教育王國

標題: 在職媽咪, 有否請補習 [打印本頁]

作者: 甜甜公主 時間: 10-9-22 10:54 標題: 在職媽咪, 有否請補習

請問各位在職媽咪有否請補習老師跟進小朋友的功課, 小女就讀小四, 我每晚回家吃完飯8:15時左右, 開始看功課, 有些她不懂的地方要教, 要改正, 完成時已9:30, 想溫習也沒時間,差不多又是睡覺的時間,我覺自已也很辛苦,每晚也精神緊張似的

作者: YuChing0731 時間: 10-9-22 20:19 標題: 回覆 1# 甜甜公主的文章

女兒今年5年級, 並沒有請補習老師, 1,2年級時好像你, 要常跟功課, check到錯便改和有冇漏做, 結果攪到自己冇哂時間, 個女變得依賴, 咁樣唔踮, 於是由3年級開始由得佢自己做功課, 唔識自然會問我, 亦唔check功課同有冇漏做, 老師改功課錯了自然要改正, 唔想改正自然做功課時會小心點, 要改正的話亦會令小朋友加深印象和了解(因老師會指出怎樣出錯), 兩年來成績比1,2年級好, 責任感亦加強, 是時候要小朋友不再依賴家長了

作者: laiping 時間: 10-9-23 18:13

我個女都是今年四年級,我都喺要返工,但從來都冇請補習老師,一二年級時老公和我都有幫佢對功課,但舊年三年班開始已經冇啦!但她真的會自動自覺,每晚臨瞓前只喺需要問佢做哂功課未,而佢的成績也不錯!
個人覺得女孩子的責任感是較快訓練出來的!而且女仔又較早熟,比較要面,早D放手,俾空間佢成長吧!

作者: MayAh 時間: 10-9-24 11:03 標題: 回覆 1# laiping 的文章

我囡囡而家小二,暫時我覺得未可以放手住, 其實我在九月份嘗試過, 但開學3個星期已欠交, 或欠帶了5次功課或書, 本來我都唔緊張, 覺得這是學習的必經階段, 但老師就好緊張, 打電話來要我跟貼啲, 有時放手都要學校配合, 我會再比多半個學期時間, 會幫她對齊功課, 但就不修改錯處, 一步步放手, 希望三年級時可以好似你哋啲小朋友咁獨立.

作者: BBGirl 時間: 10-9-25 11:20

我都係在職媽媽,我個囡是跟婆婆住的..由二年級開始我已經放手比佢自己跟功課..我同佢講..只要你上堂專心..就唔會有錯漏喇 ..咁當然佢都有錯漏啦...不過我反而覺得小小錯對佢來講係好事..因為lee次錯左..下次佢會記得唔可以再錯...所以我冇專登幫佢Check功課..有時有d功課唔識做..就打電話來問我...好多時一講佢已經知自己睇漏左d咩..好快已經識做...到現在升三年級喇..而家默中文已經唔雖要我專登幫佢溫..都係佢自己攪掂...而分數係我滿意之內...所以我反而輕鬆左...

歡迎光臨教育王國 (/)