教育王國
標題: 我的決定是錯嗎? [打印本頁]
作者: 蘇蘇 時間: 10-5-25 23:40 標題: 我的決定是錯嗎?
今天晚上放工回來, 我決定不給細仔做功課, 由得得明天給老師罰留堂做.
事原, 細仔近來做功課很散慢, 很多時在我放工回來都說出很多的原因, 所以還沒做好功課.
前幾天, 他說是因為要執拾陀螺, 終於又是功課沒做完, 於是我把他的玩具沒收了, 罰一個月沒得玩.
幾個月前, 他也曾是這個樣子, 跟班主任說好如果他再是這樣子, 我便收起他的功課,待他翌日回校課後留堂做.
今天, 他4:45還打電話給我說開始做功課, 而且只得3 樣功課, 所以按理在我放工時是可以完成功課的.
結果, 我八時正回到家, 只做了一樣, 問他為什麼, 他說因為要吃飯, 疴臭臭, 還把所有時間放在執拾抽屜, 所以便沒有完成功課. 每次他總是多多理由. 所以今晚我決定狠心一點, 把他的功課收起來了, 不管他是哭, 哀求也好, 我也是硬著心腸, 還要他把功課自己放回書包.
我不知明天會是怎樣, 細仔是班長, 一個自専心很強, 多愁善感的人, 他很怕給老師責駡, 怕給同學笑. 他今天晚上哭了很多很多次要求我給回他功課(其實以往他都試過很多次, 但我都是心軟), 但我都堅持不給回他.
到底我的做法有錯嗎? 的確, 我是有些心軟的, 因為真怕今次事件後他不知會怎樣.
[ 本帖最後由 蘇蘇 於 10-5-25 23:42 編輯 ]
作者: Fion_Chan 時間: 10-5-25 23:50
我就...我就唔捨得咁做.......
明天早D叫佢起身做吧，3樣功課半個鐘可以吧，佢緊張會做得好快，哭了一晚，夠懲罰了。
作者: Little_cy 時間: 10-5-25 23:57
yes.. 相信佢今晚都未必訓得好... 明早比番佢啦
作者: lyhv 時間: 10-5-26 00:06
小朋友心靈可以好脆弱, 唔好等聽朝啦, 咁多個鐘都唔知會發生咩事, 情願你同佢今晚都無得瞓, 宜家即刻叫佢開始做功課吧, 你陪他身旁, 要佢知道唔好再有下次, 如果唔係次次都會扣起到好夜先俾佢做, 總知一係無功課交, 一係要捱眼瞓!
作者: winchoy16888 時間: 10-5-26 00:18
相信佢今晚都未必訓得好
俾佢做番佢啦
夠懲罰了
作者: talent2000 時間: 10-5-26 00:55 標題: 回覆 1# 蘇蘇 的文章
提示: 作者被禁止或刪除 內容自動屏蔽
作者: joemyt 時間: 10-5-26 00:59
收起D陀螺仲好啦 ! 唔好做得太盡 (我指唔陪佢做功課)，驚有反效果 !
作者: grace_xian 時間: 10-5-26 09:19
請問你小朋友幾年級, 幾歲?
我覺得呢種方法未必是最好, 惩罰不是最有效的方法, 若有可能, 可以試下其他方法, 比如不給他進行最喜歡的活動等。
不要傷害他幼小的心靈, 否則, 今後的親子關係好難修補
原帖由 蘇蘇 於 10-5-25 23:40 發表 
今天晚上放工回來, 我決定不給細仔做功課, 由得得明天給老師罰留堂做.
事原, 細仔近來做功課很散慢, 很多時在我放工回來都說出很多的原因, 所以還沒做好功課.
前幾天, 他說是因為要執拾陀螺, 終於又是功課沒做完, ...
作者: rebecca0113 時間: 10-5-26 09:44
好多小朋友都會係咁,我果個小1開始已經係咁,做2-3樣功課要成3-4個鍾,我放工後真係好辛苦咁要跟佢的功課,終於在2年級放左佢去補習班,日日有人看住佢完成所有功課,到我放工回到家就可以和他溫習默書同一起看課外書,大家關係真係好左好多....你可以諗諗呀
作者: Sherryko9 時間: 10-5-26 11:17
你是他的媽咪,你甘做又無身體傷害,我支持你!
之買! 吓 吓個肺功能都會好Ｄ,可以比他知道媽咪講得出,做得到!阿仔都要!我囡囡都是自尊心強的人,試過叫我打電話去公民教室同導師講佢做唔晒D野,我係唔講,味由佢比人話囉!返來時嬲左我半天,我都費事采佢,自己事自己承擔,這是小朋友責任.
原帖由 蘇蘇 於 10-5-25 23:40 發表
今天晚上放工回來, 我決定不給細仔做功課, 由得得明天給老師罰留堂做.
事原, 細仔近來做功課很散慢, 很多時在我放工回來都說出很多的原因, 所以還沒做好功課.
前幾天, 他說是因為要執拾陀螺, 終於又是功課沒做完, ...
