教育王國
標題: 很矛盾，言語發展遲緩，係咪就只教廣東話不教英文？ [打印本頁]
作者: charisma07 時間: 10-9-16 22:54 標題: 很矛盾，言語發展遲緩，係咪就只教廣東話不教英文？
當我未知小朋友是A的時候，有時都會同小朋友講下英文，但當知道佢係A，言語發展遲緩(其中理解力差)，就開始唔敢再教英文住，驚佢消化不來，言語發展更慢。
但係，定了過來後，又覺得唔可以唔學英文，一來我覺得英文係一個很美的語言，另一方上了小學都要面對英語的挑戰。
真有點矛盾，咁大家可有心得分享？有無媽咪唔理三七廿一，繼續施行雙語教學？成效如何？
謝謝﹗
作者: nokia6300 時間: 10-9-16 23:04 標題: 回覆 1# charisma07 的文章
小朋友幾大???
我曾經都有呢個問題,最後都聽st講係唔教英文,就連dog, cat都唔教
阿仔上st時,指住d動物,仔仔講"cat",但st要教返係貓,同時都發現阿仔講貓既時候,係有口肌問題,講唔正,所以,寧願對正下藥先,而家我小朋友追返表達同理解,先係咁意講下abc,都唔係教,仲有大把時間學的,放心!
st說,簡單來講,小朋友有足夠既理解力還更容易掌握其他語言,我自小比阿仔聽英文cd訓,好耐喇....只係習慣,朋友送,沒心要佢學英文歌,但突然發現佢從未唱到d歌仔,一轉返中文兒歌,未夠一個月,就甩下甩下跟住唱,更驚訝是,又播返d英文歌呢,又會唱......
作者: pocoyo123 時間: 10-9-17 00:20
曾經聽過一個教育界的人士講, 香港人學英文的習慣, 一歲唔夠就聽英文歌, 雙語教學, 怎致法文......, 好多好多, 佢話佢見過有一個男仔, 在中國大學讀書, 説得一口流利英語, 就問佢你幾多歲學英文, 佢話我好早就讀英文啦, 係16歲, 另外, 有一個識得7國語言學家, 佢媽媽係係佢6歲前都係用母語, 完全不學外語, 直到6歲后才學外語, 所以話, 學外語其實係唔係你月細學就一定月叻, 佢話要學好一種外語, 先一定要學好母語
作者: someoneelse 時間: 10-9-17 09:03
英文唔係唔教，只係主力響廣東話啫...如果小朋友響中文學校，咁中文既理解及表達一定要行先...同時你亦可以每日或隔日或隔兩日或只在週末時，定一個時間黎教小朋友英文...響香港生活係無可能同英文完全 bye bye 既，ST 只係叫家長主力用中文同小朋友溝通 & 多作訓練...當然亦有 A 仔係雙語都得既，但要係一些高功能的才做到...
另外，如果小朋友主動問起一些有關英文的問題時，家長怎也不能不答吧, right？！只需如實告之便可。放鬆點！
原帖由 charisma07 於 10-9-16 22:54 發表 
當我未知小朋友是A的時候，有時都會同小朋友講下英文，但當知道佢係A，言語發展遲緩(其中理解力差)，就開始唔敢再教英文住，驚佢消化不來，言語發展更慢。
但係，定了過來後，又覺得唔可以唔學英文，一來我覺得英文係一個很美的語言，另 ...
作者: kelvin_hmlau 時間: 10-9-17 10:35
對不起, 我係持相反意見. 我覺得如果佢有能力學, 我點解唔教?
不過每個小孩也不同, 當然由最基本教起.
我的自閉兒四歲多, 他可以對菲傭說: 'I like orange' 等英文短句. 但還不大理解英文問題, e.g. 'What fruit do you like?'.
ST 的任務係令你個仔懂得讀'呢隻係狗', 唔係讀'呢隻係dog', '首先..., 然後..., 最後...'
我諗都要考慮下個仔學英文的策略. 我想問你依家唔教佢英文, 咁係唔係出年教? 定係等佢中文學好短句先教? 定係將來教? 定係將來都唔教?
