教育王國

標題: 家教會的角色和權力 [打印本頁]

作者: Octopusma 時間: 10-6-23 11:01 標題: 家教會的角色和權力

到底家教會有幾大權力, 作用何在, 參加既人又咩心態呢?

高年班既家長好不滿家教會既主席(男家長), 但此人又偏偏做左好多年主席, 原因係投票當日正好係小1~2家長會, 高年班家長冇特別事根本唔會無lala返去只為投果一票, 新生家長就自然年年投番果班人, 果班人又自然投番果個人做主席..

個主席日日好似校長咁企響校門外, 同校長並肩迎賓, 睇番校網家教會又冇咩野攪過, 竟然連年報之類都冇更新兩年, 主席夫人仲要從來唔參與學校既家教會旅行同各樣義工活動, 話呢d野唔應該係佢地做....

意思係佢老公係主席, 義工呢d只需要由主席去叫其他家長做啦..

作者: Mandy0203 時間: 10-6-24 13:51

其實家教會裏的委員,應該都係義務性質...只係主席可能會接觸較多行政上的義務責任...
每個人做義工的心態都唔同...
或者佢以為佢好大壓力,
想讓其他家長分擔校內的義務工作...
至於主席的配偶咁講,坦白講,當其他義工係低人一等...呢d心態完全唔要得呀...唔出席活動,我們可以唔埋,但都唔以這樣看人lo~

我真唔知點安慰你好...
我囡囡學校的家教會沒有發生咁的事,
所以難以解答您的疑問...
因為我佢地每兩年選委員一次,
我們按會章做事,每個委員不得連任超過一次...
即只可以做四年...有任何大事要議決,都要開會來決定,
我們義工之間都會相處融洽的,尤其是恆常做的義工...

作者: Octopusma 時間: 10-6-24 17:12

啊, 多謝你回覆, 我又冇咩唔開心, 因為我只係唔了解學校同家教會, 但聽高年班家長講, 非常小圈子令好多義工做到意興闌珊, 所以想知係咪好普遍既情況者...

當然亦有好好既家教會成員, 不過可遇不可求囉..

原帖由 Mandy0203 於 10-6-24 13:51 發表
其實家教會裏的委員,應該都係義務性質...只係主席可能會接觸較多行政上的義務責任...
每個人做義工的心態都唔同...
或者佢以為佢好大壓力,
想讓其他家長分擔校內的義務工作...
至於主席的配偶咁講,坦白講,當其他義工 ...

作者: 已刪除用戶 時間: 10-6-24 18:17

做家教會D人, 同做義工家長一樣, 各有唔同心態, 有人真係真心想幫想關心, 有D想出名, 有D只為自己利益, 世界就係咁
D政客成日話"民主係有代價", 岩既,

一人一票, 又多人平時唔關心"政績", 選個做開既好正常, 做開既好咪最好, 做開既只為lor彩, 唯有嘆句"該糩啦又係佢"

其實家教會都有憲章, 入面有講家教會有咩OBLIGATION, 例如盤數要公開, 平時開會家長可唔可以SIT IN, 俾幾耐NOTICE等, 你對家教會有不滿, 可以o係週年大會上公開詢問, 問下佢地究竟做過咩, d錢點用, 攪過咩活動, (可能佢地自己都答唔出) 等其他家長都心中有數, 希望下次投票做個正確選擇, 大家有運行lor

原帖由 Octopusma 於 10-6-23 11:01 AM 發表
到底家教會有幾大權力, 作用何在, 參加既人又咩心態呢?

高年班既家長好不滿家教會既主席(男家長), 但此人又偏偏做左好多年主席, 原因係投票當日正好係小1~2家長會, 高年班家長冇特別事根本唔會無lala返去只為投果一 ...

作者: 謙仔媽咪 時間: 10-6-24 18:41

呢d都係義務工作, 無論佢做左乜或乜都冇做過都好, 最大問題是冇人肯做(就算掛名都冇人肯). 問問自己: 如果佢不做, 自己會做嗎? 如果會, 是否有信心會做得好呢?

多d參與就會知多d, 便不用問"到底家教會有幾大權力, 作用何在?"

作者: Mandy0203 時間: 10-6-24 22:57

係...最大問題係冇人肯做委員...連掛名都唔肯...
呢樣就係普遍學校家教會有的問題...
只要參與多d家校會的活動/義工...就會了解多d...
其實我都有少許了解那些肯訓身做義工
但又唔肯做的家長的心態...
有人怕要講野,怕要開會....等等...

