教育王國

標題: 請問有沒家長了解這家補習社？ [打印本頁]

作者: litterbird 時間: 10-9-16 22:13 標題: 請問有沒家長了解這家補習社？

請問有沒家長了解這家補習社？
位於灣仔軒尼詩道守時商業大廈的言x英文補習社，聽講唔錯，我打電話去查詢時覺得職員態度唔好，有沒家長了解佢地的情况？
謝謝！

作者: MabelSally 時間: 10-9-19 10:52

提示: 作者被禁止或刪除內容自動屏蔽

作者: rr 時間: 10-9-24 23:56 標題: 回覆 1# litterbird 的文章

果度d職員態其差, 電話又打唔通, 要親自上去詢問, 先俾時間學生考入學試, 先要合佢地的收生要求先收, 佢地講明只拔尖, 不補底. 收左後, 由佢地俾時間學生, 無得揀.

不過學費平, 而且口啤不錯, (指學生成績)

以上全是聽人講, 不是親身試過, 可作參考, 我識好幾個小學生係果度補, 我個女好多中學同學係果度補, 捱得住的, 成績都o.k. 不過太部份學生都唔鍾意去果度, 班小鬼叫果度"地獄教室".

真係要睇學生及家長可唔可以接受, 先好去.

rr

[ 本帖最後由 rr 於 10-9-24 23:58 編輯 ]

作者: AAma 時間: 10-9-27 10:01

我朋友囡囡都在這間補, 佢地好多名校生, 我朋友囡囡讀dgs, 其間都停過, 之後讀番又係唔洗點等又比番個位佢, 佢話學費平, 當keep 做練習都幾好. 如果你唔係名校生就等得好耐下喎.

作者: 蘇太 時間: 10-9-29 10:18

原帖由 litterbird 於 10-9-16 22:13 發表
請問有沒家長了解這家補習社？
位於灣仔軒尼詩道守時商業大廈的言x英文補習社，聽講唔錯，我打電話去查詢時覺得職員態度唔好，有沒家長了解佢地的情况？
謝謝！ ...

我個女 N 年前補過，當時 F.1 下學期，又係朋友話好正，所以試下。
其實佢比你入得去，英文水平都唔差，所以個個係佢到補成績都 OK。
到升 F.2，話冇得選時間，只有你就佢，佢唔會遷就你，點都冇得補堂，佢話：比你小朋友去補堂都係冇位坐！覺得自己係消費者，做乜要貼錢受氣？所以 F.2 冇補佢。

**職員態度真係唔好！小朋友冇乜邊個話喜歡係度補，可能多數係家長喜歡，覺得小朋友英文水準 keep 到。

作者: pmamylee 時間: 10-9-29 11:15

阿仔話這間補習社的枱面有好多都俾同學寫上咒罵的字句,可想小朋友心中有幾憎恨這間補習社.
至於個度d老師教學只是一般,佢地全靠份筆記,長遠對英文有幫助,不過d黙書有時就真是"吹毛求疵".
阿仔話個校長係第一天開學時有入課室訓話,佢d英文講得好好聽,好似鬼婆咁,不過d老師講英文就差好遠....

作者: Radar 時間: 10-9-29 16:15

冇得補底點可以叫補習社,不如叫'拔尖社'或叫'操卷社'又或者叫'名校生聚腳社'仲好啦!

作者: MsLuk 時間: 10-9-30 02:13

係呀, 搵得補習社都係希望自己仔女成績進步!我都聽過有朋友話呢間補習社既老師只係一般, 而且服務態度差。佢囡囡都係名校, 但覺得無咩大進步又要受氣, 所以都無繼續讀, 轉左去旺角一間補習社, 好似話補得唔錯, 不過唔記得果間叫咩名。

歡迎光臨教育王國 (/)