作者: Capricorn2521 時間: 10-9-17 11:06
我個仔2歲前我地屋企都係講英文多..少少廣東話，後來要上堂訓練就改為大部份廣東話，自己都刻意講一些簡單的中文短句，令佢容易吸收。但後來當小朋友開始說話時，佢都係以英文為主，一段時間後，中英都有講，不過我要佢一係就全句中文，一係就全句英文，漸漸地都係講中文了。我相信你input d 乜比佢，佢就會有乜野output，時間問題而己。而我又吾擔心佢d英文水平，始終有個底，當佢聽返d英文cd，好快又上口了。我同意....要先打好母語基礎..同賣放鬆點吧！:)
[ 本帖最後由 Capricorn2521 於 10-9-17 11:28 編輯 ]
作者: hcily 時間: 10-9-17 13:15
I agree that mother tongue should be taught first as your childl need one language to understand the world.
I use Cantonese to teach my child when I discovered he was language delay with A features. Then when he was about 2.5 years, he became very interested in English words (seems many A child like English), I began to teach him English, but will explain the Chinese equalivent. Now he began to speak English sentences, but all his understanding is based on Cantonese.
作者: pocoyo123 時間: 10-9-17 22:07
本人愚見, 讀外語好唔好都好講天份, 我自己由幼稚園到中學, 都係英文學校, 到今日我自己英文都係唔好, 我都好勤力讀, 但天份係無得強求, 反而我中學后自己讀日文, 就用左好小時間就讀到成績, 所以, 我唔太刻意谷亞仔英文, 當然, 我都有買D英文圖咭比佢讀,但都係一些生字, 佢有時有興趣又會問下我呢個英文點讀, 我覺得咁都OK
作者: angels'mom 時間: 10-9-18 11:14
原帖由 charisma07 於 10-9-16 22:54 發表
當我未知小朋友是A的時候，有時都會同小朋友講下英文，但當知道佢係A，言語發展遲緩(其中理解力差)，就開始唔敢再教英文住，驚佢消化不來，言語發展更慢。
但係，定了過來後，又覺得唔可以唔學英文，一來我覺得英文係一個很美的語言，另 ...
我同你的情況很相似，之前都有同小朋友講英文，之後幾個ST同其他導師都分別話要先學好一個語言，要讓小朋友有一個溝通方法。
不是說不用學英文，而是先學會廣東話，讓小朋友有一定程度才教另一個語言。
我現在覺得我的小朋友可以開始接觸英文喇。
作者: crisma 時間: 10-9-18 23:20
我之前用緊Disney美語世界，現在才開始同佢用廣東話，但佢好鍾意睇Disney美語世界D書同DVD，係唔係要全都收起佢呢????因為佢習慣左每日都睇DVD，我唔比佢睇佢就發好大脾氣，點好呢?????
作者: someoneelse 時間: 10-9-18 23:26
簡單而言，語言 - 係用黎溝通 & 應付日常生活所需....
所以只要你幫孩子分清咩係用黎溝通&生活，咩係用黎娛樂，咁問題就不大了...除有語言混淆的例外...
雖說可以分開不同時段/目的，但如想孩子單一個語言發展快些，另一語言相對當然要減少時間/次數...
有心唔怕遲！
原帖由 crisma 於 10-9-18 23:20 發表
我之前用緊Disney美語世界，現在才開始同佢用廣東話，但佢好鍾意睇Disney美語世界D書同DVD，係唔係要全都收起佢呢????因為佢習慣左每日都睇DVD，我唔比佢睇佢就發好大脾氣，點好呢????? ...
作者: January 時間: 10-9-19 11:01
我見呢個post都吾錯, 大家可睇睇.
http://forum.edu-kingdom.com/viewthread.php?tid=2224361&extra=page%3D3
我家人全講中文, 我同老公英文一般, 用菲律賓工人. 我仔係鬼仔一名, 兩歲半之前只講英文. 我地就佢都講英文. 但越大要講既野越多. 其實吾夠用同埋吾到肉. 始終我地吾係外國返來又吾會移民. st訓練時都建議我地轉返晒中文. 我地當時的起心肝全介, 全句冇英文. 因為用工人吾可能全介, 所以工人照講英文, 我地全中文. 亦叫所有老師同親朋講晒中文.
