教育王國

標題: 小一開學後, 情緒有問題 [打印本頁]

作者: tigerkelly 時間: 10-9-10 14:49 標題: 小一開學後, 情緒有問題

Hi 各位 Dad, Mom,

我個女K3時很喜歡返學,  样样事做足100分.  但自從小一開學後情緒有變,  時時悶悶不樂, 每天放学后样子總係唔開心..  問佢点解,  她說上堂時, 很多小朋友頑皮, 很噪,  這令她很煩燥及不能集中精神上課.

她被老師選了做班長, 負責維持秩序,  但大部份同学都不聽話.  擇了其中一人名之后, 那小朋友立即刷掉...她覺得沒辨法維持好秩序是她的責任, 怕老師鬧.

是不是大部份小学都是這样呢? 定還是我個女過份認真呢?  我覺得有啲似逃學威龍間學校咁..

我擔心緊唔知係唔係揀錯學校比佢...

盼賜教

作者: lam1115 時間: 10-9-10 15:07

我囡囡又是這樣呢,心情好差.有一日有個男同學不小心用PEN 點左一點係佢校服,點知返到來喊晒口話,佢肯定有心呀 ~~ 我話你同學或者唔小心呢,唔好甘計較啦好嘛...佢就唔出聲啦.
佢比以前小左說話,成日無拉拉就喊噃..我問佢做咩喊,佢話好驚返小學呀..我問佢點解佢話D 男同學好曳,我話你大個女架啦,要慢慢見不同既人,有乖有曳小朋友慢慢去接受啦 ~~唔好為小小事唔開心啦 !!
其實我知道係升上小一係要有過渡期,但見到其他小朋友開開心心,見到自己亞囡成日喊噃.我個心真係不是味兒架..

作者: JANPCY 時間: 10-9-10 15:12

開學個幾星期之喎.....咁快就要班長負責擇名. 小一學生都需要時間適應課室既秩序, 咁快就叫小朋友擇名, 擇人地名果個又有壓力, 被擇名果個又唔開心....

如果你女因為咁而有壓力, 不妨同老師傾下啦, 問老師班長係咪要負責擇名.

作者: chan803 時間: 10-9-10 18:21

原帖由 tigerkelly 於 10-9-10 14:49 發表
Hi 各位 Dad, Mom,

我個女K3時很喜歡返學, 样样事做足100分. 但自從小一開學後情緒有變, 時時悶悶不樂, 每天放学后样子總係唔開心.. 問佢点解, 她說上堂時, 很多小朋友頑皮, 很噪, 這令她很煩燥及不能集中精 ...

有無同班主任講?

或者同班主任要求唔好做班長住? 不過記得問過囡囡想唔想唔做先.

作者: 粉紅虎 時間: 10-9-10 18:41

囡囡都係小一暫時未發生以上情況, 亦明白大家心情, 近排睇左幾本孩子情緒問題書本, 小小書本上的分享, 希望幫到大家....
當孩子情緒不佳, 聽到父母要自己這樣要自己那樣, 又怎麼可能接受呢? 要真正幫助小孩, 就得先讓小孩平靜下來.
孩子雖然哭個不停,但哭泣絕對不是小朋友的本意, 到這種情況時, 父母要先穩定自己, 要明白往往並不是他們自己想哭, 而且多數情況下找不出原因, 小孩就是一直哭泣, 掌握了小孩哭的這些特別, 才能和孩子的心自然地產共感.

當小孩的情緒不穩定時, 首先要做的確認情緒, 所謂確認, 就是大人對小孩情緒的正確了解.

要這樣對他說 : <是的, 我知道你一點都不想哭, 可是忍不住一直要哭個不停.....對不對? 你也不想哭個不停, 但就是停不下來,對不對?>

說完這些話之後, 如果你能理解這點, 就能把這些話很有技巧地告訴他, 說的時候態度溫柔而認真.

