教育王國

標題: 請問有無小朋友學緊 "圓號 " 呀, 難學嗎 ? [打印本頁]

作者: 金毛B媽 時間: 10-8-4 14:01 標題: 請問有無小朋友學緊 "圓號 " 呀, 難學嗎 ?

請問有無小朋友學緊 "圓號 " 呀, 難學嗎 ?

請分享, 謝謝

作者: 小伊 時間: 10-8-4 15:26

horn系好難吹得好的, HK phil 班樂手都周不時吹到核核突突.

作者: eny 時間: 10-8-4 23:16

原帖由小伊於 10-8-4 15:26 發表
horn系好難吹得好的, HK phil 班樂手都周不時吹到核核突突.

係好難吹, 但係一件可以吹出很優美旋律的樂器, 只係如果小朋友較細或較瘦弱就真係要經老師評核再決定, 建議樓主到youtube找Mozart Horn Concerto No.1 - 4任何一首來聽, 你就知佢係一件很好聽又有power的樂器。

希望幫到你。

作者: 金毛B媽 時間: 10-8-5 09:30

原帖由 eny 於 10-8-4 23:16 發表

係好難吹, 但係一件可以吹出很優美旋律的樂器, 只係如果小朋友較細或較瘦弱就真係要經老師評核再決定, 建議樓主到youtube找Mozart Horn Concerto No.1 - 4任何一首來聽, 你就知佢係一件很好聽又有power的樂器。

...

老師就是揀了這個樂器給他, 但我阿仔又較瘦弱喎, 唔知佢得唔得呢

請問, 呢種樂器, 要唔要成日 upgrade 架, 會唔會好似小提琴咁, 成日要換呢 ?

作者: 音樂人長老 時間: 10-8-7 08:37

原帖由 金毛B媽 於 10-8-5 09:30 發表

老師就是揀了這個樂器給他, 但我阿仔又較瘦弱喎, 唔知佢得唔得呢

請問, 呢種樂器, 要唔要成日 upgrade 架, 會唔會好似小提琴咁, 成日要換呢 ?

我朋友嗰仔轉去某名校讀中二時，因為所有熱門樂器己被人揀哂，但學校要佢除鋼琴外學多一種樂器，無可奈何唯有揀French Horn，仲用咗$8,000買。

體能唔夠連長時間攞住件樂器都有困難，何況吹呢！我喺美國讀書時同學吹銅管樂都係大大隻隻，你仔仔試下先，唔得一定要同老師講，唔好夾硬嚟。

作者: eny 時間: 10-8-7 13:29

相比雙簧管和巴松管(初級樂器都萬萬聲), $8000入門價已經不算太貴了, 以我所知圓號唔係成日要換既, 除非你對件樂器的音色有要求啦!

昨晚去聽小交音樂會都見到有女圓號手而且是比較瘦的, 我想女孩子都得, 小朋友細既時候咪做媽咪辛苦d做埋搬運工人囉!

既然係老師選的, 我想一定有原因(希望唔係因為無人啦)。如果再有懷疑, 直接問老師, 問個清楚, 因為開始一件樂器係講緊6-8年的學習時間, 非短期課程。

作者: wensi 時間: 10-8-9 11:54

原帖由 eny 於 10-8-7 13:29 發表
相比雙簧管和巴松管(初級樂器都萬萬聲), $8000入門價已經不算太貴了, 以我所知圓號唔係成日要換既, 除非你對件樂器的音色有要求啦!

昨晚去聽小交音樂會都見到有女圓號手而且是比較瘦的, 我想女孩子都得, 小朋友細既 ...

你都有去聽小交音樂會, 我同仔仔都有去(8月5日). 好正! 不過我覺得大人同小朋友都要教育下先好去.

好好笑兩個成日倒口水.

我仔都好瘦, P2開始吹次中音都好大舊, 但係佢好鐘意所以都handle 到. 又游開水都夠氣.

不過圓號真係唔易吹得好因為轉彎多.

