教育王國

標題: 好唔開心, 請給意見 [打印本頁]

作者: yuekinwai 時間: 10-4-15 00:21 標題: 好唔開心, 請給意見

囝囝現有讀小三, 成績中上, 最近比較心散, 上課時常談話, 老師亦有投訴. 復活節假期後, 上課三天都給老師寫手冊欠交功課, 回條等. 今天檢查手冊, 見有用塗改液塗改, 我還未開口問點解, 他搶先說不是欠交, 只是寫錯字. 我有懷疑因無可能在欠交功課column內寫錯字, 於是我把手冊在燈光下照, 我看見是老師用紅色鉛子筆寫欠帶常識書, 當時, 我下意式沒有angry但是好唔開心, 於是我問他為什麼這樣做? 他說驚我駡他日日都給老師寫手冊欠帶東西. 現在我不知如何更進? 如果同老師說, 他定會記過, 影響將來找中學, 若果不向老師說, 我怕他不會知道這事情的嚴重性, 而越來越大膽, 我非常矛盾, 又想他做錯事要承擔後果, 但又不想他記過, 各位媽咪, 可否給我你們寶貴的意見, 謝謝!

作者: wunma 時間: 10-4-15 09:57

提示: 作者被禁止或刪除內容自動屏蔽

作者: brian61950 時間: 10-4-15 10:41

小事一件啦,我個仔試過連寫手册兩個星期,又試過靜鷄鷄撕左手册一頁.激到我老婆要主動揾班主任傾.
錯唔緊要既,慢慢同佢傾下,只要佢知錯肯改,怕乜比老師知.
做錯事要承擔此道理要令佢明白,不需幫他忍暪.
唔駛唔開心既,回想下自己細時,曵過佢多多聲啦.
一個過程姐.

原帖由 yuekinwai 於 10-4-15 00:21 發表
囝囝現有讀小三, 成績中上, 最近比較心散, 上課時常談話, 老師亦有投訴. 復活節假期後, 上課三天都給老師寫手冊欠交功課, 回條等. 今天檢查手冊, 見有用塗改液塗改, 我還未開口問點解, 他搶先說不是欠交, 只是寫錯 ...

作者: yuekinwai 時間: 10-4-15 11:16

原帖由 wunma 於 10-4-15 09:57 發表

你一向都沒有檢查他有否做齊功課和有通告/回條等文件的習慣嗎? 有替他覆檢有沒有收拾好書包嗎?

在孩子未能做好份內事之前, 妳作為媽媽應幫他一把, 妳亦有責任檢查他的功課, 只責罵便做成今天講大話後果.

給他一 ...

我一向都有檢查他的功課, 但問題是他沒有記錄在手冊內, 所以根本我不知道有否通告/回條, 又有時檢查後沒問題, 但他回校在書包找不到, 說給老師知沒有帶,老師又在手冊上寫欠交!!

, 我不是只責罵, 我不但解釋並試範怎樣收拾書包才不會漏帶東西(由一年級到現在, 不斷重複)

作者: yuekinwai 時間: 10-4-15 11:20

原帖由 brian61950 於 10-4-15 10:41 發表
小事一件啦,我個仔試過連寫手册兩個星期,又試過靜鷄鷄撕左手册一頁.激到我老婆要主動揾班主任傾.
錯唔緊要既,慢慢同佢傾下,只要佢知錯肯改,怕乜比老師知.
做錯事要承擔此道理要令佢明白,不需幫他忍暪.
唔駛唔開心既, ...

請問老師知道後, 怎樣處分? 有沒有記過或是bad record in his file.

作者: brian61950 時間: 10-4-15 11:31

老師後來留左佢堂一個星期六下晏.
佢間學校沒有缺點及記過,只有優點及記功,對佢梗冇bad record 啦,鬼咁快冇事啦.

原帖由 yuekinwai 於 10-4-15 11:20 發表

請問老師知道後, 怎樣處分? 有沒有記過或是bad record in his file.