作者: hohoho8 時間: 10-5-26 11:34
hi 蘇蘇,
my personal opinion is that you did the right thing!!
i think i would definitely limit the homework time and if it is not done within that time then he will go to school without completed homework!!! BUT i would stress that you should present this idea or these rules in a CALM manner and tell him ahead of time... like ok, from tmr on, 5-7pm is homework time (make sure this really is a reasonable time frame which he can finish it in if he concentrates and give him a BIG buffer at the beginning), and explain if he can't get it done during this time it won't be done for school the next day... if he asks u what will happen... u can calmly say 'ummm, 唔知呢？'... if he asks u why only 2hrs/the time u set... u can say 'because we need time to eat dinner, play, chat, read stories, and clean up, and we need to do all that after i get home from work'...
and if he doesn't finish it... let him go to school without it done! i know it is hard for us mothers to let go, it is easier said then done... but try it, let the teacher help also, communicate with the teacher to let her know what's happening and u need her help...
don't add other punishments... just let him go to school with unfinished homework...
u can even get him to write down the start and finish time so HE will know... my son times himself nowadays... i use a star system with my son also... don't know if it will be too complicated for u... or maybe u can try to add it later on...
if he gets it done in ur designated time... praise him... 'wow, you really concentrated today... good job!!!' give him a pat/hug... if the next day he doesn't get it done on time, calmly say 'oh, u missed it just by a little bit, good try'.... then let him try it for a period of time, there WILL BE ups and downs.... if you see the time frame begin to shorten, like he can usually do it in an hr... then shorten the time slot but usually give him a buffer...
keep trying 蘇蘇!!! add oil... and stay CALM! :)
原帖由 蘇蘇 於 10-5-25 23:40 發表
今天晚上放工回來, 我決定不給細仔做功課, 由得得明天給老師罰留堂做.
事原, 細仔近來做功課很散慢, 很多時在我放工回來都說出很多的原因, 所以還沒做好功課.
前幾天, 他說是因為要執拾陀螺, 終於又是功課沒做完, ...
[ 本帖最後由 hohoho8 於 10-5-26 14:17 編輯 ]
作者: hohoho8 時間: 10-5-26 12:28
i also think... of course, we want them to be happy, we care about their feelings and their emotional development, and we want them to be in a happy learning environment...
but we also want them to learn self control, discipline, responsibility, and have the ability and confidence to overcome difficulties... these need time to build up, i think the kindergarten and primary years is a good time to help them build up these good habits... :) cheers
作者: Ansonrubby 時間: 10-5-26 13:05
蘇蘇：
我覺得你做得對啊！
既然他不想做功課已不是一次半次，連陀螺都收了，小罰唔得就要大罰！
不過，最好事先聲明，也說明原因，比佢有得用做好些來免罰！
還有，可以同老師溝通下，讓她知道你因何不讓他做功課，並予以輔導，幫他改善。
還有，沒收玩具(陀螺)或某些懲罰，時期不要太長---一個月已太長，又或有人罰孩子站在門外半小時，都太長。
原因是孩子在失去玩具或安全感期間，脆弱的會無助...，頑皮的會拆招，那麼，本來好想玩玩具沒了或被罰很久，又如何！日子還是這樣過，可以玩別的，可以沒有大人錫...那麼，就天不怕地不怕了！
所以，幾天內要引佢改好就取回陀螺，仲要陪佢玩下，比佢對比乖同唔乖的感受！
最後，要乘機了解佢唔想做功課的真正原因，是活動太多，沒人陪，還是太深...怎樣也要開解下。
其實，孩子不一定要一個合理的解答或解決辦法，有人聽佢sung下，又講些理由，就得架啦！(我從書上看來的)好長氣啊！
原帖由 蘇蘇 於 10-5-25 23:40 發表
今天晚上放工回來, 我決定不給細仔做功課, 由得得明天給老師罰留堂做.
事原, 細仔近來做功課很散慢, 很多時在我放工回來都說出很多的原因, 所以還沒做好功課.
前幾天, 他說是因為要執拾陀螺, 終於又是功課沒做完, ...
[ 本帖最後由 Ansonrubby 於 10-5-26 13:09 編輯 ]
作者: myfirstbaby 時間: 10-5-26 13:40
我覺得要set番個time table比個小朋友,大約幾點至幾點做homework,食飯等..跟住距離食飯d時間就可以玩...要比佢知做得快就可以多d時間玩.
呢個方法係啱啱係本書到睇番嚟,我覺得都值得試下.
我d小朋友重係細...暫時無呢個問題..不過都有用貼紙rewards同佢介咗d壞習慣.
作者: lauffj 時間: 10-5-26 14:20
I think what you did is right, he should suffer what he have done, let him know that this is his responsiblities to finish his homework, then he can do other things after he finished all of his homework. I believe after today he will learn what he have to do.
You might have sad feeling, but I believe you help him a lot by doing this.
作者: jamesbond007 時間: 10-5-26 15:31
提示: 作者被禁止或刪除 內容自動屏蔽
作者: overview 時間: 10-5-26 16:12
什麼叫: 「强化好行為」?