[ 本帖最後由 wensi 於 10-8-9 11:58 編輯 ]

作者: msemily 時間: 10-8-9 12:21

提示: 作者被禁止或刪除內容自動屏蔽

作者: birdbird 時間: 10-8-9 20:46 標題: 回復 1# msemily 的帖子

圓號得果幾個掣, 要配合不同咀型吹出不同音. 可以說是難學難精.
單簧管相對上黎講比較易掌握.
其實管樂的樂器, 對於小一生來說是比較大件 & 重, 要到3或4年級, 什至乎是中一生, 先至較易 handle (大家可以到音統署的網頁睇下, 冇咩管樂係比5-6歲小朋友學!) 但係唔知點解而家d小學咁癲, 要小一生揀呢d樂器黎長期學習 (仲要係旨派!)..... 而家d學校, 唉... 癲ge!

作者: 音樂人長老 時間: 10-8-9 23:51 標題: 回復 9# birdbird 的帖子

我好同意birdbird的意見，銅管樂係啱啲年齡較大學生，運氣方面要控制，你見啲演出者經常要倒口水就知啦，有啲樂器係需要身體條件配合才可以駕馭到。我都奇怪小學都要搞咁大型樂隊，我想像唔到香港音樂發展己經咁普及化。

作者: eny 時間: 10-8-10 01:50 標題: 回復 7# wensi 的帖子

"你都有去聽小交音樂會, 我同仔仔都有去(8月5日). 好正! 不過我覺得大人同小朋友都要教育下先好去."

我當晚聽完音樂會回來都好想開個topic講呢個問題, 我聽8月6日星期五個場, 當晚佔了1/3都是8歲或以下的小聽眾, 其實係好開心, 因為小朋友咁細個就有機會去欣賞音樂會。

可惜, 當晚的大﹑小朋友的表現真係令人失望。坐在我身邊(前後左右)小朋友在音樂演中不斷傾計, 你望下佢咩, 佢當你傻, 身邊的大人又唔會阻止他們; 坐在旁邊個阿媽仲離譜, 個女無專心聽係度畫畫都算啦, 佢仲要係音樂最細聲時大大聲同個女討論佢幅畫同交談。後面嗰個就成場音樂會係度"ut"個位, 用場刊當扇撥, "quack quack"聲, 好鬼煩。
其實聽這類educational concert係教導小朋友什麼是concert manner的最好時機, 幾時安靜?幾時可以發問?都係成人引導的好時機。

作者: 音樂人長老 時間: 10-8-10 09:02 標題: 回復 11# eny 的帖子

唔好話去音樂會，平日喺公眾地方見到啲小朋友都好自我中心，大叫大喊或者跑來跑去，撞到人一句對唔住都無，家長好似無事咁。

作者: wensi 時間: 10-8-10 11:02

原帖由 eny 於 10-8-10 01:50 發表
"你都有去聽小交音樂會, 我同仔仔都有去(8月5日). 好正! 不過我覺得大人同小朋友都要教育下先好去."

我當晚聽完音樂會回來都好想開個topic講呢個問題, 我聽8月6日星期五個場, 當晚佔了1/3都是8歲或以下的小聽眾, ...

我仔今年9歲, 上年開始去聽下. 平時有去睇show.  佢自己有join 樂團老師都有教佢地乜野可以做乜唔可以做.  同埋表演者做ge 野點解.  好似用腳踏地=拍手, 我仔教我ge!

我都好明家長想帶仔女見識吓.  但係................
我個埸好多 3-4歲一off light 就cry.  我後面個妹妹仔成日踢我張椅.  前面個班仲勁3個家長, 3個小朋友坐再前面一行,  有個肥仔突然大叫好肚餓, 佢媽打算俾包佢食係度開餐.工作人員stop 佢個小朋友係度嘈.  為乜5食左飯先黎姐!

平時睇show 都係, 張飛係講3歲以上可以睇,  但係好多時一關燈就減.  唔可以之前試吓睇戲先ge 咩? 3歲好多時跟本睇唔明浪費金錢.