作者: 已刪除用戶 時間: 10-4-15 12:03

係呀, 小朋友成長中總有呢D野...
我女1年級咪仲衰, 評估問隔離答案, 咁岩我同果個家長一齊接放學(懶開心咁難得去一次), 結果一齊俾老師捉住傾計, 真係瘀到呢...........最尷尬係累到人地小朋友俾媽媽鬧丫嘛!
跟住我自己同老師主動要求果次俾0分, 當然亦嚴正"醒"左個女一野, 我話佢唔識我都無咁嬲, 但佢望人答案而高分, 幾高分我都唔開心
跟住以後都無類似事件發生了........呢D教訓, 低年班去錯, 仲可以話佢細, 如果唔教, 到佢大左至黎錯,影響仲大呀!

作者: wunma 時間: 10-4-15 12:18

提示: 作者被禁止或刪除內容自動屏蔽

作者: lmonstor 時間: 10-4-15 13:52

身為父母都會體會你的心情亦明白你的矛盾. 小朋友一日未開曉, 我覺得隨時每天都會有不同的事發生, 所以不要太不開心. 不開心一定有, 但要有時間限制. 傷心又傷身, 何苦! 唯有再重覆說道理以及說出你的感受, 令他知道錯在甚麼. 教小朋友真的好大學問, 耐性少了, 都會引申其他問題.

作者: aryee 時間: 10-4-15 15:09

我覺得心散唔洗唔開心，好正常，大人都會，要正視既反而係兩方面。

第一，小朋友好怕你鬧，怕到情願改手冊都要避過呢劫，你諗下會唔會自己太惡，逼虎跳牆，如果佢連坦白既空間都冇，就等如你連管教既機會都冇。

第二，比孩子有正確價值觀，心散帶漏野好平常，但瞞騙就係嚴重罪行，做錯野從小處去改，千其唔好用再大既罪去冚一件小錯。

我會同老師講，要佢學識對自己行為負責。如果佢知自己今次錯得咁離譜，阿媽都會著眼佢前途而幫佢隱瞞，恐怕呢個禍害將來不可收拾。當然，唔係要嚇死佢，要係陪佢自首既心態同佢一齊搵老師傾，或許老師從輕發落都唔定。

[ 本帖最後由 aryee 於 10-4-15 15:16 編輯 ]

作者: 小豬嘜 時間: 10-4-15 15:26

唔好唔開心啦. 相信你仔仔真係好擔心俾你鬧,才會做出呢種事. 起碼知道佢係受你教. 所以才驚你.
你要話俾佢知你有幾唔開心.有幾難過.讓佢知媽媽唔係只會鬧。. 另一方面. 你可以同老師講仔仔做左呢件事, 自己想想下覺得唔啱,自已講左件事出黎. 雖然可能都會在手冊上蒙上污點,但都要等佢自己記住個後果有幾嚴重.

作者: wunma 時間: 10-4-15 17:11

提示: 作者被禁止或刪除內容自動屏蔽

作者: kuromima 時間: 10-4-15 18:05

你個仔case , 同我個囡一模一樣, 而我個囡更嚴重

我每天都有幫佢查手册,查功課, 有時見有更改, 問佢, 佢話寫錯.... 有時, 老師是寫在先一天那欄, 而我只是對每天該欄, 有時見到, 問佢, 佢話之前已有, 有時話, 塗錯了, 有時自己也沒有留意之前的課册. 但我沒有你聰明, 我沒有在灯下照, 因我沒有想佢會這樣做.

月底時, 老師打比我, 話我個囡自己用塗改液把佢所寫的欠交功課, 全塗( 約10 次呢) 叫我用灯照下, 就知道

回家後, 我自己取手册, 在灯下照, 發現"真的".
由我收到電話 , 至回家發現真相, 中間, 我不停問自己應如何教囡應怎做 ?

