教育王國

標題: 急請教!2010/11 N1 - 耀中 vs Boxhill vs 方方(對衡道) [打印本頁]

作者: gau1010 時間: 10-7-4 00:11 標題: 急請教!2010/11 N1 - 耀中 vs Boxhill vs 方方(對衡道)

我囡囡係08/10月細女,直到目前為至,有上面3間KG收佢;YewChung同Boxhill都只有PM班收;而家頭痛緊俾佢讀邊間好. 請問有無人可以資料參考下呢?

方方係咪比較傳統既學校黎? 英文教育好唔好?

作者: KT1028 時間: 10-7-4 13:36

我都想知邊間會比較好?

作者: mini_cc 時間: 10-7-4 22:39

結果我reject了耀中選了boxhill(因為係am class同屋企樓下),至於方方因為外籍教師朋友話太傳統了,不能跟隨其他學校轉變迎合社會(直情無報名.....)

作者: 我係女仔 時間: 10-7-5 00:58

點傳統法 ?

作者: mini_cc 時間: 10-7-5 11:45

原帖由 我係女仔 於 10-7-5 00:58 發表
點傳統法 ?

朋友話"outdated".......詳情無問

作者: gau1010 時間: 10-7-5 22:49

其實我都覺得方方既校園環境有點過時,加上又無什麼朋友既参考資料,所以我都未必選佢;Boxhill同Yew Chung就兩間都只收PM班,唉!所以都可能讀住其中一間先;Boxhill好像比較全面集中英文,只有半小時左右教中文;Yew Chung比較平均,而有playgroup家長朋友就話佢師生比例細d,我想可能會對小朋友這斷學習時間好一些,但佢學費又實在幾貴,所以依家仲頭痛緊.

作者: sherry_wong 時間: 10-7-6 17:14

其實我又唔覺得方方校舍好差(對衡道個間), 講真方方成30年歷史, 可能真係傳統d, 裝修就一定無d新校咁靚, 正所謂羊毛出自羊身上, 大家明架啦, 但係方方學校都唔細, 有三層, 比起新個d幼稚園可能仲大d, 我都去過耀中幾個校舍, 其實佢d幼園校舍都一樣舊舊地, 班房都唔係好大

其實我覺得最緊要d老師好, 有心機教, 我覺得方方同耀中都有好同唔好既老師 (因為參觀校舍個時我都分別遇到d好有心機同我溝通既, 亦有遇到唔耐煩既), 講真個細路咁細個, 最緊要係要係個可以令佢安心既地方開始返學既生活, 其實傳統教學有乜問題呢, 我地以前細個都係咁學架啦, 我覺得唔應該否定晒我地之前學既一套, 起碼我覺得我地個輩既品德好過新一代好多, 如果d家長係介意課程傳統唔夠深, 咁就真係冇辦法啦

我同耀中一個老師傾開, 佢話有d學校K2就教乘數表(其實應該係小三課程), d家長可能覺得間學校好因為課程夠深, 但係小朋友根本就唔明白乘數表既真正用處, 佢地只係背書, 咁樣有乜用? 細路遲早都會識背架啦, 點解要佢咁細個就要做d咁無意義既野呢? 對唔住, 有感而發

歡迎光臨教育王國 (/)