教育王國

標題: 請問有沒有人都係英文加中廣東話同時教bb? [打印本頁]

作者: cincin_ko 時間: 10-7-30 01:13 標題: 請問有沒有人都係英文加中廣東話同時教bb?

提示: 作者被禁止或刪除內容自動屏蔽

作者: audreymok 時間: 10-7-30 14:11

我哋主要同BB講英文, playgroup亦以英文為主. 但我同老公係用廣東話溝通. 我個女而家兩歲, 講全英語, 亦明白廣東話, 有時會有少少半中半英情況, 但唔嚴重. 我覺得中英可並全, 但要講全句廣東話or full sentense English, 唔好一句入面又中又英, 更加唔需要翻譯.

作者: cincin_ko 時間: 10-7-30 14:40

提示: 作者被禁止或刪除內容自動屏蔽

作者: Andrew_L 時間: 10-8-1 23:06

無乜問題既啵﹐最怕同拒講粵語或英文既人本身講野都有問題.
就算同時講埋法文﹐潮州話﹐德文﹐印度語同時黎都得﹐細路既學習能力系超乎你想象既啵。但有個要點就系﹐同一個人最好只用一種語言﹐個細路就會同呢個人溝通既時候自然用番一種語言﹐同另一個用其它語言既用番另一種語言﹐而唔會產生搭錯線﹐語言障礙問題。另外一樣野就系粵語系必學既其中一個語言﹐并非因為呢樹系香港﹐而系粵語更近古漢語﹐屬于高難度語言﹐學習粵語可使細路語言及思維能力強大。

[ 本帖最後由 Andrew_L 於 10-8-1 23:09 編輯 ]

作者: 小曳人 時間: 10-8-2 11:29

原帖由 cincin_ko 於 10-7-30 01:13 發表
我地mainly 會同佢好causal 咁講廣東話, 但係某d時候, E.g. 見到cat, dog, 會講英文..cat cat, dog dog咁..

唔知咁做啱唔啱?? 始終我都想bb 早點接觸english 但又怕弄巧反拙, 有冇人有經驗可以分享一下?

唔啱!
要講, 就要全句講, 最好係A只講英文, B就只講廣東話

以我大仔為例, bb時, 我乜都講, daddy就只講廣東話, 到我地開始俾個仔睇ybcr, 我就對住佢講全英文, 同老公講廣東話.. 當老公見到成效時, 佢會特定某d時間同個仔講全英語~ 到再大少少, 英文能力ok, 我都懶講英文, 除咗"教訓"佢, 或者工人响度一齊傾計之外, 我會用廣東話同佢講嘢
阿仔K1面試, 中英文都可以

不過, 始終中文比英文難學, 所以入咗N班之後, 我地主力教中文, e+阿仔鍾意中文多過英文~

作者: timkoye2010 時間: 10-8-3 13:10

我覺得冇問題

作者: siu_po_ultra 時間: 10-8-12 14:59

同意andrew 同小曳人的講法, 若要教雙語或多語, 一定要分開人(e.g. 爸爸講廣東話, 媽媽講英文), 或分開situation (e.g. 見倒菲律賓姐姐講英文, 上playgroup 講英文, 返到屋企講中文), 小朋友起初可能會比其他小朋友講得慢, 但好快會後來居上的, 千萬不要一句說話裡面中英夾雜, 或者講完一句英文即刻譯中文, 呢d都係有心理學的研究結果證實的

我曾經見過一個case, 個媽咪帶個仔仔去瑪麗醫院覆診, 我當時帶住另一個親戚的小朋友去覆診, 因為果度全部小朋友都係有不同類型的發展障礙, 我睇住個媽咪講完一個英文, 跟住一句廣東話, 最尾重有一句普通話.....但其實佢三句都講得好標準的, 可惜害了孩子不自知.......

作者: mypakbaby 時間: 10-8-12 21:18

我都覺得全中或者全英好
之前我阿女去過playgroup, 食茶點時, 個miss話拎個bowl 比老師.
我聽到之後, 以為佢話拎個"煲"比佢
咁樣學語文, 好有問題
所以我都唔會又中又英同佢講野
呢件事令我好深印象....

作者: hagupit 時間: 10-8-14 01:55

我和全家人都同bb講廣東話, 但係我每晚會有10-15mins 同bb睇書同聽音樂, 喇段時間我會全英文.

