教育王國

標題: 唉, 如何令一個唔鍾意坐定定做工課的小朋友肯做工課? [打印本頁]

作者: mycchoi 時間: 10-9-29 23:53 標題: 唉, 如何令一個唔鍾意坐定定做工課的小朋友肯做工課?

我冇晒計, 請旨教!!

作者: zitaeric 時間: 10-9-30 10:00

原帖由 mycchoi 於 10-9-29 23:53 發表
我冇晒計, 請旨教!!

同佢商量定出每日時間表,但要設定於指定時間內完成功課,之後才可以有指定玩的時間,越早做完,越有多些時間玩;相反拖拉只會剩餘很少或冇時間玩. 小朋友很緊張有得玩,慢慢調較可以有效...

作者: mama_day 時間: 10-9-30 12:25

You can try to play some soft music ar! It worked for my daughter!

作者: mycchoi 時間: 10-10-1 00:39

多謝指教!!

唉, 我乜都試過, 氹啦, 扮(眞)嬲啦, 同佢一齊做啦, 話老師會罰啦, 做完請佢食嘢啦, 未做前請佢食嘢啦... 但係佢超級硬頸, 零願唔食都唔肯做, 又話自己好忙(玩玩具), 點都唔肯做, 我仲諗係咪要dum晒佢啲玩具至得呢... 等我試試先...

作者: mycchoi 時間: 10-10-1 00:42

...........................

[ 本帖最後由 mycchoi 於 10-10-1 00:45 編輯 ]

作者: lyhv 時間: 10-10-2 15:20

原帖由 mycchoi 於 10-10-1 00:39 發表
...我仲諗係咪要dum晒佢啲玩具至得呢... 等我試試先... ...

好主意!

講笑! 但搵地方暫時收埋晒啲玩具, 然後再陪佢做我覺得可以試下, 但要俾多小小耐性, 有D小朋友受軟唔受硬, 加油!

作者: atari 時間: 10-10-4 14:30

興趣是最有效的推動力. 小朋友會有興趣做功課嗎? 當他認為做功課比玩玩具更有吸引力就會有興趣了.

首先我們要留意以下幾點:
1. 不要不停話"錯".

你試下做一件事, 一開始做你隔離個人就係咁話你錯!錯!錯! 係人都無心機做.見到有錯都應該視而不見. 你話老師會鬧?你話無做鬧得勁定係錯左鬧得勁? 而且會因為做錯就鬧人既老師好極有限

2. 設定做功課時間

時間長短視乎小朋友專注能力及興趣. 可以由15分鐘開始, 時間一到要立即停止,直到小朋友自己要求將時間加長.(點解佢會要求?睇晒你就知)跟住休息5-10分鐘, 可以去飲杯水(叫佢自己去倒), 去個洗手間, 食少少野等等

3. 提供優良環境

本功課隔離有部NDS, 我都掛住玩NDS啦, 何況係小朋友. 將D有機會影響到佢做功課既野全部收起. 收起唔係離開視線咁簡單, 而係放係一個佢搵唔到的地方

好,做完以上三點可以開始做功課喇. 今次唔係佢做功課, 而係你做功課, 而佢負責教你做功課. 當然寫字個D梗係要佢寫比你睇. 小朋友其實好有興趣教爸爸媽媽做事情. 過程當中媽媽要"虛心"(詳見第1點) 多提問. 時間到要休息(詳見第2點)

試下呢個方法, 有乜問題再黎問,我可以就住你個情況提供少少意見, 希望幫到你

作者: 345BB 時間: 10-10-4 21:41 標題: 回覆 7# mycchoi 的文章

I understand your feeling!! My son same as your son. 我仔仔而家k2,係學校是會自己做的，但在家就會放軟手腳說不識做,k1連線時已經是這樣子,我試過不提醒他做功課，等老師教訓他,但睡前他又會想起要做功課,但已很晚了! 賞、鬧都試過，很氣餒呢！

Thanks Atari advise! I will try!!

作者: do2 時間: 10-11-3 18:07

原帖由 mycchoi 於 10-10-1 00:39 發表
多謝指教!!

唉, 我乜都試過, 氹啦, 扮(眞)嬲啦, 同佢一齊做啦, 話老師會罰啦, 做完請佢食嘢啦, 未做前請佢食嘢啦... 但係佢超級硬頸, 零願唔食都唔肯做, 又話自己好忙(玩玩具), 點都唔肯做, 我仲諗係咪要dum晒佢啲 ...

如果收埋晒佢d玩具又唔俾佢睇電視得唔得=0=,但而家我個囡都未返學,所以唔知會點,我囡囡歲幾時食飯周圍走,我都試過教訓到佢幾金,佢而家2歲,佢食飯唔肯埋位坐我就啤住佢同扮惡鬧佢,佢就乖乖坐低,你試下惡d睇佢點,我囡囡喊我由佢喊架,點都唔理佢,我囡囡好假好扮野,我話佢就搵爺爺

歡迎光臨教育王國 (/)