原帖由 jamesbond007 於 10-5-26 15:31 發表
______________________________________
有一個朋友有個「３歲的愛兒」，
他的訓練方法是「强化好行為」，
他的愛兒是擁有４歲智商的，是「一頭狗隻」。
另一個朋友有個「９歲的愛兒」，
他的訓練方法是「强化好行為」，
他的 ...
作者: mayc 時間: 10-5-26 16:13
曾經睇過一個節目是訓練小朋友吃飯吃快d,是set一個食飯時間給他,如果他未吃完,不可餵他,把吃剩的飯餸收起來,父母要忍心,如果晚上他肚餓也不可給他其他食物!
我想大原則是可以共用的!
作者: bbJP 時間: 10-5-26 16:52
小心有d小朋友覺得個file花左會放"pea",我個仔試過一次欠交之後,仲比以前更不著緊.
作者: 蘇蘇 時間: 10-5-26 18:24
好多謝咁多位媽咪的意見.
或者可以講下細仔的性格給大家聽聽, 細仔今年小一, 在班裡是細仔(年尾出生), 無可否認細仔是聰明醒目的一類, 做事全心全力, 自専心和鬥心都極強, 但極怕外人怎樣看他, 還有點輸唔起,沒有時間觀念.
曾因為搬家的可能要轉校, 跟班主任傾談中我想他來年重讀小一好等他成長一點, 但班主任說不要, 一來細仔的成績沒有問題, 但主要原因是細仔的性格, 如果你要他重讀小一, 他不知會變成怎樣.
因為我要上班, 所以從幼稚園我已令他們習慣放學自己完成所有功課待我回家時查看.
但從今年小一的一月下旬問題就開始出現了, 什麼變得愛拖, 硬的軟的我都用過了, 最後我和他協議好, 在我回到家時一定要把功課完成(當然我都會看功課量), 否則我會把所有功課收起, 另一方面我亦把情況告班主任, 班主任亦答應會幫手, 如問題出現可讓細仔課後留堂補做.
一直好像有了點改善, 直至近兩個星期好像又故態復萌, 這兩個星期我己跟他說過, 我昨天真是忍無可忍. 所以我鐵著心腸, 不給他就是不給他. 姑奶都說我殘忍, 其實看到他哭著睡我又不心痛嗎? 我又不肉赤嗎?
結果, 心軟的我跟自己說是給他最後一次機會, 所以今早早了半個小時叫了他起床做功課, 我亦定下原則, 我只叫一次, 做就做不做就算. 最後, 我拍拍熟睡的細佬問了一聲”細佬, 你想把功課完成嗎?” 一向懶床的細佬突然眼睛發光的答”我做”, 跟著便拿拿林起床去做功課. 看著他, 那一刻我都不知我有沒有做錯, 慈母多敗兒是我嗎? 這個長氣的媽媽總得不忘提提他, 以後不要再這樣子, 不要令大家都傷心, 這一刻的細佬, 當然什麼也答應.
我的心軟在於怕細仔難再面對老師和同學, 不知他會怎樣. 其實, 細仔本子不是賴皮的人, 現在的功課量和程度對他亦不是問題. 但做事不夠定力, 有時不知什麼時候應該做什麼. 舉個例子, 他本想做功課, 但發現铅筆短了, 他會去削尖, 但他會削了一枝又削另一枝, 削好了, 全都整齊了, 放回抽屜時又發現抽屜亂了, 於是又去執拾抽屜, 做這樣做那樣, 直至被我的開門聲才把他從抽屜抽回出來. 只要我回來, 他便自動波地去做功課.
說到這裡, 會否很多媽咪覺得我不夠堅決? 被細仔看透我的心軟, 往後變得更過份呢? 這時這刻沒有答案. 又或者有些媽咪覺得我要求高? 其實我只是要定下一個時間, 不想他們在晚飯過後還在趕做學校的功課.
最後, 真是要在此多謝各位媽咪的意見和時間, 看了我這麼長篇大論, 我在這兒”申”了出來人也好一點, 舒服得多了. 感激感激.
[ 本帖最後由 蘇蘇 於 10-5-26 18:26 編輯 ]
作者: hw1115 時間: 10-5-26 21:43
原帖由 蘇蘇 於 10-5-26 18:24 發表
好多謝咁多位媽咪的意見.
或者可以講下細仔的性格給大家聽聽, 細仔今年小一, 在班裡是細仔(年尾出生), 無可否認細仔是聰明醒目的一類, 做事全心全力, 自専心和鬥心都極強, 但極怕外人怎樣看他, 還有點輸唔起,沒有時 ...
佢會唔會係gifted child?
作者: 蘇蘇 時間: 10-5-26 23:31
哈..哈..我可以話你知100% 唔係. 他的醒目只限於偏門 
講得白D 叫古惑, 讀書就一般啦, 叫做攪得掂. 很多時我覺得是跟他鬥智鬥力多於角力在學業上.
