教育王國

標題: 有歧視智障人士之嫌!!! [打印本頁]

作者: salpaut 時間: 10-6-21 11:11 標題: 有歧視智障人士之嫌!!!

昨天我在大圍某屋邨3樓的某酒樓飲茶, 途中到洗手間時, 遇上一個正在吵鬧人士的女人。

事件是這樣的, 我正準備去洗手間, 在近男洗手間的門口, 見到一個正在駡人的女人, 也見到一些管理員在旁了解事件, 我沒有理會此事入了洗手間, 出來的時間, 她仍在駡人, 我見這個駡人的女人, 攬著正在哭的兒子好像在說:「他有問題, 你不陪他去洗手間, 現在嚇倒我個囝呀!」而被駡的女人帶著歉意的說:「對唔住!」並表示自己兒子是有智障的, 他很多東西都不懂, 可能他不知做了些什麼嚇倒你的小朋友, 並請求對方原諒; 但這個橫不講理的女人, 不但沒有理會, 還對管理員說要報警, 當時, 我聽到管理員說那位智障小朋友躲在洗手間, 不敢出來, 我相信他也很驚; 當時我在想, 現今的香港還有這樣無知及無理的女人, 難道她不知道現今香港有個機構叫「平等機會委員會」嗎? 而當中有條條例叫「殘疾歧視」嗎? 難道她真的不明白這個世界有著不同的人, 有的人比較聽明, 有的人則可能有著種種的問題, 難道她不懂易地而處嗎? 如果現在是他的兒子有問題, 難道她會希望人家報警嗎? 她為什麼不藉著這個機會教導兒子, 教他明白及接受這個世界有著很多不同的人, 幸福並不是必然的, 不是每個人與生俱來也能有著健全的身體及腦袋, 所以要學懂珍惜。

我也有個弟弟是智障的, 我明白到他們不會無故做出嚇人的行為, 我估計有些人對他們說了些難聽的說話, 又或者用不友善的眼光望往他們, 他們才會做出一些平時不會做的行為, 但有些智障小朋友怎至不懂表達自己, 這樣便會變成只有一方說自己的道理, 而另一方卻變成啞口無言!!!

這件事件, 在我臨離開酒樓前仍未解決, 在我離開酒樓的那一刻, 我見到有多名警務人員已經到場, 兩個小朋友的事件, 也要動員五六個警員, 有便衣和軍裝, 其中我見有一名警員在安慰這個正在哭的小朋友, 還說:「小朋友, 不用怕, 我們每個人也是幫你的。」我明白他有責任要安慰苦主, 但也不應說這些妄下判決的言詞? 但我卻不見有人安慰智障小朋友或他的家人, 叫他不用怕, 我們會了解這事件及會作出適當的處理, 還有我見到在哭的小朋友爸爸和其中一名警員打招呼, 希望不會官字兩個口啦! 其實本來是小事一樁, 但現在便變得小題大做了!!!!!

作者: pollybell 時間: 10-6-21 11:59

問題唔係智障,問題佢做左乜野,係咪有智障就合理化左成件事呢????做父母保護自己仔女係常理,突如其來既事,說話可能衝動左,就算兩個小朋友都係正常,都會有呢個情況發生.

作者: wingogo 時間: 10-6-21 14:17

"小朋友, 不用怕, 我們每個人也是幫你的"=妄下判決的言詞??

我也報過警, 警員來時我也會向呀sir 打招呼,但我5識佢地喎,更冇2個口!!打招呼係禮貌的表示, 識5識我都會打

原帖由 salpaut 於 10-6-21 11:11 發表
這件事件, 在我臨離開酒樓前仍未解決, 在我離開酒樓的那一刻, 我見到有多名警務人員已經到場, 兩個小朋友的事件, 也要動員五六個警員, 有便衣和軍裝, 其中我見有一名警員在安慰這個正在哭的小朋友, 還說:「小朋友, 不用怕, 我們每個人也是幫你的。」我明白他有責任要安慰苦主, 但也不應說這些妄下判決的言詞? 但我卻不見有人安慰智障小朋友或他的家人, 叫他不用怕, 我們會了解這事件及會作出適當的處理, 還有我見到在哭的小朋友爸爸和其中一名警員打招呼, 希望不會官字兩個口啦! 其實本來是小事一樁, 但現在便變得小題大做了!!!!!

