教育王國

標題: 極品....明日之星 [打印本頁]

作者: brian61950 時間: 10-7-4 13:49 標題: 極品....明日之星

昨天給我遇見了一位萬年難得一見的天才小朋友,我睇人好少睇錯,此子將來必有一番大成就.
昨天帶了仔女去樂園玩波波池,除我仔女外,另有兩個小朋友在內,此時有一位8-9男仔加入,他父母放底佢就行左去,他一入去就亂拋波擲人,我仔女都唔係蕃薯,即場引發擲波大戰.擲波冇動手動腳我冇理又冇阻止.
該男仔差不多每隔20秒就走出來大叫"有人打人呀",另兩位家長和我也冇理佢,佢叫得幾次樂園的哥哥走來了解問佢比邊個打,佢指住我仔,樂園的哥哥望一望我,我苦笑一下,他行了去.佢又叫,樂園的哥哥又走來問,佢又話我仔打佢,此時樂園的哥哥想去話我個仔,我同佢講你咪理佢啦,調轉d野來講,你坐一陣睇下你就明架喇.
樂園的哥哥冇再走開,那男仔仍然久唔久就大叫比人打,樂園的哥哥一路有睇住所以冇理佢.
如是者又叫又玩又叫又玩夠鐘了,他坐在我旁邊著鞋時問我"你信我信我同爹地媽咪講呀那",我答佢隨便你啦.
出到去佢真係同佢父母講,我不覺奇怪因為預左,奇就奇在他竟哭出來,大滴大滴眼淚,佢阿媽好心痛問佢邊度痛,佢阿爸就好勞氣問邊個打佢.
本來我冇打算走,想同佢理論下,但想到子女係度,儭佢未發現我仔,我帶走了他們.
同太太講番,佢話下次再遇此子,拍佢片比佢父毋.
但我諗冇乜用.

作者: winchoy16888 時間: 10-7-5 06:47

咱攪笑

不過我亦曾見有父母

有錯你錯我女無錯

作者: 林嬌嬌 時間: 10-7-5 08:30

講起去樂園玩，有次同個仔去玩咭，見到一個男仔八九歲（單獨）同一個六七歲（亞媽陪伴）在對戰，大男孩因為有勁咭不斷嬴，但最後玩完手上代幣。此時，個亞媽出手：嘩，你咁犀利，我比十個代幣你再贏過啦！你比左張咭我喎。
個小朋友話唔好，不過，個亞媽係咁話得啦得啦，就拉個仔走。
個男仔就向我們求助。
有時慨嘆，咩父母都有？日後社會上又多一個極品。

作者: brian61950 時間: 10-7-5 11:04

有時帶小朋友出去玩,以前我會教佢地小心陌生人.
估唔到現在可能要小心埋細路.

作者: 20091 時間: 10-7-5 15:06

我近期也遇上了一位xo中的xo-----肥仔,好心話俾佢媽媽知啦.(有意外就唔好啦)
原來有咁的仔女就有咁的父母

作者: johnsize 時間: 10-7-5 16:56

社民聯又一明日之星, 長毛後繼有人!!!

作者: HugoRainbow 時間: 10-7-5 17:19

果真極品!勁!!

作者: Sumyeema1 時間: 10-7-5 17:20

haha....i got the same comment about this future star..

原帖由 johnsize 於 10-7-5 16:56 發表
社民聯又一明日之星, 長毛後繼有人!!!

作者: 麥兜媽 時間: 10-7-5 19:22

果然係....極品

作者: happyvalley 時間: 10-7-5 22:23

有 d 咁蠢父母信佢個仔，先會有咁不知天高地厚的小朋友。呢 d 就係有雞先有蛋

作者: MimiCactus 時間: 10-7-6 10:13

上星期五, 翠林運動場舉行空手道比賽, 至下午我看見年約七八歲半唐番小朋友拿著爆丸咭, 周圍找人同他玩, 唔同佢玩就拿著咭界其他小朋友手臂. 佢界一個十二三歲男仔, 個男仔有厚道無彩佢. 之後我就開始留意這小朋友啦！其後這個小朋友走來我道complaint我外甥仔打佢, 加下D細佬仔講野真叻, 倒轉D說話！其後呢個醒目仔又走去打人, 打個空手道七歲組別既亞軍. 果個亞軍男仔剩係擋住無還手.

作者: happyvalley 時間: 10-7-6 17:07

原帖由 MimiCactus 於 10-7-6 10:13 發表
上星期五, 翠林運動場舉行空手道比賽, 至下午我看見年約七八歲半唐番小朋友拿著爆丸咭, 周圍找人同他玩, 唔同佢玩就拿著咭界其他小朋友手臂. 佢界一個十二三歲男仔, 個男仔有厚道無彩佢. 之後我就開始留意這小朋友 ...

比我就抽住佢同佢見家長，反面就反面。

作者: ANNAFRIEND 時間: 10-7-6 23:12

我琴日搭港鐵遇到一對母子, 個媽一路用鄉下話鬧個細路(我諗個細路8,9歲倒, 著住校服), 個細路就一路"mit", 一路咬個阿媽手臂. 又口up up唔知講咩鬧返佢阿媽. 全車人都望住呢對母子. 坐我隔離個女人望下我, 好似想同我討論佢地. 我就一直望住呢件極品細路. 到站時, 個細路急不及待想拿返自己書包. 我仲以為佢想走先, 原來係拿書包黎"車"佢阿媽. 我隔離個女人終於忍唔住開口話個細路: 你o甘樣做可以搵警察拉你. 個細路阿媽忍唔住同我地呻, 話佢個仔好白厭..............等等. 但照我睇佢地呢d大陸人唔教仔, 又唔理個仔. 由細到大縱壞佢地, 先會出現呢種極品細路. 真係有教點差都唔會去到o甘掛

, 真係睇到我"寧"哂頭.