原帖由 hw1115 於 10-5-26 21:43 發表
佢會唔會係gifted child?
[ 本帖最後由 蘇蘇 於 10-5-26 23:34 編輯 ]
作者: lauerica 時間: 10-5-27 02:21
矣！一年班就咁對過小朋友，軍訓咩？有時唔使要求太苛求，盞個小朋友冇左個愉快童年，大個祇會諗返起細個時阿媽點對自已，不過都有唔少人支持你既做法，但我就絕對唔認同。
作者: lauerica 時間: 10-5-27 02:30
其實我都重想回應你兩件事，第一你話最後我和他協議好, 在我回到家時一定要把功課完成，呢個似乎係你一廂情願既想法，小朋友是否真的明日協議箇中道理？第二你話會否很多媽咪覺得我不夠堅決? 被細仔看透我的心軟, 我覺得你一的都唔心軟，重硬過石頭，咁呢點你可以放心，多口問句，家人是否認同你既做法？
作者: Sherryko9 時間: 10-5-27 09:59
每個父母都有自己教小朋友的一套,只要不是虐兒,我絕對支持,就算是"溺愛"或"軍訓",一個負責任的父母心中最知道甚麼是對小朋友好;反過來看,可以看出樓主小朋友此終是一個負責任的小朋友,凡事兩面睇,最緊要樓主過得自己和小朋友便可! 最後,我還是支持樓主決定
作者: sampapa 時間: 10-5-27 10:17
Love and care are important then punchisment.
The trade-off method is used in my kid.
eg: you have 1.5 hour in homework, if u complete and checked, the remain time can play games or PC.
Or you can save the time for out-door activity,
Price list for out-door activity:-
48 hrs for Ocean park.
36 hrs for country side and BBQ.
24 hrs for bike in shatine.
12 hrs for bike in garden.
6 hrs for playing in big garden.
and something like that.
作者: hohoho8 時間: 10-5-27 10:28
we are all parents here... let us not be so critical... each parent and child is different, there are thousands of ways to teach kids, mothers and fathers are humans too (not perfect), and ALL of us are learning!!
when teaching our kids, have we not once felt we have over-reacted?? have we not once think maybe we could have done it better or differently?? have we not once think there must be a better way?? have we not once felt the hurt (心痛）after we have gotten angry with our kids??
sorry, i have! i might not have experienced the EXACT situation as 蘇蘇 but i certainly have had the same feelings... did i do the right thing? could there be a better way? i don't want my child to be unhappy... yet i want my child to do better... how??
let us share on better methods... how would you handle things when your child takes 3-4 hours to do something that could be done in half an hour?? how would you handle your own emotions when you come home from a tired day at work and your child has AGAIN not finish his homework?? how do you teach your kid to be responsible and proactive??
原帖由 lauerica 於 10-5-27 02:21 發表
矣！一年班就咁對過小朋友，軍訓咩？有時唔使要求太苛求，盞個小朋友冇左個愉快童年，大個祇會諗返起細個時阿媽點對自已，不過都有唔少人支持你既做法，但我就絕對唔認同。 ...
作者: 蘇蘇 時間: 10-5-27 10:48
我只可以說是對小朋友有要求, 但又未至於軍訓了.
我本身是一個上班的媽媽, 每朝早上我享受叫他們起床, 他們就像樹熊一樣攬著我, 我依依不捨放下他們叫他們洗臉刷牙便得出門口, 直至晚上八點才回到家. 晚上,由吃晚飯到他們的睡覺時間, 我們只有兩個多小時的親子時間. 我要他們在我放工前完成功課, 因為我不想那個多小時的剩餘時還有趕功課中. 好像昨晚兩個孩子都完成了功課, 細仔跟我說他自薦會在星期五音樂堂上表演唱歌, 於是他唱歌給我們聽, 我們一起研究唱歌彈琴, 還有時間去做一些科學小實驗, 他們又可以看看喜愛的書, 好好利用那些親子時間不是更好嗎? 每天3點半放學回家直至我 8點回家, 難道還想他們的功課拖到晚飯後才做嗎? 彈性可以有, 一天可接受, 兩天都可, 但日日如是, 你就由得他嗎?
或者你可以說我自私, 為了那兩個半小時親子時間, 便硬著要小朋友於我回家前完成功課. 但這一點我真是沒法子. 那有父母不愛自己的孩子, 難道我不想無時無刻陪著他們嗎? 難道見到他們喊我會開心嗎?
原帖由 lauerica 於 10-5-27 02:21 發表
矣！一年班就咁對過小朋友，軍訓咩？有時唔使要求太苛求，盞個小朋友冇左個愉快童年，大個祇會諗返起細個時阿媽點對自已，不過都有唔少人支持你既做法，但我就絕對唔認同。 ...
作者: mickeywinnie3 時間: 10-5-27 10:48
近日我又是為了陀螺的問題, 想打死個仔, 由朝到晚都攪住佢..........! 咩心機都無............
原帖由 joemyt 於 10-5-26 00:59 發表
收起D陀螺仲好啦 ! 唔好做得太盡 (我指唔陪佢做功課)，驚有反效果 !
