教育王國

標題: 馬主小一後補生取錄黑箱作業? [打印本頁]

作者: KenixSoSum 時間: 10-7-21 12:11 標題: 馬主小一後補生取錄黑箱作業?

馬主小一後補生取錄黑箱作業?

作者: brian61950 時間: 10-7-21 12:16

唔駛公投吓嘛?

作者: KenixSoSum 時間: 10-7-21 12:24 標題: 回覆 2# brian61950 的文章

之前打去問, 佢話未開始面試, 但過了兩日, 已收到信話冇位... ?????? .. 我個friend住起主風隔離個座, 佢都同我講曾經見過好多人去面試, 點解學校唔講真話.. 我唔係事必要讀佢, 只係如果唔收人地, 可以快d通知人地..啫..

作者: KMY 時間: 10-7-21 12:39

可唔可以pm 我知邊間學校呀

原帖由 KenixSoSum 於 10-7-21 12:24 發表
之前打去問, 佢話未開始面試, 但過了兩日, 已收到信話冇位... ?????? .. 我個friend住起主風隔離個座, 佢都同我講曾經見過好多人去面試, 點解學校唔講真話.. 我唔係事必要讀佢, 只係如果唔收人地, 可以快d通知人地.. ...

作者: brian61950 時間: 10-7-21 12:44

馬骝山x風.

原帖由 KMY 於 10-7-21 12:39 發表
可唔可以pm 我知邊間學校呀

作者: KenixSoSum 時間: 10-7-21 13:32

係馬鞍山聖公會主風, 我起度提出嚟, 係想提醒其他今年要幫小朋友報小一嘅家長知道, 如果在第一輪自選收生或第二輪中央派位之中都選馬主而落選的小朋友, 在叩門時, 千萬不要對佢有太大期望,因為有好多家長都話比我聽, 佢只會收同佢有來往的幼稚園, 至於邊間, 大家可留意起佢開放日, 到佢學校參觀個幾間...

因為馬主在馬鞍山是比較多人選的學校, 加上世襲生超多, 所以提出嚟給大家參考參考..

原帖由 KMY 於 10-7-21 12:39 發表
可唔可以pm 我知邊間學校呀

作者: Geni 時間: 10-7-21 19:59

間間學校到叩門階段都係用自己O既方法去收生的, 唔係只有馬主咁做, 用"黑箱作業"來形容我覺得負面O左D.

作者: 已刪除用戶 時間: 10-7-21 21:26

係, 叩門=校長自由收生, 好多學校都會先俾機會自己人, 例如好多超名校, 外人根本無機會interview
我聽過有學校未抽獎已經in定某d幼稚園學生tim啦!
realx! 人生就係咁, bk名言, 識人好過識字, 你無聽過咩

原帖由 Geni 於 10-7-21 07:59 PM 發表
間間學校到叩門階段都係用自己O既方法去收生的, 唔係只有馬主咁做, 用"黑箱作業"來形容我覺得負面O左D.

作者: nicolemummy 時間: 10-7-22 00:19

絕對贊同. 呢個世界未必有叩門呢樣野. 好多名津校都話無叩門位架啦. 倒頭來, 都有人係叩門入. 不過唔係你同我O者.

咁馬主留番畀自己人有咩問題呢. 老實講, 唔通為左個一兩個位, 見哂幾百個叩門生, 畀著係你, 你都會留番畀自己人.

其實, 我係馬主舊生, 但係沒有利用關係去叩門. 因為, 已經搬到巿區, 唔想番新界番學. 就算仔女派不到巿區第一志願, 都無想過番去. 但舊生實在超多, 而且都住係馬鞍山(新D嘛). 自己人都唔夠派啦!

原帖由 Charlotte_mom 於 10-7-21 21:26 發表
係, 叩門=校長自由收生, 好多學校都會先俾機會自己人, 例如好多超名校, 外人根本無機會interview
我聽過有學校未抽獎已經in定某d幼稚園學生tim啦!
realx! 人生就係咁, bk名言, 識人好過識字, 你無聽過咩
...

[ 本帖最後由 nicolemummy 於 10-7-22 00:20 編輯 ]

作者: 20091 時間: 10-7-22 00:48

樓主趺緊banding的學校,有得讀都要三思

作者: catsuet 時間: 10-7-22 01:16

原帖由 KenixSoSum 於 10-7-21 12:24 PM 發表
之前打去問, 佢話未開始面試, 但過了兩日, 已收到信話冇位... ?????? .. 我個friend住起主風隔離個座, 佢都同我講曾經見過好多人去面試, 點解學校唔講真話.. 我唔係事必要讀佢, 只係如果唔收人地, 可以快d通知人地.. ...

