教育王國
標題: 女兒的學習態度 [打印本頁]
作者: Jackielee 時間: 10-9-29 10:01 標題: 女兒的學習態度
小女今年中二，我覺得她學習態度變差了很多。
最愛上facebook聊天，又或者拿著歌書在唱歌。
下周要考琴試了，從來不會自動練習；默書測驗，也沒見她溫習。
我可以做些什麼呢？
還是放手不要理她？
作者: sorfn89 時間: 10-9-29 10:21 標題: 回覆 1# Jackielee 的文章
我個女情況一樣, 我真係好擔心. 佢中一已經係咁, 罵又罵過, 勸又勸過, 我真係好有錯敗感, 點解自己個女咁唔聽話呢? 我曾經好無助的, 心痛地,失控地放聲大哭 (在她面前). 但她都沒甚麼反應. 我只是希望她能自律, 分配好時間, 但她只顧看電視, 看書 (小說), 攤係 sofa, 好似事不關己咁. 就算唔識,唔合格都唔會緊張, 我真係好唔開心, 但又唔可以放棄, 我知如果我放棄就無咗個女 ga la, 現在就日日咁重覆又重覆咁勸佢 lor, 希望有朝一日佢會開竅啦. 唔好放棄呀, 努力呀.
作者: kswiss 時間: 10-9-29 11:09
提示: 作者被禁止或刪除 內容自動屏蔽
作者: outdoor 時間: 10-9-29 12:23
好明白你的心情，你同佢講完，电腦照玩，電話照傾，攤在sofa等樣樣齊，總之我叫佢做啲野他就說遲啲先做，遲下遲下就無做，我都好難控制自己的情緒，試過大吵大閙(係我)，但個女都係無反應，重話我現在這樣舊式的管教方式他不會聽，我都無哂辨法，半放棄!
作者: MonaLeung 時間: 10-9-29 12:27
原帖由 sorfn89 於 10-9-29 10:21 發表 
我個女情況一樣, 我真係好擔心. 佢中一已經係咁, 罵又罵過, 勸又勸過, 我真係好有錯敗感, 點解自己個女咁唔聽話呢? 我曾經好無助的, 心痛地,失控地放聲大哭 (在她面前). 但她都沒甚麼反應. 我只是希望她能自律, 分配 ...
你試下比多d 鼓勵佢, 見佢做得好時就讚下她, 或比d 獎勵, 如默書有高分等, 令她開心d, 有自信d.
作者: karen2621 時間: 10-9-29 13:09
[quote]原帖由 sorfn89 於 10-9-29 10:21 發表
各位媽咪,其實唔係淨係女係咁.我個仔都一樣.佢今年都係升中二,升中後越來越懶.佢哋真係夠哂响應政府嗰句"求學不是求分數".攞到低分又無所謂,高分又唔見得好高興.不過我覺得鬧一定唔得.分分鐘弄巧反拙.佢哋呢啲反叛期細路,要有野唔話你知容乜易,喺屋企唔開心就會向外發展,到時就重難搞.所以我覺得最緊要係同佢哋keep到個關係,有咩都可以講,咁起碼都唔會乜都唔知.
宜家教細路真係好難.不過喊過嗔過就繼續努力,千祈唔可以放棄!大家一齊努力啦!!
作者: share.gain 時間: 10-9-29 14:50
我唔知你地小朋友嘅程度及入咗邊間中學. 有否想過是否學校程度超出小朋友嘅能力呢? 如是者就會打擊佢地自信心, 慢慢就會無心向學. 我諗最好耐心啲同佢地傾吓, 了解係咩原因再對症下藥.