轉晒中文之後溝通係見到佢進步, 起馬麻麻婆婆都知佢講咩, 去公園玩d小朋友都知佢講咩. 同學仔都知佢講咩. 以前試過有小朋友話都吾知你講咩然後走左去吾采佢. 佢初初返學時亦有咁既情況, 所以佢只同老師傾計.
仔仔所有訓練都係中文, 語言由遲緩追到而家同齡冇遲緩只要加強應對同技巧. 見人講人話, 見鬼講鬼話. 仲不時譯返中文意思比工人姊姊聽. 但佢仲好鍾意英文, 佢大部份時間都係睇英文圖書, 睇英文電視. 英文都算吾錯.
我諗溝通同外語係兩樣野. 要先決定用邊種語言溝通. 外語都要按小朋友興趣天份學習. 好似我仔仔, 即使我地吾用英文, 但佢有興趣佢會自己睇書, 要求睇英文電視.
作者: crisma 時間: 10-9-19 22:59
而家囝囝讀緊ESF K1，係全英嘅國際學校，咁係咪應該轉返普通嘅幼稚園呢????
作者: someoneelse 時間: 10-9-20 10:16
你要先攪清自己心意...睇你放小朋友響 ESF，你原本是打算給孩子走 IS 路的，對嗎？抑或是好像有些家長只想孩子初段有較好的英語基礎，之後還是會轉孩子回本地小學？
連我囝囝(差不多5歲)在內，認識不少小朋友都是讀國際學校的...響香港，有特別需要的孩子如要走全英文路的話，無疑是比較艱辛的...因為一來政府支援很少 (比中文還少很多)，二來坊間服務也不多，三來英文服務一般較中文貴...四來家庭支援要花多倍付出....等等...
等待你回覆！
原帖由 crisma 於 10-9-19 22:59 發表
而家囝囝讀緊ESF K1，係全英嘅國際學校，咁係咪應該轉返普通嘅幼稚園呢????
作者: crisma 時間: 10-9-20 14:43
其實我地真係想比佢一路讀IS，我地鍾意IS嘅教學模式，無奈係佢開學之前先知佢係"自傾"..........我地嘅情況同"January"好相似，正如她所說 "家人全講中文, 我同老公英文一般, 用菲律賓工人. 我仔係鬼仔一名, 兩歲半之前只講英文. 我地就佢都講英文. 但越大要講既野越多. 其實吾夠用同埋吾到肉. 始終我地吾係外國返來又吾會移民".........所以決定要個仔轉番中文，但係我地仍然希望將來佢可以讀IS..................
原帖由 someoneelse 於 10-9-20 10:16 發表
你要先攪清自己心意...睇你放小朋友響 ESF，你原本是打算給孩子走 IS 路的，對嗎？抑或是好像有些家長只想孩子初段有較好的英語基礎，之後還是會轉孩子回本地小學？
連我囝囝(差不多5歲)在內，認識不少小朋友都是讀國際學校的.. ...
作者: someoneelse 時間: 10-9-20 19:54 標題: 回復 1# crisma 的帖子
唔緊要既，最緊要係依家你已有清晰目標，知道要點做，至於日後，要再睇到時情況呢，但無論如何，當孩子已成材，讀什麼學校也可以了！我囝也是由英轉中後再轉英的…依家可以即時中英….但因讀IS，所以英比中好….平心論，囝囝無論中或英都只係普通水平，但夠用於學校學習及與人溝通….
另有一點要留意，亦是我囝曾遇到的一個問題，就係追得達標黎好可能會錯過ESF入學的 window，所以最後如要讀IS的話，很大機會要讀私校。
Good luck!
作者: crisma 時間: 10-9-21 09:53 標題: 回復 16# someoneelse 的帖子
多謝你的寶貴意見，其實囝囝由確診到現在只係一個月，其實目標都未係好清晰，我地只希望用正確嘅方法去幫佢，但我地揾過AP, Step, 協康.................佢地嘅意見都唔同，係lee度D家長亦有不同嘅見解, 究竟咩方法先適合呢?????而家只有"嘗試"..............
作者: kelvin_hmlau 時間: 10-9-21 10:55 標題: 回復 1# crisma 的帖子
十分認同你的睇法. 通常你問10個人, 包括專家, 佢地都會比唔同意見.
