教育王國

標題: 開學後感,太煩了 [打印本頁]

作者: hayhay2007 時間: 10-9-29 09:06 標題: 開學後感,太煩了

hello 大家好:

踏入九月份,是我們做媽媽又驚又喜的日子,驚就是亞囝唔適應新學校,又怕學校知道,會label 佢,開心他可以去普通的學校上堂,跟普通的小朋友交流。

我的case 算很特別,我的仔有自傾,他情況,例 : 認知,大小肌,跳,爬高,(可達到三歲的要求)對陌生人或路,他都無特別反應,只是說話,有時句子,有時單字,對別人叫他,他會作出不理會,曾經有次,我帶他去同事聚會,在一間很大的休閒室內,內有健身器材,他一言不說,就自己去嘗試,但同年齡的小朋友,他只會跟大人說,向我告狀,我的仔又上去玩,他們不敢試。其實有很多治療師和心理學者跟我說,他的情況不壞。
而我和我老公也知他是很聰明,多是不想求人幫手,會自己嘗試先。

但入學後,九月份只返了十七日學,他的手冊,每星期都寫滿,說他不懂排隊,不懂將褲子拉上和除下,叫佢時無反應,常常在唱歌!

我只說給學校知,他是語言遲緩,有speech跟進,他們就要求一份評估的報告給他,因他讀的是國際學校。
一切我都合作。

現在我擔心,有日老師要他離開,但他沒有傷害人或自己,只是上堂不聽別人講,你叫他,他不理會,但你迫佢,佢又會做,因幼稚園人手,又怎會吓吓跟住佢。

有次接放學時我發現,我的仔仔有乾鼻涕留在口上,我立即寫手冊去告知他們,他們回答是,會鼓勵家長們,有流鼻水就應留在家,又說應該是在校車上發生,由流到乾,需要幾多時間,大家心中有數,在何處發生我心知。

作者: kalam611 時間: 10-9-29 10:27 標題: 回覆 1# hayhay2007 的文章

妳囝囝唔理人但迫佢會做,而間學校無人手協助,亦好似唔多like咁...即係間學校唔適合妳囝囝..就算老師唔叫佢離開,由佢係度讀埋K3,佢都唔會學得多..其實妳想佢係度讀都係想佢學到嘢,但唔適合嘅話,棧浪費咗小朋友寶貴嘅黃金學習時機

我囝都係K1,智力正常,坐得定,大肌無問題,小肌都唔大問題,自理OK,但係成日遊魂同反應慢..佢N1同K1都考到出名嘅英文幼稚園,但我最後決定比佢讀一間local幼稚園,因為果度嘅老師好好同有愛心,我講晒佢哋知阿仔嘅問題,佢哋唔嫌棄仲好幫佢..讀咗一年多阿仔嘅進步好大,特別係講嘢,自理同社交能力

作者: kelvin_hmlau 時間: 10-9-29 10:47

你的兒子就算係智能正常, 但動力智能不足, 未有觀察現場情況和別人的反應 (無左 reference point), 以致不懂排隊和理會人等.

呢個都唔係離唔離開名校的問題. 作為父母的你, 都係時候正視問題, 針對訓練不足之處.

[ 本帖最後由 kelvin_hmlau 於 10-9-29 11:38 編輯 ]

作者: Capricorn2521 時間: 10-9-29 12:40

K1 ? 只17天就咁多投訴? 似乎問題不少呀 ! 還是學校要求高呢 ? 國際學校吾係free d 咩 ?

我兒以前n1都係差不多，自己行動/自理ok，但吾知周圍發生乜野事，自己鐘意做乜就走去做。我和daddy都認為佢好叻好獨立，可是在學校的群體生活就有問題。老師好好，冇投訴，又特別照顧佢，我自己亦問得好足，也告訴老師他是自傾及進行訓練中。九個月後，醫生話佢進步得好慢，建議我轉校，去有i位的學校讀住先。因為教導不懂理解環境的小朋友的方法是不一樣的，而且學校的setting也不同。我立即轉去i位學校讀住普通位先，好好彩今個月己有s位了。吾知係佢長大了，還是我們給佢足夠的訓練，佢在各方面有著明顯的進步，現在能回家覆述學校教過的東西，如唱歌及說日期星期。他從2歲開始已經好喜歡英文字及數字，現在我開始教佢一些中文字,佢已認倒：水,門,石....

雖然n1學校好有愛心，但他們實在沒有人手去仔細照顧每一個小朋友！

[ 本帖最後由 Capricorn2521 於 10-9-29 14:56 編輯 ]

作者: muimui5 時間: 10-9-29 15:02

唔好咁down啦，若你囝囝冇在新学校鬧情緒即是過了一關。佢認知OK又計識唱歌都令我羨慕囉。我囡囡認知未得又講太空話都膽粗粗入I位啦，開学前兩星期才教識佢除褲拉褲。如果返半日班，真係唔夠人手教佢自理，你要自己下功夫。

囝囝認知OK的話在多Ｄ鼓動勵同指導下應該能投入羣體活動的，問題是依間幼稚園係咪照顧到。睇落囝囝以前有接受訓練right？繼續上Pst同社交小組虧可以幫佢改善的。

你的心情跟我去年囡囡入主流N1時很似，結果我下學期去了「樂天」。如果覺得依間幼稚園long term照顧唔到囝囝，可能要轉間冇咁full既学校，我想有全日托兒的学校會包容多D同訓練到自理能力。好似我囡囡依間就暫時當佢兩歲咁湊，但D normal原校生已train得幾獨立，會耐不耐提醒囡囡:「排隊啦！」「唔好攪鞋帶啦！」我都好希望與主流小劬朋友相處可以推動囡囡成長。

作者: hayhay2007 時間: 10-9-30 09:01

原帖由 muimui5 於 10-9-29 15:02 發表
唔好咁down啦，若你囝囝冇在新学校鬧情緒即是過了一關。佢認知OK又計識唱歌都令我羨慕囉。我囡囡認知未得又講太空話都膽粗粗入I位啦，開学前兩星期才教識佢除褲拉褲。如果返半日班，真係唔夠人手教佢自理，你要自己下功夫。
...

