教育王國

標題: INFINITY MONTESSORI [打印本頁]

作者: Imagist 時間: 10-4-23 17:58 標題: INFINITY MONTESSORI

請問有冇家長比小朋友在KLN TONG上緊 INFINITY MONTESSORI? 好嗎?

作者: elmostoney 時間: 10-7-29 11:51

我建議你問下佢地，每班有幾多個持牌老師，記住唔係in training個ｄ，又或實習等攞牌嘅．老細係持牌嘅，但未必有落場教，所以你要問得仔細ｄ．

作者: Freesia_cat 時間: 10-7-29 13:28

我的小朋友由上年9月在infinity children上pg上至今年6月先停(因為小朋友8月中開始返學)，由佢地太子centre跟到Kln Tong，我個小朋友好喜歡這個pg，尤其是戶外活動時，簡直係玩到唔肯走。

不過問題先係你要問自己，你是否接受Montessori這套教法？因為如果你唔接受，你或會覺得點解小朋友就係玩玩玩而無咩學咁。但如果你接受Montessori呢套，清楚知道是什麼一回事就ok。

唯一我對Kln Tong校舍不滿的地方是好多蚊，我仔又惹蚊，每次用哂防護措施都被咬好多口回家，搞到我地一家人都好心痛。

作者: ha! 時間: 10-7-30 00:34

提示: 作者被禁止或刪除內容自動屏蔽

作者: elmostoney 時間: 10-8-4 09:39

我只能講, 老師係非常非常重要, 我個女正式返五日蒙氏快兩年, 而家就來四歲三個月, 再之前佢都有係太子返過infinity children bb班, 又係little montessorian返過一段短時間, 而家呢間就係零八年九月開始返到而家.

montessori 要睇長遠, 重好睇個老師. 我個女曾經比一個老師批唔合適返montessori, 後來另一個老師又話佢專注力唔好, 又成日唔記得野, 直到遇到而家呢個老師, 佢好用心, 我個女係過去八個月改變好大, 專注力好左, 冇咁怕困難, 信心都大左, 佢而家係學校用數學珠做緊四位進位加數, 如1683+1548, 亦做緊三位減數 (383-256). 所以一定要嚴選學校同老師, 而且你唔好期望返一年半載有咩野睇, 如果你睇到我個女第一年做嘅野, 我諗你會暈低, 因為唔係我地心目中認為係學術性嘅野. 所以我覺得, 如果返montessori, 冇兩三年, 其實幾浪費. 因為你想睇到result就要去到幼稚園高年班先有, 除非你個小朋友本身性格已經係好montessori, 否則之前嘅training都好重要.

作者: elmostoney 時間: 10-8-4 10:32

我想指出戶外活動係montessori係好重要, 不過香港地方有限,唔係所有學校都有咁嘅條件. 退而求其次, 其實自己都可以帶個小朋友去戶外玩, 我就係咁.我個女唔會short of activities, 公園沙灘, 去單車徑踩單車 (冇training wheels), 我又帶佢去溜冰, 游水, 做體操同瑜伽. 唔好以硬件去決定間學校, 最重要係老師, 呢d真係我個人經驗之談, 亦係我見到一d朋友所提嘅經驗, 因為最後教個小朋友嘅係個老師.

如果返bb班, 其實如果學校有咁安排, 冇大人陪係最好, 因為有個工人或者阿媽跟住, 個大人實忍唔住, 成日幫個小朋友, 係咁跟住佢呵護佢, 所以training上會冇咁獨立. believe me, 我個仔歲半返蒙氏, 冇大人陪, 返三日, 半年之後, 因為某d原因, 我轉左佢去另一間montessori, 學校要我陪住佢. 我上堂所見, d阿媽同工人, 成日幫d小朋友, 佢地好多野都唔識自己做.我個仔我就只係坐係隔離, 完全冇幫過佢. 我返左一個禮拜,覺得唔掂, 冇理由比個仔倒退, 於是即刻退學, 返返舊個間學校.

作者: elmostoney 時間: 10-8-4 10:38

重有, 老師即使持牌, 佢地正式教montessori教左幾耐, 我見過幾間學校, d老師好young, 就算有牌其實都未必識處理小朋友一D行為, 又或點樣引導佢, 當然有經驗亦唔代表一定掂, 所以要睇多方面.

歡迎光臨教育王國 (/)