教育王國

標題: 1B班主任&謝姑娘 [打印本頁]

作者: ysljacqueline 時間: 10-5-2 01:31 標題: 1B班主任&謝姑娘

各位媽咪, 你地好. 我個仔讀1B架. 見到你地講開謝姑娘. 我想同各位申訴吓我既不快事.

我個仔係1B班入面係個好靜既小朋友. 可能啱啱開學時, 佢唔多適應, 加埋我同我老公都鬧過佢功課做得唔好. 咁佢唔開心, 返學時係校車度打自己. 本來我都唔知架, 係我老公打比班主任問功課既野事, 個班主任經經提吓話我個仔打自己. 咁我都問過小朋友, 佢話打咗幾次姐. 之後再冇打啦. 點知冇耐, 謝姑娘打嚟話要見我同我老公. 結果, 比佢鬧我地唔識教仔, 鬧咗個半鍾之後, 好serious話我個仔有自閉症加輕度弱智. 我當時嚇到呆咗, 佢仲要我帶個仔去做評估.

後來, 我地去咗大埔醫院既中大兒童精神科做評估, 教授見過我個仔, 話佢根本正常, 如果係自閉症/亞氏保加症, 係好細個就會發現, 根本唔會到小一至發現. 佢覺得謝姑娘根本冇專業資格話我個仔有自閉症. 不過佢都建議學校(班主任&謝姑娘)方面要寫個report比佢, 講吓佢地憑乜話佢有自閉症.於事咪叫班主任&謝姑娘寫囉, 結果佢兩個推卸責任, 又話醫院嗰方面應該比個表佢地填, 總之就係唔想寫. 後嚟我老公向校長投訴, 係校長既協助下, 佢地最後都寫咗.

但寫完之後, 個班主任又同我老公講話我個仔好鍾意喊, 上個星期謝姑娘又比本野要我個仔寫低有乜唔開心事, 仲係上堂時突擊搵去check佢有冇寫. 天啊! 好明顯佢地又想屈有情緒病. 到底我個仔做錯咗乜呀! 佢e家好唔開心呀. 仲有呀, 唔知個班主任同1b班同學講過乜, 1b班啲同學唔多啋我個仔. 我e家都唔知點算好.

歡迎光臨教育王國 (/)