孩子哭泣多半是因為願望沒有得到實現,心裡難過,他們還不懂得控制, 所以一哭就停不了, 一旦大人了解他們的心思, 親切而輕鬆地對話, 他們的心就會不知不覺地開朗起來了.

我個人閱讀後感想.... 我多左從小孩的角度去諗, 細心左聽囡囡講野, 對囡囡溫柔左, 我覺得有好處, 囡囡比之前係好左, 睇多d書真係有羥幫忙.

作者: ken9989 時間: 10-9-10 23:29

提示: 作者被禁止或刪除內容自動屏蔽

作者: happyvalley 時間: 10-9-11 00:37

原帖由 tigerkelly 於 10-9-10 14:49 發表
Hi 各位 Dad, Mom,

我個女K3時很喜歡返學, 样样事做足100分. 但自從小一開學後情緒有變, 時時悶悶不樂, 每天放学后样子總係唔開心.. 問佢点解, 她說上堂時, 很多小朋友頑皮, 很噪, 這令她很煩燥及不能集中精 ...

間間學校都叉唔多，鬼叫學校無權撰學生！所以幼稚園裹同學守規矩，真是會有利有弊的…

我囡小學叉唔多一樣多活躍學生，不過幼稚園同學與生番叉唔多，上到小學就無人事的問題了，還會學懂忍，及用說服。

作者: Whitepine 時間: 10-9-11 10:48

升小一真係一個好大的轉變，小朋友開始要自己去學懂解決一些問題。而家可能要令佢知道你明白佢的難處，問下佢自己的意見，佢自己可能想解決的方法等。或者同佢分享下你自己的感受，令佢明白難題經常都會有，小朋友大左就會同以前面對的事唔同左。

另一方面，你都要同班主任講，當然要預先話比小朋友知，佢同意後才做，有時小朋友可能想自己解決都有可能呀!!

原帖由 tigerkelly 於 10-9-10 14:49 發表
Hi 各位 Dad, Mom,

我個女K3時很喜歡返學, 样样事做足100分. 但自從小一開學後情緒有變, 時時悶悶不樂, 每天放学后样子總係唔開心.. 問佢点解, 她說上堂時, 很多小朋友頑皮, 很噪, 這令她很煩燥及不能集中精 ...

作者: tom911 時間: 10-9-11 10:54

提示: 作者被禁止或刪除內容自動屏蔽

作者: Whitepine 時間: 10-9-11 16:34

唔好禁擔心，呢到有好多家長同你一樣。鍚佢多D，同佢傾多D。大家一齊努力!!!

原帖由 tom911 於 10-9-11 10:54 發表
我大女都係咁，幼稚園好開心，一上小一，就有焦慮，成日驚，又悶悶不樂，呢2日喊到話唔要返學，嗚…希望女女快些適應喇！見到佢咁，又擔心又痛心 ...

作者: fa_fa 時間: 10-9-12 00:36

個個小朋友都會發生唔同問題,
我個囝問題就唔係學校問題,
而係發覺佢自從升咗小學博咀多咗,
叫佢做一樣野或提佢做一樣野,
佢話 : 得啦!唔好講咁多!
仲挑戰你既權威同決定,
話 : 我覺得你咁做唔啱, 俾著我一定唔會好似你咁呀!
每日總係要唔開心收場,

我都唔知點算?
唔知關唔關佢做班長事呢?

作者: Whitepine 時間: 10-9-12 15:06

問題唔係番學唔適應禁簡單!!

可能你地要細心留意下小朋友，佢或者有一些其他問題。

原帖由 fa_fa 於 10-9-12 00:36 發表
個個小朋友都會發生唔同問題,
我個囝問題就唔係學校問題,
而係發覺佢自從升咗小學博咀多咗,
叫佢做一樣野或提佢做一樣野,
佢話 : 得啦!唔好講咁多!
仲挑戰你既權威同決定,
話 : 我覺得你咁做唔啱, 俾著我一定唔會好 ...