我就是在樂天返了半年,才出來的,在樂天的日子,實在過得開心,小朋友又學到,媽咪又全無壓力。

作者: hayhay2007 時間: 10-9-30 09:05

原帖由 kelvin_hmlau 於 10-9-29 10:47 發表
你的兒子就算係智能正常, 但動力智能不足, 未有觀察現場情況和別人的反應 (無左 reference point), 以致不懂排隊和理會人等.

呢個都唔係離唔離開名校的問題. 作為父母的你, 都係時候正視問題, 針對訓練不足之處. ...

我巳在他兩歲時開始訓練,剛上完密集的課程,表現好好,現在有上一些感統,遲些我想幫他報一些拼音的英文唱遊班, 幼兒的體操

作者: kelvin_hmlau 時間: 10-9-30 10:27

本人禺見, 有d 國際學校(無物人讀的, e.g. Boxhill), 包容性較強, 有d 學校小小野都要你自己處理左先(e.g. St. Cat...)

小兒當初都放棄了 St. Cat..., 宣道等名校, 選了課程淺, 包容性較強的救世軍幼兒園.

另外, 可以做的係解決佢唔守秩序, 安坐等A仔同ADHD仔的普遍問題, 可以用 RDI 或ABA的方法嘗試.

現階段, 最好唔好以為個仔好叻, 長大後佢學習上的 RoadBlock 會超出你的想像.

原帖由 hayhay2007 於 10-9-30 09:05 發表

我巳在他兩歲時開始訓練,剛上完密集的課程,表現好好,現在有上一些感統,遲些我想幫他報一些拼音的英文唱遊班, 幼兒的體操

作者: muimui5 時間: 10-9-30 17:13

原帖由 hayhay2007 於 10-9-30 09:01 發表

我就是在樂天返了半年,才出來的,在樂天的日子,實在過得開心,小朋友又學到,媽咪又全無壓力。

原來係同學仔，有冇政府服務排緊？

囝囝在大班的表現遜在樂天返小組時並不出奇，每個仔都要過這關，不如返去樂天問下点改善囝囝的問題行為同有乜訓練建議。

幸好囡囡学校頭幾日係同其他新生在6人小組做適應 (似在樂天)，熟咗老師至joint大班原校生(佢初時都有些不安)；若一開始就放佢入大班，可能都有好多問題。囡囡唔夠瞓時仲會在課室好似BB咁喊架，不過老師同我講時語氣不似complain，所以我放心佢哋照顧囡囡。

體操班或者可以培養紀律，我就想遲啲試吓音樂治療，有興趣交換吓資料啦。

作者: hayhay2007 時間: 10-9-30 22:44

原帖由 muimui5 於 10-9-30 17:13 發表

原來係同學仔，有冇政府服務排緊？

囝囝在大班的表現遜在樂天返小組時並不出奇，每個仔都要過這關，不如返去樂天問下点改善囝囝的問題行為同有乜訓練建議。

幸好囡囡学校頭幾日係同其他新生在6人小組做適應 (似在樂天 ...

有資料大家交流吓

作者: January 時間: 10-10-1 13:16

係樂天係小班, 而導師有經驗又識得handle我地既小朋友, 當然吾覺得有問題. 況且學校地方大好多, 又多好多人, 好多吸引. 小班排隊係幾個小朋友, 大班分兩組都十幾個, 每次都要等候一段時間先到自己當然會冇耐性或吾願意服從. 剛開學小朋友冇足夠經驗參照或者老師不斷幚助係好難適應. 我仔仔最初係係咁, 但因為係i位, 所以老師都花好多時間去題佢幚佢.

或者可以做下d社交故事書, 關於返學既野, 等佢明白多d返學時會做咩野.

另外, 自理可以係屋企練習多d. 好似用筷子, 穿鞋襪衣服, 去厠所等等, 我都先教仔仔, 等佢返學之後易掌握d. 因為我都好明白返到學校老師一對好多個.

至於學術方面, 我自己就冇特別追求, 反而我係會主力訓練佢解難, 社交同自理. 我個人覺得更重要. 好似我有親戚佢小朋友小學五年級, 讀書叻, 但係屋企家務都吾識做, 自理又吾得.

原帖由 hayhay2007 於 10-9-30 22:44 發表

有資料大家交流吓

作者: someoneelse 時間: 10-10-1 21:58

家長，其實你個人覺唔覺得孩子有問題？！

請你試用簡單句子 (point form 形式)例出孩子的問題！

我們一起看看怎麼幫你....

原帖由 hayhay2007 於 10-9-30 22:44 發表

有資料大家交流吓

作者: hayhay2007 時間: 10-10-2 00:11

原帖由 someoneelse 於 10-10-1 21:58 發表
家長，其實你個人覺唔覺得孩子有問題？！

請你試用簡單句子 (point form 形式)例出孩子的問題！

我們一起看看怎麼幫你....