有冇人接力做...好睇老師委員和家長委員能否動員加入做委員...今次我們至少有一半人要讓位...沒人做就大件事啦...

原帖由 謙仔媽咪 於 10-6-24 18:41 發表
呢d都係義務工作, 無論佢做左乜或乜都冇做過都好, 最大問題是冇人肯做(就算掛名都冇人肯). 問問自己: 如果佢不做, 自己會做嗎? 如果會, 是否有信心會做得好呢?

多d參與就會知多d, 便不用問"到底家教會有幾大權力, ...

作者: silvia_ng 時間: 10-6-25 00:17

我地一年選一次, 最多做三屆。唔知你地學校家教會會章點寫, 但佢d小朋友有一日都會畢業, 咪放長雙眼睇囉。而見到有機會, 亦都可以集齊其他家長聯署詢問有關問題。

因為一家唔知一家事, 我地bk媽咪都比唔到太多意見你啦!

作者: happyvalley 時間: 10-6-27 00:59

我都係家委，講真、搵 Jetso 佔大多數。要出力為小朋友及家長求福利，就要同校長角力，點到即止，吃力不討好。

至於義工，全心全意居多，因可接觸學校與小朋友的校園生活。

校長多會利用家校會，為自己學校增添某些好處。

對於小朋友，好處是身教，學習與人接觸的技巧。

作者: water2002 時間: 10-6-27 13:42

原帖由 happyvalley 於 10-6-27 00:59 發表
我都係家委，講真、搵 Jetso 佔大多數。要出力為小朋友及家長求福利，就要同校長角力，點到即止，吃力不討好。

至於義工，全心全意居多，因可接觸學校與小朋友的校園生活。

校長多會利用家校會，為自己學校增添某些好處。

對於 ...

點解你會覺得有jetso,

我做左一年家委, jetso就唔覺有, 只係覺得比之前做一般義工有更多責任, 要付出更多精神, 時間及$(車費). 想唔做又抽唔到身, 仲難過自己份工辭職. 冇人願意做.
我都想"全心全意"做番普通義工, 活動前唔駛做咁多準備工夫,

唔駛周圍call人做義工,

活動當日唔駛提早到達, 安排得唔好仲會比d乜都冇做過既人插,

我都想活動完左拍下pat pat走得, 唔駛留下來執手尾......

唉! 點解仲有人覺得有jetso架? 就算有, 最多都係"名", 絕冇"利". 就算有人為"名"而做, 做咁多野為個"虛名"?? 都抵佢啦!

我反而想退出呀! 點解冇人肯接手呀???

作者: happyvalley 時間: 10-6-27 22:18

原帖由 water2002 於 10-6-27 13:42 發表

點解你會覺得有jetso, 我做左一年家委, jetso就唔覺有, 只係覺得比之前做一般義工有更多責任, 要付出更多精神, 時間及$(車費). 想唔做又抽唔到身, 仲難過自己份工辭職. 冇人願意做.
我都想"全心全意" ...

妳就係位好的家委 law，同我一樣，都係全心全意，不過吃力不討好 law，做得辛苦，有鬼知！沖比人話考試多 d 料。不過算 la，都前後做左四年家委，鬼叫自己大把正義感，希望 d 細路讀得開心。

四年經驗，搵 jetso 佔八成，開會就冇野講，同校長擺料就居多，我提見議就幫晒學校、話我錯，我都化 la，算算算…

作者: Octopusma 時間: 10-6-29 13:37

我都好認同根本冇咩人願做, 舊年我仔小一開學, 參選做家委既人數只係比要求總人數多一個, 就可知根本冇人願接手, 只係聽到有家長呻, 咪問下大家所知既家教會係點樣囉...

我要返工, 旺季仲要勁ot, 唔好話去做義工做家委, 連幫個仔睇功課都要半夜睇, 自己唔去做家委所以我真係冇野投訴架...

jetso照計真係唔多, 除左到小6叫校長寫信或推薦maybe會順利小小之外, 但如果小朋友真係讀書麻麻, 寫左封信我諗又幫唔到幾大忙了...