作者: 金毛B媽 時間: 10-8-10 16:37

原帖由 音樂人長老 於 10-8-7 08:37 發表

我朋友嗰仔轉去某名校讀中二時，因為所有熱門樂器己被人揀哂，但學校要佢除鋼琴外學多一種樂器，無可奈何唯有揀French Horn，仲用咗$8,000買。

體能唔夠連長時間攞住件樂器都有困難，何況吹呢！我喺美國讀書時同學吹銅管樂都 ...

$8000 咁平咩, 老師叫我地買個型號, 差不多 $14000 呀

你地咁講完, 會唔會試一輪, 吹唔到, 又要學第2樣野架

作者: wensi 時間: 10-8-10 17:18

原帖由 金毛B媽 於 10-8-10 16:37 發表

$8000 咁平咩, 老師叫我地買個型號, 差不多 $14000 呀

你地咁講完, 會唔會試一輪, 吹唔到, 又要學第2樣野架

可唔可以租住先?

作者: 音樂人長老 時間: 10-8-10 18:45

原帖由 金毛B媽 於 10-8-10 16:37 發表

$8000 咁平咩, 老師叫我地買個型號, 差不多 $14000 呀

你地咁講完, 會唔會試一輪, 吹唔到, 又要學第2樣野架

我個friend 揾到最平啦，買咗之後唔鐘意都頂硬上，其它樂器俾人揀哂，佢學咗三、四年，考8 級但肥咗(佢鋼琴有8級程度)，唔知仲考唔考，因為伴奏費都好貴。

作者: 音樂人長老 時間: 10-8-10 18:50

原帖由 wensi 於 10-8-10 11:02 發表

我仔今年9歲, 上年開始去聽下. 平時有去睇show. 佢自己有join 樂團老師都有教佢地乜野可以做乜唔可以做. 同埋表演者做ge 野點解. 好似用腳踏地=拍手, 我仔教我ge!

我都好明家長想帶仔女見識吓. 但係........ ...

而家啲音樂會三歲都可以入場

，咁細個一熄燈怕黑實喊喎，其實可以唔使咁formal，嚇怕小朋友咪仲唔好。

作者: wensi 時間: 10-8-11 11:19

原帖由 音樂人長老 於 10-8-10 18:50 發表

而家啲音樂會三歲都可以入場，咁細個一熄燈怕黑實喊喎，其實可以唔使咁formal，嚇怕小朋友咪仲唔好。

介紹就話最適合六歲或以上觀眾, 但係張飛係3歲以下恕不招待.
http://www.hkiac.gov.hk/2010/b5/prog/mozart.html

因為我估我後面個妹妹仔無6歲. 這套已經唔太formal 好輕鬆. 但係都有細路喊啦, 叫我要走, 我好肚餓......... 我都唔可以話我同仔仔係百分百好觀眾, 但都唔會太過份.

作者: 小伊 時間: 10-8-11 14:59

用腳踏地=拍手系Music office尤其是YSO的習慣, 外面唔系甘常見.

作者: wensi 時間: 10-8-11 15:56

原帖由小伊於 10-8-11 14:59 發表
用腳踏地=拍手系Music office尤其是YSO的習慣, 外面唔系甘常見.

我想問乜係YSO?

作者: eny 時間: 10-8-12 01:14 標題: 回覆 18# wensi 的文章

Mozart個場都係嘈吓, 我星期六去睇"盞鬼器樂超新聲"個場仲離譜, 寫明3歲或以上, 好明顯有好多未夠歲數, 咁都算, 最過份係有好多個手抱2歲左右係無買票, 坐大脾, 我右手有一個, 後面有兩個, 記住!全行坐滿人, 我肯定佢係無買票, 後面個2個小朋友未夠30分鐘已經開始不停咁叫走。都唔明點解佢地無票都可以入場?

作者: wensi 時間: 10-8-13 10:30

原帖由 eny 於 10-8-12 01:14 發表
Mozart個場都係嘈吓, 我星期六去睇"盞鬼器樂超新聲"個場仲離譜, 寫明3歲或以上, 好明顯有好多未夠歲數, 咁都算, 最過份係有好多個手抱2歲左右係無買票, 坐大脾, 我右手有一個, 後面有兩個, 記住!全行坐滿人, 我肯定 ...

