教育王國

標題: 對學生犯上紀律問題的處理方法 [打印本頁]

作者: 柔柔mami 時間: 10-5-15 16:54 標題: 對學生犯上紀律問題的處理方法

小女將於9月入讀德望k2, 因小女天性好動活潑, 經常上堂坐唔定, 好擔心未能滿足學校對禮儀的要求會經常被罰, 所以想問下依家讀緊德望小學的家長, 學校對學生犯上紀律問題會點處理?

另外小女上堂好易分心, 我驚佢跟唔上小學既進度, 而佢又唔係好聽我教, 睇之前既topic講話如果一科考試唔合格都要留班, 請問各位係咪真有其事?

佢讀n班時好開心, 上k1時轉左新學校成日喊住唔要返學唔鍾意個老師, 搞到我頭都大埋, 讀完上學期即刻同佢轉培道, 第一日返新學校就巳經話好開心好鍾意個老師, 到依家都讀得好開心, 好鍾意同學仔同老師, 老師又讚佢進步左好多, 坐定左好多, 讀左半年又要同佢轉德望, 我真係心大心細, 我其實想佢開心繼續讀培道, 因為培道都可以直上小學, 亦好大機會入到培道中學, 但老公同其他人都覺得應該轉德望, 因為德望真係好好既學校, 而且成績好過培道, 無理由放棄大好機會!

大家可唔可以幫幫忙俾d意見, tks!

歡迎光臨教育王國 (/)