作者: yinyin0609 時間: 10-9-29 15:11
提示: 作者被禁止或刪除 內容自動屏蔽
作者: wwyee 時間: 10-9-29 15:34
我仔仔中二同你地一樣，所以今年專登辭工，睇實佢，等佢覺得我唔做野睇住佢，係佢既問題，暫時好似好d，但係咁樣唔係辦法，我怕迫得太緊，會更易學會逃避同學壞。
好頭痛呀~~
作者: Radar 時間: 10-9-29 15:42
我係非常反對小朋友上facebook的,好多小朋友因在網上同人聊天,聊聊下就甘學壞左,所以我係吾比我個女玩facebook的,佢用電腦都要我準許才可以用,同時吾準佢閂埋門來用電腦,確保可以睇到佢係玩緊定係做緊功課.電話方面,我吾比我個女在家開手提的,如果佢要用電話就要用家居電話,因為屋企電話係比整家人用的,所以佢不能煲電話粥.至於睇電視,就要同佢約法三章,一定要做完功課同溫好書才可睇電視,如果吾係就不能開電視,情願大家都吾睇.
其實小朋友係吾可以比佢地太多自由,一日中學未畢業都係小朋友,同埋要約束小朋友係一定要由細做起,等佢地久而久之習慣成自然,甘佢地就吾會太抗拒父母既約束,但如果到反叛期才約束,隨時會有反效果.
仲有做父母一定要同自己既兒女建立良好的關係,佢地才會聽你地講的.
要佢地明白咩係'順我者生,逆我者亡',有奬有罰係必然既事.
仲有學校都會影響小朋友的,吾好話名校就一定好,好多時小朋友上到英中,對住科科都係英文吾適應,就會自暴自棄,甘家長就要考慮同小朋友商量需吾需要轉校.
當父母要教導小朋友時,就要比d空間佢地,吾好強迫佢地要即時聽你地講,例如我就會對我個女講:依家我吾會要你即刻改,你依家可能會覺得我所講既野係廢話,但我都希望你記住我所講既野,將來你覺得啱既就攞來用,如果你都係覺得自己啱既,甘你可以照自己既方法來做.其實人大左就一定會思想成熟的,我個女就不自覺地改變左.
我個女今年都係升中一,佢就反而轉好左,佢小學時都好hea的.
作者: sorfn89 時間: 10-9-29 15:50
原帖由 outdoor 於 10-9-29 12:23 發表
好明白你的心情，你同佢講完，电腦照玩，電話照傾，攤在sofa等樣樣齊，總之我叫佢做啲野他就說遲啲先做，遲下遲下就無做，我都好難控制自己的情緒，試過大吵大閙(係我)，但個女都係無反應，重話我現在這樣舊式的管教方式他不會聽，我都無哂 ...
原來咁多 mami 都係同路人, 真係做 人父母甚艱難, 最悲哀的是, 你叫佢溫書, 做功課就覺得你好煩, 比晒面色你睇, 簡直當你是仇人般, 好難受. 不過, 一定唔可以放棄的.
作者: sorfn89 時間: 10-9-29 15:59
原帖由 MonaLeung 於 10-9-29 12:27 發表
你試下比多d 鼓勵佢, 見佢做得好時就讚下她, 或比d 獎勵, 如默書有高分等, 令她開心d, 有自信d.
一路都有比鼓勵佢, 但唔work, 佢一向都不太喜歡讀者, 就算老師話交齊某些assignment有 bonus 分, 佢都無諗住去爭取這些分, 你話令唔令你火滾呀
作者: sorfn89 時間: 10-9-29 16:19
原帖由 Radar 於 10-9-29 15:42 發表
我係非常反對小朋友上facebook的,好多小朋友因在網上同人聊天,聊聊下就甘學壞左,所以我係吾比我個女玩facebook的,佢用電腦都要我準許才可以用,同時吾準佢閂埋門來用電腦,確保可以睇到佢係玩緊定係做緊功課.電話方面, ...
我係反對佢地上 facebook ga, 不過轉頭佢已經話登記咗 上 facebook (用學校電腦), 你話無奈唔無奈, 唯有叫佢 add 埋我, 等我都可以知道佢同咩人聯絡呀. 我屋企電腦放係廳, 每日只可以玩30分鐘, 我知道佢話少時間, 所以佢咪用電腦 download 咗 D 小說到手機, 日睇夜睇, 衍生另一個問題 lor.