我都覺得咁樣唔系咁好，可以老實的答人
我囡系叩門入的
我系六月廿二巳知有人收到通知去面試，但我早兩日打電話去問佢，佢答我睇返張紙七月中先安排面試，跟住我再打去問，佢都是答我未開始，我話我識人收到通知喎，佢先話會分批，咁我話你不如話比我知幾時收唔到通知就冇機會，佢話叫我等多一個禮拜，跟住過左幾日就收到通知去面試
佢張紙寫面試安排七月中，原來七月中糸寄信通知落選

作者: happyvalley 時間: 10-7-22 09:54

黑箱就是黑箱，咁樣教仔即係將來叫佢地『做事要走多 d 後門』。我們要聲討呢 d 壞學校。

.

[ 本帖最後由 happyvalley 於 10-7-22 09:56 編輯 ]

作者: KenixSoSum 時間: 10-7-22 10:10

請大家不要誤會我小朋友入唔到先會咁講, 因囡囡第一志願並唔係馬主, 只因為我有好多媽咪朋友, 囡囡同學的媽咪, 都很煩惱小朋友選校及叩門的問題, 而如果知多d有關學校的叩門資料, 對各媽咪在選校或落選時是有很大幫助的。

原帖由 happyvalley 於 10-7-22 09:54 發表
黑箱就是黑箱，咁樣教仔即係將來叫佢地『做事要走多 d 後門』。我們要聲討呢 d 壞學校。

.

作者: KenixSoSum 時間: 10-7-22 10:13

catsuet,

你可唔可以話比我知, 你囡囡係讀邊間幼稚園呀?

原帖由 catsuet 於 10-7-22 01:16 發表

我都覺得咁樣唔系咁好，可以老實的答人
我囡系叩門入的
我系六月廿二巳知有人收到通知去面試，但我早兩日打電話去問佢，佢答我睇返張紙七月中先安排面試，跟住我再打去問，佢都是答我未開始，我話我識人收到通知喎，佢先話會分批， ...

作者: 已刪除用戶 時間: 10-7-22 10:21

現實D講句, 在家靠父母, 出外靠朋友, 呢樣野幾時都係岩, 分別在靠朋友靠幾多, 自己問心有無實力定真係靠關係姐
現實世界, 搵工搵生意, 就算請個SPEAKER講TALK, 識人都計平D啦!
睇開D!

原帖由 happyvalley 於 10-7-22 09:54 AM 發表
黑箱就是黑箱，咁樣教仔即係將來叫佢地『做事要走多 d 後門』。我們要聲討呢 d 壞學校。

.

作者: pineapple0983 時間: 10-7-22 10:50

原帖由 Charlotte_mom 於 10-7-22 10:21 發表
現實D講句, 在家靠父母, 出外靠朋友, 呢樣野幾時都係岩, 分別在靠朋友靠幾多, 自己問心有無實力定真係靠關係姐
現實世界, 搵工搵生意, 就算請個SPEAKER講TALK, 識人都計平D啦!
睇開D!
...

冇錯，ed係正常ge生態現象。
中學、小學、幼稚園D校長都有固定ge人際網絡關系，買賣人情好普遍；ed關系到有需要時就會發揮效用。
點解有d學校要被人殺校，下面d教職員日日要為生活旁黃；但有d又越做越好，下面d教職員個個都5、6拾歲，好開心咁等退休？
有時d"人情位"係要賣人情比一d幫到學校嘅人架，越"唔湯唔水"嘅學校越要咁做。
雖然我唔認同咁嘅做法，但ed就係現實！

作者: KenixSoSum 時間: 10-7-22 11:17

咁我只會擔心, 我地嘅小朋友及一下代, 會變成點.. ? 會唔會咩學校會教出咩學生? 會唔會長大後, 會覺得"走精面"so what? 唔使努力讀書?? 老師上課會唔會同學生講識人好過識字, 個心真係有d寒....

原帖由 pineapple0983 於 10-7-22 10:50 發表

冇錯，ed係正常ge生態現象。
中學、小學、幼稚園D校長都有固定ge人際網絡關系，買賣人情好普遍；ed關系到有需要時就會發揮效用。
點解有d學校要被人殺校，下面d教職員日日要為生活旁黃；但有d又越做越好，下面d教職員個個都5、6 ...

作者: pineapple0983 時間: 10-7-22 12:11

原帖由 KenixSoSum 於 10-7-22 11:17 發表
咁我只會擔心, 我地嘅小朋友及一下代, 會變成點.. ? 會唔會咩學校會教出咩學生? 會唔會長大後, 會覺得"走精面"so what? 唔使努力讀書?? 老師上課會唔會同學生講識人好過識字, 個心真係有d寒....

