教育王國

標題: 藍田靈糧幼稚園真垃圾 [打印本頁]

作者: cwy666 時間: 10-8-4 22:29 標題: 藍田靈糧幼稚園真垃圾

全校40個員工,18個員工包括 (老師文員司機姐姐)一齊唔做,你地話間學校係咪有問題????

作者: nomad8 時間: 10-8-4 23:55

有冇多D information 呀?
做乜o甘多人走?

作者: snow228 時間: 10-8-5 11:55

我今年仲想報吒間, 點解呀?

原帖由 cwy666 於 10-8-4 22:29 發表
全校40個員工,18個員工包括 (老師文員司機姐姐)一齊唔做,你地話間學校係咪有問題????

作者: monchhi-mama 時間: 10-8-5 12:07

在黃大仙鑽石山都叫有名禾....

作者: 1511 時間: 10-8-5 13:03

你点知?? 你系其中一個员工?

[ 本帖最後由 1511 於 10-8-5 13:08 編輯 ]

作者: JHsbb 時間: 10-8-5 16:27

上得黎報料你又唔講多D

作者: SZEYUENMEME 時間: 10-8-5 23:47

如果你咁清楚, 唔該詳細說明啦!

作者: leejes 時間: 10-8-6 01:03

hihi我都諗仕幫囡囡報呢間,可吾可以講多小小ar???
仲有係咪藍田嗰間係有p-n班???

作者: summother 時間: 10-8-6 08:08

我都諗住同個女報e間, form都填o左.....可唔可以detail d 講下

作者: ttlucky0303 時間: 10-8-6 09:49

我上左學校個網, 佢地只係請司機同車上保母, 我估只係合約糾紛

作者: 9284 時間: 10-8-6 11:00

如果真係有咁多人走, 晨早上哂報紙頭條啦, 我覺得似係有人個bb係waiting list, 想響bk散播風聲, 令家長自行退學, 咁佢咪有位lor

如果真係咁大件事, 勞工處一早就對外宣佈啦

作者: cherlymok 時間: 10-8-6 11:08

r唔係ma.. 黎緊我女開始返學.. !!

作者: ttlucky0303 時間: 10-8-6 11:18

你睇個個人,只係為左講呢件事而開個ACCOUNT, 好明顯只係放風

作者: 1511 時間: 10-8-6 11:25

原帖由 9284 於 10-8-6 11:00 發表
如果真係有咁多人走, 晨早上哂報紙頭條啦, 我覺得似係有人個bb係waiting list, 想響bk散播風聲, 令家長自行退學, 咁佢咪有位lor

如果真係咁大件事, 勞工處一早就對外宣佈啦 ...

但系靈糧不是那種打磞头, 非入不可既学校 wor..咁都要中傷!
楼主..請你講多一点...

[ 本帖最後由 1511 於 10-8-6 11:29 編輯 ]

作者: cwy666 時間: 10-8-6 18:24

sorry..現在才有時間回答

係咪員工就唔講啦,自己諗啦..........其實呢間學校本身係有好多問題,第一禍首當然係校長,淨係管理就一D都唔掂,根本係無行政管理,全部都係親戚老表主理大權,就連做校服都係判俾親戚,教會又唔理咁多,階級官念又重,低下層員工溝通不足,怨聲再道,曾經有老師補3個月人工即走.......

[ 本帖最後由 cwy666 於 10-8-6 18:35 編輯 ]

作者: cwy666 時間: 10-8-6 18:34

回應水晶級國民,本人並非中傷,只係將見到聽到反映事實真相,俾大家對呢D所為有所認識,,本人強調所講係香港靈糧堂幼稚園,而並非九龍城果間....另外我重申說明,所有老師及員工都係好有心做呢份工,只係一些行政及管理出現問題?????

作者: SZEYUENMEME 時間: 10-8-6 19:04

香港靈糧堂幼稚園係有四間分校(銅鑼灣, 藍田, 馬鞍山、鑽石山), 咁呢18人係唔係全部都係藍田分校嘅員工???? (我好想知,因為我小朋友係呢間讀) thanks!

作者: cwy666 時間: 10-8-6 21:21

全部藍田分校嘅員工,另外其他分校每間有10個8個?唔信你可以9月1號開學就會見到D新人,你問佢人D問題?實唔識答你?

