教育王國

標題: 我朋友的仔行為古怪，唔知咁樣算唔算有問題？ [打印本頁]

作者: juliet 時間: 10-5-25 19:00 標題: 我朋友的仔行為古怪，唔知咁樣算唔算有問題？

佢現在3歲3個月，好情緒化，例如我和小朋友去佢屋企玩，玩完之後走，佢唔想我0地走,佢會好激動咁將全屋企d野全部推倒，我0地食緊飯，佢唔想食，佢會將個波掉上我0地張餐桌上，攪到d湯淋到我個仔到，好彩唔係好熱喳！

果時細個佢仲勁，無論係屋企或街邊，如果大人禁止佢做0野，佢會將個頭撞地下數十次，直至佢父母投降為止，如果坐緊bb櫈，佢撞唔到頭，就會大叫，如果佢媽媽抱起佢，佢會抓他媽媽的頭髮，甚至打佢媽媽一拳，但宜家叫做俾以前好d囉！

但最近同佢去海洋公園，我0地排緊旋轉木馬，佢見到轉0既0野就特別鍾意，直頭未到佢，已經沖左去旋轉木馬到，當時木馬仲轉緊，工作人員驚有意外，馬上停止轉動，再將佢個仔抱返出去，令到好尷尬......

仲有一次佢媽媽突地去睇佢在學校表演,點知佢一見到媽媽就喊,喊到好大聲,攪到老師捉返佢去後台,結果佢當然表演唔到啦!亦都令佢媽媽好尷尬同失望......

我其實同佢0地,講過叫佢去check 0下架!但係佢兩夫婦成日話個仔仲細,係咁架喎!

唉!算啦!佢0地唔肯接受,我都迫唔到佢

[ 本帖最後由 juliet 於 10-5-25 19:07 編輯 ]

作者: juliet 時間: 10-5-26 10:41

請教大家有經驗的媽媽,謝謝!

作者: jellomama 時間: 10-5-26 12:42

我覺得係絕對有D問題, 但究竟係乜嘢問題, 要俾專家做完評估先至知.

作者: loklok0104 時間: 10-5-26 13:49

我都覺得個小朋友行為上有D問題, 要勸吓你朋友俾小朋友俾專業人士去評估吓會好D, 當然做想係無問題, 但如有問題, 都可及早幫到小朋友嘛!

作者: ttlucky0303 時間: 10-5-27 11:12

我個朋友個仔都係, 4歲前都係咁惡, 自己一唔鍾意就自己個頭撞牆, 打自己等~~,係發洩既一種, 控制唔到自己情緒, 唔知表達, 佢媽媽見個仔咁就唔做野, 自己慢慢教, 因為佢係幼稚園老師黎, 而家7歲平時冇乜野, 平靜左, 不過去到好嬲個陣都會打人同打破野...不過就真係少左好多, 一年可能得4,5次, 其實係有問題, 不過就要睇自己教定出去俾人教.
或者做父母既睇多0的兒童心理書, 可以理解多0的小朋友個心諗乜.

可能你朋友個仔都係唔識表達0者

作者: leung714 時間: 10-5-27 13:46

提示: 作者被禁止或刪除內容自動屏蔽

歡迎光臨教育王國 (/)