教育王國

標題: 返私人S位好定返N1再加TRAINING好? [打印本頁]

作者: 小肥mama 時間: 10-9-23 03:38 標題: 返私人S位好定返N1再加TRAINING好?

呀女2歲2個月,剛評為自閉症,醫生叫佢排S位,不過等1年就當然想train左先,而家都心大心細2個方法邊個好：
1. 剛開始N1,繼續返,再做言語治療,仲想加多1項TRAINING,但唔知做咩好
好處：返N1可模仿正常小朋友的學習,但驚個人training唔夠密集
2. 停返N1,返私人S位
好處：夠密集,但對住既都係A仔,我試過同佢返協康d playgroup,大部份都係A仔,其實都係冇咩互動，學唔到同人相處
呀女主要係未識講野,得幾個單字,而又唔係成日講；同埋坐唔定,與同齡互動唔多,但都會同人玩；冇咩固執行為。
好迷茫,請大家俾d意見

作者: pipi331 時間: 10-9-23 11:55

提示: 作者被禁止或刪除內容自動屏蔽

作者: angels'mom 時間: 10-9-23 18:04

我的小朋友，在2歲的時候其實不太懂得模仿其他小朋友，是在特別訓練後才學會；說到互動方面，連正常嗰個係2歲時都未識，何況係有問題嗰個﹗

我之前同個仔返協康小組，都有你的疑問，同其他A仔一齊可以學到咩呢﹖之後發現不是小朋友學習其他小朋友，而是家長帶領小朋友，家長學習導師的技巧，回家同小朋友練習，因為之前真係覺得無從入手。

個人訓練一樣有密集的，不過費用會很高。而返N1是否可行要睇小朋友的情況、學校的配合等等，因為有小朋友會被幼稚園要求退學，亦有幼稚園教師特別關顧有特殊需要的小朋友；反觀私人S位的導師對A仔會比較有經驗。

作者: pocoyo123 時間: 10-9-23 22:09

其實讀乜野位都好, 都要做好多家居訓練, 家長都要有心理準備
正如有個媽咪講咁, 搵唔搵到一間好嘅S位, 就要睇你的運氣, TOUCH WOOD 我亞仔的S位就好好, 舊年第一年讀, 佢見亞仔言語都OK, 就再加 FLOOR TIME 的堂比佢上, 另加RDI小組比佢, 今年再加RDI一對一堂, 如果呢D堂係出面私人上, 又要幾千元, 不過, 不是每個小朋友都有得上, 係要睇下小朋友能力而定, 我之前都唔知學校有咁多訓練比佢, 所以佢讀左一年就進步左好多
所以, 小朋友讀乜野位都好, 都係睇下你搵唔搵到一間好學校 & 好老師, 媽咪勤唔勤力做訓練, 小朋友先會有進步

作者: kelvin_hmlau 時間: 10-9-23 23:54 標題: 回覆 1# pocoyo123 的文章

很高興現在的S位有RDI. 當初放棄了S位部分原因亦係因為我選的協康只有TEACCH, 沒有RDI 及社交訓練.

RDI 係一個贏家策略, 係我接觸的方法最有效的, 有楫杆作用, 可修補自閉症核心問題.

[ 本帖最後由 kelvin_hmlau 於 10-9-24 10:13 編輯 ]

作者: Yvonne_ng 時間: 10-9-24 00:03

pocoyo123 : 請問你係讀邊間S位?

作者: Yvonne_ng 時間: 10-9-24 00:07

kelvin_hmlau : RDI 是什麼來的?

作者: 小肥mama 時間: 10-9-24 01:13

我都想知RDI係咩?
PIPI331好詳盡的資料,咁你係咪都係返N1及其他TRAINING?有咩TRAINING好?
其實1歲9個月健康院refer呀女去CAC評估懷疑佢係A仔時,我已搵了一個做開早期訓練的社工做家居訓練,唔知佢算唔算幼兒導師?但10堂完左,我又覺得佢既課程同『努力試』差唔多,而個trainer都覺得佢自閉指數唔高(因為眼神接觸幾好同唔太固執),但口肌問題大d(因為到而家都成日流口水及唔識用飲管啜野飲,只係狂咬支管),所以而家keep住用自己編的課程日日自己同佢做家居訓練，再來就是計劃搵ST。想問私人S位邊間好?係咪可以要求參觀?

作者: kelvin_hmlau 時間: 10-9-24 11:25

RDI – 基本上唔係 therapy, 係 parenting / training / remediation. 要父母學做好師傅, 小孩學做稱職的徒弟.

亦給予小孩一個機會, 用特別技巧, 重新學會正常兒年幼時學懂的溝通社交. (e.g. referencing, emotional sharing, coordinating action, etc.)