所有特別訓練,在九月份巳停了,一切從新開始
最近我和老公都覺得,他好鍾意貼著我們,佢好enjoy一家人時,例: 整人要所有人,入他的房間,他會向你表演,好似天才表演似的,但要你配合他,他要你唱時就要唱。近這一個月,我們一家人溝通好了,他像剛開始說話的bb,每發現一些,或讀出句子時,他會望向我,示意是否對。

他的問題:

1. 別人叫他,他不理會,
2. 叫佢叫人,他會照做,但很少會望住人講
3. 未見過的食物,他不會吃
4. 當他遇上要選擇時,你問他,吃飯或烏冬,他不回答
5. yes or no 他一定識,但他不會答你
6. 以為他像什麼都跟我們溝通不到,無交流,叫他幫我開tv,off dvd 等他又懂。
7. 例 : 他去學游水,他一入去見到泳池,他只會望著泳池,老師要他做熱身,他都不會理會,有時又會跟人做。 *我想當時他心裡,一心只想跳落水玩,唔想做什麼熱身。

作者: someoneelse 時間: 10-10-2 01:11

祝你幸福！

原帖由 hayhay2007 於 10-10-2 00:11 發表

所有特別訓練,在九月份巳停了,一切從新開始
最近我和老公都覺得,他好鍾意貼著我們,佢好enjoy一家人時,例: 整人要所有人,入他的房間,他會向你表演,好似天才表演似的,但要你配合他,他要你唱時就要唱。近這一個月,我 ...

[ 本帖最後由 someoneelse 於 10-10-3 09:59 編輯 ]

作者: January 時間: 10-10-2 21:16

不好意思. 可能我真太直接. 我自己小朋友也是自傾, 哥哥也是保加仔. 只是肉緊.
我也很少在這發言. 只是這兩星期剛好路過. 在這裹祝你仔仔不斷進步. 加油!

[ 本帖最後由 January 於 10-10-4 20:09 編輯 ]

作者: hayhay2007 時間: 10-10-3 01:18

原帖由 someoneelse 於 10-10-2 01:11 發表
老實講 (我一向非常坦白)，從你字裡行間，我感覺你唔覺得囝囝有問題...相反，仲覺囝囝幾掂下....
事實上，有不少自閉/自傾的孩子很叻的....相信你亦聽聞過有些更有特殊天份/IQ極高的...所以我唔會懷疑你孩子的能力...但，如果 ...

我都是一樣是個好直的人, 首先多謝你們的熱烈回應,如果我覺得囝囝無問題,我就唔會出現在此。
其實你們有沒有弄清楚,自閉的分類,如果不清楚就唔好亂說,因為在此出現的媽咪,心情相信都跟我一樣,無人會有那麼好的定力,當你們在亂說時,變相會在轉牛角尖。

亞氏保加,是語言發展正常,但非常之固執,社交好差。
自閉,有自我刺激行為,自傷行為,可能認知差,語言差,自理能力都差,

作者: hayhay2007 時間: 10-10-3 09:08

原帖由 hayhay2007 於 10-10-3 01:18 發表

我都是一樣是個好直的人, 首先多謝你們的熱烈回應,如果我覺得囝囝無問題,我就唔會出現在此。
其實你們有沒有弄清楚,自閉的分類,如果不清楚就唔好亂說,因為在此出現的媽咪,心情相信都跟我一樣,無人會有那麼好的定力 ...

工具 --> 我們有的還是feeling, 我想我還未盲目到這個地步,喜歡一家人的感覺,相信是真於他真心。

至於我覺得他是叻與否--> 他只得三歲人仔,在每個媽咪心目中,寶寶個個都是叻仔。如果連自己都看低佢,整個家就好灰,無奮進的心。

在此跟你們傾訢,其實是想找一些照顧小朋友的心得和得到一些support, 應怎去做,我家人巳有全面的計劃了。但猜不到,這裡的媽咪心腸,說話另我好傷。其實我以前很少在此討論區。相信今次都是最後的留言。

在此再一次多謝你們,實在有心去回應我,我亦感到你們替我緊張,不過言語上用得不好。保重各位,祝你和你的小朋友健康快樂。

作者: January 時間: 10-10-4 20:36

不好意思. 可能我真太直接又未有顧到用詞, 希望你見諒. 我自己小朋友也是自傾, 經歷過幾年的訓練和起趺. 家裹哥哥也是保加仔, 因此面對過他的行為和情緒....真心希望幚上忙.
我也很少在這發言. 只是這兩星期剛好路過. 在這裹祝你仔仔不斷進步. 加油!

原帖由 hayhay2007 於 10-10-3 09:08 發表

工具 --> 我們有的還是feeling, 我想我還未盲目到這個地步,喜歡一家人的感覺,相信是真於他真心。

至於我覺得他是叻與否--> 他只得三歲人仔,在每個媽咪心目中,寶寶個個都是叻仔。如果連自己都看低佢,整個家就好灰 ...

