教育王國

標題: 上堂時間 [打印本頁]

作者: yynicole 時間: 10-4-21 12:28 標題: 上堂時間

我囡囡將於2011年讀小一, 而家諗緊讀小學問題.

請問而家讀緊德雅小學的家長一的關於學校的問題.

請問
上課時間是幾點呢?
另外, 功課很多嗎? 你們的子女有沒有上補習班呢?
課外活動多嗎?

另外, 請問升回德雅中學的機會比率大概幾多呢?

THANKS A LOT

作者: parcoasis 時間: 10-4-21 16:30

Hi,
上課時間是8:15 to 3:30, 但8:00 前要回到學校 (好似要集會)
我的小朋友有補習, 4:00 to 6:00, 晚上我再幫她温習默書, 我的小朋友比較被動, 不主動做功課, 又吾識解題目,而我下班回家已七時了, 所以很需要補習, 假如你的小朋友很自律, 學校又有功課堂, 應該可以唔駛補ge

作者: yynicole 時間: 10-5-7 02:24

Thanks a lot

請問功課是否好難呀

原帖由 parcoasis 於 10-4-21 16:30 發表
Hi,
上課時間是8:15 to 3:30, 但8:00 前要回到學校 (好似要集會)
我的小朋友有補習, 4:00 to 6:00, 晚上我再幫她温習默書, 我的小朋友比較被動, 不主動做功課, 又吾識解題目,而我下班回家已七時了, 所以很需要補習, ...

作者: peggyyau 時間: 10-5-9 22:53

提示: 作者被禁止或刪除內容自動屏蔽

作者: amy625 時間: 10-5-10 14:26

原帖由 peggyyau 於 10-5-9 22:53 發表
請問德雅的讀書氣氛怎樣? 讀朋友說她有兩位朋友的小朋友都讀讀下轉校，請問是不是學校有什麼問題?

讀書氣氛都幾好架,不過被動d的小朋友會覺得幾辛苦,所以會有d讀讀下轉校,而成績好的又會轉校。

作者: peggyyau 時間: 10-5-11 00:58

提示: 作者被禁止或刪除內容自動屏蔽

作者: amy625 時間: 10-5-11 13:54

原帖由 peggyyau 於 10-5-11 00:58 發表
Thank you for your reply.

為什麼被動d的小朋友會覺得幾辛苦? 她們會轉去較好的津校?

因為功課,測驗都幾多,經常會做到好夜,大人及小朋友都好辛苦。我淨係知亞囡D同學多數轉去活動教學或到外國升學。

作者: BBTWIN 時間: 10-6-1 19:01

原帖由 amy625 於 10-5-11 13:54 發表

因為功課,測驗都幾多,經常會做到好夜,大人及小朋友都好辛苦。我淨係知亞囡D同學多數轉去活動教學或到外國升學。

我係德幼生, 當年就係媽咪覺得課程好深先冇比我上德小. 但係我而家又想比兩個女考德小(明年小一), 雖然唔知有冇機會入, 不過如果真係好彩比佢地考到到時又唔知讀唔讀好. 我雖然係全職媽咪, 但係冇耐性又怕辛苦. 見你的描述我都真係驚驚地. 我仲要係兩個女(孖女)同時讀小一, 真係頭都暈

. 但我又真係好鐘意德雅校風, d女孩子好乖. 不過點都好啦, 等考到先再打算lu.

作者: BBTWIN 時間: 10-6-1 19:04

仲有想問下德小係咪唔收Portfolio, 因為之前見有d家長話唔收. 請指教.

作者: 羊咩囝 時間: 10-6-1 22:04

原帖由 BBTWIN 於 10-6-1 19:04 發表
仲有想問下德小係咪唔收Portfolio, 因為之前見有d家長話唔收. 請指教.

上年職員話基於環保理由話唔收!
交報名表及費用就可以了!

作者: magiccandy 時間: 10-6-2 09:55

但我只交四頁紙她們就有收，我個女都考到，可以試交。

作者: BBTWIN 時間: 10-6-2 11:41

原帖由 羊咩囝 於 10-6-1 22:04 發表

上年職員話基於環保理由話唔收!
交報名表及費用就可以了!

唔該哂

! 如果德小唔收Portfolio, 我唔打算做lu. 因為暫時我都只想比對女考德小, 考得到就到時考慮讀唔讀. 考唔到就索性讀daddy間母校.

作者: BBTWIN 時間: 10-6-2 11:45

原帖由 magiccandy 於 10-6-2 09:55 發表
但我只交四頁紙她們就有收，我個女都考到，可以試交。

唔該我想問下德小難唔難考??可唔可以透露小小內容. 我知德小係小班教學, 得3班. 收o甘少學生, 應該好難考.