因為理論複雜, 現在只舉幾個例子, 希望大家明白分別之處:
1. 將個紅色波放在藍色籃子 (幼兒訓練) vs 我地係同一隊, 合作入籃得分 (RDI)
2. 首先…然後…最後… (言語訓練) vs 你做出嬲的表情, 小孩會主動看到眉頭眼額, 作出調整 (RDI)

舉出例子不是想說明其他訓練係無用, 只是大家 address 唔同地方 (Static Intelligence vs Dynamic Intelligence).

點解有楫杆? Therapist 每週一次 vs 父母每日生活訓練.

作者: 小肥mama 時間: 10-9-24 14:17

在哪裡or website可以搵到多d RDI既資料&TRAINING重點?

作者: crystal媽咪 時間: 10-9-24 15:02

原帖由 小肥mama 於 10-9-24 14:17 發表
在哪裡or website可以搵到多d RDI既資料&TRAINING重點?

看看協康會的website.
http://www.heephong.org/webprod/cht/publication/training_strategies/267

可以download RDI 資料.

作者: pipi331 時間: 10-9-24 23:05

提示: 作者被禁止或刪除內容自動屏蔽

作者: pocoyo123 時間: 10-9-25 00:35

協康會..................

原帖由 Yvonne_ng 於 10-9-24 00:03 發表
pocoyo123 : 請問你係讀邊間S位?

作者: 小肥mama 時間: 10-9-25 01:27

經過老公問過不同社工建議,而家既選擇係返朗研社2對4小組+ST個人訓練,繼續返住N1先,其實3樣野加埋既學費已經等於私人S位,但平衝到密集式訓練&同正常小朋友相處囉,有冇人試過朗研社?好唔好?

作者: kalam611 時間: 10-9-27 18:46 標題: 回覆 14# 小肥mama 的文章

點組合好睇小朋友情況嚴唔嚴重..每個小朋友嘅case都唔同

我囝歲半時返過朗研社半年（姑娘好有愛心，不過陪住上小朋友會依賴）,之後轉咗去樂天密集式約半年（呢個時期嘅進步好大）至上年8月,跟住出咗去讀普通N班,而家三歲半同校K1.一直都有keep住私人OT, ST同小組

佢由開頭返N1唔識講嘢，成日打同學，到而家識搭咀，又同同學玩，進步好大，但我覺得佢嘅進步唔係單一嘅因素，而係　a combination of 好多嘢，如佢大個咗啦，學校老師好幫佢啦，父母家姐幫佢啦，私人training啦

作者: nokia6300 時間: 10-9-28 10:58 標題: 回覆 15# kalam611 的文章

好認同,個個小朋友都系唔一樣,而且,一定唔會係靠一個factor就幫到小朋友

我都上左2個月朗研社,之後開始唔同既pt/ot/st訓練,小朋友而家返N班,都系觀察期,表現so far so good,私人 training 都會keep住,但可以肯定如果之前沒有training,相信返nursery都未必跟到

如果你未有返開小組,朗研社都可以一試,不過唔洗返太耐,因為係親子小組,我之後比小朋友自己跟姑娘返,試下佢表現,你會睇到更多小朋友的情況

加油!

作者: kalam611 時間: 10-9-28 15:01 標題: 回覆 16# nokia6300 的文章

妳小朋友而家幾大? 返N班情況點呀? 同同學相處得好嗎? 而家係邊度上private training? 我囝間幼稚園係全日制,所以只能星期六上training..e位唔知要排到幾時

..大家繼續努力呀

作者: 小肥mama 時間: 10-10-1 03:23

其實好多人覺得呀女情況唔嚴重，仲大部份都係社工，因為佢有幾好既eye-contact同埋冇咩固執行為，會同人玩,不過多數只係捉迷藏，幾鍾意笑,係唔講野同接收口令麻麻囉，而家2歲2個月，返左1個月N1,呢幾日開始唔喊喇。
不過cac個醫生好似覺得佢好差咁,要佢掛s位,不過坦白講我唔知係主觀地討厭個醫生定係佢有責任評估到最差,其實我覺得佢幾無禮同埋唔顧家長感受。最初佢o係大堂『莊』我同個女玩，佢見我發現佢時居然係藐咀!!當亞女入房時大喊(因為剛讀n1都未慣,好怕入課室,又病左成個星期冇返學,一入房就『課室恐懼症』),佢唔俾我用任何野安撫佢,呀女又肯喊住做喎,佢話佢肯做就唔駛『tum』佢,15分鐘都唔夠,就填呀女認知慢左4-6個月,都ok,但語言及聽解能力少於1歲半,跟住備註就寫住『自閉症』喇。
我同老公一直諗住呀女多數係發展遲緩(其實個home-based trainer都係認為就算係但自閉指數唔高)，最多都係自閉傾向，冇諗過寫『自閉症』咁重手。我問：我見網上自閉症都會寫有唔同程度，咁呀女屬於輕度、中度定嚴重?佢答：自閉症就係自閉症架啦，冇話咩程度架喇，我都見過有d細路一d唔似架，但大左都實有野影響佢社交架啦。我問例如呢?佢答：人地講笑佢當真囉。我再問：呢個小朋友會唔會係亞氏保加?佢知我係社工，答