回到家發現後, 我叫佢入房関門, 把我見到的同佢講, 問佢點解 , 佢無喊出來, 因我從來都吾比佢喊 (如那件事是自己不正確), 佢同樣話, 怕我駡(因我之前駡得很勁如發癩), 佢話太多功課, 又要做學校功課, 又要做電腦功課, 又要做補習社功課, 做不來, 趕不及 ... 我知這是她的借口, 但佢又真的無看電視,無玩, 無休息, 不停做.

我跟她說話的時候, 我誇大地把自己個樣子, 做得很傷痛 (當然是真的傷痛) , 我流著眼淚跟她說, "我把可以做的全做了, 我曾冧過你, 我講過道理給你, 我駡過, 我罰過, 我打過, 甚致趕你出門口, 又跟你說過, 再說謊, 媽媽無本事了, 教不了你, 你去嫲嫲或姑媽那裏, 不要回家" ... "但現在反而更嚴重了" .....如你真的很累, 所有補習全取消吧! .......但她說, 不好

我沒有駡她, 我只是表示, 我真的很傷心, 很心痛, 很無奈
我跟她說了約一個多小時, 我喊了一個多小時. 當時佢沒有哭
後來爸爸回來, 我叫佢出房,
佢見到爸爸就喊, 跟爸爸說, 媽媽哭得很傷心, 佢知錯, 佢以後吾會了, 佢吾想媽媽傷心

事後, 我想, 這招好似苦肉計呢
( 當時, 我無想這么多, 但見到事實, 我真的感到無奈及無措)

這次結果, 是佢明白, 佢做的事, 會令我很傷心, 傷我很深...
之後佢比較小心了

同時, 我再幫佢, 把所有該科的所有的課本列 list
貼在當眼地方, 再買几個 file 袋, 叫佢每科入一袋, 要什么, 在那個袋內找.
功課袋另一袋
每天再同佢一齊對 list
現在己經半年了, 己經少了很多
而且, 每次手册上寫了什么, 不論好坏, 均在電話先對我說
最近一次, 佢欠做功課, 那天是星期五晚
每星期五晚都會帶她跟 "EE" 去食晚反. 回家時, 在車上跟我說, 媽媽, 我有 D 嘢要講, 老師在手册上寫了我欠交功課, 當時, 我只是問為何, 及叫佢自己以後要再留心

我好開心, 佢真的無再說謊了.

只是少少分享

原帖由 yuekinwai 於 10-4-15 00:21 發表
囝囝現有讀小三, 成績中上, 最近比較心散, 上課時常談話, 老師亦有投訴. 復活節假期後, 上課三天都給老師寫手冊欠交功課, 回條等. 今天檢查手冊, 見有用塗改液塗改, 我還未開口問點解, 他搶先說不是欠交, 只是寫錯 ...

作者: jamesbond007 時間: 10-4-15 18:06 標題: 告訴老師只會把事情深化

提示: 作者被禁止或刪除內容自動屏蔽

作者: brian61950 時間: 10-4-15 18:45

其實老師都十分十分之困難唔知,你小朋友用塗左一大片,你唔同老師講,老師發覺了,仲大"獲".
我都同意由媽咪報串可能會嚇親佢,我提議由小朋友自己在手冊寫幾句自首.自首罪名輕一半嘛.
心存僥幸,終日擔驚受怕不如學會面對.上一堂EQ課囉!
三年級的成績表冇人睇架,五年級及六年上學期緊要好多.
雍正名句....天唔會跌落黎既.
栢芝名句....有錯要認,打就企定.

各人有各人的教仔方法.
亦無需將老師和學校怪獸化,家校合作嘛.

作者: jamesbond007 時間: 10-4-15 19:09

提示: 作者被禁止或刪除內容自動屏蔽

作者: brian61950 時間: 10-4-15 19:21

其實小弟唔係好明你既意思,請賜教!

我就鐘意呢度經常有不同的意見,那管那一方是歪理.