作者: salpaut 時間: 10-6-22 12:18

我當然係睇清楚佢地真你認識定係打招呼啦!

原帖由 wingogo 於 10-6-21 14:17 發表
"小朋友, 不用怕, 我們每個人也是幫你的"=妄下判決的言詞??

我也報過警, 警員來時我也會向呀sir 打招呼,但我5識佢地喎,更冇2個口!!打招呼係禮貌的表示, 識5識我都會打

...

作者: salpaut 時間: 10-6-22 12:25

如果兩個小朋友都係正常的, 就唔會有人說:「他有問題, 你不陪他去洗手間, 現在嚇倒我個囝呀!」呢D字眼啦!試問兩個無問題的小朋友, 又點會俾人地叫亞媽陪佢去洗手間呀!

原帖由 pollybell 於 10-6-21 11:59 發表
問題唔係智障,問題佢做左乜野,係咪有智障就合理化左成件事呢????做父母保護自己仔女係常理,突如其來既事,說話可能衝動左,就算兩個小朋友都係正常,都會有呢個情況發生. ...

作者: pollybell 時間: 10-6-22 15:39

你都幾好笑架0咼,即係要亞媽陪去厠所先叫唔正常????大把正常小朋友都會同媽咪一齊去,兩個大大個女人都會,有幾出奇呀???果個媽咪既意思即係你知道自己小朋友有問題就跟緊D,等同如果有老人家有老人癡呆,入到厠所可能唔入厠格,就地開大兼開細,攪到屎林尿賴,你睇下如果你係老人家既屋企人會點俾人插.正常小友小朋友入到厠所玩水整到人濕晒都俾人鬧架啦,個媽咪一樣會俾人話,睇住個仔啦,乜乜無家教,無文化乜野難聽既說話都有,唔好彩報警不特止,要你陪錢添.

可能因為你細佬既關係令你過份敏感左.

[ 本帖最後由 pollybell 於 10-6-22 15:48 編輯 ]

作者: wingogo 時間: 10-6-22 17:51

在我離開酒樓的那一刻, 我見到有多名警務人員已經到場, 兩個小朋友的事件, 也要動員五六個警員

你都識講, 你離開酒樓個一刻d警員先到場, 你又可以睇得幾清楚呀

反而我覺得你對警察有偏見之嫌, 幾多個人手來處理案件都可以令你不滿! 1陣得1個警員去處理時, 又有人會話咩係米岐視佢地, 兩個小朋友的事唔米事牙? 派得1個警員來................

原帖由 salpaut 於 10-6-22 12:18 發表
我當然係睇清楚佢地真你認識定係打招呼啦!

作者: wingogo 時間: 10-6-22 17:53

agree 可能因為褸主細佬既關係令佢過份敏感左.

原帖由 pollybell 於 10-6-22 15:39 發表
你都幾好笑架0咼,即係要亞媽陪去厠所先叫唔正常????大把正常小朋友都會同媽咪一齊去,兩個大大個女人都會,有幾出奇呀???果個媽咪既意思即係你知道自己小朋友有問題就跟緊D,等同如果有老人家有老人癡呆,入到厠所可能唔 ...

作者: salpaut 時間: 10-6-22 18:06

我估你未理解件事o羅! 個苦主同被告都係男仔來的, 佢亞媽點同佢去男廁呀! 而且個智障小朋友係成十幾歲點又入唔到女廁喎! 果個商場又無殘廁, 有殘廁都同佢一齊去啦, 好似你o甘講, 如果有老人家有老人癡呆, 入到廁所整到人地d地方, 會俾人話o架! 唔通貪俾人地借題發揮咩? 定係要返屋企先可以去呢?