下?2013年既DSM V已經無亞氏保加囉喎媽媽!語氣相當串,潛台詞係『你唔係唔知o下嘛』
我真係唔知信唔信呢個醫生既評估好，但咁搞一搞我同老公即刻亂晒，你地去CAC有冇好似我咁?
而家呀女o岩岩適應N1,我怕再轉環境佢會辛苦,所以試住朗研社先，我都諗試2個月再睇下點，而ST,耀能九龍中心剛覆我9號有位，有冇人試過耀能好唔好呢?

作者: someoneelse 時間: 10-10-1 22:26

我囝囝響第二次CAC評估時，醫生響無足夠理據下，都話『覺得』囝囝係自閉症，無証據&睇唔出係因為囝囝叻，可以做到自己唔係....而給我copy的那份評估文件(黃色紙)也沒有寫任何自閉字眼...只寫較被動、專注力弱等字眼...
我當然好困惑&嬲...不過孩子情況怎樣，相信無人清楚得過自己父母...
樓主，你囡囡情況怎樣，相信你十分清楚...評估中有多少實與虛，你也應心中有數...除非你喜歡自欺或接受不了事實，否則，你既決定，一定是對孩子最有利的！
不過，據我經驗，如果孩子還年幼，不妨用“重藥”(私人S位)，因為日後變數機會大(3歲是一個關)，當買個保險，依家做多一點，以後日子可能會好過一點...而且私人S位可以隨時退出，當你發現囡囡超班了(父母一定看得出的)，便轉回主流吧(不讀N1也不算怎樣嘛)！

我囝囝的路也是這樣行出來的...希望大家孩子都可以像他一樣幸運！

加油！

原帖由 小肥mama 於 10-10-1 03:23 發表
其實好多人覺得呀女情況唔嚴重，仲大部份都係社工，因為佢有幾好既eye-contact同埋冇咩固執行為，會同人玩,不過多數只係捉迷藏，幾鍾意笑,係唔講野同接收口令麻麻囉，而家2歲2個月，返左1個月N1,呢幾日開始唔喊喇。
不過cac個醫 ...

作者: kalam611 時間: 10-10-1 23:11 標題: 回覆 18# 小肥mama 的文章

好認同someoneelse講...做父母一定最清楚仔女有無事...其他人對妳囡囡時間少,而妳就對足兩年多,佢嘅情況妳應該心中有數. 其實佢嘅狀況係咪叫做"自閉"真係唔係咁重要,反正自閉個range好闊,求其揩到d都可以歸類自閉. 最重要係就住佢邊樣弱就訓練邊樣...若果係普通N1學唔到嘢就唔好浪費小朋友嘅黃金學習時間,要爭取時間追呀

作者: kelvin_hmlau 時間: 10-10-2 01:15 標題: 回覆 3# 小肥mama 的文章

Hi, 小肥mama, 我很明白你的心情.

回想當初小兒在CAC亦被評為自閉症 (第一次在 Step 係評自傾). 追問醫生原因, 她說你個仔三樣都中 (言語遲緩, 社交弱, 固執行為). 無得抗議下唯有接受. 亦接受了排E+S位和傷殘津貼. 我喜歡津貼的錢, 但不喜歡它的名稱 (因我絕不認為小兒係傷殘).

小兒主要係在主流幼稚園讀書再加訓練. 在暑假時讀了兩個月私人S 位. 今年在協康S 位中心評估後認為無需要讀S 位.

當然係僅作參考, 因為個個小孩不同.