作者: bigbug 時間: 10-10-6 09:55

你好! 我仔仔現在是讀s位的, 其實在2歲時也上普通的幼稚園的, 同時也排智能中心等評估的. 我也知道很多父母對自己的孩子很有寄望, 當然我也一樣. 但很多時自傾的小朋友, 因為當時年紀細, 很多時評估都會出現差距. 有時是到小朋友大一點一些行為問題才會比較明顯的. 但是否等這些問題很明顯才去補求呢! 站在我立場, 如我的小朋友, 我是可以繼續讀正常幼稚園的. 但他學不到的東西時, 又給人標籤. 對家長同小朋友也是壓力. 而且他的行為問題同學習問題又如何解決呢? 那不如平常心一點, 試想想退一步, 現在只是學前教育, 對小朋友也是很初步學習階段. 為他打好基礎. 將問題早點找出來和解決不是好嗎? 我見過一個家長, 他的孩子今年都六歲, 現在仍讀幼稚園高班, 但仍然未能寫字, 試問日後如何再讀上去呢!

作者: Capricorn2521 時間: 10-10-6 11:18

100個認同.... 情況一樣....孩子2歲半時也上普通幼稚園，返學放學時眼見他與別的孩子的不同，一些基本指令都聽不懂，就算叻到會飛都冇用，將來學習的路更漫長。

原帖由 bigbug 於 10-10-6 09:55 發表
你好! 我仔仔現在是讀s位的, 其實在2歲時也上普通的幼稚園的, 同時也排智能中心等評估的. 我也知道很多父母對自己的孩子很有寄望, 當然我也一樣. 但很多時自傾的小朋友, 因為當時年紀細, 很多時評估都會出現差距. 有 ...

作者: pocoyo123 時間: 10-10-7 00:17

唉...我相信HAYHAY2007 佢唔會再回應, 大家都係想小朋友好, 表達方法唔同啫
我有一個要好的朋友, 佢小朋友已小6, 2歲時懷疑自閉, 但佢媽咪認為小朋友無問題, 所以無去評估, 直到小學佢派到一間BAND 1 小學, 佢媽咪好開心, 一心諗住小朋友平步青雲, 去到小2 問題開始浮現, 好艱難每年差唔多考第尾, 現在派中學, 都無希望去BAND 1, 有BAND2 都好啦, 好大機會去BAND 3, 其實佢媽咪同我講, 如果係幼稚園時, 佢正視小朋友問題, 今日條路會好行D,有時太細個, 你真係以為佢慢小小, 但你唔理佢, 佢就好以個雪球咁月來月大, 大到你控制唔到, 到時好以我朋友咁, 一切都返唔到轉頭

原帖由 Capricorn2521 於 10-10-6 11:18 發表
100個認同.... 情況一樣....孩子2歲半時也上普通幼稚園，返學放學時眼見他與別的孩子的不同，一些基本指令都聽不懂，就算叻到會飛都冇用，將來學習的路更漫長。

...

作者: kelvin_hmlau 時間: 10-10-7 10:26

其實呢位媽咪都有正視問題, 帶個仔做密集訓練. 只係返左心儀主流幼稚園出事, 所以好煩.

她亦覺得個仔各方面表演不錯.

其實轉去一間包容性高的主流幼稚園可能就可以解決到問題.

作者: kalam611 時間: 10-10-7 14:03 標題: 回覆 21# pocoyo123 的文章

相信個媽咪係覺得囝囝有問題先係呢個網出現

但似乎佢只focus係間學校唔support,而唔係想大家比意見佢點handle佢囝囝嘅情況

不過佢真係over-react咗

..其他媽咪都係肉緊佢個仔嘅情況至比意見,希望可以幫到佢同佢囝囝,而唔係想“踩”佢..

我自從發現囝囝有問題開始係度蒲,從其他媽咪身上學到好多嘢,對我囝囝嘅進展有着好大嘅幫助,真係獲益良多,感激不盡

作者: someoneelse 時間: 10-10-7 15:16

其實我都忍左好耐先寫d野咋....因為一開post都睇唔出佢想搵解決方法...相反，我覺得佢想搵 support...支持佢囝囝情況唔差或慢慢黎喇等心靈安慰...最攪笑佢話囝囝果 case 算很特別...真係想問佢有無見過其他的自傾孩子...

老實講，撇開已被評自閉/自傾/亞氏保加 (頂，佢仲同我玩字眼)，就算孩子無被評過什麼，正常情況下都無可能接受佢囝囝既行為喇...
“老師同佢講廣東話，但佢用英文回答”....呢 d算咩態度/行為？！
“不識排隊、叫時無反應、常常在唱歌”....咁點返主流學校？！好奇怪咁既狀態，樂天點會俾孩子出黎架？！

想同正常人睇齊？！見佢囝囝能力唔低，我先想佢加緊改造下囝囝，同時間競賽嘛....

其實孩子就算之前曾接受很多不同的訓練後，情況改變/進步了，但我們也不可一刀切的！有緊密/嚴謹/專業/人釘人的訓練，要表現良好有何難？！難就難在要得孩子自己一個時，能否發力？！能否 survive？！

有正面的思想係要的，但不能脫離現實....更不能對孩子有“指鹿為馬”既態度！

依家有自閉問題的孩子跟以往的不一樣了，因為依家範圍擴大了很多，有懷疑的都有殺錯無放過(好唔好家長自己決定)...所以以前話自閉症的孩子無論智力或能力都低於正常的說法已不成立呢....不過，有醫生曾說：除資優外，一般有自閉問題的孩子，就算再叻，也只可追貼常人，不會越過的...

現今有很多資優孩子，每個自身都有不少問題....所以問題晶結在於：孩子表現是否被大眾(學校/社區/家庭等)接受！資優或平庸是其次呢....