原帖由 pollybell 於 10-6-22 15:39 發表
你都幾好笑架0咼,即係要亞媽陪去厠所先叫唔正常????大把正常小朋友都會同媽咪一齊去,兩個大大個女人都會,有幾出奇呀???果個媽咪既意思即係你知道自己小朋友有問題就跟緊D,等同如果有老人家有老人癡呆,入到厠所可能唔 ...

作者: pollybell 時間: 10-6-22 19:11

如果你係智障男仔個亞媽,你呢番話只會另整件火上加油,打橫黎講,咁獨留年幼子女在家,都合理化,到小朋友在屋企玩火,火燒連環船,其他人既屋企都燒埋,父母要搵食,唔洗做呀佢,唔通一日到黑睇住個仔/女,食綜援呀,我都唔想架,你試下同個官咁講?????好多野自己知自己事,正常人又好有問題既人又好,做父母或者照顧者,安排妥當些,好多事都可以避免,唔好因為自己貪放便或一時疏忽影響其他人.

[ 本帖最後由 pollybell 於 10-6-22 19:24 編輯 ]

作者: crt1234 時間: 10-6-22 20:14

暫且唔提樓主遇到既事

但有部份人當遇到智障人士果陣
見佢呆吓呆吓就會悔辱幾句如「傻仔/低能/白痴」之類
細路仔就話啫,有時連成年人都係咁.....
有時候就算點安排妥當都好都好難完全避免
甚至負面D睇:「為左令佢唔影響任何人而終日不出家門」

作者: pollybell 時間: 10-6-22 22:08

呢個世界咩人都有,你都識講部份人啦,肥人都會比人叫死肥仔,死肥婆,著得街坊些都俾人話係c9,個樣生得吋,又會俾人話樣衰,生得唔夠靚又俾人叫豬扒,跟本兩回事.

作者: salpaut 時間: 10-6-23 00:25

真係正如你所講, 呢個世界真係乜野人都有o架?

原帖由 pollybell 於 10-6-22 22:08 發表
呢個世界咩人都有,你都識講部份人啦,肥人都會比人叫死肥仔,死肥婆,著得街坊些都俾人話係c9,個樣生得吋,又會俾人話樣衰,生得唔夠靚又俾人叫豬扒,跟本兩回事. ...

作者: pollybell 時間: 10-6-23 11:33

從你講呢件上面,睇唔倒歧視或人生攻擊,個媽咪只不過講個智障小朋友有問題,無鬧佢傻仔,癡線或者更難聽既說話,唔好曾經見過或聽過有其他人出言母辱過有問題既人,就聯想到當涉及到智障人仕就一定係其他人歧視佢地,正如正常人當睇見新聞,一個有精神病既男人,擗死一個三歲既小朋友,好多人都唔會認為精神有問題既人,都生人匆近.每件事都需要分開黎睇.每件事都有前因後果.人與人就需要包容,體諒,但唔係你有問題就需要更多更多.

作者: YINSUM 時間: 10-6-23 12:37

成件事可能未必有歧視成份, 但問題係有智障小朋友媽咪已經向苦主媽咪道歉, 但咩原因苦主媽咪還要報警呢?

人與人就需要包容,體諒,但唔係你有問題就需要更多更多 ?

咁社會教育人們要多D包容, 體諒一D有問題或許有需要既人就錯晒 ?

作者: amon28 時間: 10-6-23 12:37

我想問正常小朋友幾多歲呀?如果係細個嚇親唔出奇,有時智障會做一些怪行為,我相信唔係有心嚇佢, 但正常小朋友爸爸也在,點解唔同佢去厠所呢?而智障小朋友母親已經有係厠所門口等,她已跟得好足,不過去厠所真係無辨法陪
智障小朋友的父母已經受到好大的壓力,有時我哋真係要多一點包容和體諒