作者: 已刪除用戶 時間: 10-6-29 13:58

其實真係好睇夾咩人, 我好彩, 遇著班有心有力既好partner(你都知選舉前大家都5湖4海, 39唔識7架), 我呢d真係碎料, 學港姐競選話齋, 去學野!
(以前試過好唔愉快, 我都係呢個時勢之下俾個pta委員捉入去"撐場", 結果係估唔到地今次大家都係有心人)
偶然家長有野講, 預左啦, 以前做義工都有架, 幾難聽既說話都聽過, 有D人又唔明個世界點轉, 一味識批評建議(但又唔make sense), 吃力不討好, 有時有架, 問心無愧, 咪當佢路人甲乙丙o係度唱歌
不過overall返黎feedback係正面, 自己辛苦完都覺得抵, 特別收獲就係身教, 我地d小朋友好enjoy一齊work, 小朋友又互相識多左, 有時攪活動忙起黎, 自己有個女都唔記得(真係試過漏左佢o係麥當當入面

), 佢地好醒, 自己識執生埋堆

, 獨立左

原帖由 water2002 於 10-6-27 01:42 PM 發表

點解你會覺得有jetso, 我做左一年家委, jetso就唔覺有, 只係覺得比之前做一般義工有更多責任, 要付出更多精神, 時間及$(車費). 想唔做又抽唔到身, 仲難過自己份工辭職. 冇人願意做.
我都想"全心全意" ...

作者: water2002 時間: 10-6-29 14:05

原帖由 Octopusma 於 10-6-29 13:37 發表
我都好認同根本冇咩人願做, 舊年我仔小一開學, 參選做家委既人數只係比要求總人數多一個, 就可知根本冇人願接手, 只係聽到有家長呻, 咪問下大家所知既家教會係點樣囉...

我要返工, 旺季仲要勁ot, 唔好話去做義工做 ...

要番工真係教仔都唔得閒啦! 我都係個仔番左學先做咋, 不過都用左好多私人時間呀!
你真係一個明白事理既家長, 但有好多人乜都唔做, 淨係識話人做得唔好, 要知道, 我地得閒做既都係普通c9, 唔係專業hr, pr or 領隊, 唔好成日gi gi gut gut. sorry, 可能我激動左少少, 但真係好大感觸.
就算有d人想入黎搵jetso, 事實係根本冇jetso可得, 有d人做一年都怕怕(好似我咁), 肯做幾年既真係好難得ka.
至於推薦信, 就算你做主席, 校長都唔會因為咁而寫比你, 只會睇小朋友表現咋!

[ 本帖最後由 water2002 於 10-6-29 14:09 編輯 ]

作者: givemehug 時間: 10-6-29 14:45

我都係家委, 但做得好唔開心, 本來我都好盡心盡力, 不計較時間金錢, 收通告, 收支票, 出回條, 活動用的禮物幫忙去買, 做佈置, 聯絡.....點知有一日俾個主席響電話度好大聲咁問, "點解樣樣事我都要理? 點解乜都關你事架?" 當時我都唔知發生左乜事

做做下野無端端俾人鬧

跟住呢次之後, 就再無任何會內資訊, 無晒電話, 會內活動同會員無分別, 係同日收通告至知

原來佢地玩埋堆, 會委16人, 佢地認為圍內5,6個人玩晒就得

到時吃力不討好又會話我地只係收風唔做野, 不過算啦, 我地2年一任, 仲有一年貨仔, 下年我都係留番多d時間在小朋友身上好過, 佢地班高年班家長又因為小朋友要升中無得再連任, 而且佢地攪來攪去都係攪埋自己友的家長活動, 家長講座, 連包稯都淨係家長玩無小朋友份

跟本只係一個講事講非既婦女會, 小朋友都無受益, 所以我唔理都唔會有損失, 但好好彩, 我個女就己經受到我正面的影響, 佢話好祈待將來升中後有學生會, 希望自己可以會會委喎

作者: Octopusma 時間: 10-6-30 11:26

有16個委員咁多呀, 我地參加既都只得7個, 唔使選自動入晒囉....

真係乜人都有, 係一個經驗黎既~~

原帖由 givemehug 於 10-6-29 14:45 發表
我都係家委, 但做得好唔開心, 本來我都好盡心盡力, 不計較時間金錢, 收通告, 收支票, 出回條, 活動用的禮物幫忙去買, 做佈置, 聯絡.....點知有一日俾個主席響電話度好大聲咁問, "點解樣樣事我都要理? 點解乜都關你事 ...

歡迎光臨教育王國 (/)