教育王國

標題: 今日接放學, 有個KV學生衝馬路, 真危險 [打印本頁]

作者: MelodyLeung11 時間: 10-9-14 15:00 標題: 今日接放學, 有個KV學生衝馬路, 真危險

今日接阿囡放學, 行到理X酒店, 有個KV學生衝馬路, 私家車司機狂響號, 我見到都嚇親, 個小朋友應該讀DORSET, 由工人姐姐帶住, 正在行去火車站方向. 小朋友跑過左馬路, 個工人姐姐先大聲叫住佢. 個學生係男生, 著住運動服, 身形偏瘦. 你地要提醒D工人要睇住小朋友, 唔好掛住傾計.

作者: CarmenK 時間: 10-9-14 23:43

原帖由 MelodyLeung11 於 10-9-14 15:00 發表
今日接阿囡放學, 行到理X酒店, 有個KV學生衝馬路, 私家車司機狂響號, 我見到都嚇親, 個小朋友應該讀DORSET, 由工人姐姐帶住, 正在行去火車站方向. 小朋友跑過左馬路, 個工人姐姐先大聲叫住佢. 個學生係男生, 著住運 ...

唉... 無辦法咖喇, 啲工人姐姐係唔會同你追, 除非阿mum係度啦, 如果唔係, 點會咁欣勤...

作者: fc926 時間: 10-9-16 23:09

我都覺得根德道果邊條路好繁忙,朝早保母車下車個門對住馬路好多車都好危險,只有大校巴才係安全門下車至行人路,比較安全.

作者: dlmcdlcl 時間: 10-9-17 23:05

自己帶仔仔返學都覺得果段路很煩擾, 又多車泊晒響路邊, 成日要"莊" 下先敢過. 何況D姐姐呢, 又唔係佢地仔女, 或者根本"COOL"唔實D少主.

唯有祝班姐姐好運. 少主都醒醒定定...

歡迎光臨教育王國 (/)