如果警察未了解事件就說:「小朋友, 不用怕, 我們每個人也是幫你的。」咁這句話真係好有問題

作者: pollybell 時間: 10-6-23 14:58

到底發生咩事連樓主都唔清楚,嚇親點嚇法???從後熊抱一個飛身跳上個小朋友度,還是偷襲佢既重要部位,你覺得係玩,人地會好驚好不安,我都係假切性,所以我一開始講唔係智障問題,係做左些乜事.需唔需要報警係市民自由決定既權利,好多人俾人強姦都唔報警,呢樣都係睇自己既需要.對一些有需要既人多些包容係教育,事實上有些人誤解左,覺得係應份同應該得倒,人地包容睇諒既要好感恩,正如幸福唔係必然既一樣.

原帖由 YINSUM 於 10-6-23 12:37 發表
成件事可能未必有歧視成份, 但問題係有智障小朋友媽咪已經向苦主媽咪道歉, 但咩原因苦主媽咪還要報警呢?

人與人就需要包容,體諒,但唔係你有問題就需要更多更多 ?

咁社會教育人們要多D包容, 體諒一D有問題或許有 ...

[ 本帖最後由 pollybell 於 10-6-23 15:20 編輯 ]

作者: pollybell 時間: 10-6-23 15:09

小朋友, 不用怕, 我們每個人也是幫你的,咁這句話真係好有問題???

咁應該點同個小朋友講????拿你唔再喊啦,再喊我聽唔倒你講野,收聲.還事我唔係事必要你講,你講既野將會成為呈堂証供,唔好講咁多你一句我一句全部返差管先講???

其實個差人都係安慰個小朋友,小朋友既世界裡面警察就係正義既朋友會幫人架啦,幫佢唔代表唔理是非黑白去幫佢,有咩問題呢賜教???

作者: amon28 時間: 10-6-23 16:03

根本都無人知係厠所發生咩事? 樓主覺得要包容,唔洗報警攪到咁大件事啫,都唔明D人點解會有咁大反應.......

我係話若未了解事件就話幫,講嘢一D都唔付責任, 係咪一定係個智障小朋友唔啱? 若然係正常小朋友嘢佢先, 咁咪比咗正常小朋友一個錯覺,做錯都有人幫囉

作者: pollybell 時間: 10-6-23 17:46

只不過幽你一默姐,可能你覺得我挑釁你,真係唔好意思,唔洗發火既.

做朋友或者社工老師見倒有學生或者人喊晒講唔倒或者唔想講都會話你講出黎我地/我會幫你架啦,唔通果個人話我殺左人呀你幫我走路,都幫????警察責任係了解事件既經過,錯覺係你姐.
ANYWAY 其實係呢版講野真係唔能夠唱所欲言,太感敏既話題,可能會觸及某些人既神經,既然如此再沒有討論既空間.免得傷害某些人既脆弱心靈.不會再就呢個POST回應.

[ 本帖最後由 pollybell 於 10-6-23 17:55 編輯 ]

作者: salpaut 時間: 10-6-23 18:12

正常果個小朋友有八九歲大啦!

原帖由 amon28 於 10-6-23 12:37 發表
我想問正常小朋友幾多歲呀?如果係細個嚇親唔出奇,有時智障會做一些怪行為,我相信唔係有心嚇佢, 但正常小朋友爸爸也在,點解唔同佢去厠所呢?而智障小朋友母親已經有係厠所門口等,她已跟得好足,不過去厠所真係無辨法陪
...

作者: salpaut 時間: 10-6-23 18:18

多謝你, 終於有人明白我post呢件事上來的真正原因, 其實之前見到pollybell的回覆都嚇左一驚, 因為佢地反應真係over左, 我都係用「之嫌」呢兩個字眼, 佢都有o甘o既反應, 成日用d好挑釁的字眼, 所以我都唔再回應佢啦!

原帖由 amon28 於 10-6-23 16:03 發表
根本都無人知係厠所發生咩事? 樓主覺得要包容,唔洗報警攪到咁大件事啫,都唔明D人點解會有咁大反應.......