作者: 陳家大少奶 時間: 10-8-15 00:19

提示: 作者被禁止或刪除內容自動屏蔽

作者: cincin_ko 時間: 10-8-15 23:01

提示: 作者被禁止或刪除內容自動屏蔽

作者: 小曳人 時間: 10-8-17 11:56

原帖由 cincin_ko 於 10-8-15 23:01 發表

如果不能做到MAMA -全英文, PAPA全中文, 可否在特定時段, e.G. PLAYGROUP , READING TIME...全英文? 其他時間係咪同一個情景唔可以中句FULL SENTENCE ENGLISH + FULL SENTENCE CHINESE??? ...

總之.. 講英文就講英文, 唔好中英夾雜
如果唔同人講唔同語言有困難嘅, 我只會响某情況講一種語言, 但唔會講完中文講英文
如果有d生字佢未見過嘅, 我會話: 呢樣嘢英文就叫xxx
但係常見嘅嘢, 我都唔會咁講, 因為大把機會見到嘛!
但一定唔會指住個萍果叫: 萍果, apple

作者: samuel89 時間: 10-8-18 10:34

原帖由 小曳人 於 10-8-2 11:29 發表

唔啱!
要講, 就要全句講, 最好係A只講英文, B就只講廣東話

以我大仔為例, bb時, 我乜都講, daddy就只講廣東話, 到我地開始俾個仔睇ybcr, 我就對住佢講全英文, 同老公講廣東話.. 當老公見到成效時, 佢會特定某d時間同個仔講全英語~ 到再大少少, 英文能力ok, 我都懶講英文, 除咗"教訓"佢, 或者工人响度一齊傾計之外, 我會用廣東話同佢講嘢
阿仔K1面試, 中英文都可以

不過, 始終中文比英文難學, 所以入咗N班之後, 我地主力教中文, e+阿仔鍾意中文多過英文~...

咩讀K1 而家都需要面試架, 仲要中英文

作者: nat62 時間: 10-8-20 23:14

唔好意思....想問下你個國語ee即係國語老師or工人? 請問在哪裡請?

原帖由 陳家大少奶 於 10-8-15 00:19 發表
我現在囡囡兩歲半，中英文都ok, 昨天更做了一個小翻譯員，我同bun bun 講了句英文，佢自發把句子譯成廣東話說給國語ee聽！
我地教得比較混亂，好彩佢都ok,可以說出完整英語及廣東話句子，可惜有時都會中英混雜成一句。不過，佢可以 ...

作者: kerkermui 時間: 10-8-30 17:32

原帖由 samuel89 於 10-8-18 10:34 發表

咩讀K1 而家都需要面試架, 仲要中英文

係呀~唔好話K1啦, N1都要面試啦!

有部份學校係可以選擇面試語言, 可以揀廣東話或者英文

作者: siu_po_ultra 時間: 10-9-10 12:29

原帖由 小曳人 於 17-8-2010 11:56 發表

總之.. 講英文就講英文, 唔好中英夾雜
如果唔同人講唔同語言有困難嘅, 我只會响某情況講一種語言, 但唔會講完中文講英文
如果有d生字佢未見過嘅, 我會話: 呢樣嘢英文就叫xxx
但係常見嘅嘢, 我都唔會咁講, 因為大把 ...

小曳人已經答左你了~ 不要一句中, 跟住又一句英~

緊記三個原則, 就是:
1) 不同語言可以由不同人講; 或
2) 不同語言在不同情況講 (e.g. playgroup vs at home)
3) 千萬不好一句說話/conversation 內中英夾雜

希望幫倒你~

作者: siu_po_ultra 時間: 10-9-10 12:32

原帖由 kerkermui 於 30-8-2010 17:32 發表

係呀~唔好話K1啦, N1都要面試啦!

有部份學校係可以選擇面試語言, 可以揀廣東話或者英文

K1 面試間間學校形式都唔同, 有d單對單, 有d成group, 不過主要都係睇小朋友的社交同自理能力, 小朋友係咪能夠掌握雙語或多語並唔係重點, 但若果小朋友唔多講野咁就會蝕底d lor~

作者: brrbaby2007 時間: 10-9-17 17:02

原帖由 siu_po_ultra 於 10-9-10 12:29 發表

小曳人已經答左你了~ 不要一句中, 跟住又一句英~

緊記三個原則, 就是:
1) 不同語言可以由不同人講; 或
2) 不同語言在不同情況講 (e.g. playgroup vs at home)
3) 千萬不好一句說話/conversation 內中英夾雜

希望 ...