作者: Radar 時間: 10-9-29 16:50
如果係我個女,佢私自開a/c我會罰佢的,至於佢用學校電腦上facebook,甘就要同學校反影,要佢地管制d學生,除功課外,不得利用學校電腦做私人事.
講真,學校係讀書既地方,係學校同同學傾都吾夠,仲要上埋facebook,仲有心機讀書既.
其實你個女有冇其他興趣呢?可以向佢既興趣發展.至於你個女鍾意睇小說,甘都好丫,可以鼓勵佢寫作,話吾定佢將來可以做作家呢!
原帖由 sorfn89 於 10-9-29 16:19 發表
我係反對佢地上 facebook ga, 不過轉頭佢已經話登記咗 上 facebook (用學校電腦), 你話無奈唔無奈, 唯有叫佢 add 埋我, 等我都可以知道佢同咩人聯絡呀. 我屋企電腦放係廳, 每日只可以玩30分鐘, 我知道佢話少時間, ...
作者: sorfn89 時間: 10-9-29 17:06
原帖由 Radar 於 10-9-29 16:50 發表
如果係我個女,佢私自開a/c我會罰佢的,至於佢用學校電腦上facebook,甘就要同學校反影,要佢地管制d學生,除功課外,不得利用學校電腦做私人事.
講真,學校係讀書既地方,係學校同同學傾都吾夠,仲要上埋facebook,仲有心機 ...
係愛情小說呀, 睇書速度驚人, 寸幾厚的小說, 可以大半個鐘睇完. 又唔見佢 D 作文好噃
作者: Jackielee 時間: 10-9-29 17:15
我都知而家係反叛期，我講乜都係唔arm聽！
但係我真係唔知點樣可以應付呢個期間。我好怕處理得唔好，對佢日後既影響好大。
作者: Jackielee 時間: 10-9-29 17:24
Radar,
你呢個高壓既方法，用係某D小朋友身上可能有用。
但如果是我女兒，可能會釋得其反，會令關系變得很差的。
原帖由 Radar 於 10-9-29 15:42 發表
我係非常反對小朋友上facebook的,好多小朋友因在網上同人聊天,聊聊下就甘學壞左,所以我係吾比我個女玩facebook的,佢用電腦都要我準許才可以用,同時吾準佢閂埋門來用電腦,確保可以睇到佢係玩緊定係做緊功課.電話方面, ...
作者: 88muimui 時間: 10-9-29 19:06
同意, 唔係個個岩用。 中一生還可以, 再大些跟本冇可能再用這
方法。
原帖由 Jackielee 於 10-9-29 17:24 發表
Radar,
你呢個高壓既方法，用係某D小朋友身上可能有用。
但如果是我女兒，可能會釋得其反，會令關系變得很差的。
作者: Ivy07 時間: 10-9-29 20:50
係咪小朋友到左青春期就係咁，我個仔剛升中一，佢都好鍾意上facebook，又鍾意打機(網上遊戲)，又係唔聽我講，好驚遲D會失控，點算好?
作者: Radar 時間: 10-9-30 11:54
愛情小說有邊個女仔吾鍾意睇,至於寫作係要經常練習先得,有冇問佢鍾吾鍾意寫作,如果佢鍾意,比佢上下d寫作班丫,寫下寫下,思維就會大增.以前我有個同學,佢讀書又係吾多得,但佢好鍾意睇書,又係鍾意睇愛情小說,佢讀書時都有嘗試投稿去報館.
平心靜氣甘同佢傾下,問下佢係吾係真係吾鍾意讀書,最討厭邊一科同點解,最鍾意邊一科同點解,甘大概都可以了解佢既性格,可以誘導佢自己發掘出佢既人生目標.
要記住,做吾到文狀元都可以做武狀元的.
