教育王國

標題: 初次返學問題... [打印本頁]

作者: hinjiwong 時間: 10-8-20 13:09 標題: 初次返學問題...

請問各位家長遇到小朋友返稚兒園大哭.
發惡夢應怎樣處理??
應唔應該唔讀????

作者: kerkermui 時間: 10-8-20 14:21

當然係繼續返啦!
你放心喎~多數都喊架喎!
爭在喊幾多日, 有d仲好笑, 見到人喊, 自己又喊埋一份!

作者: chowqv 時間: 10-8-20 20:58

喊就一定有啦。你放心，樓上講得岩，係差要喊幾多日。不過你真係覺得好唔得既，就同學校老師講下。至於發惡夢，係因為日頭既活動刺激左佢，你試下拍下佢就無事，放左學就唔好再玩得咁瘋，同埋飲食清淡D，應該都ok。

作者: hinjiwong 時間: 10-8-21 00:28

佢唔止喊呀,佢老師話佢喊完就會吐,叫佢喊唔好食奶,
佢聽完知後記起個心度,發開口夢果時講咗出嚟~~
佢好似好大壓力.....
如果唔讀,係咪今年唔讀n班呀????????????
thanks all~~

作者: chikkee 時間: 10-8-21 01:09

我仔都係咁, 今日第五日返學, 一見到個校門已經開始"奀奀"聲, 好似樹熊咁攬住我唔肯落地, 我覺得自己好似好殘忍呀

作者: hinjiwong 時間: 10-8-21 23:55

佢現在一提起"返學"呢2個字就大喊啦!!!

作者: winwinchu 時間: 10-8-22 22:58

我個仔自己返左6日學，日日都有喊！仲要差不多喊足三個鐘。好心痛！

作者: hinjiwong 時間: 10-8-23 18:51

我放棄啦,連老師都叫我唔好返!!!
點算呀???仲試唔試其他學校n班???

作者: Smallpigbb 時間: 10-8-23 20:21

講真真係睇個小朋友喊幾耐o家，我個女咪就係好似恐龍媽o甘講囉，佢開頭第一日自己行入課室無喊仲同我講bye bye o添，但入到去見到好多小朋友大喊大叫亞媽佢咪又跟囉，o甘我學校個老師都每日打俾我跟進，喊咗3日，我就有講足三日故事俾佢聽o甘就ok喇。

其實老師有問我個女鍾意邊do野玩，我都有同老師溝通，唔知道係咪o甘佢就好快無喊，不過我都想問點解老師會o甘快話放棄叫你個小朋友唔好返，我女o個班有個小朋友喊足2個月老師都無放棄佢呀。

[ 本帖最後由 Smallpigbb 於 10-8-23 21:18 編輯 ]

作者: vicjo 時間: 10-8-24 09:14

我個仔頭一日自己返學喊，之後兩日無喊，第三日之後有喊...都唔知點解??

作者: winwinchu 時間: 10-8-24 15:11

阿仔仲係勁喊，而且仲好大聲，打擾埋老師上堂，更加令到其他小朋友都喊。我囝囝成日話要走。老師提議不如試下坐校車。但其實我地唔想，都唔知點算好。

作者: fishballbaby 時間: 10-8-24 15:56

吓，才剛剛開學，一般學校都會叫家長比多D時間個小朋友試，又會咁快放棄? 叫個小朋友唔好返? 既然學校咁講，即是佢哋都冇信心湊你既小朋友，就算你繼續試，你都唔放心喇! 不如你試吓第二間喇!

原帖由 hinjiwong 於 10-8-23 18:51 發表
我放棄啦,連老師都叫我唔好返!!!
點算呀???仲試唔試其他學校n班???

作者: fishballbaby 時間: 10-8-24 15:59

winwinchu

要佢自己坐校車可能仲驚喎! 你依家係唔係自己接送放學呀?

原帖由 winwinchu 於 10-8-24 15:11 發表
阿仔仲係勁喊，而且仲好大聲，打擾埋老師上堂，更加令到其他小朋友都喊。我囝囝成日話要走。老師提議不如試下坐校車。但其實我地唔想，都唔知點算好。 ...

作者: winwinchu 時間: 10-8-24 16:55

[quote]原帖由 fishballbaby 於 10-8-24 15:59 發表

winwinchu

要佢自己坐校車可能仲驚喎! 你依家係唔係自己接送放學呀?