作者: panbaby 時間: 10-9-12 16:57

未必一定關做班長事, 有些細佬做班長不知幾開心, 頂咀是很多小孩成長必經之路, 要軟硬兼施.

原帖由 fa_fa 於 10-9-12 00:36 發表
個個小朋友都會發生唔同問題,
我個囝問題就唔係學校問題,
而係發覺佢自從升咗小學博咀多咗,
叫佢做一樣野或提佢做一樣野,
佢話 : 得啦!唔好講咁多!
仲挑戰你既權威同決定,
話 : 我覺得你咁做唔啱, 俾著我一定唔會好 ...

作者: nakoko 時間: 10-9-17 12:59

原帖由 tigerkelly 於 10-9-10 14:49 發表
Hi 各位 Dad, Mom,

我個女K3時很喜歡返學, 样样事做足100分. 但自從小一開學後情緒有變, 時時悶悶不樂, 每天放学后样子總係唔開心.. 問佢点解, 她說上堂時, 很多小朋友頑皮, 很噪, 這令她很煩燥及不能集中精 ...

我仔都係小一又係做左班長,又係要擇人名,佢又冇唔開心仲覺得自己好威咁,有次佢話我知擇某同學名時,該同學即刻擦左佢,我問仔仔點做,佢話再寫返,佢再擦,佢再寫直至佢唔再擦,其實都擔心,驚繼續落去會攪到冇朋友鍾意同佢玩,但咁難得有班長做而佢又鍾意做,冇理由要去同老師講佢唔做喇,人生難得一個經驗,點都要佢繼續既,我諗一個學期完就換新架啦,但我同仔講,不如下次再有同學嘈需要擇名既,試下比次機會佢叫佢安靜先,再嘈就擇你名架喇,anyway,呢d係佢學校裡人際關係上既野,始終由佢口中轉術返黎有幾真確真係唔知,唯有盡量問多d,大家努力

作者: pennyma 時間: 10-9-17 22:56

我個女情緒沒問題,反而係做功課做得好慢,而且學校老師要中文字寫得好正,所以做5至6樣功課要1.5至2小時,有沒有家長可分享另小朋友做功課快些的方法呢?

作者: happyvalley 時間: 10-9-17 23:42

原帖由 pennyma 於 10-9-17 22:56 發表
我個女情緒沒問題,反而係做功課做得好慢,而且學校老師要中文字寫得好正,所以做5至6樣功課要1.5至2小時,有沒有家長可分享另小朋友做功課快些的方法呢? ...

我囡小一慢過妳，當然唔好學我，因為我幫佢做。其實還細姐，到小三就無問題，不過要面對考試會寫得慢，常錯字，低分數…

見過小一精英，佢地寫字好快，計數連加都好快，我囡當時真係無得 Fight！

作者: winniethe718 時間: 10-9-18 09:15 標題: 回覆 15# pennyma 的文章

我小朋友最初讀一年級時做功課都很慢.
就咁抄書都最小抄一小時.加詞語又一小時
他手仔抄書同抄詞語已經很累.仲其他功課呢!所以大家都做到係度發脾氣

我之後同佢定左個時間表.同規則.
每做30就休息10分鐘.但個10分鐘內唔可以看電視.唔可以玩.可以做的是去洗手間.飲水.安靜坐係係度.同閉目養神.
#一定做好功課才可以看電視.才可以玩
5:30食飯,6;00再做功課
9:00就一定要訓.功課做唔晒的話.我會寫手冊給老師知道.因為我有和老師相糧過.如真的太多功課時,我兒會星期六,日補做.

仲有就係平時同小朋友做吓手仔的小肌肉發展.手仔無咁快累,做功課都快D

之後他因為要玩同看電視,很多時食飯前便會完成功課.咁多左好多時間溫書

作者: tinkerbell2004 時間: 10-9-18 11:16

我都有d同感, 覺得佢博咀多咗, 但試吓唔好批評佢太多, 唔好樣樣都話佢 "唔啱", 好似反應好d!