作者: monkey05 時間: 10-5-27 11:11
原帖由 蘇蘇 於 10-5-25 23:40 發表
今天晚上放工回來, 我決定不給細仔做功課, 由得得明天給老師罰留堂做.
事原, 細仔近來做功課很散慢, 很多時在我放工回來都說出很多的原因, 所以還沒做好功課.
前幾天, 他說是因為要執拾陀螺, 終於又是功課沒做完, ...
我也支持你的做法, 換轉係我, 我也會同你一樣咁做.
1. 要他明白機會已絡了很多次, 他沒有守諾言在你回來前把功課做好, 所以, 而家媽媽係要比一點罸佢. 哭吓, 無壞的.
2. 也會再同佢解釋番成件事, 小朋友錯在那兒.
3. 小朋友試大人底線, 無止境, 早一點讓他知呢件事在那位置要收手. 媽媽是講得出, 做得到的.
你不用太自責, 唔同媽媽的性格有唔同的處事方式. 我100% 支持你. 因為日日如是, 的確令人激心, 只要事後抱番住小朋友傾番, 我相信佢明白的. 也唔會嬲媽媽咁做.
[ 本帖最後由 monkey05 於 10-5-27 11:14 編輯 ]
作者: hohoho8 時間: 10-5-27 11:12
reading your post, i got the impression that your son is a good boy! maybe he needs more guidance on time management and more encouragement to take responsibility, which is normal for p1 kids. caring about how other people think of him is not a bad thing, it could be a motivation, but learning to deal with his own mistakes (and realizing his own weaknesses) and how to cope with others' negative comments are also lessons too...
原帖由 蘇蘇 於 10-5-26 18:24 發表
好多謝咁多位媽咪的意見.
或者可以講下細仔的性格給大家聽聽, 細仔今年小一, 在班裡是細仔(年尾出生), 無可否認細仔是聰明醒目的一類, 做事全心全力, 自専心和鬥心都極強, 但極怕外人怎樣看他, 還有點輸唔起,沒有時 ...
作者: access 時間: 10-5-27 11:13
很多時我都要求小兒多學習，所以他較少機會玩。惟獨是陀螺我反而讓他多玩一些，還和他一起玩，因為我覺得陀螺是一個熱潮，令到每個小朋友覺得從陀螺遊戲中得到認同和滿足。雖然學習方面受一些影響，但我希望他能有一個童年的集體回憶！
話雖如此，但有些時候，我仍然會因為他對陀螺太著迷而忘掉重要的事情而暴跳如雷呢！
access
原帖由 mickeywinnie3 於 10-5-27 10:48 發表
近日我又是為了陀螺的問題, 想打死個仔, 由朝到晚都攪住佢..........! 咩心機都無............
作者: 蘇蘇 時間: 10-5-27 12:11
你張相都係爆璇陀螺..哈哈.
你跟我很相似呀 ~~ 我都是很小買一些時下的玩具給小兒, 但陀螺我都會讓他們多玩一些, 而且我也會和他們一起玩的. 我覺得玩陀螺可以圍在一起玩, 蠻不錯呀, 不像遊戲機自己有自己玩.
原來, 陀螺都可以令小朋友思考, 究竟什麼零件配合是最好的. 有時見細仔左換右換零件好可愛.
講開陀螺, 我記得第一次買陀螺給他們的情形都好好笑.
因為我想給他們一個驚喜, 所以我便一個師奶去吉之島買, 去到才知有那麼多款式, 我又唔識, 於是我企在cashier 問那些買陀螺的小朋友, 當小朋友走後, 我便叫售貨員執一套跟某個小朋友一樣的. 又某日, 我在崇光睇下d陀螺, 突然有個小朋友指著其中一個盒問我這個陀螺跟其他的有什麼分,於是我用緊有的陀螺知識告訴他: 這個是膠的, 不夠耐力, 戰鬥時多數會輸. 估不到我這個 c9 都唔係太 out.
原帖由 access 於 10-5-27 11:13 發表
很多時我都要求小兒多學習，所以他較少機會玩。惟獨是陀螺我反而讓他多玩一些，還和他一起玩，因為我覺得陀螺是一個熱潮，令到每個小朋友覺得從陀螺遊戲中得到認同和滿足。雖然學習方面受一些影響，但我希望他能有一個童年的集 ...
[ 本帖最後由 蘇蘇 於 10-5-27 13:00 編輯 ]
作者: Ansonrubby 時間: 10-5-27 13:22
蘇蘇：
你真是個盡責的媽咪！連爆旋d野都學下，我仔成日想我同佢玩爆旋，又成日講不同功能比我聽，我只好扮到好有興趣咁聽lor. 做佢ge聽眾！
我成日提佢快手做完功課，就可專心玩、看書或TV, 佢有次話：有d人做功課慢，咪好笨lor，阻住自己玩！
其實，佢有時都會拖慢hw來做，惰性好多人都有，看爆發頻率或程度姐！
原帖由 蘇蘇 於 10-5-27 12:11 發表
你張相都係爆璇陀螺..哈哈.
