下學年學校最新發展

sfcssfcc

學校網頁今日（六月四日）公布了下學年學校最新發展通告，內容有大家十分關心的事項。（今晚大家應收到通告）

(1)校車安排
由冠忠遊覽車有限公司負責，基本上涵蓋港島區

(2)考試安排
由兩測兩考改為三考，減輕同學壓力

詳情請瀏覽學校網頁

polarbb

其實真係唔明點解要早咁多返學,已經係全日,重要返咁長時間 上多一堂就再多D功課

kittyjiu

三考就可以俾我地放長假時玩得開心D,但係又冇咗假期俾我哋溫習,真係有好有唔好囉!

ttyy

同感，
最初下午班，認為功課多D應該，等捱到全日班，點知功課一様咁多，而家仲好，捱到“超長版”全日班。
懇求學校可以留少少時間俾家長，我都有好多嘢需要同囡囡一齊做！

polarbb

統整考過再考?邊科?我又冇喎,中文同常識都冇,咁英文同數學就唔同,因為係基本野,係已經有o既常識,所以就好正常,即係好似+數,上學期教完咁下學校都會有,到P2,3....都係會有.
咁如果係講測驗測過,考試要再考就唔同,因為係一個學期考一次,咁一定係考哂所有上學期o既野,所以我話範圍大,如果分3考就唔同,常識同中文個範圍會小好多. 宜家係最驚中間會有計分評估,咁就真係唔瞓都唔掂

原帖由 cherrynequ 於 10-6-5 11:03 發表
如果考過的唔再考就無問題, 但好似統整咁考過又考就煩

cherrynequ

如果考過的唔再考就無問題, 但好似統整咁考過又考就煩

原帖由 polarbb 於 10-6-5 09:38 發表
我D朋友係3考,佢地返而覺得好左喎,因為唔似2測2考咁,其實即係4考,但個範圍都幾大架,係諗下上學期個一考係考哂上學個10幾課書野,下個期係考哂下個期個10幾課書.
宜家3考係將個範圍平均分開3次,幾好架,唔駛一次過溫咁 ...

polarbb

不過希望唔好平時有計分評估,如果唔係就變左3考冇意義

polarbb

我D朋友係3考,佢地返而覺得好左喎,因為唔似2測2考咁,其實即係4考,但個範圍都幾大架,係諗下上學期個一考係考哂上學個10幾課書野,下個期係考哂下個期個10幾課書.
宜家3考係將個範圍平均分開3次,幾好架,唔駛一次過溫咁多野.由一次過考10幾課變一次過係7,8課,分別大好多.
我好多朋友都鍾意3考.

原帖由 cherrynequ 於 10-6-5 09:07 發表
3考唔會細左, 只會大左, 其他學校都係, 所以範圍一定多左ga. 壓力都大左

Little_cy

仲之慘慘慘... 依加平時既溫習卷我從吾會點理, 出年就..............

cherrynequ

3考唔會細左, 只會大左, 其他學校都係, 所以範圍一定多左ga. 壓力都大左

原帖由 polarbb 於 10-6-4 21:06 發表
改3考好 個範圍細左,又唔駛咁大壓力,其實好多學校都係3考.

polarbb

我都諗緊平時的評估計唔計分 如果唔計就冇所謂,因為我宜家都冇理個女個D計估,冇同佢溫,當係睇下佢有咩唔識,但係如果新學年要計,我就死得

原帖由 ttyy 於 10-6-5 00:00 發表
再睇番三次考試，似乎也另有玄機。平日的進展性評估睇來也不可小看呢，怎麽看都是----日日打起十二分精神。

ttyy

再睇番三次考試，似乎也另有玄機。平日的進展性評估睇來也不可小看呢，怎麽看都是----日日打起十二分精神。

ttyy

今日之通告如一紙噩耗，睇完之後心情久久未能平復。
早三十五分鍾返學，意味着要早三十五分鍾上牀睏覺。现時每日放學之後短短幾個鍾，完成功課，温書，練琴，吃飯，個人衛生也是僅僅夠（我囡九點幾睏都唔算太誇張la），唔知去邊度揾多三十五分鍾。唔通日日屋企以急行軍速度趕時間？ 再者，學校是多了授課時間，可以進行小練習，小測等等，但學生始終都有很大的個軆差異，如此的作息安排我唔知幾時有時間可以同阿囡“補短”（“揚長”“提高”之類D嘢已經唔敢奢望la），如果學校掉返轉比多我半個鍾，我就真感激涕零了。再者，返工的家長們也會少了原本就少得可怜的同囡囡的交集時間，同仔女的沟通曾幾何時變成遙遠的理想。 Ah，還有返工的媽媽們，要提早三十五分鍾起身，情形怎是一個慘字了得。

polarbb

改3考好 個範圍細左,又唔駛咁大壓力,其實好多學校都係3考.

Little_cy

應該要放番早半個鐘

sfcssfcc

平日備戰可能是要習慣中學的模式，因為中學的平時分高，可以令考試不合格變為合格，平時分低，如功課做得不好，小測小評不專注，便會令考試名次由百分之五十內下降至百分之七十五．

但這安排有好有壞，不會一試定生死，學生如上堂留心，盡力做好功課，每日都有溫習，平時分往往是護身符，較只計算考試分壓力較小．

至於上下學時間安排，其實小學在未實行全日制時，上課時間一直很早，但轉全日制後，由於考慮到與中學學生一起上課，對合和中心電梯構成的壓力很大，因此才調整至中學上課後半小時才上課．

事實上，現時中學有夏令時間表，在上課節數不變，只是縮短每堂時間的情況下，讓學生提早下午放學（例如現時考試時間於１時２０分放學，學生可有更多時間溫習），或是舉辦校內活動，如宗教活動或歌唱比賽等．未知小學日後會否有此安排，讓學生有更多下午時間進行專題研習或學習分享．

原帖由 vanyau 於 10-6-4 16:58 發表


我最唔想就是平日都要備戰，我就係因為這個原因才揀這間學校．今日收到這通告，簡直晴天霹靂，希望唔好俾你講中．
提早返學，我無問題；但沒有提早放學，就有問題啦！
每日早咗半小時起床，學校都要俾我囡囡早半小時睡吖．
現在的安排，還 ...

vanyau

原帖由 MiuMiu2004 於 10-6-4 15:39 發表
但平日的進展性評估，咁即係時時都評估, 時時都要備戰???

我最唔想就是平日都要備戰，我就係因為這個原因才揀這間學校．今日收到這通告，簡直晴天霹靂，希望唔好俾你講中．
提早返學，我無問題；但沒有提早放學，就有問題啦！
每日早咗半小時起床，學校都要俾我囡囡早半小時睡吖．
現在的安排，還可以做到每晚９時半上床，但要９點上床就有一定的難度囉！
以我所見，是有學校返８時的，但多數放３時或２時半的．希望學校是出錯了通告啦！應該還有商量啩！？

MiuMiu2004

但平日的進展性評估，咁即係時時都評估, 時時都要備戰???