教育王國

標題: 點解小朋友唔鍾意練琴？請家長來分享。 [打印本頁]

作者: 音樂人長老 時間: 10-8-28 09:05 標題: 點解小朋友唔鍾意練琴？請家長來分享。

香港學琴途徑多，家長又肯俾錢學，最大問題係小朋友唔鍾意練琴。我姪仔無學琴，佢話佢唔抗拒學，但要彈到一首喜歡樂曲就要花時間練，唔可以即刻彈到，所以佢寧願打機。請問妳哋小朋友係咩原因唔鍾意練琴呢？

作者: miffy 時間: 10-8-28 09:41

提示: 作者被禁止或刪除內容自動屏蔽

作者: 音樂人長老 時間: 10-8-28 21:17

唉，練得好就要考試，唔練就考少一樣，難怪小朋友唔想練，有幾多小朋友會話自己好鍾意考試，學校己經成日考啦

。

作者: lam-10 時間: 10-8-28 21:58

我自己都係教琴,我都好想知點解!

講真學生唔練琴,其實老師都辛苦

作者: appleycma 時間: 10-8-28 22:39

練琴=做功課,有邊個小朋友鍾意做功課??

作者: 音樂人長老 時間: 10-8-29 08:42

難怪有家長俾錢請陪練姐姐或哥哥，好似家長俾小朋友返補習社咁，睇實先肯做功課

。

作者: hhma 時間: 10-8-29 10:05

一直覺得, 學琴=讀多科
我估, 100個小朋友都無1個話中意練琴
其實老師們自己細時中唔中意練琴呢? (不是挑釁, 我真的想知道)

作者: katherinelam825 時間: 10-8-29 10:53

原帖由 hhma 於 10-8-29 10:05 發表
一直覺得, 學琴=讀多科
我估, 100個小朋友都無1個話中意練琴
其實老師們自己細時中唔中意練琴呢? (不是挑釁, 我真的想知道)

我好勤力練琴嫁, 細個有得學琴見到部琴已經好開心喇, 亦都好專心, 就算屋企人游乾水我都可以照練

邊度似得依加d學生, 對住佢地真係火都黎

作者: 豆豆媽媽123 時間: 10-8-29 12:56

如果老師懂得令小朋友喜歡彈琴就令作別論。因為小朋友如果只是為考試練琴就很容易有壓力。

如果小朋友彈的是他們喜歡的音樂通常他們都練琴。我通常就合我的小朋友一起練琴所以so far都ok.

作者: 音樂人長老 時間: 10-8-29 21:02

原帖由 hhma 於 10-8-29 10:05 發表
一直覺得, 學琴=讀多科
我估, 100個小朋友都無1個話中意練琴
其實老師們自己細時中唔中意練琴呢? (不是挑釁, 我真的想知道)

我N年前學琴唔容易，屋企附近得一間琴行，私人老師要排隊等位，上門就更加少，學費同琴書都貴，阿媽俾親戚話學來做咩，所以唔使阿媽開聲都會自己練。而家老師要就小朋友時間，上完堂要俾貼紙，唔讚佢就唔開心，但真係讚唔落囉。

作者: IRON 時間: 10-8-29 21:30

我個仔會自動自覺, 佢今年初仲要求考試(點知阿媽唔記得去銀行入$), 我總結左原因係:

*唔理佢彈得岩唔岩(查實阿媽都唔識), 我都會掌聲鼓勵;
*由佢彈想彈既歌, 佢買左本譚校長既歌譜, 彈完老師既/考試既就自由發揮;
*第一年唔買琴, 下下去琴行先有得彈, 等佢知道要珍惜機會.

作者: Sindy 時間: 10-8-30 00:27

原帖由 音樂人長老 於 10-8-28 09:05 發表
香港學琴途徑多，家長又肯俾錢學，最大問題係小朋友唔鍾意練琴。我姪仔無學琴，佢話佢唔抗拒學，但要彈到一首喜歡樂曲就要花時間練，唔可以即刻彈到，所以佢寧願打機。請問妳哋小朋友係咩原因唔鍾意練琴呢？ ...

咁你d學生係點解唔鐘意練琴丫?不如講下跟你點好仲好啦

作者: miss321 時間: 10-8-30 00:37

其實鐘唔鐘意練琴都睇學生自己，有D會自動自覺, 有D又叫先識去練。同意學琴=學多科，要俾心機同時間先有成績，細路個個都想玩唔溫書，有家長適量的監督就可。
我細個會自動自覺，定時定刻練琴，因為好怕個琴老師，亦明白學琴係要努力的。(當時我只學鋼琴一樣，所以較專注)，而家細路周身刀，其實要練琴的確難事，不過選擇得學習，我覺得就要取捨玩樂時間，唔可以期望唔練琴又彈得好。

作者: katherinelam825 時間: 10-8-30 01:13

原帖由 Sindy 於 10-8-30 00:27 發表

咁你d學生係點解唔鐘意練琴丫?不如講下跟你點好仲好啦

係, 我都有同感。呢個問題你唔係學生身上搵答案咩??

