教育王國

標題: 今日結果--接受中 [打印本頁]

作者: mybabynbaby 時間: 10-8-11 18:12 標題: 今日結果--接受中

今日見左一朝4個鐘, 真係好累, 佢見語言治療師都OK, 有時都肯講下野, 不過去左醫生個PART可能已經玩左個幾鐘, 又加埋早起, 真係好差, 再加埋個醫生都幾惡下, 呀女坐左15分鐘已經話要"揹書包",見完之後話佢都係懷疑自閉傾向,我0的眼淚又忍唔住啦, 不過醫生話唔想講野既程度都幾嚴重, 遲緩9個月~1年, 聽完真係好心痛, 唔知點做, 醫生叫我地排i位, 協康易唔易報名, 因為好似咩都full哂.

作者: someoneelse 時間: 10-8-11 19:15

如果醫生建議排I位的話，相信情況不是太差，因為差的是要排S位的....
除協康外，坊間仍有很多私人機構可以幫忙的...試先找出囡囡的核心問題，再上黎問其他家長邊度有服務吧...
Good luck!

原帖由 mybabynbaby 於 10-8-11 18:12 發表
今日見左一朝4個鐘, 真係好累, 佢見語言治療師都OK, 有時都肯講下野, 不過去左醫生個PART可能已經玩左個幾鐘, 又加埋早起, 真係好差, 再加埋個醫生都幾惡下, 呀女坐左15分鐘已經話要"揹書包",見完之後話佢都係懷疑自 ...

作者: BeBe媽媽 時間: 10-8-11 22:00

mybabynbaby,
你女女幾大呀?
我仔仔1歲十個月大時做評估,言語及語言理解得1歲.又係懷疑自閉傾向.排左I位.
你快D搵多D資料幫佢啦,唔好唔開心!呢個時間最緊要搵方法幫佢呀!
而家都係懷疑,唔好太擔心.

作者: mybabynbaby 時間: 10-8-12 03:18

佢岩岩3歲, 真係好似行雷咁, 一野劈落我個心, 佢地叫我留意下佢唔係唔好望人, 又好似係, 不過同佢玩身體遊戲("非"高高, "吱"佢)就好肯望人, 望都你實. 玩輪流遊戲都有少少, 不過唔係成日. 玩畫畫or 煮飯仔or泥膠就真係好少, 係俾你o個下先望下你. 玩呢0的遊戲只限玩5-10分鐘, 泥膠就可以耐0的.

我而家好怕, 真係唔知點面對, 又睡唔安, 食唔落, 好冇心機, 好似冇咩都冇意思.

今日同佢去中心,公園又識同小朋友講"一齊玩呀",玩泥膠又識同daddy "daddy, 一齊玩泥膠", 我都真係唔識分.

醫生話自閉冇分黑定白, 即係點介定佢係自閉.
我好煩, 我可以點訓練佢, 定要訓練自己先, 你地會點, 同埋想知我係唔係一定唔可以出黎工作, 但現實又好似唔係好得, 佢訓練乜都要錢, 為左佢出去搵治療已經用左好多..
唔知點算...

作者: Yvonne_ng 時間: 10-8-12 23:13

你個女都識得叫爸爸一起玩, 即係都識sharing.
我覺得吾算太差.

不過最好俾多d 家居訓練,便會有多些進步空間

我開頭都好似你一樣, 知道個仔係 a仔, 真係吾知點算好.

不過, 我即刻找治療師, 跟住做訓練.
同時帶仔仔多些去不同地方玩, 認識多點不同事物.
情況便開始好起來.

我係home stay mami, 所以都用好多時間在他那裡.
不過, 我有朋友, 佢仔仔都a仔, 但佢都有返工.
所以係睇下你時間點安排.

原帖由 mybabynbaby 於 10-8-12 03:18 發表
佢岩岩3歲, 真係好似行雷咁, 一野劈落我個心, 佢地叫我留意下佢唔係唔好望人, 又好似係, 不過同佢玩身體遊戲("非"高高, "吱"佢)就好肯望人, 望都你實. 玩輪流遊戲都有少少, 不過唔係成日. 玩畫畫or 煮飯仔or泥膠就 ...

作者: owl_2046 時間: 10-8-13 17:31

醫生話排I位, 咁你個女都唔算差, 只要繼續訓練可以好快追到, 唔好太擔心.
我建議如你都唔可以辭職的話, 盡可能比個囡返全日制幼稚園, 等佢可以獨立D,學多D自理及唔使咁無聊, 星期六就可以出去做其他訓練.
個個父母都希望自己囝囡發展正常, 我地都唔例外, 但事實已發生了, 比自己喊下down下係正常過正常, 但最緊要堅強, 快D振作, 勇敢接受....(雖然係無奈

)
願主祝福你!

原帖由 mybabynbaby 於 10-8-12 03:18 發表
佢岩岩3歲, 真係好似行雷咁, 一野劈落我個心, 佢地叫我留意下佢唔係唔好望人, 又好似係, 不過同佢玩身體遊戲("非"高高, "吱"佢)就好肯望人, 望都你實. 玩輪流遊戲都有少少, 不過唔係成日. 玩畫畫or 煮飯仔or泥膠就 ...