作者: someoneelse 時間: 10-10-7 15:59

Boxhill 我囝讀左...被標籤了...所以要“洗底”轉學校！

原帖由 kelvin_hmlau 於 10-9-30 10:27 發表
本人禺見, 有d 國際學校(無物人讀的, e.g. Boxhill), 包容性較強, 有d 學校小小野都要你自己處理左先(e.g. St. Cat...)

小兒當初都放棄了 St. Cat..., 宣道等名校, 選了課程淺, 包容性較強的救世軍幼兒園.

另外, ...

作者: kalam611 時間: 10-10-7 16:42 標題: 回覆 24# someoneelse 的文章

哈哈,其實我見到佢話囝囝果 case 算很特別,我都打個突,因為我覺得一d都唔特別

..佢好強調囝囝係叻嘅,但叻還叻,“叫時無反應”已經係大問題啦..當初我答佢係因為覺得佢無focus係囝囝嘅問題度,我怕小朋友錯過咗寶貴嘅黃金學習期, 但佢嘅反應令我又再打個突

妳唔好咁慶喇..我哋同佢素未謀面都係想幫下佢囝囝啫,平常心啦

作者: kelvin_hmlau 時間: 10-10-7 16:45 標題: 回覆 1# someoneelse 的文章

Someoneelse, 不太清楚你說的標籤情況.

Boxhill 係聽到一位社交班的媽媽推薦的, 他的仔仔由 S 位轉了出來, 讀了 Boxhill K2 下午校. 她說找了很多所幼稚園, 只有這間學校肯收S 位出來的.

另外, CAC 亦有讓自閉兒/自傾小孩選擇 E/I/S 位. 她寫出來的困難在自閉兒身上係好普遍的. 所以我覺得她的兒子也未必要讀S 位的. 個人的取捨罷.

[ 本帖最後由 kelvin_hmlau 於 10-10-7 16:51 編輯 ]

作者: bobolam 時間: 10-10-7 17:05

someoneelse,

想問"有自閉問題"你是怎樣演繹? 因我實在攪不清?

原帖由 someoneelse 於 10-10-7 15:16 發表
其實我都忍左好耐先寫d野咋....因為一開post都睇唔出佢想搵解決方法...相反，我覺得佢想搵 support...支持佢囝囝情況唔差或慢慢黎喇等心靈安慰...最攪笑佢話囝囝果 case 算很特別...真係想問佢有無見過其他的自傾孩子. ...

作者: someoneelse 時間: 10-10-7 17:23

如果我無估錯，你所講的那個囝囝，係我介紹佢媽咪入Boxhill 的...他的case基本上無其他選擇，一來孩子超齡了 (如入本地學校會引起懷疑)，二來全家遲些會移民澳洲 (係時候要多接觸英文)，三來囝囝好活躍 (IS 比較適合)...事實上，家長亦對學校編了一個古仔 (sorry, 我教的)，所以能順利入學...然而，孩子本身跟父母也很努力呢....學校沒有大投訴，跟樓主的情況相差很遠！但根據我“探子”回報，該囝囝也有時“突出”了點的...不過總算被學校接受！

而我囝情況，係跟學校說了曾有發展遲緩...現在只剩言語遲緩...但我發覺老師好像會特別測試我囝囝似的...而不是就他 speech delay 的問題而加以協助...anyway, 因我目標係要囝囝同常人睇齊，所以轉校了...亦慶幸做對決定，因為一來校長剛響那時“出事”，二來我不想別人特別對待我孩子 (當然那時他能力/行為/態度上已沒問題了，even 我去 Watchdog 做intake，那裡的導師跟教育心理學家也說囝囝是 normal kid，只是因遲開口說話，所以仍有 speech delay)...
認識我的家長也知道，我常常提及“包容”這問題的...響我角度，如果孩子有能力+自閉不嚴重，家長根本不應要求/希望學校包容孩子，因為一但有了包容，即是學校仍當孩子是特殊的...當然，如果係有能力但自閉情況明顯的，那有包容的學校必是首選了！

原帖由 kelvin_hmlau 於 10-10-7 16:45 發表
Someoneelse, 不太清楚你說的標籤情況.

Boxhill 係聽到一位社交班的媽媽推薦的, 他的仔仔由 S 位轉了出來, 讀了 Boxhill K2 下午校. 她說找了很多所幼稚園, 只有這間學校肯收S 位出來的.

另外, CAC 亦有讓自閉兒/ ...

作者: Capricorn2521 時間: 10-10-7 17:31

hum.... 佢一時講有問題，一時又自圓其說冇問題，heading話好煩，內容又似文章分享。其實會吾會個媽咪本身都有溝通障礙....導致佢未能洞悉別人看完內容後會有什麼想法，令人誤會呢？

原帖由 kalam611 於 10-10-7 16:42 發表
哈哈,其實我見到佢話囝囝果 case 算很特別,我都打個突,因為我覺得一d都唔特別 ..佢好強調囝囝係叻嘅,但叻還叻,“叫時無反應”已經係大問題啦..當初我答佢係因為覺得佢無focus係囝囝嘅問題度,我怕小朋友錯過 ...

[ 本帖最後由 Capricorn2521 於 10-10-7 17:44 編輯 ]

作者: kelvin_hmlau 時間: 10-10-7 18:03 標題: 回覆 2# someoneelse 的文章

OIC. 我說的包容係 Boxhill 收自閉兒. 你說的係 Boxhill 針對好番的遲緩兒.

