教育王國
標題: 請問有無媽咪用過doctor kong 書包呀))) [打印本頁]
作者: babytai 時間: 10-6-15 10:44 標題: 請問有無媽咪用過doctor kong 書包呀)))
想問吓有無媽咪買過doctor kong 護脊書包呀,
唔知好唔好呢??? 因為亞囡今年升小一, 個子細小,6歲人仔, 著4歲size, 真係驚個書包仲重過佢自己呀
[ 本帖最後由 babytai 於 10-6-15 10:45 編輯 ]
作者: SUSANNA 時間: 10-6-15 11:20
如你女身型細小，用Dr. Kong 都係一個吾錯選擇. 我女小一時都係用佢,一個書包用了兩年,我見佢d同學仔, 吾係用Dr. Kong , 一年換了數個,還見她"寒背”．
作者: babytai 時間: 10-6-15 13:17
係呀...thanks!!等我去睇吓先...
作者: daphane 時間: 10-6-17 04:03
我就非常反對用dr.kong。小兒一年級用spi，成四百多元，好快已經有問題要維修，好似用埋個二年級。但其實都幾重。三年班試下用dr.kong。係平好多，但仲重，個仔成日要寒住個背來就佢，差﹗最後現在試seven，超好﹗襟唔襟用我未知，但好肯定係輕咗好多。雖然係貴咗d，但單係講重量就已經值回票價。
作者: babytai 時間: 10-6-17 10:30
多謝意見...再詳細睇吓先...仲有時間..
作者: nakoko 時間: 10-6-17 10:38
原帖由 daphane 於 10-6-17 04:03 發表 
我就非常反對用dr.kong。小兒一年級用spi，成四百多元，好快已經有問題要維修，好似用埋個二年級。但其實都幾重。三年班試下用dr.kong。係平好多，但仲重，個仔成日要寒住個背來就佢，差﹗最後現在試seven，超好﹗襟唔襟用我未知，但好肯 ...
睇左好多牌子書包,seven都試過,不過唔多岩小一同小二既學生,因為細碼都超大,我都想買,但亞仔真係long唔起,唯有等三年班時再試下,不過我覺得呢個書包其實攞上手,係輕唔過dr.k同spi,只係揹上背之後,d力瀉左去其他位~
最後,我都揀左dr.k,因為亞仔既高度真係冇幾多選擇,都係以size為大前題
作者: pineapple0983 時間: 10-6-17 11:50
DK 啲書包小一冇乜書問題唔大，一上到高年班就唔掂；除非有賓妹幫手揹。7字D質素差唔多咁上下！
作者: babytai 時間: 10-6-17 15:15
原帖由 nakoko 於 10-6-17 10:38 發表
睇左好多牌子書包,seven都試過,不過唔多岩小一同小二既學生,因為細碼都超大,我都想買,但亞仔真係long唔起,唯有等三年班時再試下,不過我覺得呢個書包其實攞上手,係輕唔過dr.k同spi,只係揹上背之後,d力瀉左去其他位~
...
係呀...我見人地話dr.kong 係重2.5lb, 不過我諗都係要自己拎上手, 亞囡自己咩吓先知結果, 因為seven & spi 都真係幾貴 (特別係seven 成900-1000, 真係好赤)
二百幾都可以接受, 話哂佢賣健康產品..應該唔會差得好邊掛
作者: pineapple0983 時間: 10-6-17 16:26
原帖由 babytai 於 10-6-17 15:15 發表
係呀...我見人地話dr.kong 係重2.5lb, 不過我諗都係要自己拎上手, 亞囡自己咩吓先知結果, 因為seven & spi 都真係幾貴 (特別係seven 成900-1000, 真係好赤)
二百幾都可以接受, 話哂佢賣健康產品..應該唔會差得好邊 ...
唔係卦，7仔要成千蚊個？
咁ge價駛鬼揀佢！
作者: babytai 時間: 10-6-17 17:40
係呀...我都係上網見人講咋..自己無去睇過,
我地呢d"平民百姓" 真係未必用得起架, 如果一個唔好彩, 揀中個QC睇漏眼嘅就幣啦
都係平平地, 二,三百蚊都可以嘅...