作者: mybabynbaby 時間: 10-8-15 00:05

心情平伏左0的, 今日叫左個朋友上黎我屋企佢係學校做開評估心理, 我叫左佢睇我個女去公園玩, 同係屋企既狀況(玩0的咩),想聽下佢既意見, 等我可以處理. 佢話我個女應該唔係自閉, 我聽完之後, 都唔係好信, 就聽佢解釋, 佢話初初我未介紹佢之前,佢都發覺點解唔望佢, 後來我叫呀女叫打招呼後, 你個女就有意識望住佢, 而且眼神OK,唔係一眼就算, 你個女會叫小朋友同佢玩, 又會指野俾人睇, 又會望住你對佢喊有冇反應, 我話佢唔係好識溝通同同埋同佢講野唔係好望人, 佢話呢樣野都唔可以話佢自閉, 同佢講野唔係好望人可能係內向, 唔係好識溝通可能認知語言上差, 同冇信心, 同埋佢發覺我個女口肌唔係好鍾意用力, 叫我繼續同佢做言語治療(訓練言語同口肌)同上興趣班(提升自信), 最後佢教我睇份報告, 佢話報告冇寫佢自閉傾向, 係發展遲緩, 話認知差, 我再問即係認知, 佢話認知即係IQ, IQ好似分5樣1.言語, 2.羅緝...ETC, 佢話你個女言語理解, 視覺型, 其他OK, 佢話發展遲緩可以TRAIN UP, 叫我多0的同佢訓練, 佢教左我少少技巧, 其實知道佢有事, 都已經幫佢報多兩個班, 而家有社交班, 言語同興趣班, 黎緊可能報個一個, 等佢多0的訓練, 真係好多謝佢, 都好多謝你地支持我. 謝謝

[ 本帖最後由 mybabynbaby 於 10-8-15 00:08 編輯 ]

作者: mybabynbaby 時間: 10-8-15 00:18

owl_2046,
同佢搵K1既時候已轉左一次(俾哂$$交哂野), 而家呢間都係半日但就普通幼稚園, 我老公話唔好轉住, 睇定0的先, 因為我地咁轉一轉已經用左萬幾蚊...

希望報多一,兩個班對佢好0的. 好彩既佢可以好快適應環境, 可以一個人上堂, 今日上左個社交班, 老師話佢好過上幾個月個陣時.

作者: lokjoan 時間: 10-8-18 18:59

mybabynbaby,

其實語言治療師都話OK, 點解醫生會覺得你呀女想講野既程度都幾嚴重?

原帖由 mybabynbaby 於 10-8-11 18:12 發表
今日見左一朝4個鐘, 真係好累, 佢見語言治療師都OK, 有時都肯講下野, 不過去左醫生個PART可能已經玩左個幾鐘, 又加埋早起, 真係好差, 再加埋個醫生都幾惡下, 呀女坐左15分鐘已經話要"揹書包",見完之後話佢都係懷疑自 ...

作者: mybabynbaby 時間: 10-8-19 09:44

因為我個女一0的都唔想應醫生, 因為一早就見左個語言治療師先, 玩左個幾鐘,都係問佢呢樣咩呢, 咩野要黎做乜, 佢都肯肯地答, 不過呢個語言治療師肯用野食引我個女再講多0的野, 而醫生個邊, 可能已經好累, 我個女坐左5分鐘,就話要揹書包, 即係想走, 我叫佢同醫生玩一陣, 佢都ok, 肯做哂0的野, 但真係唔肯同醫生講野, 醫生同佢講話計時"豆"快, 我個女都唔知係乜, 就話佢唔識玩, 醫生又冇乙水佢, eg俾食物佢, 所以話佢好差.
我同番我朋友(心理學家)講, 我朋友話冇可能同個3歲小朋友玩計時"豆"快, 岩岩3歲未知時間係咩...
不過無論點, 呀女真係講野差人一0的, 不過呢排又進步左, 之前只係識拉住我地同佢玩or拎玩具, 而家會同我地講,要同佢玩咩or拎咩玩具.

作者: lokjoan 時間: 10-8-20 08:18

其實我想知道, "不為也, 非不能爾", 咁係唔係都算自閉. 我覺得你個女會答語言治療師, 雖然要用野食, 但已證明佢係識答, 有能力答, 只不過要有d好處先肯睬人, 否則的話你俾乜佢佢都唔識so你. 我可能自己在找藉口, 但每個人都有自己性格喜好, 我有時都會唔鍾意同某某人講嘢, 咁咪唔睬佢籮, 或者呢一刻唔想做, 咪唔做籮, 但唔代表我唔識, 呢個係我性格問題, 是我比較自我, 唔係我能力問題, 所以其實我算唔算自閉?! 我真係唔知!

原帖由 mybabynbaby 於 10-8-19 09:44 發表
因為我個女一0的都唔想應醫生, 因為一早就見左個語言治療師先, 玩左個幾鐘,都係問佢呢樣咩呢, 咩野要黎做乜, 佢都肯肯地答, 不過呢個語言治療師肯用野食引我個女再講多0的野, 而醫生個邊, 可能已經好累, 我個女坐左5 ...

作者: mybabynbaby 時間: 10-8-20 10:23

其實我都唔知點分, 有0的point我都唔係好同意佢地所講, 佢地而家就話呀女發展遲緩, 因為未有固執行為, 佢地話再大0的先知.
不過係唔係都好, 其實知道呀女比正常既慢都想train下佢, 等佢識主動同小朋友溝通, 知道佢咁樣之前, 同佢傾多左計, 等佢答多0的, 唔知係唔係溝通時間多左, 佢講野大聲左, 肯主動左講佢見到既野, 同細路玩既時間多左, 又肯同細路一齊玩佢玩緊既玩具.
另外都有同佢玩認知遊戲, 物件名識好多, 不過點用我就好少同佢講, 另外咩野長d短d,粗d幼d,我都冇同佢玩, 前晚我就拎本練習出黎同佢玩, 原來有好多佢都識分.
有時諗佢係唔係唔重要, 我唔會因為佢有遲緩而遷就佢, 而要佢慢慢從中學習, 只要佢好就得啦~~

歡迎光臨教育王國 (/)