教育王國

標題: 全職返工的媽咪, 你地點同小朋友做home training啊? [打印本頁]

作者: 豬_兜兜 時間: 10-5-12 14:21 標題: 全職返工的媽咪, 你地點同小朋友做home training啊?

我知道home training 對自閉症/語言遲緩小朋友好重要, 但我日間系全職返工的, 返到屋企小朋友已經要食晚飯...跟住要訓覺了, 想問下返工的媽咪, 點同小朋友做home tarining 呢? 請指教

作者: ChingMan1002 時間: 10-5-12 16:05 標題: 回覆 1# 豬_兜兜的文章

I take about 1 hr to have training with my girl ar. I know that is not enough but I can't quit my job.

作者: Capricorn2521 時間: 10-5-12 16:26

我都係要返工的，小朋友下午睡2小時，晚上有足夠時間互動。我回家吃晚飯時已經開工，一邊吃飯一邊教佢各樣食物名稱，要佢跟住講。成日食果d野，慢慢吾洗提都可以講倒。食完飯，一邊唱洗手歌一邊洗手，習慣後好多時佢會自動自覺做。走動一會後，就要作做枱面野約半小時啦，之後聽下音樂或自由活動，有時吾聽話，發下脾氣，要教訓吓打吓糟吓。姐姐做完野就要同我地一齊傳吓波波，推吓車仔，玩吓d輪流遊戲。

爸爸在家時，吃完晚飯就會去散步及超市，當然係戶外的聽指令訓練。當佢吾要我拖著，要放手自己走去遊樂場,行樓梯,或拿超市內的幼兒車坐時，我都要佢先講：媽咪，我自己行！或者 : 媽咪，我去果邊！(+手指指)我才放手。

日間要工人姐姐用同樣的方法對佢 (當然不要期望太高)，當小朋友要求食物或飲品時，姐姐要佢先做一些exercise如仿畫直/橫線...收拾玩具等等(學耐性/延遲滿足).......放學後帶佢去打千秋(感統訓練,醫生教),下午要帶佢去大公園行樓梯(訓練平衡及專注，導師也應同)。

星期六係 Training Day, 星期日及公眾假期我們一家人周圍去玩。(戒片時期除外)刺激五官。

係呀，我完全冇私人時間架 !

其實當你掌握了一些針對你孩子的訓練技巧之後(個別導師會教)，時時都可以係訓練時機，及安排一些簡單重覆的訓練由工人姐姐帶。

[ 本帖最後由 Capricorn2521 於 10-5-12 17:52 編輯 ]

作者: mandy78093 時間: 10-5-12 16:34

亞仔細時, 我通常在weekend或晚上預備好嚟緊嗰星期嘅 taining material, 晚飯後休息15分鐘就開始訓練.

嗰段時期自己都攪到好夜至瞓 (因要等佢瞓咗, 至可以預備 d 嘢). 都好攰架, 日頭又要返工. 好彩的是我可以準時收工, 7點前可以食到晚飯. home training 完可以同亞仔玩陣至瞓. 9:30pm 佢就上床瞓喇 !

原帖由 豬_兜兜 於 10-5-12 14:21 發表
我知道home training 對自閉症/語言遲緩小朋友好重要, 但我日間系全職返工的, 返到屋企小朋友已經要食晚飯...跟住要訓覺了, 想問下返工的媽咪, 點同小朋友做home tarining 呢? 請指教 ...

作者: rain75 時間: 10-5-12 22:36

原帖由 豬_兜兜 於 10-5-12 14:21 發表
我知道home training 對自閉症/語言遲緩小朋友好重要, 但我日間系全職返工的, 返到屋企小朋友已經要食晚飯...跟住要訓覺了, 想問下返工的媽咪, 點同小朋友做home tarining 呢? 請指教 ...

可以教工人姐姐做，你負責monitor 姐組嘅進度，叫佢做啲記錄俾你，你間中又睇下佢做成點都得嫁。

作者: scholar 時間: 10-5-12 23:02

home training 就是在家的training哪.但凡生活上的所有,都可跟小朋友說說,陪他練.陪他玩.

e.g. 飯前洗手:由開水喉,哪皂液,搓手,洗手,搓手,抹手要每個細節都教.

吃飯時,要教他自己勺飯.教他不偏食(即使小朋友太少聽不懂也要堅持).

跟他玩,花的時間不會很多的,如跟他踼波.每天即使只玩幾分鐘都好.最緊要要有耐性,也要玩得投入.

你只要堅持,就會看到小朋友慢慢進步.

作者: nicolwong 時間: 10-5-14 15:32

原帖由 Capricorn2521 於 10-5-12 16:26 發表
我都係要返工的，小朋友下午睡2小時，晚上有足夠時間互動。我回家吃晚飯時已經開工，一邊吃飯一邊教佢各樣食物名稱，要佢跟住講。成日食果d野，慢慢吾洗提都可以講倒。食完飯，一邊唱洗手歌一邊洗手，習慣後好多時佢會自動自覺做。 ...

VERY GOOD!!睇完你既資料,獲益良多.

作者: Capricorn2521 時間: 10-5-14 15:49

不用客氣，我們實在要與時間競賽。

原帖由 nicolwong 於 10-5-14 15:32 發表

VERY GOOD!!睇完你既資料,獲益良多.

歡迎光臨教育王國 (/)