我的目標同你唔同. 你的目標係仔仔同 Normal 細路相同. 我的目標係仔仔將來可以過一般的生活.

作者: someoneelse 時間: 10-10-7 20:07

sorry, 不是想拋書包 or 扮有料...我用"有自閉問題" 只是不想再有家長同我玩文字遊戲！

但根據過去經驗 + 跟不少各階層/背景的家長討論後，發覺及明白到呢個世界其實人人都有問題的，只係多/大與少/小的分別...你或我相信也有不少古怪/壞習慣/脾氣吧...但我們能於社會上立足及生活，所以我地自稱自己係正常人...

我囝學校裡不知有幾多有問題的孩子 (按我觀察)，但因為其父母沒有去做評估，所以孩子被視為正常...

從囝囝1.9歲被評至今，我一直叫自己要保持清醒，要分開什麼是正常的孩子行為 (一般孩子的問題)，例如：肚餓會吵鬧、眼瞓會扭計等；什麼是自閉徵狀 (只有自閉人士才有的)，例如：自轉、自殘等....所以，何謂正常，只不過是建基於『少數服從多數』....

有些自閉人仕有十足 check list 上的問題，所以無論怎樣，也一定會被評為自閉症....但有些情況較好的孩子(好像我兒)，一般情況下係正常(或看似正常)的，但有些時候或偶爾會有類似自閉的徵狀出現，例如：自我刺激、情緒波動....

所以我不過於注重孩子能力高低的 (當然高一定好過低喇)，只要肯學肯做、今日進步過尋日、明白自身環境等，我便不當是問題了...例如孩子(不是我兒)喜歡不停彈跳，響學校他可自控的話，那讓他在家裡跳個夠吧！又例如所謂正常的孩子學半年便懂游水，如我兒要學一年才懂，我同老公也是接受的...正因為此，我們把兒子降級一年，一來因為他(主流)學校經驗不夠，二來讓他多一年時間成長...不是自欺欺人，但世事的確如此，硬要尋找 perfect 只會得個桔 (我個人認為)....

原帖由 bobolam 於 10-10-7 17:05 發表
someoneelse,

想問"有自閉問題"你是怎樣演繹? 因我實在攪不清?

作者: someoneelse 時間: 10-10-7 20:47

當花校長還在的時候，如有家庭 backup 的話，她都會給予機會的(她也曾介紹一位英文ST給我兒)....但問題係校中老師是否跟她有同一想法？！有段時期係老師做一年便會走，真不知問題在哪....而且Boxhill 近年轉變了很多..也開了分校，所以不知現時情況了...
我也曾於兒子準備好時，報考(插班K1)啟思小學附屬幼稚園的...有BK媽咪預先跟校長打了招呼(那家長只說 speech delay)，誰知面試後，校方通知不取錄...那家長再跟校長說項...我改為報考來年K1 (即讓孩子做大仔)...面試是另一老師...於兩次面試中，我兒全做對所有要求，亦回答了所有問題...但結果都是一樣...最後那家長代我問校長...校長回覆她本是有教無類的，但落手落腳去做的是老師們，所以她也沒法子....
想說家長們搵學校要小心，亦要不時留意孩子的轉變 (無論好左或差左)...正如此帖樓主情況一樣，學校也發出警示了，可想而知情況有幾壞 (無論學校有否睇錯或公正，suffer 的仍是孩子)？！

原帖由 kelvin_hmlau 於 10-10-7 18:03 發表
OIC. 我說的包容係 Boxhill 收自閉兒. 你說的係 Boxhill 針對好番的遲緩兒.

我的目標同你唔同. 你的目標係仔仔同 Normal 細路相同. 我的目標係仔仔將來可以過一般的生活. ...

作者: January 時間: 10-10-8 01:35

以為呢個post告一段落. 路過又見大家不斷發言. 忍吾住又想寫幾句.

其實大家都係過來人, 尢其係我地呢d小朋友稍大既, 我地終日留年係各大訓練場所, 見a仔多過見正常仔, 大大話話都做左吾少各式各樣既訓練, 所謂主流, i位, s位, e位都試過晒, 冇做過都聽過晒. 勤力既都上吾少堂, 聽吾少講座, 睇過吾少書. 有d亦上緊主流小學. 經歷吾少. 係度都只係想幚下d新手媽咪....

大家都只係真心吾想浪費小朋友寶貴時間. 最終都係為孩子. 大家互不相識, 其實呢度都係自由發言, 如真係吾岩聽, take it easy, 就靠自己經歷. 吾駛咁上心. good luck!

原帖由 someoneelse 於 10-10-7 20:47 發表
當花校長還在的時候，如有家庭 backup 的話，她都會給予機會的(她也曾介紹一位英文ST給我兒)....但問題係校中老師是否跟她有同一想法？！有段時期係老師做一年便會走，真不知問題在哪....而且Boxhill 近年轉變了很多..也開了分 ...

作者: kelvin_hmlau 時間: 10-10-8 10:07

講真, 呢個 post 都唔錯. 除左內容充實, 大家意見踴躍. 亦令我覺得互相尊重的重要.

我只係經歷左一年多, 但感覺到好似過左十年. 自己好似一個 project manager, 要用有限資源, 時間, 重整小孩缺失的東西. 面對參差的服務, 主流同特殊選擇.

