教育王國

標題: 女孩子返學去廁所的問題 [打印本頁]

作者: Tigger 時間: 10-5-30 11:10 標題: 女孩子返學去廁所的問題

女兒九月升小一，幼稚園時有小朋友廁所。好擔心上小學時不能自己去。

請問各位媽咪，妳會叫小朋友直接坐上廁板嗎? 還有其他的方法嗎?

作者: 瑄婷 時間: 10-5-30 16:28

我女間小學,都有細坐廁比小一二的小朋友用

作者: vanessa924 時間: 10-5-30 21:12

呢位mum mum 你呢個問題我都好感受到,因為我個他好快就讀完小一升上小二啦,當時我都好似你咁擔心呢樣,擔心佢樣....但原來佢o地好多野好快習慣...唔好擔心咁多..放心啦!!!其實還有好多個月先到小一,你而家開始教佢自己清潔(如大便),我個仔最初條底底都有便便係到,但唔重要你話俾佢知,試多幾次就ok,d小朋友俾我地想像中更聰明...放心啦!!mum mum ....至於個坐廁我教佢(如大便)要用消毒下個廁板,再用紙巾放係廁板上,因為d小朋友真係好dirty....＞．＜''不過佢地初初乜都照住,但之後乜都唔記得...總之都係由佢地自己領悟一下.....

作者: winchoy16888 時間: 10-5-31 13:13

多謝分享‧此點忽略了

現在要教她了

作者: Tigger 時間: 10-6-1 00:54

唯有希望個女可以早啲習慣啦。

作者: miriam 時間: 10-6-1 08:59

其實你可以係屋企試做.

囡囡如廁前先整濕廁板, 跟住教佢用濕紙巾抹一次, 跟住再用乾紙巾抹多次, 之後先坐上去, 等佢習慣左知道不論廁板上面有無 "尿" 係度都好, 都一定要先清潔而後坐.

而家我囡囡係學校就係咁做, 雖然紙巾用量必定會好多, 但都叫做多左少少保障.

作者: BellyButton 時間: 10-6-3 00:33

我通常去餐廳食嘢時,留起餐枱上的厚餐紙巾唔用,(即打開係一大張正方型那些)
待小女去洗手間時,先用普通厕子或紙巾抹乾坐板,再以菱形方向鋪在厕板上,即12點,3點,6點,9點位置為角位,由於整張大餐紙巾COVER唒整個厠板,那麼小朋友去大小便時,用手扶住厠板兩邊時亦有不會弄污雙手.又可扶緊慢慢去.

*如果鋪法係正常正方形,小朋友手放在厠板邊時,會沾到厠板.所以要鋪菱形方向.
*去大小便時,大餐巾會自動被破穿,不用事前給破穿.
*冲厕方面只要切底沖一次便可,如果沖水系統弱就多冲2次.
*這方法亦可給男孩子外出大便時用.

[ 本帖最後由 BellyButton 於 10-6-3 00:37 編輯 ]

作者: eggmama 時間: 10-6-3 08:04

good and caring, I should try, thanks!

原帖由 BellyButton 於 10-6-3 00:33 發表
我通常去餐廳食嘢時,留起餐枱上的厚餐紙巾唔用,(即打開係一大張正方型那些)
待小女去洗手間時,先用普通厕子或紙巾抹乾坐板,再以菱形方向鋪在厕板上,即12點,3點,6點,9點位置為角位,由於整張大餐紙巾COVER唒整個厠板, ...

作者: 喧嘩 時間: 10-6-3 17:39

我個女而家小一, 佢都話大廁所好dirty, 佢要去通常都落樓下d 細廁所, 因為佢地有幼稚園, 果d廁所for 幼稚園借操場時用, 不過佢地都可以用
我個人就認為叫小朋友自己清潔廁板好dirty, 佢地咁細個好容易整污隻手, 跟住又用隻染有別人排泄物的手抺自己個私處, 好唔衛生

歡迎光臨教育王國 (/)