原帖由 sorfn89 於 10-9-29 17:06 發表
係愛情小說呀, 睇書速度驚人, 寸幾厚的小說, 可以大半個鐘睇完. 又唔見佢 D 作文好噃
作者: Radar 時間: 10-9-30 12:42
樓主,
我真係要講清楚d,我所講既方法係一定要由細做起,如果係佢反叛期先至做就會適得其反,我係之前既文章已有講明,甘我點解仲係呢個topic度寫出?我既原意係想有d小朋友仲係初小階段既父母睇到,用來作參考的,因為依家d父母真係太放縱d小朋友,細細個就比佢地通街去,又任意比佢地自己上網.
至於你個女,佢考琴都吾練琴,甘你有冇諗過佢跟本係吾鍾意彈琴呢,佢學琴只不過係吾想你失望呢,同你個女傾下啦,叫佢放心發表意見,讀書都係一樣,問下佢鍾意邊一科,仲有你要同佢講,香港既教育制度就係甘,小學至中三就科科都要讀,中四先可以揀科,所以佢要比心機讀書,有左好成績就可以隨心所欲甘選科囉,如果吾係老師會將d好位比左d叻既同學,甘就喊都無為,睇下嚇吾嚇到佢.
仲有,你個女鍾意唱歌都好丫,可以比佢學唱歌,當係一個娛樂又好,係一個目標都好,比佢試下囉.
對付d年青人係要見招拆招,紙上談兵談可容易,千其吾可以一部通書睇到老,教好小朋友真係心力交瘁,不過辛苦呢幾年,往後就會享收成.
原帖由 Jackielee 於 10-9-29 17:24 發表
Radar,
你呢個高壓既方法，用係某D小朋友身上可能有用。
但如果是我女兒，可能會釋得其反，會令關系變得很差的。
作者: mattsmum 時間: 10-10-1 09:04
http://www.jysls.com/thread-418905-1-1.html
作者: ntefamily 時間: 10-10-12 21:21
提示: 作者被禁止或刪除 內容自動屏蔽
作者: Jackielee 時間: 10-10-14 09:16
多謝分享，這段文章很能反映我現時狀況。
我簡直擔心至晚上失眠。
"家长捕风捉影的批评、不信任的盘查、偷偷地窥探孩子的隐私、忧心忡忡地唠叨提醒，让孩子烦躁，加重其逆反心理。"
作者: Jackielee 時間: 10-10-14 09:22
Radar,
多謝你的意見，我也相信從小朋友的興趣出發會比較容易，但也許是性格使然，我女兒對自己的興趣也不是很績極的。
原帖由 Radar 於 10-9-30 12:42 發表
樓主,
我真係要講清楚d,我所講既方法係一定要由細做起,如果係佢反叛期先至做就會適得其反,我係之前既文章已有講明,甘我點解仲係呢個topic度寫出?我既原意係想有d小朋友仲係初小階段既父母睇到,用來作參考的,因為依 ...
作者: dder 時間: 10-10-19 17:55
唔同方法用唔同既小朋友都有唔同既效果,不可一既而論, 就算兄弟姊妹都不一樣...
仲有, facebook 唔一定唔好既, 教佢地自律先至係最重要.
總認為物極必反
作者: samuel89 時間: 10-10-20 12:23
原帖由 ntefamily 於 10-10-12 21:21 發表
agree.
我個仔今年S.2, 一樣好反叛, 下下對著幹,
默書小測都懶溫書, 搞到好幾次肥佬…….
仔都系甘.... 呢樣真系男女平等啦
作者: AndyRain 時間: 10-10-24 10:45
我自己都係用高壓政策的, 係真係由細開始就高壓. 但當中我亦會不停咁係有機會既時候解釋俾佢地聽點解我要佢咁做, 有咩好處. (因為以前佢地細, 有時你真係解釋完佢都唔明的, 所以叫佢地按指示做左先) 當然有時叫佢去學野, 佢會唔鐘意學, 唔想學, 覺得係我迫佢學. 我有解釋俾佢聽點解我堅持要佢學(當佢起碼去到小四時先開始明明地我講咩的)
經過左咁多年, 亞仔升中一, 而家我叫佢去學野, 佢反而俾我覺得佢好願意去學(當然當佢好多野做時佢都會唔高興的, 但係過左又無野的, 人總會有情緒的.), 就尋晚我先同佢傾完呢個問題, 我問佢點解而家咁出自內心咁想去學野, 佢話, 因為佢知道我叫佢做既野都係為佢好, 所以佢咪做囖.