到今日終於要自己受返. 早知今日, 又何以當初唔去教呢!

作者: wingsma 時間: 10-7-7 03:18

老師叫白同學發表意見，白同學講不到幾句，黃同學便插咀漫罵白同學，老師制止，但黃同學不理。謝同學在門外經過，見好友白同學被辱罵，謝同學雖然不是該班學生，但仍走進該課室想替白同學解圍。
小息時，黃同學不斷纏著謝同學，罵他不應走進別班的課室。說他如何如何不應走進別班課室，要守規矩。講來講去三幅被。謝同學間中回應一兩句，說黃同學也不守規矩，老師未叫便插咀，黃同學竟說他不守規矩，有老師制止。但他明明就沒有理會老師的阻止，繼續不守規矩。這樣的學生算不算極品。
以上故事，純屬虛構。但現實比故事更恐怖！
http://www.youtube.com/watch?v=2ThAFjZFR8k&feature=related

http://www.youtube.com/watch?v=5foUcwRsMMY&feature=related

作者: kpy 時間: 10-7-7 16:20

之所以有港童, 就係皆因有港爸港媽吖嘛

作者: 瑩瑩老豆 時間: 10-7-7 23:34

簡單講呢D 咪叫冇家教 :;pppp:

作者: 呀Bow 時間: 10-7-8 16:43

原帖由 ANNAFRIEND 於 10-7-6 23:12 發表
我琴日搭港鐵遇到一對母子, 個媽一路用鄉下話鬧個細路(我諗個細路8,9歲倒, 著住校服), 個細路就一路"mit", 一路咬個阿媽手臂. 又口up up唔知講咩鬧返佢阿媽. 全車人都望住呢對母子. 坐我隔離個女人望下我, 好似想同 ...

現今社會很多這類小朋友及父母, 上次在港鐵車廂內有一位母親,因女兒哭打她的手掌, 該大約 4 歲的小朋友就一路哭一路回敬 (斗巴打)在她媽咪的臉O 媽咪打一吓, 小朋友打一吓 (禮尚往來咁), 連坐在旁邊的呀婆也說 : 打媽咪會比雷劈O 但我又唔明那女士又會任她女兒打, 難道打者愛也

作者: mshung 時間: 10-7-8 17:08

提示: 作者被禁止或刪除內容自動屏蔽

作者: tammytam124 時間: 10-7-8 23:50

以前遇過一位男孩約10歲, 因當時我職業關係成日見到佢, 佢講野好口臭, 我都唔係好理佢, 有日我同佢講細細聲講野, 佢發皮氣不停講講講... 話信唔信我話妳非禮我, 又話女都可以非禮男, 又拉低件衫叫非禮, 激到我真係好想..搵個麻包袋"粒"住佢跟住係後巷打佢一身, 當然只是幻想.. 但有日佢又黎... 係哭得好理害咁入黎.. 當然要問吓佢做咩哭, 同佢一齊入黎架小朋友話佢比d哥哥打... 我個刻好心涼 .. 你終於有今日 .. ...

小朋友真係要教, 唔教出面好多人會教..... 訓佢.. 到時都係小朋友自己受害

作者: KLeemama 時間: 10-7-9 15:43

見到身邊好多親友的小朋友都有吾同嘅行為問題,想出聲提點他們的父母,但又知道沒有父母喜歡聽.......各位父母我哋要努力呀!不要養育出一個又一個問題兒童啊!

作者: montana 時間: 10-7-9 18:02

原帖由 KLeemama 於 10-7-9 15:43 發表
見到身邊好多親友的小朋友都有吾同嘅行為問題,想出聲提點他們的父母,但又知道沒有父母喜歡聽.......各位父母我哋要努力呀!不要養育出一個又一個問題兒童啊! ...

果個係佢地既仔/女,你估佢地真係唔知自己果個有問題咩,你同佢地講都晒氣

我個親戚個仔不嬲個人都好貪心,以前佢試過見到我個仔有新玩具,就拎d舊/爛既玩具出黎要同我個仔交換,如果你唔同佢換呢,佢就會比說話係聽啦(eg:下次唔同你玩呢d恐嚇字句),平時我地一年先見幾次而每次最多都係2-3個鐘,所以佢個仔d野我都係係其他親戚口中得知。

上個月個仔同佢玩左幾日,點知就出事啦....,因為我同佢父母都唔係好啱,所以我就搭左另一個親戚同佢講諗住會好d,點知人家父母答:「我都成日叫佢唔好同人換野,佢都成日比人呃換左d假野反黎,大既一定係蝦細架啦。」又話個仔依家係反叛期好難教,我覺得言下之意即是叫我唔好咁多事。

作者: brian61950 時間: 10-7-9 20:57

我都覺得有怎樣的父母就有怎樣的仔女.
一方面遺傳,一方面有樣學樣,另一方面學校唔幫得幾多,因一對幾十及現今的小朋友好多都是奥斯卡男女主角.

歡迎光臨教育王國 (/)