作者: daphane 時間: 10-6-19 01:35
千祈唔好誤會，本人都只是平民一個，而個書包真係要成$990，自己都覺得貴，但若見個仔日日都好似烏龜咗寒起個背，就開始考慮了。我都驚咁貴買咗個同其他無兩樣東西 ，所以我去揀時都帶埋DR.KONG書包 + 若干書本做比較，加埋呀仔咩上身都覺得輕好多，故.....忍痛都要買。另外佢呢個牌子最奇特的是，好似一年只賣一次。我都係上年八月留電話，今年五月才有得買。
作者: babytai 時間: 10-6-19 10:03
原帖由 daphane 於 10-6-19 01:35 發表
千祈唔好誤會，本人都只是平民一個，而個書包真係要成$990，自己都覺得貴，但若見個仔日日都好似烏龜咗寒起個背，就開始考慮了。我都驚咁貴買咗個同其他無兩樣東西 ，所以我去揀時都帶埋DR.KONG書包 + 若干書本做比較，加埋呀仔咩 ...
哈哈...都係講吓笑咋..千其唔好介意呀...其實我都係....如果真係好..又"襟"用的話..我都會買...大家都係媽媽...好明嘅, 就係要成千蚊...所以要諗清楚...睇多d比較吓...千其唔好急..哈哈...
作者: pineapple0983 時間: 10-6-20 12:11
有興趣ge可以睇吓澳洲書包，唔錯。。。。
http://www.chiropak.com.cn/tc/product.php?page=product.php
作者: smallkwan 時間: 10-6-20 15:18
Hi,
請問可以係邊到買到, 幾錢1個呢?thx!
作者: babytai 時間: 10-6-20 15:48
http://chiropak.taobao.com/
價錢可以參考吓....
不過我地係hk...無理由又要經淘寶買啫
唔知hk買會一樣定平d呢???
[ 本帖最後由 babytai 於 10-6-20 15:51 編輯 ]
作者: Little_cy 時間: 10-6-20 18:18
dr kong..超重, 未放野都重到死呀
作者: anitawong21 時間: 10-6-20 21:46
永安有得賣，但成五百幾銀一個，同埋都好重!
我想知LEGO噤唔噤?
作者: Tammy.Lai 時間: 10-6-20 22:00
星期六行街(康怡JUSCO)我都買了一個SPI大碼，藍色有公仔，好平！特價$405.00再85折+用HSBC簽卡滿$400.00回贈10%
記住HSBC星期5,6先有回贈
作者: pineapple0983 時間: 10-6-21 09:08
唔駛經淘寶買咁麻煩下話？
我住沙田，就一田都有得買。好似其它大百貨都有專櫃。
SPI，DK我都用過，拎上手已經唔掂；D細路咩第一次已經覺得唔好，不過講唔出有乜唔妥；不過當時冇得揀就冇辦法，唔識吖嘛，見周街都係咪以為好囉。
後來有個物理治療師朋友同我推薦左幾隻牌子，我凈見到e隻沙田有得買，咪睇+買囉，一直用到而家；又襟又舒服，而家叫D細路用番DK都唔制呀。係個樣木獨少少之嘛，細路仔冇所謂啦，最緊要唔好傷到背脊吖嘛。
我唔係買廣告呀！
作者: babytai 時間: 10-6-21 10:48
哈哈...因為睇佢個網無話邊樹有得買麻, 我都住沙田架, 如果一田有的話就最好啦, 咁你朋友係咪都有推薦呢隻牌子???呢隻輕唔輕架??
其實如果好的話, 五百幾都可以接受, 之但係我又覺得佢d款幾靚喎, 查實我又唔多鐘意d公仔款囉...呢隻款(junior)幾好
作者: pineapple0983 時間: 10-6-21 11:15
原帖由 babytai 於 10-6-21 10:48 發表
哈哈...因為睇佢個網無話邊樹有得買麻, 我都住沙田架, 如果一田有的話就最好啦, 咁你朋友係咪都有推薦呢隻牌子???呢隻輕唔輕架??
其實如果好的話, 五百幾都可以接受, 之但係我又覺得佢d款幾靚喎, 查實我又唔多鐘意d ...
