教育王國
標題: 有沒有k2A家長? [打印本頁]
作者: dedaniel 時間: 10-9-12 00:18 標題: 有沒有k2A家長?
小朋友上了K2A常說會俾老師鬧，叫佢寫字寫多行都好驚咁。寫字簿上見老師擦字痕跡，好擔心，小朋友仲好細，沒有愉快學習的感覺，好失望...........想轉校
哪個父母不想仔女好，我唔係縱小朋友的家長，我自己都好明白小朋友係有時要鬧，問題係我覺得班主任想吹噓的教學理念並未見用之於小朋友身上......唉!
作者: bb媽0米 時間: 10-9-12 18:13
我小朋友今年k3啦,佢係返全日班0既,返左學都個多月啦,暫時都仲ok,冇特別問題!
我諗小朋友由k1升上k2係會有出現唔慣0既問題,始終k1返學都係玩同學常規為主,寫0既字都比較簡單,老師對佢地都係哄多過惡,但一上k2之後老師的確會嚴d,因為唔可以當d小朋友好似bb咁哄.
我個小朋友k2之時都有同我講老師鬧,依家升左k3都一樣有咁講,我就話老師都係小朋友唔乖先惡架jei,如果你激嬲媽0米,媽0米都一樣會鬧你啦係0米?最緊要都係睇小朋友鐘唔鐘意返學,會唔會驚俾老師鬧而唔肯返學呢?
我會同自己小朋友講,老師教你識得乖,要做個好孩子,你乖的話老師會錫晒你架啦!之後我會打電話同學校老師溝通返,問下老師亞仔係學校表現係點,係唔係好曳?咁我就可以再同返亞仔講,佢咁樣做唔岩架,老師當然嬲啦!通常亞仔都會明白自己做錯事,跟住都冇特別問題lor!
所以,我建議你要同老師傾下先,睇下小朋友係學校0既情況,因為有時老師發惡,未必係鬧佢,但個小朋友見到老師惡,會誤會左老師鬧梗自己架!
同埋你要同老師講返自己對小朋友0既期望,係想佢開心學習,定要佢寫字靚或者識好多野?因為我諗老師會有個包袱,佢會擔心如果小朋友寫字唔靚或者唔識寫,唔知點同家長交代,又驚家長會投訴小朋友好多野都唔識,校長會怪佢教得唔好之類啦,所以你要同老師講自己小朋友如果寫字唔好,老師要訓練佢多d,定由得佢先,自己會係屋企慢慢教呢?
其實我覺得愉快學習同依家0既教育制度真係幾難並存,我地做家長0既當然希望小朋友係學校開開心心,但開心之餘小朋友又要學識寫字又要學識讀書,老師唔迫小朋友的話,佢地又未必肯自發咁寫字或者寫得好核突,但要老師迫的話小朋友又會唔開心....
老師唔迫唔惡呢小朋友唔知驚就當然開心啦,但老師又驚小朋友學唔到野,到時家長投訴又唔知點算wo....同埋我地見到小朋友返左學都好似學唔到乜野,一樣會好擔心呀!
其實真係幾兩頭唔到岸....
快d同老師傾下先啦!
[ 本帖最後由 bb媽0米 於 10-9-12 18:22 編輯 ]
作者: dedaniel 時間: 10-9-13 22:29
Thanks bb媽0米!
作者: jojoplanet 時間: 10-9-14 10:52
唔可以咁就轉校喎..而家d小朋友太受保護..可能先生只係叫佢地寫好d..佢地就當係閙...你同小朋友傾下啦..先生只係教佢地想佢地有進步唔係閙..
原帖由 dedaniel 於 10-9-12 00:18 發表 
小朋友上了K2A常說會俾老師鬧，叫佢寫字寫多行都好驚咁。寫字簿上見老師擦字痕跡，好擔心，小朋友仲好細，沒有愉快學習的感覺，好失望...........想轉校
哪個父母不想仔女好，我唔係縱小朋友的家長，我自己都好明白小朋友係有時要 ...
作者: hashlulu 時間: 10-9-14 14:27
我都係K2B既家長,今年我都覺得學校好一 般,今日打去問野態度都唔多好.......
作者: 黎料 時間: 10-9-14 16:04
我係E班家長, 或者對上位媽媽講得岩, 始終返K1係玩多過學習...
我都覺得升K2之後老師嚴緊左, 所以相對地我對個女既要求都有所提升, 始終都已經過左1年適應期...
我亦同意另一位媽媽既講法, 感覺上老師好似無咁客氣, 仲好似唔多夠細心, 唔知係咪教K2小朋友真係較高難度
mouth:" />
[ 本帖最後由 黎料 於 10-9-14 16:05 編輯 ]
作者: icecream126 時間: 10-9-14 19:30
不過我就覺得如果打去問野既態度唔多好就真係唔ok.對學生嚴緊同禮貌係兩回事.始終係學校,禮貌都重要,
作者: winwin815 時間: 10-9-15 16:50
我囡囡都係K2B喎, 又唔覺得老師態度上有咩問題喎
作者: 百厭豬 時間: 10-9-15 20:59
請問知唔知點解4點15分就上校車放學呢???
唔係應該4點半先離開課室既??
作者: winwin815 時間: 10-9-16 12:24
我無問點解, 不過你諗下如果一下子十幾架校車4點半比小朋友上車, 最尾個架車離開時可能已經5點啦, 所以早少少安排上校車, 都合理既
校車差不多上晒人離開, 家長接的小朋友4點半前已聚集係校務處門口唱歌架啦
原帖由 百厭豬 於 10-9-15 20:59 發表
請問知唔知點解4點15分就上校車放學呢???