我係話若未了解事件就話幫,講嘢一D都唔付責任, 係咪一定係個智障小朋友唔啱? 若然係正常小朋友嘢佢先, 咁咪 ...

作者: catcatdog1 時間: 10-6-24 00:08

提示: 作者被禁止或刪除內容自動屏蔽

作者: wingogo 時間: 10-6-24 02:02

pollybell,
可能人地認為"我會幫你架"幫字, 就係...."我會企係你個邊ga, 我實撐你ga, 你岩晒呀"

呢個世界, 有d人睇野好怪, 某d字詞得1個解釋ga咋

原帖由 pollybell 於 10-6-23 17:46 發表
做朋友或者社工老師見倒有學生或者人喊晒講唔倒或者唔想講都會話你講出黎我地/我會幫你架啦,唔通果個人話我殺左人呀你幫我走路,都幫????警察責任係了解事件既經過,錯覺係你姐.
ANYWAY 其實係呢版講野真係唔能夠唱所欲言,太感敏既話題,可能會觸及某些人既神經,既然如此再沒有討論既空間.免得傷害某些人既脆弱心靈.不會再就呢個POST回應

作者: amon28 時間: 10-6-24 10:57

樓主都話明正常小朋友個爸爸識D警察果種打招呼,我係根據樓主所講而分析警察咁講係有問題,你哋有冇睇上文下埋?????唔好亂話人哋………..雖然BK係自由發表,請不要對別人的發表作出批評,每個人對事件觀點與覺度不同,沒有誰岩誰錯,發表只是說出個人的睇法,請各位尊重別人

作者: salpaut 時間: 10-6-24 12:58

post呢件事, 並唔係要開「城市論壇」或者辯論比賽, 誰是誰非? 有天知地知, 我相信呢個世界有公理的, 有些人真係好鍾意挑撥離間! 不過正所謂公道自在人心公, 人在做天在看啦! 從來無人話智障小朋友一定係無辜, 又無話正常小朋友一定唔o岩! 重點係處理手法的問題!

作者: weiwai 時間: 10-6-24 21:35

原帖由 catcatdog1 於 10-6-24 00:08 發表
yeah, 就係要咁講呀
應該再加多句.......你地唔洗多講啦, 一定係智障兒無辜的, 唔洗問人地一定是無心整親你/打倒你/嚇倒你個仔的, 即使整親你/打倒你/嚇倒你個仔哭又如何? 米包容下lor, 嘈咩呀???
但如果你 ...

作者: weiwai 時間: 10-6-24 21:38

你講得好好!!

原帖由 pollybell 於 10-6-23 14:58 發表
到底發生咩事連樓主都唔清楚,嚇親點嚇法???從後熊抱一個飛身跳上個小朋友度,還是偷襲佢既重要部位,你覺得係玩,人地會好驚好不安,我都係假切性,所以我一開始講唔係智障問題,係做左些乜事.需唔需要報警係市民自由決定既權利,好多人俾人強姦都唔報警,呢樣都係睇自己既需要.對一些有需要既人多些包容係教育,事實上有些人誤解左,覺得係應份同應該得倒,人地包容睇諒既要好感恩,正如幸福唔係必然既一樣

作者: rvp 時間: 10-6-25 01:31

如果比我在場，見到個女人不停罵個智障母親，我可能會好嬲，點解d人咁自私，咁衰格，一點都唔去量解做智障母親嘅苦，八歲小朋友可能會害怕，但見到佢亞媽起世咁罵個智障媽咪，佢重唔咸大聲d 咩。個小朋友亞媽明知個仔冇mud事，個智障仔又驚到唔敢出離，有罵到智障媽咪狗血淋頭，重得寸進尺報警，直頭離晒大普，比我唔鬼同佢say sorry 。d警察做嘢咁唔成熟可能係d pc仔，見倒智障媽咪咁心孫，應該安慰一下，d police咁做就好似d small potato唔洗里。
個智障媽咪都好有教養，講咗對唔住重要比人罵都唔發火，好可憐呀！希望佢往後日子可以好過d la!

