教育王國

標題: 某某幼稚園有幾好又有幾準 [打印本頁]

作者: 2008 時間: 10-8-13 01:40 標題: 某某幼稚園有幾好又有幾準

幫囡囡揾幼稚園, 上BK 睇到各位MAMI 話自己間幼稚園點好. 唔係CHALLENGE, 但有疑問就係小朋友都係讀自己間幼稚園, 又未讀過其他, 點知第二間好唔好? 就算聽人講都係人地意見. 好似食野咁, 食過榴槤點同未食過榴槤的人講有好好食? 所以都好難決定.

作者: 小曳人 時間: 10-8-13 09:26

咁好簡單啫~
人地講有d咩好.. 嗰d係咪你想要架? 其他人係咪都係咁諗? 一個係咁講定個個係咁講?
只係單單講"好"嗰d.. 可以不理! 因為人人嘅要求都唔同, 對"好"嘅定義都唔同

作者: B.B.BaBa 時間: 10-8-13 09:32

有過來人講o左親身感受都咁難決定的話，如果無人俾意見你你又可以點揀呢？

仲有，而家又唔係間間都收o左你個小朋友，叫你決定讀邊間，我唔明報個名又有幾難決定？

作者: pandabonita 時間: 10-8-13 10:38

如果可以的話就問下就讀的小朋友同父母有乜好同唔好

作者: 已刪除用戶 時間: 10-8-13 10:46

呢句野我都講左好多次, 咩叫好? 咩叫唔好?
靈糧堂/啟思係開心學校, 好多人都知, 家長覺得好好, st cat根德園教得深, 家長覺得好好, 真光培正有直升, 家長覺得好好, esf英文掂, 家長覺得好好
咁你心目中既"最好"係咩先? 到最後小朋友只可以揀一間, 咁就一定有所取捨, 所以知己知彼至有得比較

而且好多野係可以比較的, 我去聽小一簡介會, 問個校長對跟唔上既小朋友有咩支援, 校長好有信心咁答左句"我地個個星期都有社工" 當時聽完我心唸既係"但係另一間係日日都有社工wor, 仲有ed psy, ot等等tim"
o係第一間學校, 校長覺得自己已經做得好好, 佢好真心架wor! 不過佢未必知道出面係點情況, 但心水清既家長, 聽完就心裡有數啦
assume家長分享都係真心報料, 你聽完可以比較下, 究竟學校focus既, 係咪你想要既野

原帖由 小曳人 於 10-8-13 09:26 AM 發表
咁好簡單啫~
人地講有d咩好.. 嗰d係咪你想要架? 其他人係咪都係咁諗? 一個係咁講定個個係咁講?
只係單單講"好"嗰d.. 可以不理! 因為人人嘅要求都唔同, 對"好"嘅定義都唔同 ...

作者: oooray 時間: 10-8-13 11:36

原帖由 2008 於 10-8-13 01:40 發表
幫囡囡揾幼稚園, 上BK 睇到各位MAMI 話自己間幼稚園點好. 唔係CHALLENGE, 但有疑問就係小朋友都係讀自己間幼稚園, 又未讀過其他, 點知第二間好唔好? 就算聽人講都係人地意見. 好似食野咁, 食過榴槤點同未食過榴槤的 ...

1. 人地講野要聽；但唔好盡信；
2. 我d小朋友讀過/讀緊4/5間PN/K；但係對唔住冇法子直接比較邊間好過邊間；人人口味/要求/承受能力唔同；妳有G6PD話妳知蠶豆好好食快d去食等於叫妳去死；
3. 妳叉唔challenge都好呢d討論仍會繼續下去；亦有好多人樂此不疲地比較下去。

作者: sheffield 時間: 10-8-13 12:28

其實d媽咪話自己小朋友讀緊嘅覺校好又有乜問題，佢地又冇話凈係佢地個間好其他唔好…再者，佢地好多時都有說明點解好…
有人話A學校老師夠細心，有人話B學校教學方式好，有人話C學校英文程度高…凈係聽一個人講信唔過，但願意花多d時間睇同聽多d人講唔同嘅學校，確實能總結各學校嘅長處…
其實BK都有好多媽咪會分享某些學校的不善之處，雖然我唔敢講話d意見係中肯，但如有不同的媽咪都有類似嘅評價，咁都值得考慮…
再加埋學校簡介會，自己去feel下d老師同校長，應該都能按自己的要求/需要選出自己嘅心水啦掛！
我唔覺得好難揀吖！花多d時間啦，樓主！

作者: bcw 時間: 10-8-13 12:30

提示: 作者被禁止或刪除內容自動屏蔽

作者: Christi 時間: 10-8-14 01:45

原帖由 bcw 於 10-8-13 12:30 發表
你個問題係一個loop。

人地家長講嘅係意見，可以好主觀，什至可以係假嘅。
關鍵係你自已嘅judgement！

宜家你唔做judgement，叫別人comment人哋嘅comment，最終咪又係你自己去make judgement！

放鬆D啦，考到啲多人爭嘅，又唔guar ...

歡迎光臨教育王國 (/)