佢, 又怕佢唔習慣; 相反亦然. 唔使驚咁多, 信自己, 即使錯, 都唔係末日, 小學又可再揀過, 再錯又可轉校...小孩子適應能力一般都唔錯, 要有信心. 反而太早俾過份壓大自己同小朋友, 你有排都捱唔到尾.

原帖由 brrbaby2007 於 10-10-7 18:04 發表

壓力係來自怕揀錯學校俾佢

作者: pekklegigi 時間: 10-10-9 15:04

我覺得幼稚園好緊要, 雖然話三年姐, 但係基礎黎, 呢三年培養得好, 基礎打得好, 到讀小學個陣都無咁吃力, 好似我大哥個囡咁, 同家姐個仔比較, 一個係普通中英文幼稚園, 一個就係三文兩語, 都差好遠, 我知小朋友都有聰明同唔聰明, 但搵間好既比佢讀, 學習環境都有影響.

作者: pekklegigi 時間: 10-10-9 15:10

我個囡佢常識就好好, 其他就一般, 好多野講, 今日去翠茵面試, 佢就好反常, 人地阿姐叫佢入去間房到玩下小手工, 佢話我唔想入去玩, 問佢點解, 佢話我唔想去, 後尾另一個英文老師攞個手抽袋出黎引佢, 佢被我抱起, 後尾見到有貼紙佢先肯入, 到中文面試, 佢唔肯入另一間房, 大喊, 話唔想入去, 後尾我抱住佢坐低, 同個老師講, 平時佢唔會咁, 唔知點解今日咁, 後尾老師引佢玩, 佢又收聲, 仲同老師玩到格格笑, 老師問佢問題, 佢答得好快, 中文合格左

作者: pekklegigi 時間: 10-10-9 15:13

跟住到考英文, 佢又話唔想入去, 都唔明佢, 後尾佢又肯, 老師同佢講英文, 佢聽得明, 又答到, 成功入學, 但我仲想見多幾間.

歡迎光臨教育王國 (/)