亦希望樓主能夠珍惜和自閉兒家長的交流. 因為一個人能力畢竟有限. 對你來說呢個係新領域, 有過來人的意見係值得參考.

其實你可以當成佢地除左外在表現不佳, 裡面埋藏左一個小巨人. 你能夠發掘出來, 呢個遊戲就勝出了.

作者: someoneelse 時間: 10-10-8 11:36

相比大家，我情況算是上岸了，囝囝現已不需任何輔導或訓練...但為何仍在此留戀，只因我亦曾有過大家一樣的心情、感覺等...言詞是否過激？！相信我既說話一定比CAC那班醫生對各孩子的評語來得溫和....更相信我的說話一定比不知情的途人/陌生人的批評/誤解來得合理...

[ 本帖最後由 someoneelse 於 10-10-8 11:40 編輯 ]

作者: kelvin_hmlau 時間: 10-10-8 12:13 標題: 回覆 1# someoneelse 的文章

someoneelse, 講真, 有點羨慕你, 可能你的孩子本來就不是自閉兒. 在 E 位中心亦認識其他媽咪的小孩也只是言語遲緩.

我看過一些外國的 Blog, 有一些自閉兒經過適當訓練和努力, 大部分自閉行為被修補了. 在 9 歲左右的評估改為發展遲緩. 我其實亦以此為奮鬥目標.

既然大家都認識那位小孩的媽咪, 有空都可以約出來飲茶傾計.

作者: kalam611 時間: 10-10-8 13:31 標題: 回覆 36# someoneelse 的文章

羨慕中

作者: someoneelse 時間: 10-10-8 23:28

大家咪玩喇...可能我囝好彩，一切既訓練/treatment 對佢都好快見效...但有著“一朝被蛇咬，十年怕草叢”既心理負擔的原故，我到依家都唔敢鬆懈....囝囝會學琴、學溜冰、學游水、學畫畫、學數學、學 discussion，這一切一切的課外活動我都係當係back up (只不過要求/程度/模式跟以往訓練不同)...老實講，我並不想囝囝做鋼琴家，學琴只為專注力、小手肌 & 手眼協調的練習...其實做我地家長既好辛苦...做孩子的更辛苦.....好了，大家一齊俾心機吧...明天一定會更好！！

作者: Capricorn2521 時間: 10-10-9 10:15

十分同意你在這個post的所有分享，謝謝！

原帖由 someoneelse 於 10-10-8 23:28 發表
大家咪玩喇...可能我囝好彩，一切既訓練/treatment 對佢都好快見效...但有著“一朝被蛇咬，十年怕草叢”既心理負擔的原故，我到依家都唔敢鬆懈....囝囝會學琴、學溜冰、學游水、學畫畫、學數學、學 discussion，這一切一切的 ...

作者: bobolam 時間: 10-10-9 11:50

好羨慕你!
想問仔仔以前有無專注力弱的問題? 如何克服?

原帖由 someoneelse 於 10-10-8 11:36 發表
相比大家，我情況算是上岸了，囝囝現已不需任何輔導或訓練...但為何仍在此留戀，只因我亦曾有過大家一樣的心情、感覺等...言詞是否過激？！相信我既說話一定比CAC那班醫生對各孩子的評語來得溫和....更相信我的說話一定比不知 ...

作者: someoneelse 時間: 10-10-10 10:57

唔止以前呀，依家都有喎，我囝囝仲有懶散同怕難既陋習….嘻嘻...所以唔好羨慕我....我都日日在吐血中呢！

克服？無話克服架，只可以逐步、慢慢改善...再講佢地都係細路啫(呢d衰野正常仔都有喇)....

就算響學校，老師term report都話囝囝如果無被干擾下，一切表現都好好...相反，可以求其得好緊要 (例如只回答單字等)...

我依家要囝囝學琴 (一舉幾得，小手肌、手眼協調、專注力等等)….要囝囝上 Enopi 數學 (簡單、有趣、按部就班)….學游水、溜冰、畫畫等一切一切活動，基本上都係想培養下佢的專注力運用…

事實上細路仔係無咩專注力的，但因學習上要求(時代唔同喇)，加上我們的孩子學習&模仿既能力&動機一般都較差，理解力又不足既情況下，如果連專注力也做不好的話，真有可能學唔到野….

我個人覺得可以做既就係將之成為習慣…當孩子習慣了做什麼也要專注的話(起初可以由短做起)，他們便有望“今日專注過尋日”或“今日專注時間長過尋日”了….

當然家長要幫手提供適合既環境、合理既練習、均衡既作息等等…最重要係優質的鼓勵…我地要感恩他們能做到的….十隻手指有長短，如果孩子在某一part做得不好或做不到時，俾多少少時間佢地吧…

說易行難…同孩子一齊努力吧！

原帖由 bobolam 於 10-10-9 11:50 發表
好羨慕你!
想問仔仔以前有無專注力弱的問題? 如何克服?

作者: wcbaby 時間: 10-10-12 18:25

我剛剛係過來人,8月番完學前班,老師發現阿仔叫極都唔睬人,唔同小朋友玩, 講好少野, 開始上網搵資料,最終都放棄普通NURSERY比佢讀私人密集式(好大掙扎的),仍然等待CAC醫生既評估,心情現在好一點,不過一諗起就會眼淚不自覺地流。

作者: applenanas 時間: 10-10-13 11:01

原帖由 someoneelse 於 10-10-7 17:23 發表
認識我的家長也知道，我常常提及“包容”這問題的...響我角度，如果孩子有能力+自閉不嚴重，家長根本不應要求/希望學校包容孩子，因為一但有了包容，即是學校仍當孩子是特殊的...

someoneelse,
很認同你所講的, 以你仔仔現況,
你是否不會通知小學需要特殊支援?

