教育王國

標題: 通常學琴會由幾多級開始考呢? [打印本頁]

作者: winniepoon 時間: 10-10-5 08:56 標題: 通常學琴會由幾多級開始考呢?

如果唔係因為報學校, 通常學琴會由幾多級開始考呢? 有人話一級太淺, 二級開始又話都會浪費"半年"去溫, 咁三級開始會唔會要學好耐先可以去考呢? Please share!!

作者: msemily 時間: 10-10-5 13:59

提示: 作者被禁止或刪除內容自動屏蔽

作者: lillymarie 時間: 10-10-5 14:22

我相信好視乎小朋友學習的進度, 例如佢吸收得幾多, 和每日練習多久. 我大兒子學了兩年多才讓他考二級, 却考到138分. 我覺得遲些考也好, 學多D歌仔, 考到好成績又可以給自己一個肯定.

作者: cy101 時間: 10-10-5 15:00

原帖由 msemily 於 10-10-5 13:59 發表
我女女學果間學半年就可以考3級啦

作者: miss321 時間: 10-10-5 15:32

睇返學生年齡，資質，勤唔勤力等因素。
5-7歲先開始學，我會建議考2級，
8-10歲就考慮3級，1X歲一考就可以考4/5級。

作者: MsPWong 時間: 10-10-5 18:26

如果學琴(或樂器)只是為了考試，學生花了多個月學懂彈奏三首exam pieces，卻對其他歌曲，甚至音樂全無認識，恐怕會漸漸偏離讓小朋友學習音樂的目的。
當然，現今的家長都希望子女快快考獲級數報讀心儀學校，實在是無可厚非。
希望大家明白知識上的學習和考試成績是需要平衡和相輔相成的。

作者: 早教媽媽 時間: 10-10-5 20:06

原帖由 miss321 於 10-10-5 15:32 發表
睇返學生年齡，資質，勤唔勤力等因素。
5-7歲先開始學，我會建議考2級，
8-10歲就考慮3級，1X歲一考就可以考4/5級。

我都覺得要睇開始年齡, 假設天份與勤力相近, 三歲開始學同八歲開始學, 考的級數一定唔同啦, 基本上小朋友的理解力, 手指力等各項都唔同, 無從比較

作者: Kareese 時間: 10-10-5 20:24

提示: 作者被禁止或刪除內容自動屏蔽

作者: Charlotte_mom 時間: 10-10-6 15:43

我女個琴老師收左個學生, 準備考5級了, 連PEDAL都唔識踩, 因為就係不停考試比賽, 除左果幾隻歌咩都唔識, 揀D唔駛踩PEDAL就學少樣TIM!
俾你次次拎DISTINCTION都無意思!

補充: 我唔係話唔好考, 適當地俾小朋友一D目標係好既, 係唔係年終無休地操練LOR

原帖由 MsPWong 於 10-10-5 06:26 PM 發表
如果學琴(或樂器)只是為了考試，學生花了多個月學懂彈奏三首exam pieces，卻對其他歌曲，甚至音樂全無認識，恐怕會漸漸偏離讓小朋友學習音樂的目的。
當然，現今的家長都希望子女快快考獲級數報讀心儀學校，實在是無可厚非。
希 ...

[ 本帖最後由 Charlotte_mom 於 10-10-6 15:44 編輯 ]

作者: grandpiano 時間: 10-10-6 16:59

提示: 作者被禁止或刪除內容自動屏蔽

作者: 音樂人長老 時間: 10-10-6 23:07

而家小朋友太忙，年年考琴等同返學考試，好易令小朋友無心機學，試問有幾多小朋友會鍾意考試喎。

年紀小我會提議考2級先，因為聽外籍考官指示唔容易，年紀大啲(如8至9歲)可以試3級。下一步考5級，中間可以停考只參加校際音樂節爭取公開演奏經驗。唔好報咗考試先去諗點彈考試歌，咁係本末倒置。5級可算完成一個階段，睇小朋友興趣再決定是否考上去。

請家長們唔好只睇考試成績，小朋友能夠欣賞自己彈奏先至重要，我見過好多學生根本唔enjoy彈琴，只係想快快彈完就算。

作者: clarachel 時間: 10-10-6 23:44

音樂人長老,

小女今年快6歲半,學了10個月,老師提議可出年10/11月考2級,但要佢比多d心機/時間練琴才能考好d.其實我並不緊張那張考試証書(都已經考入小學,張証書暫時無咩特別用處),又想小朋友開心開心咁學琴,而且剛剛小一還在適應中,請問是否不需急於考2級試呢?及:-

1. 如後年7/8月才考是否拖得太耐呢?
2. 如只繼續學,不考試(但參加校際比賽),對小朋友會如何?
3. 第一次考可考那級數?如一考便4/5級,以前沒有經驗,會比較難考嗎? 謝謝!