...

都話我唔認同咯。。。。。。
e個係香港成個教育界ge問題，普遍唔夠學生，出生率低，你話業界點做先可以生存落去？
之前經濟好，d人好肯生細路；人多位少，間間學校大把學生爭，跟住政府係咁起學校；到左而家，個情況調轉，你話可以點？
你可能唔太清楚個現實係點，你知唔知普遍而家d教師、校長受幾大壓力？凈講理想ge後果係點你知唔知？
d名校、top 嘅學校咪可以講正義、講理想囉。當然有d係例外啦，但辛苦囉。

作者: KenixSoSum 時間: 10-7-22 12:24

其實又唔需要扯得太遠, 香港教育制度早有問題係身為家長都已知道嘅事實, 小朋友到6歲及11-12歲,18-19歲, 家長都要為小朋友讀書而煩惱, 只是, 家長在煩惱小朋友升學的同時, 學校應該了解家長的心情, 早點給家長有心理準備, 又何必故弄玄虛呢? 自抬身價??

quote]原帖由 pineapple0983 於 10-7-22 12:11 發表

都話我唔認同咯。。。。。。
e個係香港成個教育界ge問題，普遍唔夠學生，出生率低，你話業界點做先可以生存落去？
之前經濟好，d人好肯生細路；人多位少，間間學校大把學生爭，跟住政府係咁起學校；到左而家，個情況調轉，你話可以點？
你可 ... [/quote]

作者: 已刪除用戶 時間: 10-7-22 14:43

唔好咁嬲, 我都試過同你一樣情況(另一間名校), 又係去叩門, standard reply話無位, 但同時我又o係bk聽到有人有得interview, 於是我又寫信, 又話無位........仲同時人地有offer
果時真係好嬲+無奈架! 事過境遷, 而家覺得塞翁失馬, 好多野唔係我就唔係我, 嬲黎都無用, 起碼我女女而家讀得開開心心, 個學位係佢靠實力考返黎, 問心無愧
以後條路點行, 無人知, 仲有好長既路要走, 之前講過出外靠朋友, 真架, 而家間學校好多好勁既家長, 又唔勾心鬥角互相好support, 我相信同學一齊長大, 日後大家又都可以互相扶持, 呢樣野我而家期望緊(識人好過識字未必係negative既)
世界上無絕對公平, 自己做好自己果part lor

原帖由 KenixSoSum 於 107-22 11:17 AM 發表
咁我只會擔心, 我地嘅小朋友及一下代, 會變成點.. ? 會唔會咩學校會教出咩學生? 會唔會長大後, 會覺得"走精面"so what? 唔使努力讀書?? 老師上課會唔會同學生講識人好過識字, 個心真係有d寒....

...

作者: catsuet 時間: 10-7-22 15:26

原帖由 KenixSoSum 於 10-7-22 10:13 AM 發表
catsuet,

你可唔可以話比我知, 你囡囡係讀邊間幼稚園呀?

我囡系讀康傑，佢系waiting list 好遲先收到通知錄取
我識有個讀張煊昌都系叩門入左

作者: pineapple0983 時間: 10-7-22 15:27

原帖由 KenixSoSum 於 10-7-22 12:24 發表
其實又唔需要扯得太遠, 香港教育制度早有問題係身為家長都已知道嘅事實, 小朋友到6歲及11-12歲,18-19歲, 家長都要為小朋友讀書而煩惱, 只是, 家長在煩惱小朋友升學的同時, 學校應該了解家長的心情, 早點給家長有心理 ...

我冇扯得遠喎。。。。。。
e個係因果黎；當然，如果你好局部咁睇，咁咪就係咁囉：乜嘢唔公平，乜嘢冇道理，乜嘢做壞規矩囉；但宏觀d睇，學校咁做都好合理喎。
唔係你想d學校點？間學校要脫穎而出，就要有競爭力。拉多D人聯埋一齊(埋堆)，係其中一種方法。
乜你覺得學校將自已ge難處講比家長聽，有用咩？
d家長好現實架。佢地上左船就開始識得諒解d學校ge難處，因為到時冇得揀吖嘛。

作者: pineapple0983 時間: 10-7-22 15:30

原帖由 catsuet 於 10-7-22 15:26 發表

我囡系讀康傑，佢系waiting list 好遲先收到通知錄取
我識有個讀張煊昌都系叩門入左

咦，e間OK喎。
另一間係咪響錦英？

作者: catsuet 時間: 10-7-22 15:36

原帖由 pineapple0983 於 10-7-22 03:30 PM 發表

咦，e間OK喎。
另一間係咪響錦英？

就系錦英果間呀

作者: KenixSoSum 時間: 10-7-22 18:00

我重點都係話, 唔收咪唔收囉, 唔使同家長講大話嘅.. 你一時話比人聽未開始見, 一時又有人見緊.. 點解唔早d講比人地聽事實呢? 其實學校點收生, 我覺得可以有自已一套, 但如果家長問到, 點解唔老實地答人地, 現在是開始見緊呢??七月中係最後通知呢????