佢拎上手唔會輕飄飄咁囉。。。。。
你要買亦唔駛急，一田係暑假就黎完時(8月)會舉辦D乜節物節，多D其他牌子ge書包揀，你到時先叫小朋友試勻至買都未遲。
作者: babytai 時間: 10-6-21 11:18
係呀..我都係咁諗...我記得舊年都好似有架,
一次過買哂d書包呀, 鞋呀..文具
作者: babytai 時間: 10-6-26 09:22
原帖由 pineapple0983 於 10-6-21 09:08 發表
唔駛經淘寶買咁麻煩下話？
我住沙田，就一田都有得買。好似其它大百貨都有專櫃。
SPI，DK我都用過，拎上手已經唔掂；D細路咩第一次已經覺得唔好，不過講唔出有乜唔妥；不過當時冇得揀就冇辦法，唔識吖嘛，見周街都係咪以為好囉。
後來 ...
我琴日終於去dr.kong 拎過吓d書包啦...嘩...真係幾重又大個呀, 未放書都咁重..我個囡咩唔到個喎...我又行過一田唔見你講個隻澳洲書包...可唔可以話我知大約係邊個位??
作者: pineapple0983 時間: 10-6-28 09:32
原帖由 babytai 於 10-6-21 11:18 發表
係呀..我都係咁諗...我記得舊年都好似有架,
一次過買哂d書包呀, 鞋呀..文具
哈哈，琴日去一田買衫，順便睇吓書包啦；仲未見到有e隻書包擺出黎買，我諗要遲D卦？
我凈係見到D雜嘜卡通書包賣咋！本來係玩具部再過少少嗰個位架嘛。
作者: babytai 時間: 10-6-28 10:12
原帖由 pineapple0983 於 10-6-28 09:32 發表
哈哈，琴日去一田買衫，順便睇吓書包啦；仲未見到有e隻書包擺出黎買，我諗要遲D卦？
我凈係見到D雜嘜卡通書包賣咋！本來係玩具部再過少少嗰個位架嘛。 ...
哈哈哈...我琴日同前日同大前日都有去一田呀....可能真係到暑假遲D先放出黎呀
作者: funlaw1126 時間: 10-6-29 12:00
我個女一年同二年級都係用dr kong 架, 其實個size就幾適合, 因為背上去之後唔會覺得個書包比個人仲大, 其實我都想問問各位家長, 剛剛所講的其他牌子的書包有沒有卡通公仔??因為我之前買的dr kong 書包時, 都沒有公仔, 所以想問問 那些牌子有沒有例如hello kitty那些呢?謝謝你們~~
作者: alison_daddy 時間: 10-6-29 22:30
原帖由 pineapple0983 於 10-6-21 09:08 發表
唔駛經淘寶買咁麻煩下話？
我住沙田，就一田都有得買。好似其它大百貨都有專櫃。
SPI，DK我都用過，拎上手已經唔掂；D細路咩第一次已經覺得唔好，不過講唔出有乜唔妥；不過當時冇得揀就冇辦法，唔識吖嘛，見周街都係咪以為好囉。
後來 ...
Hello pineapple0983,
Do you mind to share the brands your friend recommended?
Thanks.
作者: jessc 時間: 10-7-1 00:48
原帖由 babytai 於 10-6-26 09:22 發表
我琴日終於去dr.kong 拎過吓d書包啦...嘩...真係幾重又大個呀, 未放書都咁重..我個囡咩唔到個喎...我又行過一田唔見你講個隻澳洲書包...可唔可以話我知大約係邊個位?? ...
正常七月中左右就會擺在近玩具部，去年到9月中就唔見晒。由於有埋spi, chiropak, lego(有一年見過)仲有其他幾隻牌子和卡通書包係度，最好拿定個F4 file同幾本書去試揹
作者: wingyeunglilo 時間: 10-7-1 08:57 標題: 我都有心得，分享吓
我用過兩個，一是DOCTOR KONG，本身個書包重，放咗D書落去，就更加重，小一生對佢哋黎講太重，不過佢真係好COME用，點洗都係咁新，我諗住三年級先再俾佢用番，至於HELLO KITTY個D，我就忍唔住新年個時，買咗個公主，係呀！係輕好多，同埋靚不過幾個扣唔點囉，超快鬆，成日一拉就鬆，要用工具幫手，再要夾緊佢，好煩！但係同學仔就用SPI，我都試過抽，日日放學試吓，無理由佢日日都咁少書，講都唔信，佢真係輕我成半，早知買SPI，可惜特價已過，要買要暑假好買，好似一年一次有平D，D商場有SHOW一個星期個隻，可以留意吓！我今年唔買啦，要四年級先再買。。。。無理由有兩個仲買，實俾人補鬧！
[ 本帖最後由 wingyeunglilo 於 10-7-1 09:01 編輯 ]
作者: Happie 時間: 10-7-1 13:30
請問你點洗dr. kong?