自閉症的 Spectrum 好闊, 有d 高功能, 有d 智能普通. 最後都係要睇返你的兒子的程況.
我亦認同另外家長讀IS的意見. 香港主流教育着重閱讀同理解. 這些會係自閉兒的普遍弱項. 擔心小兒會在小學的某一年級倒下(跟不上).
作者: someoneelse 時間: 10-9-21 12:30 標題: 回復 2# crisma 的帖子
勇於嘗試係一件好事...因為世上無一種東西係 fit for 所有人的...我用過好的導師或教學方式，未必適合你小朋友...但家長一定要跟足些，如遇到不合適的，必須立即作出調整 (情況&道理跟請家傭一樣)....而且小朋友響每一階段需要的支援均不一樣，我地要不時作出檢討...多跟導師們查詢/討論孩子狀況及進度吧！在過去日子裡，我也數不清曾為兒子轉過多少個導師/教育中心...甚至連普通的私人英語老師，原來坊間也有不少是混飯食的呢！
當孩子進步到某一程度後，你便會從他過往的訓練中得知，哪種學習模式對他是比較合適/有利的了！
加油！
作者: happyST 時間: 10-9-23 13:38
提示: 作者被禁止或刪除 內容自動屏蔽
作者: angels'mom 時間: 10-9-23 18:08
我很認同happyST的意見，如果日後會在香港生活的話，能夠用廣東話溝通是很重要的。
作者: xixi1218 時間: 10-9-26 17:37
我的情況更複雜，不過我的小朋友應該比你們的都大，他上小一啦。但是頭6年我們都是教他普通話，因為我們工作在內地，而他學說話也慢。今年讀小一了，才知道他是A仔（以前以為他是發展慢），現在他又要學粵語，而讀的小學的中文又是普通話教的，英語又不可能不學。難得他普通話已會說不少，而且他是用普通話思考的，我又不想放棄讓他不說，而在香港我們不可能不說粵語，但我個人又希望他將來能走IS的路，因為傳統學校的學業實在怕他很難跟上。。。。。是不是比你們更複雜和無奈。。。。
[ 本帖最後由 xixi1218 於 10-9-26 17:45 編輯 ]
作者: someoneelse 時間: 10-9-26 21:33
聽說 Kingston IS 係50%普通話 + 50%英文的...老實說，生活響香港，懂粵語當然最好&理想...但如果無辦法子下，你寧願孩子讀不成書或是做香港的一個過客？！我選擇了讓兒子做假鬼佬...只望他能夠順利完成學業...在校內，說英語的孩子要找其他說英語的孩子做朋友一點也不難呀....當你孩子置身當中，他便能找到跟他使用同一語言的朋友/同學呢！粵語便讓他當第三語言吧...試想想其他國籍的孩子來港，他們也是不懂粵語的...自身的語言成母語，英語成第二語言，你估他們的父母有否為孩子們不懂粵語而煩惱？！你孩子懂普通話已是可喜了！君不見坊間人人爭學普通話？！Take it easy 吧！
原帖由 xixi1218 於 10-9-26 17:37 發表
我的情況更複雜，不過我的小朋友應該比你們的都大，他上小一啦。但是頭6年我們都是教他普通話，因為我們工作在內地，而他學說話也慢。今年讀小一了，才知道他是A仔（以前以為他是發展慢），現在他又要學粵語，而讀的小學的中文又是普通 ...
作者: xixi1218 時間: 10-9-27 09:17
請問 Kingston IS 這間學校對收取特殊需要的學生是否比較慎重？？它有支援嗎？它的功課壓力如何？
還有沒有其他類似這種普通話和英語各半的國際學校推薦呢？
[ 本帖最後由 xixi1218 於 10-9-27 09:23 編輯 ]
作者: someoneelse 時間: 10-9-27 14:15
為免誤會，再重申一次，生活於香港，粵語是重要的，但於只可2選1的情況下，暫時放棄也是一個辦法...而且不要看輕孩子，日後他可能可以 master 到更多語言也說不定！
sorry, 我沒研究過這學校 (因為暫時不想囝囝接觸太多普通話)...但認識有其他孩子(有正常&有特別需要)就讀此校....