你跟我很相似呀 ~~ 我都是很小買一些時下的玩具給小兒, 但陀螺我都會讓他們多玩一些, 而且我也會和他們一起玩的. 我覺得玩陀螺可以圍在一起玩, 蠻不錯呀, 不像遊戲機自己有自己玩.
原來 ...
作者: Imouto 時間: 10-5-27 13:23
我地好似係不同的TOPIC上討論緊好接近的事,我同你個CASE好相似,我又係成日問自己有無做錯?係咪唔識教呢? 不斷的自相矛盾.....太軟了--"慈母多敗兒"? 太硬了-- 子女心目中的"巫婆"?
今天剛看到一則報紙,作者說到小學徵文比賽題目 :
爸媽,請給我多一點時間!
內容好像為現今作子女的, 說出了一些心內話: 父母的溫柔沒了,只著重"分數"和"金錢". 什麼事情也給父母編排好了.但父母每天都付出,郤得不到子女的欣賞,相反感到失落,挫販之餘,亦被當頭棒喝.
看到這一點,內心不禁又再檢討,但求可令子女愉快學習,硬或軟,都要學習適可而止. 大家加油!!!!
作者: lauerica 時間: 10-5-27 14:21
原帖由 Imouto 於 10-5-27 13:23 發表
我地好似係不同的TOPIC上討論緊好接近的事,我同你個CASE好相似,我又係成日問自己有無做錯?係咪唔識教呢? 不斷的自相矛盾.....太軟了--"慈母多敗兒"? 太硬了-- 子女心目中的"巫婆"?
今天剛看到一則報紙,作者說到小學 ...
有一些人祇會理會自已既感受，係唔會理人感受，你同佢地講乜都冇用，一言堂政策係唔會改變。
作者: bb-bu-bu 時間: 10-5-27 14:37
我其實都支持你嘅做法, 係想個小朋友行正路!
作者: Sherryko9 時間: 10-5-27 14:51
時代唔同,父母教仔女的方法亦唔同了!總之是各取其所,一個人吃起來是良葯
,另一個可能是毒葯
;不要太介懷別人看法,小朋友是你的,我相信你會為你小朋友作出最好的教導.
作者: 蘇蘇 時間: 10-5-27 17:32
其實我出這個 post 是沒有想過要看的人認同我的做法, 所以我才說”我的決定是錯嗎?”.
家家有本不同的經, 沒有一個肯定的答案, 難得是一個平台給大家交流, 好/不好聽的都是意見, 大家的大前題都是為孩子.
我當前要解決是的正是其他媽咪也曾提及過細佬的時間管理, 介意他人對他的看法和輸唔起的問題.
細佬的輸唔起一向是最頭痕的問題, 由幼稚園到現在叫做有小小小改善, 但是仍需繼續努力. 
作者: justin2003 時間: 10-5-27 18:46 標題: 回覆 39# 蘇蘇 的文章
其實我贊成你ge做法，d細路成日會挑戰你ge尺度，俾機會係要ga，但如果成日由得佢，只會令佢覺得乜都得，第時大d就難教啦。
我都明有時要 "狠" 下心，其實自己都會心痛架，不過個心都係想佢好。有邊個為人父母會想令自己仔女唔開心呢！
講到輸唔起，我仔都係咁，不論學術或者遊戲都如是，其實我平時都係會同佢講冇所謂啦，盡左力就算啦咁，亦自問冇俾壓力佢要佢樣樣第一，見到佢咁好勝，一方面會覺得都好丫，有動力嘛！另一方面我又擔心佢自己俾太大壓力自己，達唔到自己要求就會變得冇自信心。有冇家長可以俾d意見，我可以點樣處理佢ge情緒，同埋用咩方法教佢唔好太重視得失呢？
作者: yuenwa 時間: 10-5-27 21:52
蘇蘇,
你的BB是03年母乳BB嗎? 眨下眼大家的小朋友上小學啊.
我好讚同你的做法, 狠心D, 尤其你的小朋友是好勝的, 要磨滑佢地所謂小小心靈, 比佢失威一次, 小小心靈要經過風浪同沖擊, 先會強壯起來.
作者: 蘇蘇 時間: 10-5-28 00:48
Hello yuenwa,
係呀, 我係03年母乳BB. 我都記得你, 仲記得你個係囡囡嘛, (其實有沒有記錯呢..哈哈). 時間過得很快, 大家的小朋友都一年班了.
細仔的好勝心從小已很強, 如果他要參加一些比賽/遊戲, 事先我都要比點功夫做輔導, 希望不要把得失看得太重, 和減小他的壓力. 其實他現在己有點改善, 好像接受沒有次次勝利的事實, 有時輸了自己都說算啦, 但始終他的自我形象和要求太高了, 小小心靈還待風浪同沖擊去把他強壯起來(套用一下你的說話 ^^).
原帖由 yuenwa 於 10-5-27 21:52 發表
蘇蘇,
你的BB是03年母乳BB嗎? 眨下眼大家的小朋友上小學啊.
