教育王國
標題: 專注力不足.過度活躍.智商131 [打印本頁]
作者: cc89cc89 時間: 10-7-19 10:21 標題: 專注力不足.過度活躍.智商131
提示: 作者被禁止或刪除 內容自動屏蔽
作者: happyvalley 時間: 10-7-19 21:21
原帖由 cc89cc89 於 10-7-19 10:21 發表
兒子小一被老師捉左去政府醫院評估 評定為
1專注力不足
2過度活躍
3智商131以上(無寫幾多)
平日功課前10名+課外奧數
每星期睇10本圖書+4個網站
小二下學期老師就要比小三課本他睇
(因他座唔定 課堂上會煩其他同學)
...
慘!我個囡會睇 BB 故事書、減壓 。
作者: pathfinder 時間: 10-7-28 18:52
其實都係視乎學校同家長既期望係乜野,,如果你覺得佢上堂坐唔定,,上堂比人投訴,,騷擾到其他同學,,其實係可以用藥物去處理專注力不足問題,,例如: Ritalin, Concerta, Strattera
但係藥物當然有一定既副作用,,例如: 影響孩子既發育,, 情緒同食慾不振等等
如果唔想用藥物既話,,要視乎佢專注力不足係係邊方面,,例如佢有冇1d咩課堂係特別唔專心,,或有冇社交及行為既情況
[ 本帖最後由 花仔媽咪 於 10-7-30 07:52 編輯 ]
作者: anna_ho 時間: 10-8-2 01:49
提示: 作者被禁止或刪除 內容自動屏蔽
作者: CCHmama 時間: 10-8-2 09:49
我個仔係咁,做左評估,佢係Asperger, Gifted child, 嚴重ADD,都有HD問題,十分愛看很多字的小說,可以成日留在圖書館看書,但不愛做功課,默書常100分,但不愛做考試卷,是個怪人,樣子卻十分可愛,今年升小三,好擔心.
我冇請工人,亦冇家人幫手,由兩歲起都係放在幼稚園,小學時放學後就去補習社,我放工便去接佢,好多人以為佢比家人寵壞,忙得咁緊要點寵呀.....
我唔想用藥物,希望用飲食習慣或其他天然既方法,減低ADHD問題,我之前聽過關於ADHD既講座,味精和糖份都會有影響,多用較溫和的語氣,並且用圖畫指示以改善不良行為.
路係好漫長,努力呀!!
原帖由 cc89cc89 於 10-7-19 10:21 發表
兒子小一被老師捉左去政府醫院評估 評定為
1專注力不足
2過度活躍
3智商131以上(無寫幾多)
平日功課前10名+課外奧數
每星期睇10本圖書+4個網站
小二下學期老師就要比小三課本他睇
(因他座唔定 課堂上會煩其他同學)
...
作者: anna_ho 時間: 10-8-2 13:20
提示: 作者被禁止或刪除 內容自動屏蔽
作者: sulleybe 時間: 10-8-4 15:38
原帖由 CCHmama 於 10-8-2 09:49 發表
我個仔係咁,做左評估,佢係Asperger, Gifted child, 嚴重ADD,都有HD問題,十分愛看很多字的小說,可以成日留在圖書館看書,但不愛做功課,默書常100分,但不愛做考試卷,是個怪人,樣子卻十分可愛,今年升小三,好擔心.
我冇請 ...
其實會唔會係左右發展不平衡所至呢? 右腦主管記憶, 情感, creativity... 左腦係 logic, 說話,寫字, 感官, 好明顯貴公子係右腦主道形, 愛做一些用記憶力的事, 不愛答問題不愛說話, 愛思考,天馬行空,不愛去做, 會情感失控,其實佢可能覺得說話,寫字,答問題會力不從心, 如果真係, 可以試下做D左腦運動 trainning.至於点做, 不同小朋友有不同的方法, 父母其實最清楚, 我唔係專家, 只是一位家長的見解.
也可以看看中醫,改善身體狀况 都會有幫助
[ 本帖最後由 sulleybe 於 10-8-4 15:40 編輯 ]
作者: RubySuen 時間: 10-8-7 12:59 標題: 回應 CCHmama
Hi CCHmama:我兒在 P.1 評估為資優兒童,而亞氏保加症雖有部份表徵但未有斷症;現就讀葵涌某名校,今年9月升讀 F.5。您兒情况較為特別,您在哪間機構做評估?他們有建議您之後的跟進和培訓課程嗎?不要擔心,只要堅持;他仍處於初小偕段,可塑性高,我相信包容和關愛孩子的家長,必能帶領孩子愉快地成長!
作者: CCHmama 時間: 10-8-12 15:05
原帖由 RubySuen 於 10-8-7 12:59 發表
Hi CCHmama:我兒在 P.1 評估為資優兒童,而亞氏保加症雖有部份表徵但未有斷症;現就讀葵涌某名校,今年9月升讀 F.5。您兒情况較為特別,您在哪間機構做評估?他們有建議您之後的跟進和培訓課程嗎?不要擔心,只要堅持;他仍處於初小偕 ...
