教育王國

標題: 今日做完評估, 點算?! [打印本頁]

作者: lokjoan 時間: 10-8-18 18:30 標題: 今日做完評估, 點算?!

今日去CAC, 評估為自閉症譜系, 仔仔2歲9個月, 要輪i位, 除了等之外, 我還可以做什麼?

但其實我覺得佢情況唔係真係咁差, 只係講說話唔多望人, 成日問乜嘢嚟嫁之後自己答返, 坐唔定同埋唔鍾意同小朋友玩.

作者: kelvin_hmlau 時間: 10-8-18 23:59

建議閣下先大哭一場, 跟住收拾心情做野.
自閉症其實唔係無得醫, 透過適當訓練, 會大有進步的. 我保證你過多半年, 會成為專家.

作者: mybabynbaby 時間: 10-8-19 10:14

上兩星期我都有問自己,我除左等仲可以做咩, 我就不停搵資料, 仲有同女女相處時間多左, 反省自己, 增值自己, 政府幫唔到我, 我唯有自救, 我都係岩岩知, 我個女發展遲緩.
你小朋友唔鍾意同小朋友係唔係少接觸, 我之前都好少俾呀女去公園, 而家日日落, 佢自己有自己0的朋友一齊玩, 不過唔係好識同人溝通, 另外我都同佢join左個社交班, 又可以同多0的小朋友玩, 多一個機會好過少一個機會
另外我同我女女報左0的班, 都等佢唔使咁悶, 社交班(在不同場合可以同小朋友溝通), 興趣班(提升自信), 言語治療(因為我個女唔係好識表達, 口肌有少少問題), 另外會再報一0的班(搵緊), 另外我朋友叫我教佢發音, 因為佢覺得呀女個口好懶, 唔多願郁, 可以講野, 但就唔係好識用氣...
大家一齊努力, 你要支持住, 你記住你唔支持住你個仔, 冇人支持得住.
只要冇乜情緒行為, 可以冇事, 我有0的朋友0的仔女原來都有, 佢地唔講真係睇唔出, 而且有0的仲好叻, 會表演, 比賽拎獎都有....睇你點付出....

作者: BeBe媽媽 時間: 10-8-19 14:12

除左等派位....自己四圍上網/去圖書館...等等搵資料.自己響屋企多D同小朋友做訓練.
我當初知道評估結果後,無流過一滴淚,不過當然有唔開心....個心只係諗有乜辦法幫亞b,四圍搵資料/方法.
我無去懷疑個結果係咪錯,當住係先,唔好浪費時間,同個b響屋企做住D書本教既訓練先!
我知道結果只係3個多月,仲未係專家!

作者: lokjoan 時間: 10-8-20 07:55

謝謝! 我昨天搵左協康會, 都有d班有位, 依家乜都唔諗住, 幫佢報左先.

作者: mybabynbaby 時間: 10-8-20 10:24

你報邊間呀??
我報九龍西個邊full哂~~

作者: boc 時間: 10-8-20 22:46

Add oil

:loveliness:

原帖由 lokjoan 於 10-8-20 07:55 發表
謝謝! 我昨天搵左協康會, 都有d班有位, 依家乜都唔諗住, 幫佢報左先.

作者: lokjoan 時間: 10-8-20 22:58

新界東, 一個星期上一次, 上十幾堂個種.

原帖由 mybabynbaby 於 10-8-20 10:24 發表
你報邊間呀??
我報九龍西個邊full哂~~

作者: mybabynbaby 時間: 10-8-21 06:45

我join唔到呢0的班, 因為我仲想sat同佢上, 我都想學下點同佢玩遊戲, 自己學多樣都好嘛...

歡迎光臨教育王國 (/)