其實間間學校對收有特別需要的學生也非常慎重的，因為怕校方支援不足，到時累己累人...但細節是怎樣，相信間間要求不同，但肯定的是學校一定要見到家長有誠意，再加父母給孩子於課餘的支援服務要到位，因為這才能確保孩子能在學校生存呢！學校可以做的只是包容、適量的遷就及有限度的額外支援...對一些學習能力較低的，有些學校可以安排影子老師跟孩子一起上課的，費用當然由家長支付...但如果孩子不是太“突出”的話，應不需要此服務...
個人意見，如果孩子自傾情況不明顯，只是學習能力稍遜或言語遲緩的話，家長可先不跟學校提自閉，讓孩子跟學校直接面試，等學校自行判斷孩子的程度，這對孩子比較公平....但如果學校能一眼便看穿的話，家長當然不應隱瞞！
至於功課方面，Kingston Year 1 係有的，但當然比一般本地學校輕鬆很多，這可放心！還有一點，其實家長可考慮讓孩子讀低一級，好給予孩子多點時間追上軌道...很多人不明白這點，一來可以是金錢問題，二來可能是因為政府學位問題...但如果有機會的話，給孩子多一年時間於主流學校打好基礎，一定是有利於日後學習的！試想如果學業有成時，22歲畢業跟23歲畢業有什麼分別呢？！30歲成家跟31歲成家真有分別嗎？！
FYI, 我囝學校是全英的，每天有一節用普通話上的中交課...囝囝讀低了一級(還好他個子較細且生於年尾)...面試時我沒跟學校說什麼，但因囝囝年幼時因沒有語言而曾放棄過學位，所以學校有他有語言問題的紀錄..最後我讓囝囝單獨跟兩位老師面試...結果他被接納了....至今一年多了，從沒聽學校說他什麼。
Good luck!
原帖由 xixi1218 於 10-9-27 09:17 發表
請問 Kingston IS 這間學校對收取特殊需要的學生是否比較慎重？？它有支援嗎？它的功課壓力如何？
還有沒有其他類似這種普通話和英語各半的國際學校推薦呢？ ...
作者: xixi1218 時間: 10-9-27 19:12 標題: 回覆 25# someoneelse 的文章
非常多謝你的這麼詳細的回覆。我的想法也和你一樣，暫時放棄某種語言，不是代表以後都不學。我仔仔的醫生就認為三種語言都可以向他開放，因為畢竟要融入社會。
其實我仔仔已經算是比同級大一點（是年尾生）
ops:" />ops:" />
你小朋友情況應該算幾好喔，學校都發現不到不同，而我仔仔我想可能未必能隱瞞了。。。。。特別是他彈性差，容易固執而發脾氣，在學校情況稍微好一些，但規則就不是太明。
[ 本帖最後由 xixi1218 於 10-9-27 19:32 編輯 ]
作者: someoneelse 時間: 10-9-27 20:29
如果孩子彈性差/脾氣大，那無論你找什麼學校也會有困難，所以你於見學校前，應先行制定好一切支援方法...例如在家中怎麼幫助/引導/開解孩子、現正或將會有什麼校外服務可以幫忙孩子進步、家長對孩子及學校的期望等等...有齊所有答案後，才好去見學校，因為這些都是校方一定會問或查詢的...
另外，如果你不嫌遠，大埔有一IS很不錯的...有 learning support 而且非常小班教學(15人)....你可試試：
http://www.findaway.hk/secondary/school/norwegian-international-school (但其網頁正更新中，要過一兩日才可)
加油！
原帖由 xixi1218 於 10-9-27 19:12 發表
非常多謝你的這麼詳細的回覆。我的想法也和你一樣，暫時放棄某種語言，不是代表以後都不學。我仔仔的醫生就認為三種語言都可以向他開放，因為畢竟要融入社會。
其實我仔仔已經算是比同級大一點（是年尾生）ops:" />ops:" />ops: ...
作者: xixi1218 時間: 10-9-27 22:47 標題: 回覆 27# someoneelse 的文章
多謝噻！！
| 歡迎光臨 教育王國 (/) |
Powered by Discuz! X1.5 |