SORRY! 樓主講左其他野. 去慣睇show 都知, 這些場面成日有. 好無奈!

我覺得比小朋友去選佢想吹ge 成功率會高d, 會無咁易放棄. 我仔個指揮係咁講. 所以我仔上左一年樂器班, 試哂咁多樣先選, 當然同我ge 理想有好大出入, 老師都有比意見話佢ok. 我仔都講得啱, 佢話係我學唔係你學, 你想我吹第二樣可以,但係我會學得唔開心law! 我心諗件野又大又重又唔型仔.

[ 本帖最後由 wensi 於 10-8-14 20:16 編輯 ]

作者: eny 時間: 10-8-14 17:03

對不起! 樓主, 越講越離題!

我讚成wensi所講, 最緊要小朋友喜歡, 老師又覺得佢ok。

作者: 金毛B媽 時間: 10-8-16 10:41

原帖由 eny 於 10-8-14 17:03 發表
對不起! 樓主, 越講越離題!

我讚成wensi所講, 最緊要小朋友喜歡, 老師又覺得佢ok。

唔緊要, 我個仔今年小一, 我估佢自己都唔知咩樂器打咩樂器, 不過老師選佢學, 就只好跟來學啦

我同老師傾過, 佢話唔會有小朋友放棄喎, 唔知係咪真呀

作者: 音樂人長老 時間: 10-8-17 09:52

如果無得揀，想放棄都唔得。好似妳要個仔食飯，唔係無得食，咁佢咪食囉。所以有家長分享過香港小朋友只係學樂器，唔係真正學音樂，只要唔係學校指定，小朋友好快會放棄，以後掂都唔掂個樂器。

作者: eny 時間: 10-8-17 21:54

原帖由 音樂人長老 於 10-8-17 09:52 發表
如果無得揀，想放棄都唔得。好似妳要個仔食飯，唔係無得食，咁佢咪食囉。所以有家長分享過香港小朋友只係學樂器，唔係真正學音樂，只要唔係學校指定，小朋友好快會放棄，以後掂都唔掂個樂器。 ...

同意這一點, 但有時家長的角色也很重要, 不斷給與鼓勵同讚賞, 有時犧牲一下自己的時間去陪他練習(特別是初學的時候, 當然唔好次次都係你叫先練), 有一天小朋友會發現自己愛上這件樂器時, 你會覺得係值得的。作為家長應多一點: think positive!!!

作者: wensi 時間: 10-8-19 10:20

原帖由 eny 於 10-8-17 21:54 發表

同意這一點, 但有時家長的角色也很重要, 不斷給與鼓勵同讚賞, 有時犧牲一下自己的時間去陪他練習(特別是初學的時候, 當然唔好次次都係你叫先練), 有一天小朋友會發現自己愛上這件樂器時, 你會覺得係值得的。作為家 ...

係ga 俾老師讚吓, 去表演同比賽都俾老師選中, 小朋友會好開心. 如果有獎佢地都會下次再想玩. 所以有時吹d少人吹而又吹得ok都有著數. 我仔次次有份出去, 尋日3間學校聯校表演完我. 阿仔好high 講定聖誕要去星光大道選60人, 我叫佢俾心機要考試入先得.

作者: 音樂人長老 時間: 10-8-19 10:40

我好同意各位講法，我哋做老師只能上堂見小朋友30或45分鐘，反而家長日日對住仔女，你哋態度好直接影響小朋友可唔可以堅持學好音樂，可惜有啲家長只喺物質上俾足仔女，精神上支持少得多，希望家長可以明白，係有方法可以參予仔女平時練習，只喺佢哋耳邊不斷催佢練，而家啲小朋友點會聽你講呀。

作者: 小伊 時間: 10-8-19 10:54 標題: 回覆 20# wensi 的文章

YSO = Youth Symphonic Orchestra. An orchestra in Music Office.

作者: wensi 時間: 10-8-19 12:52

原帖由小伊於 10-8-19 10:54 發表
YSO = Youth Symphonic Orchestra. An orchestra in Music Office.

thanks!

歡迎光臨教育王國 (/)