教育王國

標題: 小一預備班 - 只分享, 不作介紹 [打印本頁]

作者: miriam 時間: 10-6-9 18:11 標題: 小一預備班 - 只分享, 不作介紹

舊年一心諗住唔想囡囡成個暑假懶懶閒, 就同佢搵左小一預備班.

個預備班中英數全部齊晒, 全部都係做卷, 當中有無教點運用真係唔知, 派返黎時見到有做過, 叫做 ok.

中文就真係同佢做下作句, 閱讀理解呢 d. 英文主力係 grammar 多, 都有教數目同月份既串法. 數學類似小一上學期既野, 都有教下乘數表.

個 course 我係返一至五, 每日上兩個專科同一個興趣班, 等佢唔使剩係死讀死學.

其實上完有後悔, 就係某部份野佢學左有記憶, 到小一開學後上堂唔專心, 因為佢學左 d, 跟住各科既投訴就黎 lu.

所以上小一預備班係咪必須, 真係要各位自己諗下, 若果而家有上開專科既就繼續上, 除非你地小朋友真係讀一間課程好深既小學, 先至好去諗讀預備班.

因為呢一年既暑假, 係小朋友最無負擔既一年, 到小朋友升上小學後, 每年暑假都有大量暑期作業要做, 變左可以去玩既時間小左, 所以呢個最無憂既暑假等小朋友玩得開心 d 重好.

作者: miriam 時間: 10-6-9 18:16

至於今年報讀既 "EAC", 有家長估到我係報邊間, 你地自己上返網頁搵喇~~~

作者: kiu-mummy 時間: 10-6-9 22:53

Hi miriam,

你所講嘅EAC好似只係比小三至小六讀播,你個女上小二都可以咩?

多謝你嘅分享.

作者: miriam 時間: 10-6-9 23:20

原帖由 kiu-mummy 於 10-6-9 22:53 發表
Hi miriam,

你所講嘅EAC好似只係比小三至小六讀播,你個女上小二都可以咩?

多謝你嘅分享.

咁岩夾到人開班, 所以佢呢班會係岩囡囡程度.

作者: LILY媽咪 時間: 10-6-9 23:59

小一, 有咩好介紹呢.

原帖由 miriam 於 10-6-9 23:20 發表

咁岩夾到人開班, 所以佢呢班會係岩囡囡程度.

作者: miriam 時間: 10-6-10 08:14

原帖由 LILY媽咪 於 10-6-9 23:59 發表
小一, 有咩好介紹呢.

好難介紹, 貴到成 $3xx 堂讀過, 平到唔過 $100 又讀過, 就算到而家都重係摸索中, 暫時見到有進步, 叫做安心 d 咋.

作者: LILY媽咪 時間: 10-6-10 09:39

好的話, 貴都可接受.

阿女恆常的都學公文, 英, 數, 另有外國老師教的grammer班, 彈琴, 畫畫, 但暑假有幾日無野搞, 咪諗緊比她玩定上小一預備班好, 好過係屋企無聊聊咁, 同姐姐玩囉.

見妳講囡囡學得幾好, 咪問吓.

原帖由 miriam 於 10-6-10 08:14 發表

好難介紹, 貴到成 $3xx 堂讀過, 平到唔過 $100 又讀過, 就算到而家都重係摸索中, 暫時見到有進步, 叫做安心 d 咋.

作者: miriam 時間: 10-6-10 09:44

原帖由 LILY媽咪 於 10-6-10 09:39 發表
好的話, 貴都可接受.

阿女恆常的都學公文, 英, 數, 另有外國老師教的grammer班, 彈琴, 畫畫, 但暑假有幾日無野搞, 咪諗緊比她玩定上小一預備班好, 好過係屋企無聊聊咁, 同姐姐玩囉.

見妳講囡囡學得幾好, 咪問吓.
...

剩低既時間不如學下游水或者去行館 (科學館呢 d).

舊年我囡囡最開心就係行館, 實在太多野睇, 搞到佢叫我幫佢係預備班請假......

作者: LILY媽咪 時間: 10-6-10 10:13

我當然想帶囡囡周圍去, 趁暑假好好 enjoy假期, 不過我係 working mami, 想但做不到呢, 唯有揀些活動在閒日, 給囡囡享受埋個這個 summer, prefer 都係家附近的啦, 游水都會, 諗緊一對一, 多數會在 weekend 學, 我地都有全年証 (館), 但實際都唔係成日去到.

原帖由 miriam 於 10-6-10 09:44 發表

剩低既時間不如學下游水或者去行館 (科學館呢 d).

舊年我囡囡最開心就係行館, 實在太多野睇, 搞到佢叫我幫佢係預備班請假......

作者: miriam 時間: 10-6-10 10:47

原帖由 LILY媽咪 於 10-6-10 10:13 發表
我當然想帶囡囡周圍去, 趁暑假好好 enjoy假期, 不過我係 working mami, 想但做不到呢, 唯有揀些活動在閒日, 給囡囡享受埋個這個 summer, prefer 都係家附近的啦, 游水都會, 諗緊一對一, 多數會在 weekend 學, 我地 ...

我囡囡可能精力過盛, 要求游水同跆拳加堂, 一星期游三日水同玩兩日跆拳.....而家係佢自己唔比自己抖, 變左我都要四圍走

作者: ShinTeresa 時間: 10-6-14 14:36

我老公都叫我今年唔好幫阿女報太多 summer course 好好比佢enjoy埋last1年, 下年讀左小一 sumemr都唔得閒

原帖由 miriam 於 10-6-10 10:47 發表

我囡囡可能精力過盛, 要求游水同跆拳加堂, 一星期游三日水同玩兩日跆拳.....而家係佢自己唔比自己抖, 變左我都要四圍走

作者: miriam 時間: 10-6-15 08:35

原帖由 ShinTeresa 於 10-6-14 14:36 發表
我老公都叫我今年唔好幫阿女報太多 summer course 好好比佢enjoy埋last1年, 下年讀左小一 sumemr都唔得閒

我舊年咪係成日走堂同個女去玩, 慶幸個間補習社又俾我將 D 錢保留返, 用黎扣其他興趣班, 唔係個女真係多得我唔少

歡迎光臨教育王國 (/)