我好讚同你的做法, 狠心D, 尤其你的小朋友是好勝的, 要磨滑佢地所謂小小心靈, 比佢失威一次, 小小心靈要經過風浪同沖擊, 先會強壯起來. ...
作者: 一一一 時間: 10-5-28 02:27
提示: 作者被禁止或刪除 內容自動屏蔽
作者: 林嬌嬌 時間: 10-5-28 08:28
蘇蘇，既然細仔中意玩陀螺，就打蛇隨棍上，先協議，如果你放工回家他已完成功課，就陪他玩陀螺，我相信沒有小朋友不喜歡媽媽陪玩。
另外，心腸硬有時是必須，但適可而止。必須心平氣和解釋，該懲罰是該不合理行為的合理後果。
好勝心，輸不起，我明白。每次我仔輸象棋給我，先眼濕然後大哭怨點解次次都輸？我仔喊親都好耐，我都讓他去哭。這些很正常嘛，人生經歷一些挫折，就是人生經驗。最重要是，告訴他，很欣賞你，輸了比賽贏了經驗，下次再玩！尤其男孩子更需要有打不死精神。
小兒七歲，小二。
[ 本帖最後由 林嬌嬌 於 10-5-28 08:29 編輯 ]
作者: mayc 時間: 10-5-28 10:51
係呀!何況這亦不是對錯的問題,只是適合與否,如不適合,下次便改用其他方法囉!不過我很欣賞妳正視他的問題,我始終覺得很多小朋友的小問題,長大了便成大問題了!
原帖由 Sherryko9 於 10-5-27 14:51 發表
時代唔同,父母教仔女的方法亦唔同了!總之是各取其所,一個人吃起來是良葯 ,另一個可能是毒葯 ;不要太介懷別人看法,小朋友是你的,我相信你會為你小朋友作出最好的教導. ...
作者: ydoris 時間: 10-5-28 11:40
小女都係03既細女..今年都係小一.雖然佢無呢D問題,但我卻有經驗,因為大女3年班時,剛沒請姐姐,佢係學校上完功課班2小時回家,還未做完功課(功課班只是留校,有高年級看管),打電話給我說不懂做功課..當我回到家發現她有8成功課未做,又無溫默書..因此..我給好轉了校,找人幫忙.現在她在託管做功課溫習,還是最早完成的1個..
今次是罸得幾甘下,如果佢吾受就想過第2個方法啦...
作者: kittylam 時間: 10-5-28 11:59
蘇蘇
我覺得你沒錯，你出發點喺為仔仔，看得出你對仔仔的愛和關心。我大仔都喺小一，欠功課問題在下學期差不多每天都發生，我已經將問題交給老師，不過我會定個時間，沖涼、食飯、做網上練習，9：30上床睡覺無論佢做完與否都要上床，做不完後果自己承擔，不過一定要和老師溝通好，但到昨天為止佢還是欠做 ，我只有等佢慢慢改善，都非常感謝學校老師的體諒！
作者: aryee 時間: 10-5-28 16:39
原帖由 蘇蘇 於 10-5-27 12:11 發表
你張相都係爆璇陀螺..哈哈.
你跟我很相似呀 ~~ 我都是很小買一些時下的玩具給小兒, 但陀螺我都會讓他們多玩一些, 而且我也會和他們一起玩的. 我覺得玩陀螺可以圍在一起玩, 蠻不錯呀, 不像遊戲機自己有自己玩.
原來 ...
係咩係咩，有好多配件架咩﹖點解我買果d得兩舊野既﹖快d教下我陀螺知識，我兩個仔都係好鍾意，我想威比佢地睇下！
語歸正傳，我覺得嚴又好，慈又好，但要貫徹始終，否則小朋友無所適從，亦從此知道原來你一味靠嚇。所以，樓主如果一心要執返佢做功課速度，一係唔好講話要收起功課罰佢，但講左就要狠下心腸，先會收到效。樓主其實今次都捱左成晚，點解唔去埋佢呢，反正都同老師單左聲，老師會配合你，其實亦唔會影響佢響同學心中既自尊，因為老師都唔需要公開呢件事，私底下教訓你仔兩句，相信就收到預期既效果。用嚴法亦有一個守則，就係要有好既親子關係做根基，亦要清楚表明比小朋友知佢為咩受罰，佢知錯之後，你要接受返佢同hug返佢，咁樣小朋友就唔會諗埋一邊。
我自己教小朋友都係，我講得出既懲罰就會做得到，否則寧願唔講，唔可以比小朋友知道我係"流"既。唔好以為我講風涼話，我都試過樓主你既情況，仔有仔響廳喊，我有我響房喊，我都好心痛，但我明白，教仔就係咁，佢大個先會堅強，先會經得起挫折。
做功課，我就用獎既方法，只要我放工前佢完成功課，佢放學後係做咩都得，所以佢日日都功課堂猛做，老師叫佢地起一個字頭，佢就乘機寫兩個，呢個鼓勵，為佢每日帶黎個半鐘睇電視同玩既時間，佢開心我又開心！夜晚食完飯，我地仲有1.5hrs時間親子同溫習。
[ 本帖最後由 aryee 於 10-5-28 16:55 編輯 ]
作者: saui 時間: 10-5-31 17:47
我都贊成讚賞/獎勵好過責罵/處罰, 我同仔仔約法三章, 放學後可以先玩半小時, 然後至做功課, 佢答應我時就當然咩都話得, 但第二日我放工返到屋企先發現佢一直玩到我入屋前15分鐘至開始做功課. 又試過同佢約定快D做好功課可以睡前俾佢上網或睇電視半小時, 好得一日, 之後咪又係死拖死唔願做功課, 好似唔唔著緊, 好唔恨睇電視, 但就成日出出入入, "射喱眼"偷睇電視.