作者: cwy666 時間: 10-8-6 21:26

回應 9284 翡翠級國民此事千真萬確,隨時可以查証,

作者: luilui007 時間: 10-8-9 01:21

我不是該校老師,只是一名學生的家長.
我不願評論該校是否好垃圾,不過我小朋友讀左半年,我就覺得認真一般,我並不是惡意中傷,只是我手寫我感受.
相信一間校轉老師員工,並不一定是幼稚園錯哂, 人望高處或其他原因都好平常. 大家自己用眼看清楚最為真~
聽說鑽石山及等口啤不錯, 校長一人獨大是事實,但校長一人兼顧4間幼稚園,根本兼顧不到,我小朋友初時在學校被一名同學襲擊以致受傷,學校只是叫我簽聲明書,我明白小朋友碰撞在所難免,之後,我就親自寫左封信予校長, 我其實並不是追究事件,只是討論如果有同學有襲擊人的表現,雖要正示及給予解決方法,予有關家長得悉事件,以免惡化下去. 最後, 校長並沒有回覆我, 我都唔想再糾紛下去, 因為我選擇唔原校再上.
我唔係什麼惡意中傷,見之前有其他人回應"可能bb係waiting list, 想響bk散播風聲, 令家長自行退學, 咁佢咪有位lor", 此校並不是什麼名校, 亦不是難入的, 只是一間叫做有多點人識的學校! 大家意見分享,學校有好有唔好, 唔會什麼中傷唔中傷...

作者: ozo_123 時間: 10-8-9 16:04

我的小朋友讀了半年PN, 並將原校升K1.

本人非常同意此校行政十分混亂, 不用說都知道有很多皇親國戚, 有些人成個 "懵" 字作係額頭, 不是靠關係好難有工做.

同意樓上說, 此校其實非常一般, 只是我沒有選擇只有留低

作者: 旦花湯 時間: 10-8-9 17:41 標題: 回復 12# ttlucky0303 的帖子

我啱啱上完教協個網，藍田靈糧根本無請人，我只係見到銅鑼灣個間請教師。

作者: summother 時間: 10-8-9 23:45

原帖由 ozo_123 於 10-8-9 16:04 發表
我的小朋友讀了半年PN, 並將原校升K1.

本人非常同意此校行政十分混亂, 不用說都知道有很多皇親國戚, 有些人成個 "懵" 字作係額頭, 不是靠關係好難有工做.

同意樓上說, 此校其實非常一般, 只是我沒有選擇只有留低 : ...

點解無其他選擇?? 如果間學校係差, 我一定同bb轉校

作者: ozo_123 時間: 10-8-10 10:45

如果有更好嘅學校收, 就一定走.

對我來講, 此校不至於差到係垃圾, 可幸我亦未過樓上的襲擊事件, 只是我倆公婆經常被學校的行政問題激到噴血!

作者: snow228 時間: 10-8-10 12:40

請問麗港城分校點番學

出左籃田mtr 後, 要唔要轉小巴? or 推bb 車上去?

作者: mybabynbaby 時間: 10-8-10 15:55

行政十分混亂, 十分同意, 不過只希望小朋友讀得開心..

作者: mybabynbaby 時間: 10-8-10 15:57

行政十分混亂, 十分同意, 不過只希望小朋友讀得開心..

[ 本帖最後由 mybabynbaby 於 10-8-10 16:01 編輯 ]

作者: ltll 時間: 10-8-10 19:55

有關誤傳本校共18人離職事，現回應如下：

每年大部份學校都會面對員工流失的問題，原因林林種種，有的是自動請辭，有的是由學校解僱，但希望大家明白，學校需顧及個人私隱問題，未能一一公開員工被解僱或離職的原因，本校於新學年共有5位老師離職，連同3位司機，1位工友及2位電腦文員，總離職人數為11人。

當然員工的離去，我們感到惋惜的同時，亦是校方的一大損失，因為我們投放了不少的心力和資源，得到的竟是…。不過，換個角度看看，家長亦可從政府公開網頁﹝幼稚園概覽﹞中看到，沒離開我們的員工更多呀！四校合共在我校工作超過5年者，人數佔員工總人數75%以上，每年自動離職的員工低於7%，而每年離職後主動要求回流的員工，也有一至兩位；由政府每年所提供的問卷調查中顯示，我校的員工，有92%以上的員工非常認同及讚賞學校所做的一切。

在此，希望家長同樣用多角度去了解及分析有關事情，若我校有不完善的地方，我們一定會作出合理的修訂。例如我們承認本學期初行政上確曾出現錯失，也是為了確保新學期不會再出現亂子的原故，學校近期無論在人事上及管理上均作出了整頓，我們有信心藍田分校將有一番新景象。