濕水手洗, 風乾? 或只用清潔劑+水在表面清洗?
我09年暑假買比小一女兒, 是全個粉紅色size S. zipper 好順, 實淨. 較arm背帶長短合乎小孩, 承托力會好d, 而且小孩保持正確姿勢就ok. 如果帶太長, 書包dum左落去, 好易hon背黎就住個書包, 所以較arm條帶是很重要.
作者: Irene_BB 時間: 10-7-1 13:59
我個仔用咗五年都無爛﹐佢九月升中還可繼用。
作者: 曲曲 時間: 10-7-2 12:12
提示: 作者被禁止或刪除 內容自動屏蔽
作者: KITMAN622 時間: 10-7-5 21:34
各位媽媽
是否dr. kong 書包係好耐用,假錢不太貴?
我想問sanrio 的書包$249 又有無人試過用,
我見佢個size比dr. kong的細d,好似啱小一用
請各位比些意見
唔該
作者: babytai 時間: 10-7-5 22:18
dr.kong 書包真係比spi重幾多, 不過spi/sanrio 對我亞囡講都係大左少少,
真係要買的話..勉強都可以...我見同款sanrio係大眾同jusco 差左$30....我等緊8月中一田做展銷時一次過比較吓
作者: yanlamma 時間: 10-7-6 23:12 標題: 輕身護脊書包
女兒也是即將升上小一, 從這兒得知 Dr. Kong 及 SPI 書包都不輕, 請問有無人知道它們淨重(net weight)? 我係網站找到另一款台灣護脊書包名為IMPACT怡寶護脊書包, 請問有無人用過?
作者: Aerith 時間: 10-7-6 23:15 標題: 真係好鬼重
提示: 作者被禁止或刪除 內容自動屏蔽
作者: EppieL 時間: 10-7-29 17:15
SANRIO 嘅書包唔襟用架, 我阿女用佐幾個月兩邊條帶已經開始爆哂線.
作者: cicada 時間: 10-7-30 11:18
SPI 好用, 有保養, 可以拎去維修, 書包本身幾重.
DR KONG 比SPI 輕 (我用磅秤過), OK好用.
CHIROPAK 好襟用. 側袋比較淺, 高小小的水樽較易跌出來.
作者: kyk 時間: 10-8-2 12:09
我都剛剛買咗個seven書包俾阿囡，冇錯係好貴 - $9xx，我自己平時用果 d 都冇咁貴。買書包果日首先睇seven，原先想買果個一孭上去落到個 pat pat 度，再試另一個都略稴有少少大個，咁好啦，諗住去 sogo 一轉睇吓其他先。跟住睇 sanrio 果 d, 拎上手覺得少少重, 阿囡孭過話重過 seven 果個 (試時冇擺任何嘢), 跟住試 lego, 老公見到 lego d 款佢超級唔鐘意，佢話好娘，其實我都覺 (純粹個人意見)，不過都 ok 輕，咁試咗佢冇公仔個果款，但覺得果書包向橫發展，好似闊咗少少，佢係擺唔到 F4 快勞；跟住再睇 SPI，試咗佢哋擺出嚟最輕果款，都算輕，阿囡孭起其實同 seven 果個差唔多大，問阿囡，佢話鐘意 seven 果個多 d (好奇怪，SPI 果個係佢至愛嘅粉紅色但佢竟然唔揀喎)；後尾見到有個 kuromi，都好輕，咁俾佢試吓啦，當時先醒起有袋嘢一般重，問過 sales 姐姐小一d 書有冇咁重，佢話差唔多，咁就擺落個 kuromi 書包度俾佢試，見到佢孭起後，兩條背帶上面 v 字果個位有 d 變形，同埋我老公話驚佢 d 帶個扣位會好似移位 / 鬆；咁睇過晒，決定再返去試 seven 個書包，今次擺埋我袋嘢落去試，睇真 d ，又唔係真係好大 (同其他比)，又見阿囡好輕鬆咁走嚟走去，結果就買咗佢。買完第二日經過見到 dr. kong，先醒起冇睇過佢 d 書，果日試書包係原全唔記得咗佢，好在睇 d comment 話佢好重，咁都冇咁後悔冇睇過。不過，未真正用過唔知好唔好，希望冇揀錯啦，咁貴。
作者: CCHmama 時間: 10-8-2 13:15
SPI 有隻Slim size, for 小一小二都用ok, 亞仔今年升小三都未爛,三四百蚊用幾年都抵.