作者: 小肥mama 時間: 10-10-3 03:13

真好呢,連協康都評估你囝囝不用返s位，咁有冇話有機會可以除名呢?如果有這些類似的好消息記得發佈,等我地多一份希望!
而家我個心其實好想返私人s位,但老公成日勸我唔好自亂陣腳，佢覺得俾佢繼續返N1+朗研2對4小組+ST係最好,因為佢唔想個女剛適應N1又轉環境會好辛苦,但我真係覺得普通幼兒園老師真係未必識HANDLE呢類小朋友,例如呀女個位係背住老師,佢唔會好似其他小朋友咁識擰轉身望住老師講野,咁我要求調去一個較前同埋可望到老師口型的位置，但佢都話有D言語較弱既家長都有咁既要求,所以做唔到,最多係較後有個空位可以面向老師,較後佢咪更分心!佢剛有意識望我口型學講野,我都好怕好似次前個家長咁講當呀女係傢私咁擺足1年!
不過老公主要怕我就黎生第2個會辛苦,佢話而家返既額外TRAINING都大約3個月,幼兒園唔OK你都坐完月，到時1月再轉S位都唔遲,到時佢2歲半,希望真係唔遲啦,如果唔係我怕我會怨死我老公!

作者: pipi331 時間: 10-10-3 23:40

提示: 作者被禁止或刪除內容自動屏蔽

作者: bobolam 時間: 10-10-4 10:13

kelvin_hmlau,

請問你安排過甚麼訓練俾你仔仔?

原帖由 kelvin_hmlau 於 10-10-2 01:15 發表
Hi, 小肥mama, 我很明白你的心情.

回想當初小兒在CAC亦被評為自閉症 (第一次在 Step 係評自傾). 追問醫生原因, 她說你個仔三樣都中 (言語遲緩, 社交弱, 固執行為). 無得抗議下唯有接受. 亦接受了排E+S位和傷殘津貼. ...

作者: kelvin_hmlau 時間: 10-10-4 11:18 標題: 回覆 1# bobolam 的文章

其實小兒都算整體發展遲緩. 兩歲有語言, 但不大理解. 喜歡自轉, 摸牆. 讀N 班哭了四個月. 大小肌發展遲緩, 三歲不懂跳, 拋球. 不會和其他人玩. 好多訓練都試過同失敗過.

現在自費項目有個別OT, RDI 社交小組. 僱用了 RDI 顧問 (父母學習).

E 位服務有 OT, ST, 幼兒訓練, PT等.

作者: bobolam 時間: 10-10-4 11:34

thanks!
請問在那裡上RDI 社交小組/

原帖由 kelvin_hmlau 於 10-10-4 11:18 發表
其實小兒都算整體發展遲緩. 兩歲有語言, 但不大理解. 喜歡自轉, 摸牆. 讀N 班哭了四個月. 大小肌發展遲緩, 三歲不懂跳, 拋球. 不會和其他人玩. 好多訓練都試過同失敗過.

現在自費項目有個別OT, RDI 社交小組. 僱用 ...

作者: kelvin_hmlau 時間: 10-10-4 11:51

bobolam, pls check PM.

原帖由 bobolam 於 10-10-4 11:34 發表
thanks!
請問在那裡上RDI 社交小組/

作者: wcbaby 時間: 10-10-13 15:41

可否pm埋RDI 社交小組ar thx!!!!!!!!!!

原帖由 kelvin_hmlau 於 10-10-4 11:18 發表
其實小兒都算整體發展遲緩. 兩歲有語言, 但不大理解. 喜歡自轉, 摸牆. 讀N 班哭了四個月. 大小肌發展遲緩, 三歲不懂跳, 拋球. 不會和其他人玩. 好多訓練都試過同失敗過.

現在自費項目有個別OT, RDI 社交小組. 僱用 ...

[ 本帖最後由 wcbaby 於 10-10-13 15:42 編輯 ]

作者: kelvin_hmlau 時間: 10-10-13 23:29 標題: 回覆 1# wcbaby 的文章

wcbaby, pls check PM.

作者: garnierv 時間: 10-10-25 12:44

提示: 作者被禁止或刪除內容自動屏蔽

作者: bobolam 時間: 10-10-28 17:14

每月有幾堂 OT, ST, 幼兒訓練, PT?

原帖由 kelvin_hmlau 於 10-10-4 11:18 發表
E 位服務有 OT, ST, 幼兒訓練, PT等.

作者: kelvin_hmlau 時間: 10-10-29 15:01 標題: 回覆 1# bobolam 的文章

最初, 每週1堂 CSW (幼兒訓練), 隔週1堂 OT, 隔週1堂 ST.
現時, 隔週1堂 CSW, 隔週1堂 OT, 1個月1次ST, 多左 PT and OT (group).

作者: bobolam 時間: 10-10-29 15:50

分開唔同日上csw/ot/st, 定係一日上曬.

原帖由 kelvin_hmlau 於 10-10-29 15:01 發表
最初, 每週1堂 CSW (幼兒訓練), 隔週1堂 OT, 隔週1堂 ST.
現時, 隔週1堂 CSW, 隔週1堂 OT, 1個月1次ST, 多左 PT and OT (group).

歡迎光臨教育王國 (/)