因為我係facebook 見到佢同個小學同學既關係寫住 in relationship (其實以前不嬲都講個女仔鐘意佢, 佢又鐘意個女仔的), 我無諗到轉左唔同既中學, 佢地仲有聯絡. 而我因為親身見過個女仔一次, 加埋係facebook度見到個女仔既相, 所以我係星期一晚同我仔講, 係open for discussion咁講(細個就高壓多, 而家大過, 亦知道呢d 野唔可以阻止, 所以轉左處理方法), 我將所有我對呢個女仔既睇法講俾佢聽, 我話之前其他媽咪講呢個女仔點, 我都無出過聲, 但係到我見到佢之後, 我都覺得有問題. 咁點解咁多人都不約而同覺得佢有問題呢? 我話, 揀老婆就要揀個好既, 唔好既要黎做咩, 盞制做好多麻煩俾自己, 邊有人咁蠢明知咁麻煩既野都會揀架. 我話, 你真係要同佢一齊我唔可以阻止你, 但係將來你自己俾人搵笨既話就唔好番黎同我呻, 我唔會可鄰你的, 因為我已經提左你, 係你已經唔聽我講, 所以無得怨人, 係你自己揀的. (我有舉例講邊d 女仔叫做好, 可以揀黎做老婆, 等佢自己去將佢個"女朋友"代入去, 睇下做唔做到呢d 好老婆既野.
到星期四晚, 我問佢, 諗成點呀? 佢話, 佢講覺得我講得啱, 個女仔唔好, 係玩玩下的人. 我話, 唔好只係聽我講, 你自己諗清楚先好呀(退後一步, 俾佢覺得我真係無阻止佢架), 而家我唔係迫你呀. 佢話佢諗清楚了. 我話, 其實而家咁細個, 你跟本就唔知咩叫拍拖(事實上佢地又真係無拍拖的(無出街, 無傾電話, facebook都無咩傾計的, 只係好單純咁鐘意對方, 所以就以為自己拍緊拖咁啦), 唔知呢個遊戲係點玩你就中埋去, 你一定係looser啦. 明知自己係looser why仲要玩呢個遊戲呢? 我話, 拍拖真係可以令到你成個人都好唔開心, 咩都無心機做, 到時你讀唔到書, 影響你自己成世架啦. 我話, 你而家最緊要既係讀好d 書先, 再大個d 先諗呢d野啦. 我話呢個世界上有好多壞人, 我又無可能講得晒俾你聽, 等你去識別邊d 係壞人. 咁不如倒番轉, 你將你所有同學既野講俾我同daddy, 等我地若聽到有問題既, 就話俾你聽, 叫你小心佢啦. (而家唔知呢個方法work唔work架, 但係一試無防啦, 見有位落藥就落左藥先啦).
以上既分享, 希望可以幫到大家, 但我都覺得真係要大家建立左信任先能做到. 同埋, 我都讚成細既時候, 唔需要俾太多自由佢地的, 因為佢地仲細唔識分對與錯, 慣左太多自由, 將來更難收番. 而家到亞仔中一開始慢慢俾d 自由佢(而家依然係開電腦要問過我, 去邊要問准我, 只係係某些事情上會同佢討論), 暫時我地都ok.
無人知道邊一種方法係絕對好的, 只有你了解你小朋友的性格去找一套適合他/她的方法吧. 每一位媽咪也是邊做邊學, 見步行步的.
[ 本帖最後由 AndyRain 於 10-10-24 11:39 編輯 ]
| 歡迎光臨 教育王國 (/) |
Powered by Discuz! X1.5 |