教育王國

標題: 有無hk 讀書唔好,但去留學反而讀到書的例子 [打印本頁]

作者: fitceo 時間: 10-10-4 13:27 標題: 有無hk 讀書唔好,但去留學反而讀到書的例子

小兒讀書成績很差,而家小5, 日日都話讀書辛苦, 而家同佢溫書,大家都有壓力, 如有能力,想試下升中去外國留學,是否可行 ?

作者: hk_woman68 時間: 10-10-4 15:47

呢樣……又真係見仁見智

我個人例子：
我個女之前讀書唔算好差，小三小四就排名好前，全級前5名，到小五就變左中中庭庭個隻，成日都話功課多，好辛苦，日日都做功課做到喊，慢慢就冇心機讀書，我就開始驚佢學壞。

來左呢度，第一年都好辛苦，英文跟唔上，我自己英文又係好水個隻，幫唔到佢，佢都有喊，成日話要返香港，搞到我都懷疑係咪來錯左。

今年係第三年啦，佢升左中學讀左一年，暫時成績都唔算好差，佢自己都幾自豪，全級排名top 10（全級有二百幾學生）。

呢度讀書好多功課就好靈活，要你自己查資料去做，好少可以照抄書本，交唔交功課老師又唔會話你，不過你有交功課老師就會贊你叻，阿女最中意呢樣，佢話：“香港我幾叻都冇用，人家仲叻過我，老師又唔會贊，做錯少少就會俾老師鬧到豬頭咁，好勞氣架！呢度老師，你做對少少野都會贊你用功啦，努力啦，聽到都開心d。”

不過，話是話，以今後的成績來講，你覺得鬼佬叻d，定中國人叻d？你自己諗囉

原帖由 fitceo 於 10-10-4 13:27 發表
小兒讀書成績很差,而家小5, 日日都話讀書辛苦, 而家同佢溫書,大家都有壓力, 如有能力,想試下升中去外國留學,是否可行 ?

作者: 8864 時間: 11-6-22 21:50 標題: 回復 2# hk_woman68 的帖子

你唔好祈望去到外國會飛,因為當你見到去地D成績未如理想,以前唔會自己約朋友去街,生活習慣改變了,學校話去成績未達標,可能要repeat,你會覺得好心痛,錢花了但結果不是你所想,這是我的心聲。

作者: BillyM 時間: 11-6-23 01:03

純粹答你的標題,答案是肯定的,但亦有失敗的例子,不能一概而論.

問題是,你的小朋友只是小五,是否真的不適合香港的制度?就算本地學校也有很大分別,況且香港現在還有很多選擇,到海外升學當然可以,但要面對的問題不見得會少,所以不要過度簡化成 hk vs 外國的選擇.

作者: redkoni 時間: 11-6-23 02:25

原帖由 BillyM 於 11-6-23 01:03 發表
純粹答你的標題,答案是肯定的,但亦有失敗的例子,不能一概而論.

問題是,你的小朋友只是小五,是否真的不適合香港的制度?就算本地學校也有很大分別,況且香港現在還有很多選擇,到海外升學當然可以,但要面對的問題不見得 ...

作者: mayc 時間: 11-6-29 09:03

係囉!BillyM講得好"arm",如果小朋友唔適應傳統教學,香港都可以找找其他學校,好似啟基,優才,甚至一些津貼小學都可以!我朋友個囝是讀障,在港讀得辛苦又成績差,中三去了英國,生活上都掙扎了一年,(住寄宿家庭),去年甚至因情緒問題無考大考就跑了回港,但學校考慮過他的背景,讓他繼續回英升學,今年才比較穩定下來,成績也有所提升,朋友話那邊的學習,至少佢能應付得到,所以留學除了學業以外,還需考慮其他方面!

歡迎光臨教育王國 (/)