[/quote
係呀爸爸送返學，爺爺接放學。我而家勁煩，都唔知可以如何？

作者: Smallpigbb 時間: 10-8-24 17:18

其實我都係聽D同學仔媽媽講o既，不過我自己就無試過不過佢o地就work囉，有時小朋友喊住唔返學，有機會係因為爸爸媽媽送返學佢o地咪會喊得緊要D，所以佢o地就試過叫姐姐送返學，可能小朋友知道姐姐送就無得扭爸爸媽媽o甘就無喊或者無喊得o甘緊要，唔知道幫唔幫到大家，有同學仔媽媽試過係好work。

作者: winwinchu 時間: 10-8-24 18:37

做父母面對呢d問題，真係好煩惱！想著佢返學是一件開心的事，怎料反令佢咁抗拒。

作者: hinjiwong 時間: 10-8-25 16:32

佢唔單止喊呀,仲吐!而且返到屋企仲好唔開心,一星期輕咗2磅,瞓唔到覺,瞓著2個鐘就會發惡夢醒!!老師話佢好大壓力呀,我覺得D老師太悪,佢返playgroup好開心呀,而且佢1歲已開始自己返,仲會同媽咪講bye bye...現在我想同佢去方
方playgroup,一星期返3堂,唔知好唔好???
thanks all~~~

原帖由 Smallpigbb 於 10-8-23 20:21 發表
講真真係睇個小朋友喊幾耐o家，我個女咪就係好似恐龍媽o甘講囉，佢開頭第一日自己行入課室無喊仲同我講bye bye o添，但入到去見到好多小朋友大喊大叫亞媽佢咪又跟囉，o甘我學校個老師都每日打俾我跟進，喊咗3日，我就有講足三日 ...

作者: amylam001 時間: 10-8-25 16:53

quote]原帖由 hinjiwong 於 10-8-25 16:32 發表

佢唔單止喊呀,仲吐!而且返到屋企仲好唔開心,一星期輕咗2磅,瞓唔到覺,瞓著2個鐘就會發惡夢醒!!老師話佢好大壓力呀,我覺得D老師太悪,佢返playgroup好開心呀,而且佢1歲已開始自己返,仲會同媽咪講bye bye...現在我想同佢 ... [/quote]

咁我又覺得OK..可能佢真係未READY好... 我可能可以考慮吓...

作者: winwinchu 時間: 10-8-25 19:12

方方playgroup唔錯的，我仔仔之前都有返開。

作者: mayleeym 時間: 10-8-26 00:19

不如我講吓我囡囡,佢歲半先開始返Playgroup,一星期一次(有媽媽陪),平時99湊除帶她去買餸外好少出街,放假我同我先生有帶佢去街,佢除咗我,先生,奶奶都好少肯比人抱,佢都幾痴身架,我地都驚佢返n班會喊得好勁同好難適應,我地大約返學前幾個月買咗本"第一天上學去"既書比佢睇,成日同佢講返學好開心架.

佢第一日返學時竟然無喊,仲望住d喊既同學仔,第二日有少少喊,放咗兩日假,到星期一返學時無喊入到課室見到同學仔喊佢又喊仲要喊到唔收聲,跟住星期二至四入學校時都有喊比老師抱入課室,不過唔係勁喊,到星期五全日都無喊,再到星期一二無喊不過之前同而家都會成日問住老師媽媽同嫲嫲係邊呀???老師答咗佢佢就無事,繼續上堂或者玩.

我覺得真係好睇間學校同老師既經驗,初頭返學mama陪兩日返1.25hrs,自己返兩日1.5hrs,返2hrs一個星期,跟住就返正常時間3.5hrs,但係老師會睇番學生既適應程度,來決定個別學生既放學時間,我個囡由8月10日開始返學,到今日25號老師講佢差不多完全適應,我覺得佢地都好有心機,唔會因為你個囡喊得勁而叫你唔好返學,仲會成日叫你唔好擔心,一定要繼續比佢返,同成日同我地溝通點樣會令到d學生快d適應,校長仲話唔好因為佢喊而唔比佢返,同唔好講大話講去街其實係去返學.

初頭我都好擔心,因為睇到囡囡返學唔係好開心,因為要同家人分離,但係之後見住佢慢慢適應真係好開心架.

另外我個囡有個同學仔之前返學都有喊到嘔,而家返學見都佢都不知返得幾開心.

作者: Emilyslng 時間: 10-8-26 12:36 標題: 回覆 1# mayleeym 的文章

提示: 作者被禁止或刪除內容自動屏蔽

作者: winwinchu 時間: 10-8-26 13:49

這兩天終於好多了。我有同仔仔在屋企玩老師同學遊戲原來真係有用架。希望接著下來都會繼續好下去。

作者: angel_soso 時間: 10-8-26 13:58

我個女都返學返左第四個星期的啦，但每日起身都話"唔好返學學"。喊住唔肯換校服，返到學校附近就抱住我唔放，唔想返學，一入學校門口就扁嘴，喊。上星期就每日都喊到嘔，仲要一日嘔幾次。

到夜晚睡覺時又同我講，明日唔好返學學，眼有淚光，真係好心痛呀。
唯一開心的是接放學時，見到個女是笑的，仲會匯報個日老師教的野，証時佢係學校的生活應該OK.
我想問其實一個2歲的小朋友要幾耐先至會適應到學校的生活???

歡迎光臨教育王國 (/)