唔係應該4點半先離開課室既??mouth:" />
作者: 百厭豬 時間: 10-9-16 15:23
原帖由 winwin815 於 10-9-16 12:24 發表
我無問點解, 不過你諗下如果一下子十幾架校車4點半比小朋友上車, 最尾個架車離開時可能已經5點啦, 所以早少少安排上校車, 都合理既
校車差不多上晒人離開, 家長接的小朋友4點半前已聚集係校務處門口唱歌架啦
...
作者: 百厭豬 時間: 10-9-16 15:24
原帖由 winwin815 於 10-9-16 12:24 發表
我無問點解, 不過你諗下如果一下子十幾架校車4點半比小朋友上車, 最尾個架車離開時可能已經5點啦, 所以早少少安排上校車, 都合理既
校車差不多上晒人離開, 家長接的小朋友4點半前已聚集係校務處門口唱歌架啦
...
作者: manmanl 時間: 10-9-24 14:46
阿仔係k2a架, 我覺得小朋友返左學個人仔都比以前大個d,咁幾好丫, 吾係bb仔啦嗎.
小朋友功課都有擦過,但係我都覺得呢d吾緊要, 我地都要對小朋友開始有小小要求, 如果吾係點上小學呢? 我覺得老師對寫字都幾嚴,小小出界都被圈.但我接受呀
[ 本帖最後由 manmanl 於 10-9-24 14:48 編輯 ]
作者: tym327 時間: 10-9-27 00:11
我小朋友同樣是k2a, 我同意manmanl的說法!
老師對小朋友寫字是有要求, 我亦接受到!
我會同小朋友講寫出界老師會打圈圈, 之後小朋友自己就知道寫出界老師會打圈圈,好自然自己就會自動修改好了!
作者: bb媽0米 時間: 10-9-27 18:17
我都會比較喜歡要求嚴謹0既老師,k2真係唔同k1,唔可以再羅k1返學好開心架冇咩要求架,用呢個觀念黎睇k2 0既小朋友一定唔得,始終開心學習唔等於放任!
講真我地送小朋友去幼稚園讀書,除左想佢地學課本0既知識之外,最重要係學群體生活同守紀律,呢d野係屋企係學唔到麻,一定要返學老師教先可以,但老師唔嚴的話,小朋友唔知驚又唔會聽話!
k2開始其實已經要為小一打好基礎架啦,k3一開學已經忙於為小朋友報小學同預備面試,所以如果k2個底打得唔好,k3就好難追架啦!
作者: winwin815 時間: 10-10-7 11:15
應該係, 不過我覺得唔會早得太過份, 或者咁講, 無論家長接定校車, 都係咁上下時間停止學習上既活動, 未走既小朋友都係唱下歌咁架啫
原帖由 百厭豬 於 10-9-16 15:24 發表
係咪k1果陣已經係咁架喇?
作者: winwin815 時間: 10-10-7 11:18
agree, 老師打比我同我傾囡囡在校情況時, 都講明會嚴格D, 因為唔再係BB, 再係咁氹氹氶
原帖由 bb媽0米 於 10-9-27 18:17 發表
我都會比較喜歡要求嚴謹0既老師,k2真係唔同k1,唔可以再羅k1返學好開心架冇咩要求架,用呢個觀念黎睇k2 0既小朋友一定唔得,始終開心學習唔等於放任!
講真我地送小朋友去幼稚園讀書,除左想佢地學課本0既知識之外,最重 ...
作者: dororex 時間: 10-10-19 15:37
我都係K2E,有聽過老師鬧佢寫字唔靚...都有D唔開心架,因為老師其實可用其他方法嘛...
另外媽媽們,有否覺得寫中文字的程度去得很快呢,現在要寫手帕了,數字寫到20,英文大細楷一陣寫,.如果因為寫得不好鬧的話,會否因為學校的程度去得快了點呢.我比較過ST CAT,禮賢,啓思,都是FOCUS寫"中.王.土.田.手"等字.
老師有壓力是明白的,態度OK的,但小朋友在幼稚園已有壓力,不是我所想所要了
原帖由 黎料 於 10-9-14 16:04 發表
我係E班家長, 或者對上位媽媽講得岩, 始終返K1係玩多過學習...
我都覺得升K2之後老師嚴緊左, 所以相對地我對個女既要求都有所提升, 始終都已經過左1年適應期...
我亦同意另一位媽媽既講法, 感覺上老山師好似無咁客氣, ...
[ 本帖最後由 dororex 於 10-10-19 20:22 編輯 ]
作者: dedaniel 時間: 11-2-27 23:16
嚴係好! 但要循步漸進，基本筆劃筆順未清楚，不求完成功課、要小朋友自己做、自己明，不是老師做。嚴不是惡、是「守恆」。
原帖由 dororex 於 10-10-19 15:37 發表
我都係K2E,有聽過老師鬧佢寫字唔靚...都有D唔開心架,因為老師其實可用其他方法嘛...
另外媽媽們,有否覺得寫中文字的程度去得很快呢,現在要寫手帕了,數字寫到20,英文大細楷一陣寫,.如果因為寫得不好鬧的話,會否因為學 ...
| 歡迎光臨 教育王國 (/) |
Powered by Discuz! X1.5 |