原帖由 fa_fa 於 10-9-12 00:36 發表
個個小朋友都會發生唔同問題,
我個囝問題就唔係學校問題,
而係發覺佢自從升咗小學博咀多咗,
叫佢做一樣野或提佢做一樣野,
佢話 : 得啦!唔好講咁多!
仲挑戰你既權威同決定,
話 : 我覺得你咁做唔啱, 俾著我一定唔會好 ...

作者: tinkerbell2004 時間: 10-9-18 11:19

要用2-3小時做功課, 真係好辛苦!

原帖由 winniethe718 於 10-9-18 09:15 發表
我小朋友最初讀一年級時做功課都很慢.
就咁抄書都最小抄一小時.加詞語又一小時
他手仔抄書同抄詞語已經很累.仲其他功課呢!所以大家都做到係度發脾氣

我之後同佢定左個時間表.同規則.
每做30就休息10分鐘.但個10分鐘 ...

作者: pennyma 時間: 10-9-18 12:30

謝謝大家,我想請教下是否給個女小睡片刻再做功課是否比較好呢?小朋友做咁慢是否平日都沒時間溫習當日所學的呢?

作者: yuenwa 時間: 10-9-18 21:53

我個女舊年小—開學時都話D男仔好曳, 又蝦佢 (都係D幼稚園男同學寵壞佢, 個個當佢係公主!)。

我就話你同老師講啦, 佢話老師唔理。咁我就教佢唔好彩D男仔, 但佢話D男仔仲你騷擾佢。

我覺得好煩, 咁我就鄭重咁同我個女講: 唔好以為自己真係公主, 媽咪唔可以亦唔會跟住你返學, 有問題請老師或自己諗辦法解決。如果真係有人蝦你, 你要想辦法保護自己。

於是我個女過左一排都冇向我投訴, 仲同我講話D男仔約佢早D返學捉棋。

之後家長日我問老師亞女同同學相處成點, 老師話差唔多所有男仔都比我個女鬧過。不過我個女食始終都係個開朗既人, D男仔冇再騷擾佢, 仲好想同佢玩。

哈哈!而家佢D男同學朝早見到我, 會主動叫我auntie 早晨!

各位媽咪, 對於小一生, 社交係最大沖擊, 小學對於幼稚園生真係一個大染缸, 小朋友學左D千奇百怪既事, 唔使擔心, 教佢地分辯是非就得啦!

作者: 曲曲 時間: 10-9-20 10:44

提示: 作者被禁止或刪除內容自動屏蔽

作者: lamlammama 時間: 10-9-21 11:01

各位,

要小朋友重新適應新新環境, 新學習模式, 新朋友, 是需要時間的. 試想想, 有這麼多 "新事物" 湧過來, 是不容易的. 大人們轉工都要時間去適應, 何況小朋友呢.

經過了一日的精神繃緊是很需要放鬆的. 讓他們回家後感到輕鬆和溫暖, 攬攬他們, 錫錫他們. 多點和他們傾談, 放大/強化他們有興趣和開心的事; 正面處理/淡化他們的負面感覺, 慢慢便會好起來了, 小朋友適應能力是很強的.

有本小冊子可以和大家分享. 是很有用又好看的, 我囡囡之前上小一時十分喜歡看:

http://hkparent.tripod.com/p1.pdf

各位小朋友和家長, 加油啊.

[ 本帖最後由 lamlammama 於 10-9-21 11:05 編輯 ]

作者: vee_hei 時間: 10-9-21 13:40

我囝囝上小一後,問他有關學校情形,他也表現得很開心.但晚上就睡得唔好,容易醒.我每天六時起床,無論我幾細聲,他都會醒,跟住就哭,唔想我返工.不過他都明白事理,最後會開DVD給他睇,我就去返工啦.總之就唔肯再睡.
不知是上小一關係,還是換咗姐姐的關係.
以前讀幼稚園都不會這樣,現考慮自己帶他返學後才上班,但也不能每日如是,最多只可做到隔個星期一次.讓他適應後才作其它安排.