作者: bobolam 時間: 10-10-13 12:14

你囝囝幾大學鋼琴?

原帖由 someoneelse 於 10-10-8 23:28 發表
大家咪玩喇...可能我囝好彩，一切既訓練/treatment 對佢都好快見效...但有著“一朝被蛇咬，十年怕草叢”既心理負擔的原故，我到依家都唔敢鬆懈....囝囝會學琴、學溜冰、學游水、學畫畫、學數學、學 discussion，這一切一切的 ...

作者: someoneelse 時間: 10-10-13 13:11

我囝讀的是一條龍幼稚園+小學的，入K1時沒說，那轉P1時當然也不會說...而且孩子響學校真係完全無問題嘛....不過，如孩子萬一需要協助時，我一定會同學校商量！

想講...個人覺得 (情況只對有能力但自閉不嚴重的孩子) 響入學前或入學後通知是有分別的....如我兒，入學前沒有通知...而一直相安無事...但某月某日孩子開始轉差的話，學校一般係唔會嫌棄孩子的...相反會更想幫助孩子，因為有過去可 reference 嘛....不過如果孩子響入學前已通知的話，除有機會影響入讀機會外....無論對家長或學校也會有條刺響心中或 record 中...咁可能會對孩子有不公平現象出現呢....

老土一句：真係需要 case by case 處理...

自閉不嚴重 - 我會用不影響學習/生活黎作準則。

原帖由 applenanas 於 10-10-13 11:01 發表

someoneelse,
很認同你所講的, 以你仔仔現況,
你是否不會通知小學需要特殊支援?

作者: January 時間: 10-10-13 13:15

wcbaby,
加油呀! 將眼淚化成力量. 呢道有好多小朋友做訓練之後都追得好好, 所以大家都好鼓舞. 所以最緊要知道小朋友要d咩, 重點訓練. 我仔仔二歲幾就開始訓練, 而家就五歲, 都發展得吾錯. 而家只得一兩個訓練(導師建議我地吾需要做, 留返位比其他小朋友). 其他時間都係帶佢去玩同上興趣班.
小朋友仲細, 而家訓練得好, 可以有好多空間進步. 努力呀! 有咩係度傾下. 好多媽咪daddy會幚你架!

原帖由 wcbaby 於 10-10-12 18:25 發表
我剛剛係過來人,8月番完學前班,老師發現阿仔叫極都唔睬人,唔同小朋友玩, 講好少野, 開始上網搵資料,最終都放棄普通NURSERY比佢讀私人密集式(好大掙扎的),仍然等待CAC醫生既評估,心情現在好一點,不過一諗起就會眼淚不 ...

作者: wcbaby 時間: 10-10-13 14:27

Thx!!January!!!!!!

作者: someoneelse 時間: 10-10-13 14:41

囝囝下月5歲...今年4月開始...一星期一堂...開始時學半小時...依家上45分鐘....我只注重眼望、手動、專注這些項目...所以囝囝以享受性學習為主...不會似坊間一般課程 (以考級為學習目標)...

原帖由 bobolam 於 10-10-13 12:14 發表
你囝囝幾大學鋼琴?

作者: bigbug 時間: 10-10-14 11:47

to wcbaby,
其實我的小朋友在歲半時, 都很差. 兩歲時cac 評估, 當時係完全評估唔到. 因為小朋友一入医生房, 就只是上了床在跳. 不理房內所有人呢! 我同太太叫他都不理, 要捉住先可以呢! 但係很掙扎呢! 當時心理医生, 只是對我們說:" 你們的小朋友很勁呢!" 我們只能苦笑呢! 要到四歲再評估, 讀了一年私人s位, 派了去灣仔s位. 現在反應, 知能, 眼神都比從前好了很多, 夏天時再受一次評估, 大部份都可以做到, 但係要比時間佢才能做到呢! 但仍未有語言(現在可以簡單地對答, 如"比我", "我要", "抱我", "要食",等)所以知能等如歲半. 但係只少比兩歲見他們時好很多了. 起碼叫他他都能做到.

作者: applenanas 時間: 10-10-14 12:27

原帖由 someoneelse 於 10-10-13 13:11 發表
我囝讀的是一條龍幼稚園+小學的，入K1時沒說，那轉P1時當然也不會說...而且孩子響學校真係完全無問題嘛....不過，如孩子萬一需要協助時，我一定會同學校商量！

想講...個人覺得 (情況只對有能力但自閉不嚴重的孩子) 響入學前 ...

明白了, 我也想過孩子萬一需要協助時, 才同學校商量,
謝謝!

作者: someoneelse 時間: 10-10-14 17:10

多口一句, 不是黑心,間間學校都不同,你趁依家有時間/空間,最好預先做點資料蒐集,打聽一下孩子學校會有什麼支援服務,好作打算...以防萬一!
當然希望你用唔著呢!
Good luck.

原帖由 applenanas 於 10-10-14 12:27 發表

明白了, 我也想過孩子萬一需要協助時, 才同學校商量,
謝謝!

作者: BB頭maimimi 時間: 10-10-15 14:46

someoneelse,

Please check PM, thanks!

歡迎光臨教育王國 (/)