原帖由 音樂人長老 於 10-10-6 23:07 發表
而家小朋友太忙，年年考琴等同返學考試，好易令小朋友無心機學，試問有幾多小朋友會鍾意考試喎。

年紀小我會提議考2級先，因為聽外籍考官指示唔容易，年紀大啲(如8至9歲)可以試3級。下一步考5級，中間可以停考只參加校際音樂節 ...

作者: AndyRain 時間: 10-10-7 11:20

個人覺得若不是為証書, 那麼只係學得10個月even到考試時都係1年零10個月真係唔好考.  考試又要準備d野幾個月, 咁實際你小朋友真正學琴既時間唔多.

而家好多p6已經有8級, 我好懷疑當中有幾多個係真係有8級既水平呢? 仲要而家d學生個個都好多樣野學喎, 仲有咁多時間去練琴嗎??

我聽過最跨張既係k3 考5級綱琴!!! 唔知佢pass唔pass呀, 但係除非佢係網琴真係有天份or even係神童, 否則......... 我絕唔信佢有咁既水平攞.  我當時聽完問琴老師, 佢話只係死練幾首歌有可能考到架(even係咁細個細路).

若係為升中而攞多張cert我覺得ok, 起碼你知道你自己要d 咩同埋知道個後果(張cert唔等於真實水平). 你只係好快咁去俾多好多錢人賺(假設個細路得2級水平, 但係就去考5級, 咁你咪早左好多俾5級既學費囉).  而亦有部份教琴既人都係成日叫學生去考試的, 因為一考試就可以加學費嘛.

原帖由 clarachel 於 10-10-6 23:44 發表
音樂人長老,

小女今年快6歲半,學了10個月,老師提議可出年10/11月考2級,但要佢比多d心機/時間練琴才能考好d.其實我並不緊張那張考試証書(都已經考入小學,張証書暫時無咩特別用處),又想小朋友開心開心咁學琴,而且剛剛 ...

作者: lillymarie 時間: 10-10-7 11:43

老師按級加學費真的令考不考試這問題複雜化.
所以我最喜歡囝囝上一位老師, 5級或以下一個價錢, 然後6級或以上另一個價錢. 那麼孩子學幾年, 就算不考試都是同一個價. 事實上他的老師亦不鼓勵學生年年考, 反而建議學生達到那級數的能力後, 才考慮考試. 所以他說他的學生考試成績全都有distinction.
這種安排, 令我沒有考試的壓力, 亦沒有學費加價的壓力.

作者: miss321 時間: 10-10-7 23:08

其實加學費同考唔考試冇直接關係，就算冇考試，學既野深左，老師都可以加學費。雖然我都BUY 劃一收費，但又有幾多個家長肯俾咁貴既價錢小朋友去學初級 (當大部份的人都認為低級應比高級平)

作者: ohmygosh 時間: 10-10-8 10:57

我私人教鋼琴和小提琴﹐也是六級前劃一收費﹐的確﹐初級學生的家長相對較難接受我的收費﹐較多問完價後說要再考慮/說‘這麼貴﹗’。

原帖由 miss321 於 10-10-7 23:08 發表
其實加學費同考唔考試冇直接關係，就算冇考試，學既野深左，老師都可以加學費。雖然我都BUY 劃一收費，但又有幾多個家長肯俾咁貴既價錢小朋友去學初級 (當大部份的人都認為低級應比高級平) ...

作者: AndyRain 時間: 10-10-8 12:21

其實.............. 我覺得不停咁考cert去孝中學係無問題架, 你知道自己要咩就得了. 只係唔好將來渣住張8級/演奏級既cert鬧個細路點解咩都唔識彈(我絕對相信有d家長真係以為個細路渣住8級既cert就真係識得彈8級既level). 對個細路係唔公平的.

學咩都係要時間浸出黎架, 彈琴都一樣, d 造藝亦係要浸. 再講, 當彈到再高級d既歌時, 唔單止需要技術, 彈出黎有無感情亦都係一個好重要既因素.

原帖由 miss321 於 10-10-7 23:08 發表
其實加學費同考唔考試冇直接關係，就算冇考試，學既野深左，老師都可以加學費。雖然我都BUY 劃一收費，但又有幾多個家長肯俾咁貴既價錢小朋友去學初級 (當大部份的人都認為低級應比高級平) ...