重有如果父母英文唔掂就唔好勉強教了，錯左唔易改架。

[ 本帖最後由 brrbaby2007 於 10-9-17 17:12 編輯 ]

作者: happyvalley 時間: 10-9-17 21:49

還有，我同學中好多講英文都好叻，因為佢老公係美國人，但係佢話要寫得好就好難，因為要用到『Grammar』。

作者: Daniel-Florence 時間: 10-10-19 23:09

我最近看過一本科學雜誌, 好似叫"Scientific American", BB學language如英文, 要一句中, 跟住又一句英文. 剛好同妳們相反.

BB天生就是科學家, 不是自我為中心, 剛好同現在教育理論相反.

BB很善於統計分析, 如天生已有sampling & population conception (實驗証實). Not a blank paper as said....

Finally, there is no wrong or right, and all BB is different. Find the right way to nuture your BB. :loveliness:

[ 本帖最後由 Daniel-Florence 於 10-10-19 23:12 編輯 ]

作者: ha8mo 時間: 10-10-25 16:56

提示: 作者被禁止或刪除內容自動屏蔽

作者: liurui0315 時間: 10-10-26 12:08

任何一個bb比任何一個成年人都要聰明，他們努力適應任何環境，學習速度奇快。所以，使他們習慣對著每一個常見的人用一種語言（當然是那個人的母語），bb就能很快的學會那個人的這種語言了！哈哈......(這是他求生的本能！！！)

作者: bosch 時間: 10-10-28 09:28

原帖由 cincin_ko 於 10-7-30 01:13 發表
見好多readings 係話兩種語言同時教佢, 會有語言遲緩, 但又有好多說法話, 要兒時比佢有接觸多國語言的機會..

我bb 7個多月, 都有一些英文教材每天同佢play 下, 看下書listen cd or watch dvd (not everyday).

我地 ...

如果你教bb 講中文/英文教到好似你而家咁post 文咁樣去表達你既意思, 我認為唔可以接受. 假設你現實生活中真係講野講成咁: "...都有一些英文教材

每天同佢play 下, 看下書listen cd or watch dvd (not everyday).", 你試想像如果你個bb 都係咁講野, 佢點可以準確地向其他人表達自己既要求?  返學考試咁寫答案又點算??  如果你平時真係講都講成咁, 咁你都要注意你對住bb 時點講中文.

另外你教生字, 話dog dog catcat 咁, 連英文都不如, 勁un 耳.  我唔知咁多外國人既教法, 但我只知中國人會用叠字作為bb 話.  當然佢第日點都會講番個"dog" 字 "cat" 字, 但響佢未戒講bb 話時, 你認為有冇其他人明白佢個意思?

語言係用黎同人溝通, 唔係同你自己一家人去溝通, 最重要係小朋友可以準確地表達自己既思想.  bb 的而且確係可以學到好多野, 但教得準至叫好, 否則早教係冇意思, 反而會拖垮左佢既交際能力, 同唔到父母講心事, 甚至去打三條9 都講唔到自己發生咩事.

我老公能流利講4種語言 (包括佢既母語), 唔流利既語言有2種左右, 但佢只係小學至學英文, 其他語文係中學至學.  佢俾我既啟示正如其他媽媽所講 (亦幸得佢地響度教過我點教我個仔), 教語言要一樣還一樣, 唔好撈埋一堆咁講, 一係分開人或者分開情況咁教, 最重要係首先一定要打好自己母語既底子.  專家話bb 有幾萬能我唔去反駁, 但我唔急於要我個仔幾歲就學3,4, 5,6,7種語言囉, 佢係有興趣有天份既話, 第日自然會學到, 否則學左都會唔記得.

我既小朋友係混血兒, 要學2種語言 (英文已經係第三語言, 我地選擇唔教住).  為左要佢學好廣東話, 我都減少中英夾雜咁講野. 初初我個仔唔講中文, 原因係得我一個人講中文, 同埋我少同佢講野, 攪到佢都唔識去表達所有野.  早排我阿媽湊住佢果陣 (近2歲半) 只係用中文去講野, 由朝同佢講到黑, 我個仔1-2個禮拜已經學到唔少生字, 仲成日用中文講野, 又識轉channel. 所以我更加覺得學語言真係質素比質量重要好多好多.

歡迎光臨教育王國 (/)