原帖由 pineapple0983 於 10-7-22 15:27 發表

我冇扯得遠喎。。。。。。
e個係因果黎；當然，如果你好局部咁睇，咁咪就係咁囉：乜嘢唔公平，乜嘢冇道理，乜嘢做壞規矩囉；但宏觀d睇，學校咁做都好合理喎。
唔係你想d學校點？間學校要脫穎而出，就要有競爭力。拉多D人聯埋一齊(埋堆)， ...

[ 本帖最後由 KenixSoSum 於 10-7-22 18:02 編輯 ]

作者: happyvalley 時間: 10-7-22 18:25

原帖由 KenixSoSum 於 10-7-22 18:00 發表
我重點都係話, 唔收咪唔收囉, 唔使同家長講大話嘅.. 你一時話比人聽未開始見, 一時又有人見緊.. 點解唔早d講比人地聽事實呢? 其實學校點收生, 我覺得可以有自已一套, 但如果家長問到, 點解唔老實地答人地, 現在是 ...

人事雖然重要，不過比我地同呢間學校唱下歌，睇佢都會改進點。

其實政府的殺校是好的，不然 d 老師可以一本教學 notes 可以四十年不變。所以，如果我地唔改變，d 學校就會對家長都係四十年不變，一樣咁吋。

作者: greendotdot 時間: 10-7-23 13:12

原帖由 pineapple0983 於 10-7-22 15:27 發表

d家長好現實架。佢地上左船就開始識得諒解d學校ge難處，因為到時冇得揀吖嘛。

Pineapple：言簡意賅！

人就係咁，當自己扮演的角色改變咗，睇法又唔同咗，做法又唔同咗，但求「要過得人也要過得自己」，識得自己變通吓，而且酌情體諒吓人家，大家happy係咪會好啲。

講真，有啲學校揾個文員接電話(有啲仲校公、阿姐接添)，答家長嘅一般資訊，一時一樣唔出奇，人地未必一定係講大話，又唔係佢地自己話事，佢話收家長子女，之後又反口，就話啫。.... 據聞有啲學校，為咗做高佢地升中第一志願的成功率，話俾Band1尾的學生佢係Band2，建議佢揀間Band2中學做第一志願，咁家長咪更加憤慨，又據聞有學校，十年一遇的一位資優生，佢家長鍾意喇沙，老師則極力游說佢揀皇仁，翻查其校升中歷史，原來去喇沙上年都有，但去皇仁巳經是五年前的事，如果屬實，這類學校的行為才真是有問題嘛！有啲家長成日呻學校幾咁唔好，行政混亂，偏坦學生等等，咪只能敢怒不敢言，小五小六佢地又唔敢轉校，投訴老師，操行攞個B-自行啱啱好玩完，唔通死死氣等大抽獎，佢地咪一樣唔敢揾子女教飛，咪就係上咗隻船囉！所以才有呢啲虛擬渠道俾大家抒發吓，然後又再返去面對現實啫。

作者: km1357 時間: 10-7-23 14:27

呢間學校,我囝囝升小一時我都遇到同一待遇, 一路無聲無氣, 到後期有人問我地呀仔叩門點, 我地照講, 佢拍心口話可以打電話比學長, 一定有得interview, 我地就婉拒好意, 我心諗, 如果呀仔真係係呢樹讀六年, 呢六年我地都可能會受呢d 對待.

作者: KenixSoSum 時間: 10-7-23 15:42

咁又係,如果要搵個校工嚟聽電話, 其他野都唔使點諗啦..(唔通呢間名校, 起表格上填左個校工嘅電話?)
因為其他學校, 無論表格資料及聽電話個個人都表達得好清楚, 可能我真係唔應該用呢d學校同呢間名校比較。我亦好同意有d人講, 上左佢條船,自然一定要體諒佢啦!

原帖由 km1357 於 10-7-23 14:27 發表
呢間學校,我囝囝升小一時我都遇到同一待遇, 一路無聲無氣, 到後期有人問我地呀仔叩門點, 我地照講, 佢拍心口話可以打電話比學長, 一定有得interview, 我地就婉拒好意, 我心諗, 如果呀仔真係係呢樹讀六年, 呢六年我地 ...

歡迎光臨教育王國 (/)