作者: fa_fa 時間: 10-9-21 16:48 標題: 回復 5# pennyma 的帖子

如果佢肯瞓應該會好啲，最慘係我個囝3:30返到屋企做完功課唔肯瞓，又唔肯練琴，到我返到屋企食完飯就要改正佢啲功課已8:30，佢就開始話眼瞓冇精神，又練唔倒琴、又温唔倒書，點算？

作者: kikiboy 時間: 10-9-21 17:28 標題: 回復 25# fa_fa 的帖子

8:30咪早囉, 我每晚搞掂我仔D嘢已經係10:00開外咯, 呢個時候我先開始做家務沖涼洗衫, 開學後情緒有問題係我唔係佢.

作者: kay 時間: 10-9-24 15:32

我都覺的情緒有問題係我~~我放工放到屋企都快7點又要煮飯煮完都7:30 之後即刻去奶奶度湊阿女 8點先開始做功課日日都6樣功課阿女做功課又慢日日教佢寫功課我血壓就升高作完功課都10:30啦我又要做家務~救命呀~~~我日日6點起身要到半夜12點先可以訓呀~~又有細個bb要睇
阿女係奶奶度唔肯做功課,奶奶叫都唔做呀,以前k3 日日都有功課但係佢會自己好快做完升小一後日日都話好支力

作者: kikiboy 時間: 10-9-24 17:12

原帖由 kay 於 10-9-24 15:32 發表
我都覺的情緒有問題係我~~我放工放到屋企都快7點又要煮飯煮完都7:30 之後即刻去奶奶度湊阿女 8點先開始做功課日日都6樣功課阿女做功課又慢日日教佢寫功課我血壓就升高作完功課都10:30啦我又要做家務~救命呀~ ...

放鬆d (我識安慰人但唔識安慰自己), 星期一至四有時比一兩日唔好煮飯買外賣食, 教阿女放學返來玩一陣自己做功課, 雖未必做得好好或好齊, 夜晚同佢Check一次, 有錯漏或唔識做再補做就慳返好多時間.
我個仔都叫做識自覺做功課, 但預咗佢會有好多甩漏.

作者: ken9989 時間: 10-9-26 16:21

提示: 作者被禁止或刪除內容自動屏蔽

作者: KenixSoSum 時間: 10-9-27 11:33

我囡囡返頭一個星期都好開心, 但唔知點解, 第二個星期開始, 日日都喊住唔肯返學, 話要媽咪陪。其實我每日都會同佢講學校發生嘅事, 發覺到問題有3. 第一, 佢話覺得d老師好惡, 一個小朋友頑皮, 成班都罰冇得小息, 第二, 有老師在課堂要同學做習作,要所有同學仔做完習作先可以小息, 於是附有小朋友做唔完, 成班冇得小息, 第三, 有老師唔知點解取消了體育課, 改上其他科目。

其實我覺得, 小朋友由幼稚園升小學, 首要是適應學校生活, 如果小朋友未能適應學校生活, 又點可以適應學習生活呢.. 而且開學都只是兩個幾星期, 係咪d課程真係咁趕呢?

原帖由曲曲於 10-9-20 10:44 發表

我女好鍾意返學
有時連星期六日都問點解要放假唔返學
而且佢好鍾意做功課/ 練習
暑假時都會主動做練習

這星期
上堂無心機, 做功課無心機

話又話過, 鬧又鬧過, 打又打過
真係好激氣 ...

