教育王國

標題: 急急: 請介紹保姆車: 賞湖居上落車 [打印本頁]

作者: 臣媽 時間: 10-8-27 21:29 標題: 急急: 請介紹保姆車: 賞湖居上落車

今日先收到料話校車七點上車, 太太太早喇!!!!

有冇其他公司介紹吓啦

作者: 樂B媽媽 時間: 10-8-28 01:00

唔係掛?? 七點, 賞湖居

我住元朗都係 7:15~~

原帖由臣媽於 10-8-27 21:29 發表
今日先收到料話校車七點上車, 太太太早喇!!!!

有冇其他公司介紹吓啦

作者: hkangel89 時間: 10-8-29 16:14 標題: 更正

今年校車真有一些問題，可能校車不足，我在天水圍上車，也要七時十分上車，有冇攪錯，帶小朋友遊花園﹗我有朋友的小朋友在九龍讀書，也只需七時上車。如果沒有單一校車公司能提供好服務，校方不如開放給多一間公司，有競爭可能有進步。

[ 本帖最後由 hkangel89 於 10-8-29 16:24 編輯 ]

作者: GCH 時間: 10-8-31 11:39

我都係元朗上,我係教育路,上年係七點五,今年都要七點上車呀,問返佢話學校行八達通入校園,為咗分流所以叫校車早d,佢地又話諗住小朋友返到學校有時間上洗手間休息下,所以又再早d,希望七點半到送小朋友返到學校呢!聽完佢個解釋,我都無乎,之前個仔仲可以七點起身,而家個仔要六點半就起身,拿拿臨食早餐後走人呢

作者: tswmum 時間: 10-8-31 14:51 標題: 上校車時間太...早, 不合理

我阿女都係賞湖居上車, l校車公司話要用大巴, 每架50幾人, 唔夠車, 無保母車, 我地係第2個站上車, 有排遊花園, 實在安排太過份, 7點上車, 跨區上學都唔使甘早, 舊年校車公司拿唔到學校合約, 就可以安排多部保母車做生意, 今年接到學校合約, 就只顧公司利益, 不理學生需要, 實在太...過份, 已向學校投訴, 負責老師譚老師說已收到多宗投訴, 校長會與校車公司開會, 希望能爭取合理上車時間, 各家長可向學校反映, 用家長力量向校車公司施壓.

作者: cutecathy88 時間: 10-8-31 17:19

咁想問下有冇人知麗湖要幾點上車??

作者: GCH 時間: 10-9-1 23:14

我今日再問返個車上保姆,佢支吾以對,到最後都講唔到比我知點解要咁早,我懷疑呢間公司可能另有一間學校訂單,佢要走兩轉,所以將李小既時間提早咁多呢!

我尋晚搵返上年個校車司機,佢話佢地無得入校園,亦唔可以出聲,叫我同學校反映,睇多一段時,若再無提早就要求學校比街車入校園(情況如上年既盈泳一樣),咁佢就可以安排行家接李小既學生呢!

唉,真煩

作者: 家熹媽咪 時間: 10-9-2 23:04

原帖由 cutecathy88 於 10-8-31 17:19 發表
咁想問下有冇人知麗湖要幾點上車??

Cathy:

麗湖今年早左10分鐘上車呀, 2座上車時間為7點20分~

歡迎光臨教育王國 (/)