作者: happypiano 時間: 10-8-2 14:54
我前日睇過dr kong既書包, 我一拿起就嘩嘩聲, 因為好重. 未放野入去已經咁重, 再放埋書會重成點呢??
我老公係度話佢有我護"隻", 我話, 個書包咁死重, 點護到 "隻"呀!!! 所以死都唔肯買.
作者: wingyeunglilo 時間: 10-8-2 17:04
原帖由 Happie 於 10-7-1 13:30 發表
請問你點洗dr. kong?
濕水手洗, 風乾? 或只用清潔劑+水在表面清洗?
我09年暑假買比小一女兒, 是全個粉紅色size S. zipper 好順, 實淨. 較arm背帶長短合乎小孩, 承托力會好d, 而且小孩保持正確姿勢就ok. 如果帶 ...
無呀！普通洗衣粉囉，擦擦擦，洗淨佢，再由佢自己滴夠水扣好多扣針，放出去曬囉，不過要曬幾日（兩日度）希望係OK啦！
作者: wingyeunglilo 時間: 10-8-2 17:04
原帖由 Happie 於 10-7-1 13:30 發表
請問你點洗dr. kong?
濕水手洗, 風乾? 或只用清潔劑+水在表面清洗?
我09年暑假買比小一女兒, 是全個粉紅色size S. zipper 好順, 實淨. 較arm背帶長短合乎小孩, 承托力會好d, 而且小孩保持正確姿勢就ok. 如果帶 ...
無呀！普通洗衣粉囉，擦擦擦，洗淨佢，再由佢自己滴夠水扣好多扣針，放出去曬囉，不過要曬幾日（兩日度）希望係OK啦！
作者: KK07 時間: 10-8-2 17:26
我女用緊DK, 我覺得OK, 她是小五,用了一年都無損壞. 小一的話,用'S'size 是較適合的. 我覺得DK不比SPI重. 其實護脊書包背起後,是較手拿起的輕好多. 我會買能用2-3年左右就OK, 因為小朋友係會貪新鮮,初小和高小的口味是不同的.
作者: RebeccaChan 時間: 10-8-7 21:22
提示: 作者被禁止或刪除 內容自動屏蔽
作者: Jenny媽 時間: 10-8-8 21:14 標題: dk 和spi 都有用過
我個囡小一至二用dk, 覺得很重, 常常用手撐起來減輕, 所以用了兩年沒有爛都改用spi.
她說spi比較dk輕些, 但就不耐用, "扣"好容易壞, 所以現在五年級要換新.
現在都不知選擇哪一個牌子? seven 好貴, chiropak 呢, 有亞囡喜歡的款色, 唔知香港哪裡可買到? 不知一田開始有得買? 請通知! 
作者: babytai 時間: 10-8-9 10:33
原帖由 Jenny媽 於 10-8-8 21:14 發表
我個囡小一至二用dk, 覺得很重, 常常用手撐起來減輕, 所以用了兩年沒有爛都改用spi.
她說spi比較dk輕些, 但就不耐用, "扣"好容易壞, 所以現在五年級要換新.
現在都不知選擇哪一個牌子? seven 好貴, chiropak 呢, ...
"CHIROPAK" 一田已經開始有得買啦...可以去睇睇...我見都幾多款..(我覺得粉紫色好靚)...係男女裝中間D走廊位呀
作者: Jenny媽 時間: 10-8-15 18:29
各位媽咪 : 各間吉之島現正有售各類書包至月底. SPI 和 CHIROPAK均$400-450, LEGO, 4S, SANRIO 都有, 可以一次過比拼一下. 我本人就買了CHIROPAK$449給Jenny, 連老公都想要一個, 被我制止了, 哈哈
| 歡迎光臨 教育王國 (/) |
Powered by Discuz! X1.5 |