個個學生都係一個獨立個體, 佢地俾既答案多多少少都會有出入

作者: ha! 時間: 10-8-30 08:23

提示: 作者被禁止或刪除內容自動屏蔽

作者: 音樂人長老 時間: 10-8-30 09:09

因為我嚟緊會喺個工作坊touch on 呢個問題，我想收集多啲資料。

我本身只教好少學生，因我另有專業工作，我啲學生大部份都自己練，有一兩個係懶或只鍾意彈兒歌，我一俾兒歌佢彈，佢就自己苦練，連佢媽咪都跌眼鏡。

作者: reneeleung 時間: 10-8-30 17:10

提示: 作者被禁止或刪除內容自動屏蔽

作者: ew911 時間: 10-8-30 21:57

我都教琴,更有教自己囡囡。我覺得小朋友係時要鼓勵，時要嚴（當基本功有問題，我會嚴勵指出錯），不要與其他小朋友比較，當囡囡有進步，有會開心與囡囡分享及鼓勵。大家都會開心好多。小朋友會更有興趣學多點。

作者: dlmcdlcl 時間: 10-8-31 14:16

超同意你所講既 POINT 3

我個係都係咁, 佢直程話, 你唔好幫我數拍子, 我想彈自己鍾意既野....所以我都CUT左佢, 冇謂傷感情.

原帖由 miffy 於 28-8-2010 09:41 AM 發表
除天份外, 幾個原因:

1. 家長規定每日都要練幾耐琴
2. 家長規定練邊首歌
3. 家長再在旁邊指指點點: 邊度太快, 邊度太慢, 拿又彈錯....你有無聽老師講架, 煩都煩c
4. 年年考琴, 不停彈來彈去都係幾首考試歌/ scales ...

作者: 音樂人長老 時間: 10-8-31 20:34

同意，而家啲小朋友無耐性數拍子，妳叫佢數好啲，佢會回敬一句「好煩」。我姪仔學咗兩年後停咗。

作者: 已刪除用戶 時間: 10-8-31 20:47

大件事!
1,2,4我都唔中, 3就中左

無辦法, 我會嘗試控制下自己........

彈琴都仲ok, 點衰都有個譜, 練小提琴至弊! 又要企又要夾仲要repeat30次都未必拉得準, 對於D以為自己睇譜好勁既小朋友(呢....學過琴果D呢)簡直係無間道--無盡既折磨

原帖由 miffy 於 10-8-28 09:41 AM 發表
除天份外, 幾個原因:

1. 家長規定每日都要練幾耐琴
2. 家長規定練邊首歌
3. 家長再在旁邊指指點點: 邊度太快, 邊度太慢, 拿又彈錯....你有無聽老師講架, 煩都煩c
4. 年年考琴, 不停彈來彈去都係幾首考試歌/ scales ...

作者: 音樂人長老 時間: 10-8-31 21:44

我以前學琴阿媽無理我點練琴，反為我驚下個月佢仲肯唔肯交學琴費。

隨時無得學先懂得珍惜機會。

作者: fong媽 時間: 10-8-31 22:42

原帖由 miffy 於 10-8-28 09:41 發表
除天份外, 幾個原因:

1. 家長規定每日都要練幾耐琴
2. 家長規定練邊首歌
3. 家長再在旁邊指指點點: 邊度太快, 邊度太慢, 拿又彈錯....你有無聽老師講架, 煩都煩c
4. 年年考琴, 不停彈來彈去都係幾首考試歌/ scales ...

呢幾樣我都無做, 基本上由得佢
但問題係我個女都係唔鍾意練琴

作者: erica_joyce 時間: 10-9-1 00:06

我覺得父母的involvement很緊要。我有個朋友她的小朋友在學長笛，她和她老公就輪留和小朋友一起吹。她說現在小朋友也很喜歡上長笛課和在家練習。

我覺得練琴都是一樣。如果小朋友覺得爸爸媽媽跟她一起練琴會開心得多。

作者: 音樂人長老 時間: 10-9-1 23:03

家長抱有正面態度對培養小朋友興趣影響好大，如果要練樂曲有歌詞，可以花少少時間幫仔女和唱，咁會提高佢哋練習動力，唔好怕唱得唔好聽，小朋友唔會介意，最重要係參予。

作者: suveve 時間: 10-9-28 02:32

我做學生的時候又逃課又唔練琴，現在做老師了遇到一個練琴既學生好似執到寶……遇到唔練琴既就好似遇到知音，哈哈哈

作者: lillymarie 時間: 10-9-28 12:34

我兩個仔好鍾意學琴, 話彈琴既時候好開心. 但佢地一樣唔會自動自覺去練琴, 要我set定一個時間, 而且講好練幾多分鐘, 一夠鐘就收工.
我都有問佢地點解會有咁既表現? 佢地就話覺得練琴好辛苦. 呢個我都同意, 我自己都學過琴, 真的幾攰. 另外, 佢地就話有時歌仔好難, 唔識練, 咁我都明白小朋友遇到困難會想逃避. 最後就係驚被我鬧:) 咁我唯有收下火啦, 哈哈!
我個大仔都試過叫我走開, 話我令佢好緊張. 咁我咪走開囉, 上網去親子王國好過啦! 佢搞唔點, 請我幫我先幫佢, 咪整到自己咁cheap. :;pppp:

作者: 音樂人長老 時間: 10-9-28 23:12

我姪仔都話學琴無所謂，但唔鍾意練，特別係自己想彈要好耐先練到，佢無咁耐性，打機容易好多，一打就識。

歡迎光臨教育王國 (/)