教育王國

標題: 多咀嚼硬物對語言發展遲緩有幫助嗎? [打印本頁]

作者: loklok0104 時間: 10-9-14 13:46 標題: 多咀嚼硬物對語言發展遲緩有幫助嗎?

大家有無聽過語言發展遲緩既小朋友，多咀嚼硬既食物是否真係有幫助呢？

有無媽媽可分享成功例子呀？

作者: ttlucky0303 時間: 10-9-14 15:20

我個女細個食野好易嘔, 所以佢食粥食飯仔食到差唔多兩歲, 跟住我就開始俾大舊0的既野俾佢食, 再之後2歲多0的就俾一隻雞翼要佢自己學食, 而家岩岩3歲可以食牛肉乾, 百力滋等,郁多0的個口, 呢排又講多左野啦~~ 仲識投訢細路,話"細路搣佢隻腳"又話"好痛...受傷呀"~~

PS)食百力滋唔好俾佢就咁咬, 你伸入佢大TOOTH個度, 等佢用大TOOTH, 因為而家個0的小朋友好多都唔識用大TOOTH食野, 攪到小朋友好多野都唔識食, 同唔識吞...

作者: SandraLo 時間: 10-9-14 22:51

原帖由 loklok0104 於 10-9-14 13:46 發表
大家有無聽過語言發展遲緩既小朋友，多咀嚼硬既食物是否真係有幫助呢？

有無媽媽可分享成功例子呀？

要視乎佢語言發展遲緩嘅原因.......
如果係口肌弱, 多咀嚼可以强化口肌, 有d 係因為冇講嘢意欲(例如自閉症), 問吓佢個言語治療師, 佢應該會知你小朋友嘅情況！

作者: nokia6300 時間: 10-9-14 23:07 標題: 回覆 2# ttlucky0303 的文章

點樣可以教小朋友食雞翼呢？？？我仔有口肌問題，其他表達理解都可以，已經在家中做很多口肌 training,不過我又冇唸過比佢自己食雞翼呀！

多多指教！

作者: ttlucky0303 時間: 10-9-14 23:23

指教唔敢當, 只係成隻俾佢自己用手拎住自己咬, 由咬至扯開0的肉,成隻食哂, 每次都食2,3隻.
開始你可以用炆薯仔雞翼既"林"度俾佢, 成功感幾大架, 之後可以豉油雞翼, 沙薑雞翼
如果佢唔係好知個技巧, 你可以食一隻俾佢睇, 7情上面, 表現得好好味同讚自己..佢就會學架啦~

歡迎光臨教育王國 (/)