教育王國

標題: 腺樣體肥大&中耳積水 [打印本頁]

作者: VCVC 時間: 10-5-7 17:50 標題: 腺樣體肥大&中耳積水

女兒現在兩歲三個月，長期鼻塞，剛睇完耳鼻喉專科醫生，照過x光，証實腺樣體增大完全堵塞鼻腔同耳咽管，同時又引致中耳積水，現想請教是否一定要做手術切除? 年紀這麼少有否後遺症? 創傷有多大? 真係好擔心，希望大家可以俾d意見我，謝謝!

作者: IRON 時間: 10-5-9 15:24

先別擔心, 看回之前的post, 我仔仔當年症狀一樣, 手術後完全ok, 當然, 找一個好醫生亦很重要.

作者: VCVC 時間: 10-5-10 11:40

請問當年你囝囝幾大? 睇邊個醫生?

作者: IRON 時間: 10-5-10 15:00

仔仔4歲, 許由醫生.

原帖由 VCVC 於 10-5-10 11:40 發表
請問當年你囝囝幾大? 睇邊個醫生?

作者: IRON 時間: 10-5-10 15:01

有無睇返之前post?? 都有好多例子.

作者: VCVC 時間: 10-5-11 08:16

我搵唔到呀! 我已約了許由醫生，想知係咪一定要做手術? 要全身麻醉? 得兩歲人仔，真係好擔心，會唔會有後遺症? 做完手術後傷口會唔會好痛呢? 不好意思，太多問題，因為我實在太擔心了。

作者: IRON 時間: 10-5-11 11:14

得閒睇下......."今日帶個仔去做聽力測試,好唔掂"

先唔好驚, 聽下醫生既專業意見.

全身麻醉, 我地都好緊張, 手術前醫生講左個時間, 我地等到過左都仲未見出黎, 仲驚......不過, 做完後第2日已可食雪糕(係需要食架), 阿仔好開心, 仲比預計早左一日出院, 醫生OK架.

我地住tko, 要去養和做, 老公仲專登book左附近間酒店, 我地拎埋行李過去住, 2個人輪班24小時陪仔仔, 可考慮.

仲有問題, 可call我. (留妳電話係pm)

媽咪要冷靜, 唔係阿女仲驚.

good luck!

原帖由 VCVC 於 10-5-11 08:16 發表
我搵唔到呀! 我已約了許由醫生，想知係咪一定要做手術? 要全身麻醉? 得兩歲人仔，真係好擔心，會唔會有後遺症? 做完手術後傷口會唔會好痛呢? 不好意思，太多問題，因為我實在太擔心了。 ...

作者: IRON 時間: 10-5-11 11:30

仲想提埋妳, 可claim保險哦, 記得問醫生拎各項手術名.

作者: VCVC 時間: 10-5-11 23:53

謝謝你，今日見咗另外兩個耳鼻喉專科，除了原先第一個醫生建議做手術之外，其餘兩個醫生(其中一位係許由醫生)都建議我地再觀察多一至三個月，如藥物控制唔到，先再決定是否做手術，因為女兒始終太小了。現在個心都定咗D。

作者: IRON 時間: 10-5-13 11:33

咁就睇住先, 不過都要有心理準備哦, 我仔初時都係食藥, 不過都唔得, 而聽覺係會影響以後, 早d處理好d.

作者: sarahx00x 時間: 10-6-29 15:07

My daughter has tried nasal spray with complete resolution of middle ear effusion, so don't worry, it will be okay.

原帖由 IRON 於 10-5-13 11:33 發表
咁就睇住先, 不過都要有心理準備哦, 我仔初時都係食藥, 不過都唔得, 而聽覺係會影響以後, 早d處理好d.

作者: maywang 時間: 12-3-11 22:31

回復 VCVC 的帖子

would you tell me how's your son about enlarged adenoid ? observe or to do a surgery ?

作者: 大鴨媽 時間: 12-7-18 22:02

回復 VCVC 的帖子

我個仔兩樣手術一次過做當時大約4至5歲.OK完全沒有問題.好的耳鼻喉科醫生都重要

作者: 大鴨媽 時間: 12-7-18 22:04

做完NOSE塞沒有.睡覺打鼻韓聲再沒有了.

作者: MarchK 時間: 13-1-15 23:15

我個仔在約兩歲半做了鼻腺樣體切除及三歲半做了扁桃腺切除手術，兩次都由許由醫生操刀，找許醫生令我安心一點，手術後亦沒有後遺症.

歡迎光臨教育王國 (/)