教育王國

標題: 想請教I 位和 E位? [打印本頁]

作者: HMA 時間: 10-8-20 17:51 標題: 想請教I 位和 E位?

在另一文章看到 : I位是在普通幼稚園上課, 只係會多左1對1訓練服務, 約一個星期一次.想請教1對1訓練是否有斉3T (ST, OT和PT)? 每次有幾長時間?

如在E位, 是否都是一個星期一次? 是否都有斉3T (ST, OT和PT)? 每次有幾長時間?

謝謝!

作者: sharon26788 時間: 10-8-20 19:02

如果再俾我選擇一次,我一定唔會再要I位,因為E位會學到多好多野.I位果時,每日返學只有半個鐘既學野時間,浪費其他在校時間,我囝果時坐唔定,咁就一定聽唔到教既野;雖然E位可能每星期得一次或兩次,但係三T都齊,可以學到點樣教小朋友,返屋企自己都可以跟到足D囉.

作者: BeBe媽媽 時間: 10-8-21 15:03

乜原來E位會好過I位架?
我唔知有得簡,已經接受左I位,9月要番學喇....乜番I位學咁小野架咩?每日得半個鐘?係指邊方面呢....個老師同我講,言語治療就每2星期1次,好似每次1個鐘....心理方便,唔記得一個月定兩個月一次.....咁仲有校內唔係都會有野學架咩?
已經接受左I位咁點算呀?

作者: overcomer 時間: 10-8-22 01:09 標題: 回復 3# BeBe媽媽的帖子

平日緊係有嘢學啦, 係同其他小朋友融合上堂嘛, 到特別訓練時先抽佢出來, 即係佢所謂O既半小時。那位媽咪O既意思係, 佢小朋友O係大班時唔專心, 就好似冇嘢學到咁, 上咗等於冇上, 到抽佢出來訓練先學到嘢。其實平時係同其他小朋友一齊上堂的。

I位言語治療係每2星期1次,每次半小時, 唔係1個鐘。如接受咗I位, 咁唯有讀住先, 轉都要時間, 你又要搵評估中心醫生評估, 社工辦手續先得。跟著要E位有空缺先會俾你轉到。

除了ST外, I位平時都係兼收老師訓練, 冇個別OT。E位就樣樣齊。之於幾耐一次, 就視乎小朋友需要, 如係協康上, 一般係ST和OT都係2星期一次, 每次50分鐘。幼兒導師訓練則每星期一次, 每次50分鐘。但當然要按小朋友實際需要調節。

[ 本帖最後由 overcomer 於 10-8-22 01:17 編輯 ]

作者: mangocat 時間: 10-8-22 09:06

i 位是有ot 的, 半年一次, 主要是set 訓練目標, 由學校i 位老師個別訓練時跟進, st 是每2星期一次 , 每次半小時, 家長可參與

作者: BeBe媽媽 時間: 10-8-22 11:43

我仔之前排E位....我估起碼出年先有位呀!
點知評估後建議I位,我仲以為咁會好D......9月要番I位了(前後都都係等左半年),到時亞仔2歲2個多月大囉.
其實我仲未好清楚到時有乜額外訓練,乜野係OT/ST/等等....因為無人可以話我知,老師講解時,我又無理由攞支筆寫底嘛.
通常都係上嚟呢度+上網睇囉.

作者: midcocc 時間: 10-8-30 01:50

sharon26788

點間咁講??你呢間唔好嗎?I位咩唔係全面D,學多D嘢??

作者: milk323 時間: 10-8-31 14:52

我個仔就入I位, 一來有位我唔想再等, 驚錯過佢O既黃金時間, 二來我兩公婆都返工, 好難長久個個星期請3個下晝陪佢上堂...., 三來佢情況都唔係好差, 之前都係返一般NURSARY, 都唔至於完全學唔到野.....

O岩唔O岩你視乎你家中情況, 如果你有時間同埋有心機教, E位就真係多D 野學. I位的職業治療同兒童心理學家都係CONSULTING的性質, 係語言治療會REGULAR + 單對單上, 家長都係可以一齊JOIN語言治療.

作者: midcocc 時間: 10-9-5 23:38

hi

E位真係咁好???
我是家庭主婦,囝囝是I位K1,(社工安排的).

歡迎光臨教育王國 (/)