作者: magiccandy 時間: 10-6-3 13:37

我個女說老師只與她閒談，及給她兩幅圖畫找不同之處，一點困難也沒有。我想她在沒有壓力的情況下表現更好。她有幾位同學都考到，我感覺她們都有考慮家庭背景(不是很富貴，而是有學識的父母)。

作者: Umi 時間: 10-6-7 20:40

前兩年我個女插班小三，對我來說這間學校好好，老師很細心又富有經驗，因為以前個女係讀津小，D老師好惡又教唔唔長，1-2年又話走左，而德小既老師好識教，我個女有比較所以會有comment比返我，佢話以前學校既老師靜係上堂叫小朋友安靜都無左好多時間，心情不好又會閙人，但現在呢間老師會關心，同埋如果你唔岩都會慢慢講道理，功課堂又時間既話又會叫小朋友出來鼓勵一下，對我來說....好!

學業方面....揀得佢都預左係唔少野! 但如果平時都有温習，我覺得係OK既! 起碼我個女由活動教學轉來傳統教學也OK. 不過, 我係全職媽媽可能會好些.

作者: chrischeung 時間: 10-6-8 16:50

其實吾系您想像中咁多功課,平日都吾系太多,但考試前系超多,不過考試只系會谷三個星期左右,其他日子都OK啦,每日都有時間剩.....不過老師就超超超正

關心每一位小朋友.....

原帖由 BBTWIN 於 10-6-1 19:01 發表

我係德幼生, 當年就係媽咪覺得課程好深先冇比我上德小. 但係我而家又想比兩個女考德小(明年小一), 雖然唔知有冇機會入, 不過如果真係好彩比佢地考到到時又唔知讀唔讀好. 我雖然係全職媽咪, 但係冇耐性又怕辛苦. 見 ...

作者: BBTWIN 時間: 10-6-8 23:19

原帖由 magiccandy 於 10-6-3 13:37 發表
我個女說老師只與她閒談，及給她兩幅圖畫找不同之處，一點困難也沒有。我想她在沒有壓力的情況下表現更好。她有幾位同學都考到，我感覺她們都有考慮家庭背景(不是很富貴，而是有學識的父母)。 ...

magiccandy,

真係唔該哂你既資料, 其實都真係考得好輕鬆. 起碼唔會考英文時又考普通話, 跟住又考計數. 我兩個女實行肥老都得. 不過找不同呢個玩意我都真係未同佢地玩過, 得閒試下先.

作者: BBTWIN 時間: 10-6-9 00:10

原帖由 Umi 於 10-6-7 20:40 發表
前兩年我個女插班小三，對我來說這間學校好好，老師很細心又富有經驗，因為以前個女係讀津小，D老師好惡又教唔唔長，1-2年又話走左，而德小既老師好識教，我個女有比較所以會有comment比返我，佢話以前學校既老師靜係上堂叫小朋友安 ...

唉!我老公學校係官小. 我就係聽聞佢間官小麻麻地, 老師又麻麻又係教唔長我先擔心. 兩個女入到去先發現有問題就慘啦. 所以考得到私小我一定比兩個女讀. 佢地而家間幼稚園巳經係我條刺. 大女K2個老師簡直不知所謂, 冇愛心, 冇耐性. 只會厭棄要幫助的小朋友(我個大女係"細女"). 對小朋友呼呼喝喝, 吃茶點慢一點又被催促. 又喜歡罰小朋友留堂. 我好多時去接女放學都會見佢責罵小朋友, 跟家長說你的小朋友不乖............什麼什麼的. 我未曾聽過她說過一句正面稱讚小朋友的說話. 舊年家長會時我巳經同呢個老師提過大女須要多關心, 但係呢個老師竟然同我講話一班甘多人, 我點幫你每個去跟呀? 巳經盡顯佢打份工既心態. 唉! 我大女K1時成績唔錯, 佢o係邏輯推理方面成績優異, 老師給她"A"等的成績. 她的K1老師是十分好, 好有耐性同愛心, 佢好了解我大女, 我大女喜歡她便發揮得好好. 但萬料不到今年會遇著這個只想打份工又不想做好份工的老師. 今年大女呢方面成績一落千丈. 我絕唔想大女再過D唔開心既學校生活

. 唔想佢再遇到d只想黎"hea"o既老師

,所以真係要好小心幫佢選學校 .