順道一提，我們深信由一位總校長帶領一隊精英的團隊去管理四校是可行的，負責執行的副校長及主任們各有所長，因此無論在學術分享、資源共享、人力或物力的分配上都較有優勢，這種管理策略已採用了14年，其他三所分校的行政雖不算盡善盡美，但亦算平穩順暢，若不成功，則出現問題不會單是藍田分校，因此藍田所出現的短暫性行政混亂純粹由於個別原因所引致。

明白 ”所有員工都係好有心做呢份工”，但基於不同原因要離開一個自己喜歡和接受的工作環境，當然會感到不快，十分理解情緒上的發洩是有需要的，但更重要是切勿只會將責任推卸在別人身上，學習反思和承擔責任才是個人成功要素，此外工作態度及守時也是必須的。無論如何，校方仍持開放態度，聽取各方的意見，祝願大家有更美好的前景。

最後感謝關心靈糧的家長，
通知我們有關這則討論，好讓我們能及時回應，謝謝!

作者: SZEYUENMEME 時間: 10-8-10 20:01

同意行政是十分混亂, 但最緊要係小朋友讀得開心。我小朋友來年會重讀k1。係過去一年, 佢讀得好開心。呢間學校每個早上都有早會(家長可隔窗睇晒全個過程), 返學放學都可以入埋課室同老師了解小朋友嘅學習進度。其實, 我有諗過轉校但怕阿仔唔開心..... 而且呢度仲有其他好老師係度做嘅....

作者: caterpillar08 時間: 10-8-10 21:05

沒想到學校即時在BK回應, 今早看了這則標題令我非常不安, 因我兒子將入讀PN, 所以便直接打電話去學校找校長了解事情, 致電時校長雖不在辦公室, 但校長很快回覆我情況。
校長給我感覺坦白和真誠解釋有關事情, 雖然小兒仍未入讀該校, 但校長有即時回應讓我感放心!

記得7月尾時有個入學家長講座, 感覺老師們親切有禮, 校長和其他副校長很有Heart !!

相信每間學校總有人事變動, 重點是學校的應變措施如何處理. 校長提過學校有個內聯網, 家長可在內聯網了解多一點學校情況, 學校內聯網是高度透明, 學生家長可隨便發問問題, 表揚或斥責都可以. 希望各家長理性一點分析事情!

原帖由 ltll 於 10-8-10 19:55 發表
有關誤傳本校共18人離職事，現回應如下：

每年大部份學校都會面對員工流失的問題，原因林林種種，有的是自動請辭，有的是由學校解僱，但希望大家明白，學校需顧及個人私隱問題，未能一一公開員工被解僱或離職的原因，本校於新學年共 ...

[ 本帖最後由 caterpillar08 於 10-8-10 21:20 編輯 ]

作者: chowqv 時間: 10-8-15 19:43

原帖由 luilui007 於 10-8-9 01:21 發表
我不是該校老師,只是一名學生的家長.
我不願評論該校是否好垃圾,不過我小朋友讀左半年,我就覺得認真一般,我並不是惡意中傷,只是我手寫我感受.
相信一間校轉老師員工,並不一定是幼稚園錯哂, 人望高處或其他原因都好平 ...

我都有一個B讀緊書，不過我唔會接受校長用忙黎做理由囉，咁忙，係唔係唔好管咁多學校呢？仲有小朋友俾人打，唔可以叫家長簽呢D咁既樣。照佢咁講，如果小朋友係學校，出左咩意外，佢地會點做先？呢D野好緊要既啵。我地將小朋友放係學校咁多個小時。

作者: cwy666 時間: 10-8-16 12:42

個校長根本就年事巳高,無柏力去管理學校,加上自己有生意,所以咪靠 D 自己人,況且校長都做左25年,應該退位給其他副校長補上,張副校都係一個好人選,

作者: flywu 時間: 10-9-18 09:22

睇完真係十五十六, 都唔知幫唔幫我囝囝報好....

作者: 貝拉 時間: 10-9-20 02:37

我女兒今年在馬鞍山靈糧幼稚園讀高班, 回顧過去兩年的校園生活, 我是感到十分滿意, 小女兒也會於明年報讀. 學校的每位老師及員工十分友善, 他們記得每個小朋友的名字及班別, 我相信不是每間學校的老師及員工可以做到.

