教育王國

標題: dwe playalong 玩具 [打印本頁]

作者: MissMusic 時間: 10-4-19 12:44 標題: dwe playalong 玩具

晌邊度可以搵齊DWE play along 的玩, 我見網上有得賣, 但成 2800 元。當玩足 4 年, 每年都要 700 蚊, 貴得太過份。

有無媽咪試過自己搵果 d 玩具?

作者: viwa29 時間: 10-4-19 16:03

我諗都幾難啦,除左果d杯組同鴨仔水果,其他都唔覺有差唔多嘅...波都可以嘅,最難係手偶,除非自己識整啦

作者: MissMusic 時間: 10-4-19 16:04

咁玩具哩PART係咪真係好有用?我怕買左返黎, DVD 有DVD 播, 玩具有玩具擺。

D 玩具點樣配會DVD 呀? 可唔可以講解下?

作者: viwa29 時間: 10-4-20 13:08

我bb而家都係得8個月,佢唔係玩玩具而係食.....我諗佢未有咁快識玩,都唔識答你,個人認為有梗係好啦,d玩具一樣,第日佢識玩就會跟住玩架啦,不過無都唔係咁唔得囉....至少有d杯呀生果出面唔難買到,差唔多樣都係咁玩架啦,無所謂,咁d手偶exactly都未必有,但d動物公仔可以睇吓有無,有咪買囉,讀到cow咪take隻cow,係果樣咪得,最緊要係配合到!

作者: viwa29 時間: 10-4-20 14:09

我唔係dwe嘅agent,只係用家,當初都有諗過買二手,奈何問極人點用或者係點樣有效都唔太多人有回應,最尾先至忍唔住買左套新,所以都明白,一套咁貴嘅教材真係要諗.....我唔recommend買play along嘅二手玩具,其他都ok如果係已換新,因bb真係唔識,咩都放入口,d玩具日日都係口水,痴立立,尤其是布製品,如果買二手好似唔多衛生,二手要2800都叫好貴,除非你bb已過左咩都放入口嘅時期啦,所以我寧願自己盡量搵就算if唔買一手!

作者: MissMusic 時間: 10-4-20 15:40

原帖由 viwa29 於 10-4-20 14:09 發表
我唔係dwe嘅agent,只係用家,當初都有諗過買二手,奈何問極人點用或者係點樣有效都唔太多人有回應,最尾先至忍唔住買左套新,所以都明白,一套咁貴嘅教材真係要諗.....我唔recommend買play along嘅二手玩具,其他都ok如果 ...

$2800 係全新, 全部玩具未拆膠袋。不過無論係全新定二手,哩個價錢我都覺得好貴好貴, 貴到唔合理! 哩幾舊野, 點解要咁貴?!!! 自己又無時間無門路去買齊哂套野, 所以最後都係比錢人賺!

DWE 本來就係一套昂貴的教材, 點解咁貴?! 我買了二手的, 但有時都會諗, 其實DWE 可唔可以被其他廉價的教材取代!?!

作者: viwa29 時間: 10-4-22 10:42

點解咁貴呀?我諗係時下個trend啦,有d家長會覺得貴先教到野,就好似人人都會覺得LV 係high過WHY袋咁，同埋貴在果班consultant啦,你諗吓咁多consultants,佢地說服你去買都唁會係講一次就得,我地都聽左問左幾次,每次幾個鐘,你估呢d唔使錢咩?重有佢有hotline可以去問又有美語姐姐打俾你,呢度都養住班人啦,咁呢d又唔使錢,咪就係响套教材"包"埋囉.......不過雖然係咁，我都買左......老公like,同埋我地兩個都要做野,由99湊,當初買就係諗住99易用套野,播disc同look咭,到我地放工返去就同佢睇storybook,好有系統,我地唔使再煩要點教同買d咩野教....而且都真係好有英語環境....

而買嘅時候好似好多野,一個櫃咁,送左黎都覺好多,但用左一排就發覺唔係好多野,全部都係cd同vcd,書唔叫多....我從來都無質疑佢套野唔work,但我都好相信無呢套野用其他教材都得,只係你要花多少少時間去睇去諗點教....不過講真,我而家都未見到成效,但越用得耐開始覺得even咁貴嘅一套野都唔夠囉,我會覺得佢係可以做到英語環境同d發英係好好,但有d生活化嘅野又好似唔夠咁,eg佢唔會教doctor呀nurse呀fireman果d,只係baseball game馬戲團呀咁,睇你點睇啦,可能你覺得呢d遲d都識,用dwe係只係俾個環境佢,唔生活化都唔緊要,但我就覺得唔夠,所以開始覺得只用一套教材唔夠,原來買左都唔會停止去諗點教同買咩教.....當然我都會以dwe為主,但會諗吓其他野點加落去教囉.......重有上次聽用教材講座,個consultant都話佢地套dwe唔可以做到小朋友只見字就識,因為佢地係有圖有字,小朋友認圖先識字,我都buy先有圖後識字呢個concept而唔係果d flash card係咁閃,小朋友係認到字但未必知係咩....但我又覺得開初去識字係要圖但識左就要連只看字都知係咩先叫識囉....所以可能呢方面都要自己諗吓點加強......

歡迎光臨教育王國 (/)