呢D鬥智鬥力既工作我日日都做, 好攰呀!!! 我可以點???
原帖由 aryee 於 10-5-28 16:39 發表
係咩係咩，有好多配件架咩﹖點解我買果d得兩舊野既﹖快d教下我陀螺知識，我兩個仔都係好鍾意，我想威比佢地睇下！
語歸正傳，我覺得嚴又好，慈又好，但要貫徹始終，否則小朋友無所適從，亦從此知道原來你一味靠嚇。所以，樓主如果一心要執 ...
作者: grace_xian 時間: 10-6-2 09:26
欠得多要寫缺點的
會否考慮讓小朋友大一些, 明白其嚴重性再咁做呢, 再說學校的老師都會反感的, 長期不交功課點體諒都說不過去的
原帖由 kittylam 於 10-5-28 11:59 發表
蘇蘇
我覺得你沒錯，你出發點喺為仔仔，看得出你對仔仔的愛和關心。我大仔都喺小一，欠功課問題在下學期差不多每天都發生，我已經將問題交給老師，不過我會定個時間，沖涼、食飯、做網上練習，9：30上床睡覺無論佢做完與否都要上床，做 ...
作者: kittylam 時間: 10-6-2 13:14
原帖由 grace_xian 於 10-6-2 09:26 發表
欠得多要寫缺點的
會否考慮讓小朋友大一些, 明白其嚴重性再咁做呢, 再說學校的老師都會反感的, 長期不交功課點體諒都說不過去的
呢點我明白，如不是老師體諒他早早就記滿缺點，學校規定一個月欠交5次就記一個缺點，昨天是他人生第一次被罰留堂，留到5：30，看看呢次之後佢有冇改善，仔仔的情況喺遊魂嚴重，唔喺唔識做喺做漏，又不喜歡我檢查每次我想睇佢到好大脾氣，老師話由得佢，佢了解仔仔的情況等佢跟，就是想佢對自己負責。
好奇怪欠做問題是在下學期發生，上學期反而好小應該欠兩次，下學期開始到而家差不多每天都有1~2樣欠做，有時沒欠功課就帶漏書。
作者: kaayee 時間: 10-6-3 00:16
各位陀螺媽咪,
我又係為咗呢樣野大傷腦筋, 後來我想到一個方法, 都幾work, 睇下你地啱唔啱使 : 我去買咗三個陀螺, 把它拆開哂佢, 每一件零件用紙包住佢, 一個陀螺共有五件, 三個就有十五件, 包好後在上面編好number, 再造一些抽獎紙number, 如果他温書或做功課乖, 晚上就可玩抽獎遊戲, 抽一個number, 然後睇下抽到邊包零件, 他要乖好多日才可儲到一個完整的陀螺, 他覺得好刺激, 每晚都好期待抽獎時間, 但他知道一定要做好d野才有獎抽, 而我個女呢, 都有野啱, 就係sanrio新出咗個新產品, Jewelpet, 我個女好鐘意, 我就買咗一set'給'印仔, 內有印仔9個, 印台兩個, 連埋個盒共有十二件, 可抽十二日, 如果嗰日温書好乖好乖, 我准抽兩個, 他們每晚都會好積極完成功課和温習, 因為好想玩抽獎遊戲, 我個仔每次抽完陀螺零件後都會換去其他陀螺試下勁唔勁, 我就會選一個唔勁的陀螺和他鬥, 然後讚他抽到的零件好勁, 他會很開心, 好想明天又抽一個勁野, 咁佢就要努力做野啦!
作者: aryee 時間: 10-6-3 13:26
陀螺真係有唔同零件呀﹖仲可以拆散再組件﹖我買左兩個，都係得兩件頭﹖可否告知係點呀﹖
你個方法好有創意，我都試下先。我小朋友都係比印仔，每晚因應表現給予1-3個不等(表現包括埋自理、食飯快慢、溫習表現等，飯飯都同佢計；而預定時間內完成功課係獎7pm前任睇電視)，儲50個印可換冒險樂園10個conis，儲返咁上下，就可以去大玩一餐。
[ 本帖最後由 aryee 於 10-6-3 13:30 編輯 ]
| 歡迎光臨 教育王國 (/) |
Powered by Discuz! X1.5 |