在學術方面, 這間幼稚園程度不高, 但是他們的分區學習令小朋友從不同的層面及角度學習, 這是我十分欣賞的. 他們也十分鼓勵小朋友在眾人面前分享, 訓練表達能力及自信心. 此外, 他們也經常出外參觀, 例如去飛行總會, 小朋友可以坐上機師的座位上拍照, 這對小朋友來說是難得的體驗.

如果想小朋友愉快學習, 認識不同的事物, 這間學校是不錯的選擇; 但若想小朋友在中英數各科有較高的水平, 這間學校則不大適合.

作者: yiutingmum 時間: 10-9-24 00:33 標題: 回覆 1# cwy666 的文章

我都唸過呢間喎..點解咁多人唔做呀?如果係真間學校應該好大獲0架喎..重可以開課咩?

作者: 1511 時間: 10-9-24 15:49

开学已有一個月了, 行政是否真的很混乱, 有改善嗎? 有没有媽媽可以分享.....

作者: mpyleung 時間: 10-9-24 21:51

我個女在藍田靈糧讀N 班,說實話不覺得行政混亂,佢地每個家長有login id/pwd access佢地內聯網,通告在網內睇,相當方便,另外相當感激老師每天影相upload上網內,我地可以時時睇到佢地在校情況,我不知道其他學校有冇喇,但so far我都幾滿意呢間學校,暫時睇都幾妥當吖,最緊要我個女讀得開心...

作者: tomum 時間: 10-11-10 15:45 標題: 因為搬校既問題

我一對子女都係藍田分校讀，09年11月既時候，搬左去麗港城，而學生人數增加得好多！所以請多左好多人，而走既一半新，一半舊，與我相熟的舊同事，佢已走了！佢因為懷孕而離開！另外走的，是因為佢找到更好的工作及無咁辛苦。事實上藍田分校的工作量不比其他少，佢地得半小時食飯及今天多左幼幼班，以佢地一向沒有照顧咁細既小朋友而言，某些老師真係好吃力~因為10年2月先開始正式有規模既幼幼班~
人各有志，各有所因，選了此校除了功課量比一般少之外，我一對就讀高班及幼兒班的子女都十分開心！佢地都不比其他幼稚園生差。

功課方面，自己可以加比佢，不過佢地不用機械式操練而用思維訓練學生，這一點，我既子女確比佢身邊既小朋友有SENCE好多~~

作者: xowpooh 時間: 10-11-11 23:46

我囡嚟緊都會interview, 睇完咁多comment, 真係唔知信邊個好

作者: peitzuhuang 時間: 10-11-12 12:30

我也聽過鄰居媽媽有很多老師走

作者: sweeticandy 時間: 10-11-12 13:05

我是一個今年apply 了N1 班的媽媽..
我都對藍田靈糧堂有少少意見想分享一下~

由網上.apply一刻.
1) 佢個eApplication 真係好唔掂..
如: 公司名只係.defined 左.20 個位... 好多公司個名都好長架喎.

2) upload document 只限.1MB, 無得.Pre-view... 呢d 都係小問題.

3) PDF Generate 除左.IE 外, 唔.support 其他.browser

4) 呢個令我非常不滿......
佢Generate 網上申請表條.link 係用by get 既.method 去做, 即係get link 既key 去.generate 張.pdf.. 而個.key 係小朋友既身分証.number.... 佢明明有申請編號唔用..走去用小朋友個身分證number 做黎.. 唔通個申請編號有重複嗎..

咁其他人知個身分證number 而又有.apply 既話... 咁可以打上去..睇返晒.d 資料囉....

佢學校website 一早寫明, 話10月中會收到面試日期, 11 月頭會面試... 但到10 月中收唔到, 我打去問先知話太多申請表而改期...咁你可以.email 返.d 家長話返佢地知丫.. 又或者update website.. 但我完全見唔到.... 咁小事都handle 唔到, 我好難令我相信佢行政有幾好囉...

到我, 收到.email 通知面試日期
我既時間係星期五下午. 咁我要返工... 我嘗試打去問, 可唔可以改時間...

一聽電話位小姐, 令我好.hard feeling... 我問佢, 可唔可以轉時間..

佢第一句就答..: "我地成千幾人報名, 個個都話轉, 我地點轉得咁多呀..." (我一隻字都無打少, 無打多俾佢.., 佢係咁答我.)

我覺得你reply 我話唔可以轉咪ok 囉..

最後, 有d 朋友仔話佢地.interview time 係.08:15.. 對一個BB 黎講會唔會太早呀..... 等佢呆下呆下黎見咩..