作者: happyvalley 時間: 10-9-28 00:37

原帖由 KenixSoSum 於 10-9-27 11:33 發表
我囡囡返頭一個星期都好開心, 但唔知點解, 第二個星期開始, 日日都喊住唔肯返學, 話要媽咪陪。其實我每日都會同佢講學校發生嘅事, 發覺到問題有3. 第一, 佢話覺得d老師好惡, 一個小朋友頑皮, 成班都罰冇得小息, 第二 ...

講現實比妳聽，呢 d 係老師的『下馬威』。學校係商業運作，即係妳小朋友唔比 d 成績學校，就唔好想學校會比 d 好野妳。

作者: 竹葉青 時間: 10-9-28 01:52

完全認同呀!你仔之前間學校咪又係咁,小一咋返第二日就巳返全日正常上課做功課,唔乖小朋友就要比老師隔離孤立佢自己一個坐開,只係一兩星期佢地心靈好脆弱架!仲點叫個小朋友可以投入到學校生活呀!

原帖由 KenixSoSum 於 2010/9/27 11:33 發表
我囡囡返頭一個星期都好開心, 但唔知點解, 第二個星期開始, 日日都喊住唔肯返學, 話要媽咪陪。其實我每日都會同佢講學校發生嘅事, 發覺到問題有3. 第一, 佢話覺得d老師好惡, 一個小朋友頑皮, 成班都罰冇得小息, 第二 ...

作者: KenixSoSum 時間: 10-9-28 10:22

其實我又唔覺得暫時學校比到咩好野我, 因為開學都只係幾個星期. 話係商業社會啫, 佢都要d學生比到成績出嚟,先可以唔會有殺校危機ca....加上囡囡個間又唔係咩名校, 都係屋村學校啫, 如果老師要比下馬威, 我覺得多餘左d囉...... 加上都係得個6歲人仔, 一開始你想佢點呢? 你要佢地一兩日可以完全適應, 咁又係唔係咁容易呢? 其實小朋友好簡單, 只要佢適應學校生活, 信任老師, 往後的學習生活係會事半功倍囉....

原帖由 happyvalley 於 10-9-28 00:37 發表

講現實比妳聽，呢 d 係老師的『下馬威』。學校係商業運作，即係妳小朋友唔比 d 成績學校，就唔好想學校會比 d 好野妳。

作者: happyvalley 時間: 10-9-30 02:10

原帖由 KenixSoSum 於 10-9-28 10:22 發表
其實我又唔覺得暫時學校比到咩好野我, 因為開學都只係幾個星期. 話係商業社會啫, 佢都要d學生比到成績出嚟,先可以唔會有殺校危機ca....加上囡囡個間又唔係咩名校, 都係屋村學校啫, 如果老師要比下馬威, 我覺得多餘左 ...

我囡都係街坊學校，小一的首次考試考閱讀理解，三篇、等如我囡幼稚園的三本書！其實入到學校已經分類，當然會有好學校，有兩年的適應期，但我囡的學校梗定無

作者: SumSumBB 時間: 10-9-30 21:27

原帖由 KenixSoSum 於 10-9-28 10:22 發表
其實小朋友好簡單, 只要佢適應學校生活, 信任老師, 往後的學習生活係會事半功倍囉....

同意！:idea:

作者: littledada 時間: 10-9-30 23:15 標題: 回覆 5# 粉紅虎的文章

很喜歡妳的分享! 對我和小孩很有用!

作者: fa_fa 時間: 10-10-1 22:40

原帖由 kay 於 10-9-24 15:32 發表
我都覺的情緒有問題係我~~我放工放到屋企都快7點又要煮飯煮完都7:30 之後即刻去奶奶度湊阿女 8點先開始做功課日日都6樣功課阿女做功課又慢日日教佢寫功課我血壓就升高作完功課都10:30啦我又要做家務~救命呀~ ...

你可以考慮吓俾亞囡去功課輔導班兩小時,
做完功課先返屋企,
咁你只係同佢check功課就可以節省好多時間啦!
有好多家長都係咁架!

歡迎光臨教育王國 (/)