作者: BBTWIN 時間: 10-6-9 00:22

原帖由 chrischeung 於 10-6-8 16:50 發表
其實吾系您想像中咁多功課,平日都吾系太多,但考試前系超多,不過考試只系會谷三個星期左右,其他日子都OK啦,每日都有時間剩.....不過老師就超超超正關心每一位小朋友.....
...

chrischeung,

唔該哂你的資料

. 我見到你話德小老師超好, 我真係好想好想對女都入到德小. 因為老師的質素對小朋友影響實在深遠

. 大女K2呢一年我特別有深刻的體會. 我覺得我同大女都好似發左場惡夢, 惡夢雖然就黎完, 不過唔知黎緊係咪另一場惡夢. 希望係一個美夢啦.

作者: magiccandy 時間: 10-6-9 09:05

BBTWIN,

說得對啊，小朋友那麼小，老師是他們的榜樣，也是他們敬畏的人，怎可那麼沒有愛心呢?不過很快放暑假了，希望下年遇個好老師吧!

看圖說故事、找不同、排序都是熱門的面試題目，你可以訓練小朋友多描述圖裡的東西，包括背景、人的表情、天氣、物件，盡量自己說多些，老師會欣賞語言及表達能力好的小朋友。

作者: BBTWIN 時間: 10-6-9 11:50

原帖由 magiccandy 於 10-6-9 09:05 發表
BBTWIN,

說得對啊，小朋友那麼小，老師是他們的榜樣，也是他們敬畏的人，怎可那麼沒有愛心呢?不過很快放暑假了，希望下年遇個好老師吧!

看圖說故事、找不同、排序都是熱門的面試題目，你可以訓練小朋友多描述圖裡的東西，包括背 ...

唉!大女巳比呢位非常教師攪到唔鐘意答問題, 問親佢咩都話唔知. 原來佢連課堂上既數學練習都唔肯做. 呢位非常教師o係最近一次家長日話比我知有幫大女, 但係佢停哂手唔做, 一係就亂做. 我肯定呢位冇耐性既非常教師唔知用咩態度同我個女溝通, 攪到佢驚左. 仲有就係原來一直有呢個問題佢都唔話比我聽. 我每日都去接佢放學, 有問題可以直接同我講. 大女呢一年原來係浪費光陰, 佢係細女, 有好多野都未能表達得好好. 其實我都知佢有唔開心, 不過我又見佢肯返學所以冇特別理會.

其實我同佢閱讀時都會問下佢有關書本圖畫內容, 叫佢形容下. 但係佢好多時都話唔知.我睇得出大女根本沒自信心. 佢好似怕左一開口會比人鬧. 其實我心好痛, 原來大女呢一年都唔開心, 老師又唔願意溝通, 好似白白浪費左佢一年時間. 唔好意思, 內心抑鬱想借機會呻下. 不過今早有個媽咪終於忍唔住, 向校長對呢位非常教師作大控訴. 希望校長會本住良心, 會對呢件事正視一下. 唔好害左黎緊比佢教的小朋友.

作者: lovebabyv 時間: 10-6-9 17:06

有另一家長已同校長反應,咁你又唔為你個女做D野...你都應該用校長講你心裡說話...另一方面多D鼓勵你小朋友啦...不過要慢慢唔好急...

原帖由 BBTWIN 於 10-6-9 11:50 發表

唉!大女巳比呢位非常教師攪到唔鐘意答問題, 問親佢咩都話唔知. 原來佢連課堂上既數學練習都唔肯做. 呢位非常教師o係最近一次家長日話比我知有幫大女, 但係佢停哂手唔做, 一係就亂做. 我肯定呢位冇耐性既非常教師唔 ...

作者: BBTWIN 時間: 10-6-10 22:34

原帖由 lovebabyv 於 10-6-9 17:06 發表
有另一家長已同校長反應,咁你又唔為你個女做D野...你都應該用校長講你心裡說話...另一方面多D鼓勵你小朋友啦...不過要慢慢唔好急...

唔係唔想, 不過只係一個一個家長去反映會冇甘有力. 正如呢位家長講校長都先幫非常教師解話, 可能校長會覺得某方面呢位家長偏見左. 如果多幾位家長一起反應, 我諗校長會覺得問題真正存在. 冇理由有幾位家長同一時間都對佢有意見. 我都有同呢位家長講, 有沒有其他不滿意非常教師的可以組織起來, 一起向校長反映. 不過可能大家都係不滿在心裡面, 多一事不如少一事的心態. 那位家長都係忍無可忍才會有這個動作, 我好明白她的感受

. 其實都好多謝呢位家長反映, 非常教師先有360度"表面"大轉變

. 不過佢o既表面工夫令我好想

.大女方面我會努力, 多謝鼓勵!

BTW, 你係唔係3班媽咪呢?

歡迎光臨教育王國 (/)