作者: 沖廁 時間: 10-6-26 17:20

提示: 作者被禁止或刪除內容自動屏蔽

作者: 414928 時間: 10-6-27 14:31

整件事確存在很多不清楚的地方,所以誰對誰錯很難下判斷吧!但對以下問題確有商確的地方:
1)無論誰對誰錯,對方媽媽已道歉,小朋友又沒有受傷,是否真係要報警處理?當然人家是有權報警的,但報了警得到什麼?以我個人看來都是口頭敬告兩句,不會真的落案。這是要給對方知道智障就不要出街?實在浪費警力又不會得到什麼。
2)警方處理手法確有問題,在事件未完成了解前,不應莽下言詞是來幫誰,這樣確會令人誤解。而且氹小朋友有好多方法的。他們是受過訓練的專業人士,怎會沒想後果就說話?
3)當其他人都不知廁所內發生什麼事時,對智障小朋友很不利,因為他們不善於表達,很多時未能如實反映事情,只能靠另一方把問題說出,但一般都只會說對自己有利的說話....
4)看了一些回應,都覺得很可悲,原來別人的體諒會變成是一種恩賜,難怪香港小朋友的個人品嘗越來越差了,香港教育已側重於知識方面,所以家教很重要,但有些家長的見識也限在於此,唉....要包容/要接納....要同恩賜掛鉤,難怪香港的弱勢社群往往會比忽視。

以上只是個人見解,不喜的勿回,因為我也不會回應^^

作者: ALmonmon 時間: 10-6-27 23:30

十分同意!

原帖由 414928 於 10-6-27 14:31 發表
整件事確存在很多不清楚的地方,所以誰對誰錯很難下判斷吧!但對以下問題確有商確的地方:
1)無論誰對誰錯,對方媽媽已道歉,小朋友又沒有受傷,是否真係要報警處理?當然人家是有權報警的,但報了警得到什麼?以我個人看來都 ...

作者: rvp 時間: 10-6-28 03:59

Yeah I agreed too, d弱勢社群真係有苦自己知。
好似之前新聞有關毒男在巴士內唔讓座，後來比人張件事upload上網，好似話個小朋友係A仔，說話九唔答八，佢喺網上被人罵倒狗血淋頭，都已經大代價，有些媽咪喺BK到連人哋亞媽都罵，又叫人哋亞媽loan捲，又話人哋亞媽唔識教，真係你林都林唔到有d人可以咁無品，莫講話張心比己，就連一絲包容都冇。

quote]原帖由 414928 於 10-6-27 14:31 發表

整件事確存在很多不清楚的地方,所以誰對誰錯很難下判斷吧!但對以下問題確有商確的地方:
1)無論誰對誰錯,對方媽媽已道歉,小朋友又沒有受傷,是否真係要報警處理?當然人家是有權報警的,但報了警得到什麼?以我個人看來都 ... [/quote]

作者: conniechan125 時間: 10-6-28 21:31

原帖由 414928 於 10-6-27 14:31 發表
整件事確存在很多不清楚的地方,所以誰對誰錯很難下判斷吧!但對以下問題確有商確的地方:
1)無論誰對誰錯,對方媽媽已道歉,小朋友又沒有受傷,是否真係要報警處理?當然人家是有權報警的,但報了警得到什麼?以我個人看來都 ...

作者: cclaw21 時間: 10-6-29 21:13

呢個世界好多人都係咁,近排有套戲好多人話睇完好感動,其實返回現實有冇咁多人覺得感動,唔會歧視,我有我小朋友,有時見到d人用唔友善態度望我女,試過真係有個女仔講出口話佢傻,我覺得真係好無教養,唉~最緊要小朋友情緒有冇特別唔妥,我都明做媽咪見到係好難受~

作者: xixi1218 時間: 10-7-1 23:59

之前看到這個標題，都沒有點擊進來看，今天來看了，想不到有這麼多激動的留言，令我很意外。。。。。。

歡迎光臨教育王國 (/)