教育王國

標題: N1 - 一定要屋企附近? [打印本頁]

作者: LPN 時間: 10-9-3 16:29 標題: N1 - 一定要屋企附近?

而家開始幫阿B 報N1, 其實有冇 B 係N1 都搭校車架? D 校車保母係咪真係可以照顧到咁多個BB 架? 因為我屋企如果唔搭車的話, 其實只有一間幼兒園...

作者: 9284 時間: 10-9-3 17:43

其實好多n1主要教o既野, 來來去去都係自理, 顏色, 形狀, 學下群體生活, 小組遊戲, 唱下歌仔, 做下小手工.....等等, 間間學校都係大同小異, 除非你想小朋友接觸更多外籍老師 (pth又好 eng又好), 否則無需特意為小朋友挑選一間特別遠的, 而純粹因為學校的名氣, 小朋友每天長途跋涉返學好辛苦的

作者: iantsang 時間: 10-9-3 22:13

Agree for N1, should choose one that is nearby. Just give the children a chance to get used to interaction with other kids.

作者: kerkermui 時間: 10-9-3 22:51

我當初報咗兩間學校嘅N1
一間係要响屋企行15分鐘, pth/net/戶外操場樣樣有, 課程深, 打算足兩歲就插班
一間係心儀嘅kln tong KG, 因為有開N班, 朋友提我, K1時會無乜位, 好難入
最後, 好好彩, 兩間都收小兒, 而因為老公响學校附近返工, 响老二出世前, 大仔無坐過校車, 由daddy 送返學, 工人接返屋企

我諗, 考慮俾小朋友讀邊間學校時, 要考慮嘅嘢可以多返少少.. 近屋企就當然好, 但係揾到間好學校都好緊要, 最好就當然係搬屋啦!

作者: Freesia_cat 時間: 10-9-4 01:27

我覺得人人的需要不同, priority也不同.

好似我個case咁, 自從我坐完月開始復職後, 我兒就已經每朝跟我過去公公婆婆屋企, 夜晚再跟我返屋企, 每程都要30至45分鐘, 講真我兒已經好慣travel. 所以我在考慮PN時, 我的首要考慮不是距離, 而是學校質素, 通常升讀的小學, 及一間我願意阿仔4年都在這間幼稚園. 而好好彩, 我最心儀的2間PN都收我兒, 而呢2間由我父母家出發約30分鐘車程. 本來我爸希望日日接送我兒返學放學, 但為免他老人家辛苦所以決定乘校車.

我開頭都好擔心阿仔乘校車會怕, 亦擔心跟車褓姆照料不到那麼多孩子. 但結果跟車褓姆都好有經驗, 兒子亦沒有適應問題. 而且講真, 其實都好多PN學生乘校車.

作者: elmolly 時間: 10-9-4 01:41

如果間學係我feel comfortable比小朋友讀4年既話, 距離唔係問題, 因為我一定會搬屋去就佢. 雖然我屋企離舊年返pn間學校只係5-10分鐘車程, 考慮完一輪我都係比我小朋友坐校車, 因為in case打風落雨, 真係想截架的士都難, 而且d工人揍小朋友返放學通常都係邊行邊講電話, 我覺得危險過坐校車.

作者: yankaka 時間: 10-9-9 15:34

距離當然係考慮之一, 不過質素先係重點! 我就簡單d, 囝囝喺嫲嫲接放學, 咁一定係選近嫲嫲家的, 反正未返學時囝囝朝朝都係咁撘車去嫲嫲到, 所以其實分別不大!
其次, 不是你想坐校車就有得坐, 你喺本區ge當然冇問題, 但我住的地方和學校不屬本區, 所以你想撘都冇得撘, 因為冇開嗰條線! 而且N1未必比撘, 因為太細, 怕佢地照顧唔到自己!

作者: bbfonghk 時間: 10-9-9 15:46

如果只係讀N1一年,我會選屋企附近

作者: GAT 時間: 10-9-9 22:29

If got accepted in a desired KG from N1 to K3, of course better than having to go interview for K1 again, where the competition can be strong for famous kinder.

So very much depend on what you intend to go for K1.

And for those good kinder with N1, usually the K1 is more difficult to get in because they will reserve seats for their N1 students.

作者: fanmama 時間: 10-9-9 23:11

阿女依家n1, 剛剛8月尾開始搭校車返學, 車程返學20分鐘, 放學要成50分鐘, 初頭都驚佢唔慣同校車ee照顧唔到, 但so far都ok, 我相信每年有咁多人搭校車, 佢地都好有經驗點照顧小朋友, 唯有信佢地....

作者: KT1028 時間: 10-9-9 23:18

真係1516, 遠又有多好多好學校, 近又無咩好學校, but 亞b 舒服d...

作者: BBCOW2009 時間: 10-9-10 11:03

kerkermui: 請問是哪間kln tong KG 有N班?

原帖由 kerkermui 於 10-9-3 22:51 發表
我當初報咗兩間學校嘅N1
一間係要响屋企行15分鐘, pth/net/戶外操場樣樣有, 課程深, 打算足兩歲就插班
一間係心儀嘅kln tong KG, 因為有開N班, 朋友提我, K1時會無乜位, 好難入
最後, 好好彩, 兩間都收小兒, 而因為 ...

作者: 小曳人 時間: 10-9-10 15:52

原帖由 BBCOW2009 於 10-9-10 11:03 發表
kerkermui: 請問是哪間kln tong KG 有N班?

keenmind, hkps, think, creative, 迦南, 基督教中心tutor time...
前面嗰幾間較熱門

歡迎光臨教育王國 (/)