教育王國

標題: 請幫忙俾多D港同資料 [打印本頁]

作者: pin 時間: 10-7-20 10:33 標題: 請幫忙俾多D港同資料

我住荃灣，一直沒想為囡囡考港島區學校。但老公話如果搵到好學校搬屋都可以，所以便看看其他區學校。

上次在雜誌見到港同介紹，我都很喜歡。今日上校網，原來小一簡介會四場已full了。

請問有沒有家長可提供多些資料，港同較為活動教學，程度是一般、中上或是深呢？學校優點是什麼？英文有冇phonics學？中文是全部普通話或只是聆聽對話？學校有外籍老師嗎？大家喜歡港同什麽？

多謝幫忙

作者: Charlotte_mom 時間: 10-7-20 16:19

你不如打去學校問下當日WALK-IN安排先啦, 靠我地講2句好難講得明架WOR
港同較為活動教學，程度是一般、中上或是深呢？
學校小一已經係全普通話教中文, 我女升小5, 黎緊學校會安排學生報理大既小學生普通話水平測試, 我都好期待知個結果(平時把嘴就幾得既.........)
英文GRAMMAR會用本地練習, 教材會用英國書(比本地書貴呢....

), 亦好好多READERS, 舊年小4有用ROALD DAHL, HORRID HARRY, 之前(好似小3定小2)有用DR. SEUSS
學校優點是什麼？活動教學啦, 同一般傳統教法唔同, 學生習慣從唔同途徑搵資料, 自己消化同PRESENT; 一條龍英中; 著重生命教育; 下午有單元課學生可以嘗試唔同活動等
英文有冇phonics學？中文是全部普通話或只是聆聽對話？
唔係好有系統地教PHONICS, 講返我女, 入小一時英文只識睇好簡單常用字(HE SHE IT THE THEY果D呢), 升小2時已可獨立睇好多英文書了
普通話係小一開始, 中文科用普通話教, 會學晒基本功(拼音), 聽說讀寫都有, 即日日都有普通話學
學校有外籍老師嗎？5個英文NET, 中文老師都係NATIVE SPEAKERS

歡迎光臨教育王國 (/)