作者: Charlotte_mom 時間: 10-10-8 17:47

我自己覺得如果小朋友已上小一, 第一次先由比賽開始亦無妨(不過今年岩岩截左報名)
我記得當年, 我無迫個女練到隻隻歌都爛熟, 又無比賽過, 第一次準備考琴, 我好shock咁問老師"下? 唔係識彈, 彈岩晒就得架喇咩?" 老師話緊係唔係啦, 要有感情架
跟住我女至叫正正式式去認真學彈一隻歌

所以先去比賽, 認真準備1隻歌, 算係一個簡單既開始, 到考試就知道咩去認真準備3隻歌, 仲有aural, 仲有scale, 仲有sight reading.........

原帖由 AndyRain 於 10-10-8 12:21 PM 發表
其實.............. 我覺得不停咁考cert去孝中學係無問題架, 你知道自己要咩就得了. 只係唔好將來渣住張8級/演奏級既cert鬧個細路點解咩都唔識彈(我絕對相信有d家長真係以為個細路渣住8級既cert就真係識得彈8級既le ...

作者: w_y 時間: 10-10-8 18:08

咁講法我女個老師都算好, 我見佢已經拒絕左幾個校際越級挑戰的要求, 包括我...哈哈. 佢話係要你識果個 grade d 野至去彈個 grade 的比賽歌.

至於考試, 佢建議我女下年由 2 級開始考.

[ 本帖最後由 w_y 於 10-10-8 18:09 編輯 ]

作者: clarachel 時間: 10-10-9 00:14

謝謝妳/你們的建議!好彩我已幫小女報了校際一級(沒有想過攞獎,只想給她一個表現的機會),如不考出年的二級試,咁就可以多d時間練比賽歌,又可以繼續慢慢打好基礎,練返d啱佢程度的歌曲.

但如學了兩年半才考二級,是否算學得慢?!咁到時還需要用一年時間去準備嗎?半年夠嗎?謝謝!

原帖由 Charlotte_mom 於 10-10-8 17:47 發表
我自己覺得如果小朋友已上小一, 第一次先由比賽開始亦無妨(不過今年岩岩截左報名)
我記得當年, 我無迫個女練到隻隻歌都爛熟, 又無比賽過, 第一次準備考琴, 我好shock咁問老師"下? 唔係識彈, 彈岩晒就得架喇咩?" 老師 ...

作者: candy_kiki2005 時間: 10-10-9 02:54

如果小朋友英文唔叻, 甘會唔會聽唔明外籍考官指示？點算？

作者: leeamy 時間: 10-10-9 10:30

原帖由 candy_kiki2005 於 10-10-9 02:54 發表
如果小朋友英文唔叻, 甘會唔會聽唔明外籍考官指示？點算？

When you apply for the exam, you can add some money to apply for a translator.

作者: Paris 時間: 10-10-9 13:09

Yes ah. 我小朋友考4,6,8. 但其實我覺得3,5,7,8 好D.

原帖由 Kareese 於 10-10-5 20:24 發表
如果年紀小又想試下考試，可以考三級，年紀大些例如九歲以上，進度又好就可以試考五級，之後再考樂理。考完樂理就可預備考七級，跟住考八級。因七級和八級距離都幾大，所以七級都幾值得考！ ...

作者: 音樂人長老 時間: 10-10-9 18:58

原帖由 clarachel 於 10-10-6 23:44 發表
音樂人長老,

小女今年快6歲半,學了10個月,老師提議可出年10/11月考2級,但要佢比多d心機/時間練琴才能考好d.其實我並不緊張那張考試証書(都已經考入小學,張証書暫時無咩特別用處),又想小朋友開心開心咁學琴,而且剛剛 ...

最近工作忙所以咁遲先覆，請見諒。我個人希望小朋友可以有一個快樂童年，可惜而家大氣候要佢哋18般武藝，結果樣樣都唔精。音樂唔同背黙書，亦唔係靠貼題目可以考試過關，要好似做運動持之有恆先會見到成績，例子就如減肥公司話妳唔使郁都減到，妳會唔會信。

琴試喺8至11月舉行，通常小學期終考試會到6月中，要考琴成個暑假就無咗，我有個小學學生每年親子旅行喺7月初，我個人覺得比考試重要，所以我提議佢考4至5月，佢程度可以考3級，但學校功課多，我建議考2級，校際只彈一首歌可以報3級。

校際比賽對學琴小朋友係一個好鍛煉，學到點樣喺有壓力都發揮應有水準，有呢個經驗就算只考4/5級都會有信心。最後就係唔好睇個總分太重，反為要留意每項分數是否平均，如果sight reading同aural test唔合格或僅僅合格要留意，可能要多練，否則學到高班時會跟唔上。

作者: clarachel 時間: 10-10-10 00:22

謝謝音樂人長老!

