教育王國

標題: 自願減班　直資校潑冷水 [打印本頁]

作者: elbar 時間: 10-9-18 19:51 標題: 自願減班　直資校潑冷水

教育局呼籲全港學校自願減班，希望把直資學校亦拖落水，但遭直資學校一方潑冷水。教育局局長孫明揚昨表明，直資學校同樣接受政府資助，未來將與直資學校商討自願減班一事，但直資學校議會則譏諷政府「彈弓手」，指減班影響直資校生存問題，有直資名校亦明確表態不會自願減班。

孫明揚昨日出席電台節目時強調，適齡中一學童人數將持續下跌至二○一六年，「仲有六年要捱」，未來數個月內，將與每間學校或辦學團體商量自願減班問題，並會與直資學校商討，「我哋要同佢（直資）傾，我唔排除我哋會傾到、去做啲嘢。」範圍包括不少名人或前高官心儀的直資學校。

根據《中學概覽》的資料顯示，全港有二十五間直資中學於二○○九／二○一○學年中一級開辦五班或以上。

但直資學校議會主席林建華指政府「彈弓手」，「加經常津貼時，就把直資校放入私立學校體系，唔加津貼，到有事時就話我哋都係受資助。」

這位身兼福建中學校長稱直資學校減班阻力大，較官津校更加複雜，例如該校中一級收取二百人，若減去一班三十人，每年將減少約一百二十萬元資助額，相等於四位教師，「減完後會影響教學質素，辦得唔好、家長唔嚟，生唔生存得到呢？」

促准收內地學生

名校拔萃男書院校長張灼祥表示家長阻力大，「唔係我肯唔肯（減班），係家長肯唔肯？」他建議當局容許本港中學收取內地學生，大幅度解決收生不足問題。

作者: elbar 時間: 10-9-18 19:52 標題: 孫公減班拖直資校落水

唔好忘記直資學校都係接受政府資助……要大家面對問題、同舟共濟！

仲有兩年就退休嘅教育局局長孫明揚，近日為游說中學自願減班大傷腦筋，四處奔波。為促使更多中學參加自願減班，孫公尋日上電台公開發聲，拖埋直資學校落水，話直資學校都係接受政府資助，希望佢哋同舟共濟，一齊減班，讓更多學生流向收生不足嘅學校。不過，奈何直資學校近年愈來愈受家長歡迎，學額競爭咁激烈，肯唔肯減班，大家就要拭目以待喇！

作者: workingmom 時間: 10-9-18 20:20

原帖由 elbar 於 10-9-18 19:52 發表

唔好忘記直資學校都係接受政府資助……要大家面對問題、同舟共濟！

仲有兩年就退休嘅教育局局長孫明揚，近日為游說中學自願減班大傷腦筋，四 ...

Why do we have to cut the student number of popular and successful schools to save those unpopular and poorly run schools?

作者: cman_li 時間: 10-9-19 09:42

原帖由 workingmom 於 10-9-18 20:20 發表

Why do we have to cut the student number of popular and successful schools to save those unpopular and poorly run schools?

Most likely, EDB will implement both strategies --

Cut classes firstly and cut schools eventually with statistics support

歡迎光臨教育王國 (/)