我在政府既智能測驗中心做呀,多謝你鼓勵 :)
你個小朋友而家F.5,讀書OK嗎,成長期間既問題容易處理嗎?我個仔雖然係資優,但佢有好多問題,日子過得戰戰兢兢,又唔可以急燥,要慢慢教,處理好自己既EQ,唉~~~
作者: RubySuen 時間: 10-8-18 19:14 標題: 回覆 9# CCHmama 的文章
唔好意思咁遲至覆,我因為是新國民,所以唔識用。我大仔讀書成績不錯,課外活動甚多,F.4班名次第1,但他仍要求去補習,自我要求勁高。他成長期情緒問題多羅羅,我們每年差不多要轉變多次教養方法,以便應付;過程縱是困難重重,但家長還是要先控制自己的情緒,才能處理孩子的問題啊。
不要放棄,努力,加油!
作者: RubySuen 時間: 10-8-18 23:05 標題: 回覆 2# CCHmama 的文章
我係Ruby老公, 不要講點算, 有好多野做,唔知你做左幾多, 你個仔升小三, 唔好遲要即刻做, 刻不容緩,:
1. 調整心態, 長期奮鬥, 父母教養意見要一致, 適當分工, 控制情緒等
2. 買書, 找網頁睇
3. 參加家長會
4. 參加家長講座, 班組及訓練
5. 製訂兒子學習計畫, 用盡家人朋友社區大學老師私人課外活動一切資源
6. 瞭解小學情況, 如問題解決不了考慮轉校
告訴大家以上你做了多少, 知道多少, 有何計劃, 有何困難, 我們可再提供細節及以往經驗供彼此討論
作者: cc89cc89 時間: 10-12-19 16:04
提示: 作者被禁止或刪除 內容自動屏蔽
作者: talent2000 時間: 10-12-23 02:51 標題: 回覆 1# cc89cc89 的文章
提示: 作者被禁止或刪除 內容自動屏蔽
作者: etbaby 時間: 11-1-19 19:25
我仔仔現在快五歲. 一年前幼稚園參加左中大既研究被發現左係資優.
呢一年佢學習速度好快. 雖然情緒有時波動. 但老師都沒有太大既投訴.
但近呢個月差唔多要日日見家長. 佢有時同小同學仔傾計. 有時自行離開座位成個課室行來行去. 有時行埋一邊自己不停轉圈. 老師話佢理解力同記憶力好強. 每季學術評估都係"A"
但佢依家成日騷擾到同學. d老師雖然知道佢係資優, 但見到佢都覺得佢神憎鬼厭.
佢在家中又完全兩回事.....依家先幼稚園. 香港既配套又少. 爸爸又心急想佢變好. 搞到成日家嘈屋閉.
我又唔想傷害小朋友既自尊. 試過停佢學一日. 只可以sleeping + sit down. 什麼都唔俾做. 但一日後佢又重滔覆轍.. 真係唔知點算.......
作者: R小姐 時間: 11-1-21 16:05
Hi etbaby,
Pls check PM.
作者: kmmum 時間: 11-1-26 23:11
to etbaby,
我囡囡兩歲半. 返緊N. 返學咁耐,阿囡成日周圍走. 仲有自行轉圈. 完全唔聽老師話. 連外藉老師都話佢OUT OF CONTROL. 叫我地搵專家. 囡囡仲有言語遲緩問題. 排緊正苦見醫生, 初時想, 上到K 應該情況有所改善. 但看完你的CASE , 我好擔心, 會不會根本改不到 ? 你的小朋友會選擇什麼P
作者: milk323 時間: 11-2-8 11:23
其實D資優小朋友上堂搞事好多時都會因為悶, D野都明晒, 上堂好無聊.... 我小學同中學都遇到呢D同學, 上堂成日玩唔聽書, 有D搞事, 有D自己玩/ 睇第二D書, 但係考第一次次都係佢. 中六預科班邊D同學成績最好? 係上堂打橋牌O個班LAW....
作者: mini_cc 時間: 11-2-10 12:05
原帖由 kmmum 於 11-1-26 23:11 發表
to etbaby,
我囡囡兩歲半. 返緊N. 返學咁耐,阿囡成日周圍走. 仲有自行轉圈. 完全唔聽老師話. 連外藉老師都話佢OUT OF CONTROL. 叫我地搵專家. 囡囡仲有言語遲緩問題. 排緊正苦見醫生, 初時想, 上到K 應該情況有所 ...
我個仔同你女女差不多大,佢2歲4個月............我對住佢已經超頭痛,佢歲半時已經被評為言語遲緩(當時十個詞語都講唔出),比正常慢半年,ok我同佢出私家做言語治療,宜家好o左好多,多發音o左,至少表達到自己o既需要....
但情緒問題嚴重!!常常好似有瘋狗症咁發脾氣,係學校唔合作都好唔cry已經好高興....係屋企佢成日要"獨立地"玩ipad仲有睇youtube,只要我地一"阻阻"佢...即時發顛
正苦前日打o黎話3月1日可以見智力測驗的醫生仲有做聽力測驗,仲有比佢排期睇兒童精神科........我之前同佢去睇精神科個醫生話佢好聰明,但已經超自我,十居其9都係亞保加氏症.....佢話睇o左20幾年症已經好少錯了........my god!!!我好大壓力呀,報20間K1無一間收佢,因佢完全唔合作,佢知道interview,一入門口就唔合作了!
歡迎光臨 教育王國 (/) |
Powered by Discuz! X1.5 |