想問考2,4,6,8同3,5,7,8邊果好d?應該點同小朋友選擇或是跟番自己老師的提議(本人老師多數是考2,4,5(樂理),6,8)? 如學完2級課程才去報來年的2級考試,小朋友是否會掌握得好d而取得更好的成績呢?有空請回覆,謝謝!

原帖由 音樂人長老 於 10-10-9 18:58 發表

最近工作忙所以咁遲先覆，請見諒。我個人希望小朋友可以有一個快樂童年，可惜而家大氣候要佢哋18般武藝，結果樣樣都唔精。音樂唔同背黙書，亦唔係靠貼題目可以考試過關，要好似做運動持之有恆先會見到成績，例子就如減肥公司話 ...

作者: 音樂人長老 時間: 10-10-10 09:09

我個人意見唔代表一定啱：2/3 (睇下小朋友有無時間同興趣練)-5+5級樂理-6-8。

香港學生越高班越多學校考試，鋼琴5級己算完成一個學習階段，如小朋友真有興趣先學上去，因為所花時間金錢精神唔少，家長可以考慮俾小朋友學其他嘢擴濶自己見識，呢個係吸收課外知識最佳時間，小朋友可以參加學校音樂活動或彈番好學過樂曲保持音樂興趣。

嘻嘻

，除非係跟緊一個音樂系統學，例如Alfred，我諗所謂2級課程都係聽老師講，真實程度去到邊唔知，請恕我唔能夠評論。

作者: Paris 時間: 10-10-10 15:21

原帖由 音樂人長老 於 10-10-10 09:09 發表
我個人意見唔代表一定啱：2/3 (睇下小朋友有無時間同興趣練)-5+5級樂理-6-8。

想請問下, 點解 5-6-8,而是5-7-8,照理是考8前來個7會好些嗎? Thanks.

作者: 音樂人長老 時間: 10-10-10 18:04

5級以上最好逐級考，考試要求高得多(但而家啲學生要顧住學校考試未必能逐級考），要揀話我建議先試6級，如果6級過唔到關，表示技巧未得，練好基本功先諗考試。

似乎大家對考試部署有很多疑問，如有意想取得呢方面資訊家長請PM我，我會安排用小組形式解答大家問題。

[ 本帖最後由音樂人長老於 10-10-10 18:33 編輯 ]

作者: MsPWong 時間: 10-10-10 20:53

我個人覺得小朋友報9-10月考試會較適合。因為一般學校三、四月份都有測驗/考試，令小朋友沒有足夠時間預備考琴，甚至可能撞期。相反暑假期間時間運用有較大彈性，就算去一個中短途旅行，回港亦可立即加強練習或補堂。況且九、十月學校剛開課通常會比較輕鬆，就算缺席都不會有太大影響。

原帖由 音樂人長老 於 9-10-2010 06:58 PM 發表

最近工作忙所以咁遲先覆，請見諒。我個人希望小朋友可以有一個快樂童年，可惜而家大氣候要佢哋18般武藝，結果樣樣都唔精。音樂唔同背黙書，亦唔係靠貼題目可以考試過關，要好似做運動持之有恆先會見到成績，例子就如減肥公司話 ...

作者: clarachel 時間: 10-10-13 23:02

請問考埋Master,同教咗好多年的鋼琴老師,公價上門收費係幾多錢左右呢?(1級/每堂45分鐘)謝謝!

原帖由 音樂人長老 於 10-10-10 18:04 發表
5級以上最好逐級考，考試要求高得多(但而家啲學生要顧住學校考試未必能逐級考），要揀話我建議先試6級，如果6級過唔到關，表示技巧未得，練好基本功先諗考試。

似乎大家對考試部署有很多疑問，如有意想取得呢方面資訊家長請PM ...

作者: tsespiano 時間: 10-10-13 23:13

提示: 作者被禁止或刪除內容自動屏蔽

作者: shirleyshirley 時間: 10-11-22 08:54

提示: 作者被禁止或刪除內容自動屏蔽

作者: Smiile 時間: 10-11-22 10:27

原帖由 AndyRain 於 10-10-8 12:21 發表
其實.............. 我覺得不停咁考cert去孝中學係無問題架, 你知道自己要咩就得了. 只係唔好將來渣住張8級/演奏級既cert鬧個細路點解咩都唔識彈(我絕對相信有d家長真係以為個細路渣住8級既cert就真係識得彈8級既le ...

講得好

歡迎光臨教育王國 (/)