作者: snow228 時間: 10-11-12 15:17

"成千幾人報名" 甘利害?

n 班每日有幾多間間英文堂同普通話?

香港分校小一派位幾好. K1 可唔可以選香港分校直升

k1 係咪有學卷?

[ 本帖最後由 snow228 於 10-11-12 16:16 編輯 ]

作者: sweeticandy 時間: 10-11-12 16:47 標題: 回復 42# snow228 的帖子

我打去問, 佢係咁講...

我仲聽朋友話佢有.1200人報名爭.120 個學位.

但係唔係真我唔知~

作者: mingtai 時間: 10-11-12 17:18

提示: 作者被禁止或刪除內容自動屏蔽

作者: peitzuhuang 時間: 10-11-13 00:15

我親自去改時間,她也是和我說她們有成千人報

作者: ltll 時間: 10-11-13 19:57

原帖由 sweeticandy 於 10-11-12 13:05 發表
我是一個今年apply 了N1 班的媽媽..
我都對藍田靈糧堂有少少意見想分享一下~

由網上.apply一刻.
1) 佢個eApplication 真係好唔掂..
如: 公司名只係.defined 左.20 個位... 好多公司個名都好長架喎.

2) upload document 只限.1MB, 無得.Pre-view... 呢d 都係小問題.

3) PDF Generate 除左.IE 外, 唔.support 其他.browser

4) 呢個令我非常不滿......
佢Generate 網上申請表條.link 係用by get 既.method 去做, 即係get link 既key 去.generate 張.pdf.. 而個.key 係小朋友既身分証.number.... 佢明明有申請編號唔用..走去用小朋友個身分證number 做黎.. 唔通個申請編號有重複嗎..

咁其他人知個身分證number 而又有.apply 既話... 咁可以打上去..睇返晒.d 資料囉....

佢學校website 一早寫明, 話10月中會收到面試日期, 11 月頭會面試... 但到10 月中收唔到, 我打去問先知話太多申請表而改期...咁你可以.email 返.d 家長話返佢地知丫.. 又或者update website.. 但我完全見唔到.... 咁小事都handle 唔到, 我好難令我相信佢行政有幾好囉...

到我, 收到.email 通知面試日期
我既時間係星期五下午. 咁我要返工... 我嘗試打去問, 可唔可以改時間...

一聽電話位小姐, 令我好.hard feeling... 我問佢, 可唔可以轉時間..

佢第一句就答..: "我地成千幾人報名, 個個都話轉, 我地點轉得咁多呀..." (我一隻字都無打少, 無打多俾佢.., 佢係咁答我.)

我覺得你reply 我話唔可以轉咪ok 囉..

最後, 有d 朋友仔話佢地.interview time 係.08:15.. 對一個BB 黎講會唔會太早呀..... 等佢呆下呆下黎見咩..

多謝家長的支持，由於報名人數接近一千三百多人，學校必須安排在兩天內完成面試，為免引起混亂，實在難以另行個別調動面試時間，敬請家長見諒。有關本校員工在解答　閣下查詢時所引起之誤會，本校謹在此向　閣下致歉，並已立即跟進及改善。

關於網上申請系統的問題：
1.
鑑於PDF的位置有限，我們希望在字體大小與最多的字數中找個平衡點，所以20字數足夠應付大部分的情況，如果不敷應用，請以縮寫代替。
2.
因為遞交申請需要上載3張以上的圖片(相片、出生證明、入數紙)，為避免同一時間有過多的大圖片上載而引致網絡塞車和減少家長在上載圖片的等待時間，
所以我們希望家長將圖片縮小為1MB左右，謝謝您的配合。
3.
匯出PDF只支持IE、Firefox和Safari，其他的瀏覽器暫不在我們的測試範圍，相信我們的網頁已經支持絕大部分的瀏覽器。
4.
網上申請系統使用Session記載資料的，Session ID的特性是它是唯一而且有時間限制的，當關閉瀏覽器以後Session ID就會被刪除，當用戶在開新的瀏覽器瀏覽網上申請系統匯出的PDF頁面時，舊Session的資料是無法被看到的，請家長放心。

歡迎家長隨時向本校提出善意的提點及建議，謝謝！

藍田靈糧幼稚園
2010年11月13日

作者: snow228 時間: 10-11-16 17:56

入到籃田靈糧堂n1 對出年考香港靈糧堂k1 會唔會有幫助?

歡迎光臨教育王國 (/)