原帖由 jamesbond007 於 10-4-15 19:09 發表

______________________________________

是否來個「家校合作」的「批判」? 一定要「底罪」?

根源問題是什麼?

「家校合作」的「批判」不是「怪獸化」了學校和老師嗎? ...

作者: tongtracy 時間: 10-4-16 00:16

hi:

我深深體會到在香港生活小朋友, 好大壓力又要做學校功課, 又要學琴, 又要補習d功課等....每日休息都無時間.
唔好話佢弟, 連我自己都有壓力, 因自己對功課都會錯, 到晚上小朋友sleeping再check多次.
我在此希望各家長體諒小朋友外,還給他放鬆不好太大壓力.

作者: jamesbond007 時間: 10-4-16 00:26

提示: 作者被禁止或刪除內容自動屏蔽

作者: Fion_Chan 時間: 10-4-16 01:12

"家校合作"應是：樓主你繞過阿仔，另外同老師商量有這樣情況，一起和老師諗諗點解有這樣問題，又一起諗計點樣幫阿仔，來一招裡應外合.....。
"自首"實嚇親小朋友，唔出聲又怕老師唔知幾時係咩野場合發現，後果/對小朋友衝擊更難控制，客氣地同老師講，講明想幫小朋友改過但唔想打擊佢，今日的老師都唔係以前個D下下要講罰既。

作者: wunma 時間: 10-4-16 08:50

提示: 作者被禁止或刪除內容自動屏蔽

作者: aryee 時間: 10-4-16 10:04

原帖由 wunma 於 10-4-15 17:11 發表
唔明點解說成向老師自首? 個學生是對媽咪不誠實, 只要真心向媽咪道歉答應肯去改不就成了嗎? 為何硬要把事情張揚開去, 來收阻嚇作用呢?

要弄清楚, 在這情況來說, 學生沒有騙老師, 不告訴老師不代表隱瞞, 只是沒必要 ...

如果我無攪錯，小朋友係做錯左兩件事，一件係忘記帶野連續三天，呢件係小事(我覺得)，道歉對像係媽媽或者自己；另一件係，擅自刪去老師比家長既note，呢個係大事，因為係誠信問題，道歉對像係老師同家長。「自首」意思只係主動向老師坦白認錯。

[ 本帖最後由 aryee 於 10-4-16 10:06 編輯 ]

作者: 小豬嘜 時間: 10-4-16 10:38

原帖由 aryee 於 10-4-16 10:04 發表

如果我無攪錯，小朋友係做錯左兩件事，一件係忘記帶野連續三天，呢件係小事(我覺得)，道歉對像係媽媽或者自己；另一件係，擅自刪去老師比家長既note，呢個係大事，因為係誠信問題，道歉對像係老師同家長。「自首」意思只係主動向老師 ...

認同. 不明白點解話唔駛向老師認錯?!

作者: wunma 時間: 10-4-16 10:55

提示: 作者被禁止或刪除內容自動屏蔽

作者: yuekinwai 時間: 10-4-16 12:05

原帖由 wunma 於 10-4-16 10:55 發表

我看孩子犯錯的嚴重性, 尤其當事人年紀越小的, 思想越簡單的, 多不會著眼於行為上的錯處, 而是看背後的動機.

"擅自刪去老師的note"的確是大事, 但我認為他沒有欺騙或隱瞞老師的動機(當然做不做到是另一回事), 只 ...

aryee 和 wunma 兩位各自有道理
人誰無錯, 更何況是一個小孩, 我一而再解釋, 忘記帶功課/回條, 老師寫在手冊是目的是通知媽媽, 並提醒不可再忘記, 只要適當方法幫助, 避免再忘記就可, 但塗改手冊及說謊是不誠實的表現, 情況非常嚴重. 我叫他寫低做錯什麼, 並在旁邊寫出解決方法, 然後貼在睡房當眼處提醒自己.
基本上我偏向跟老師說, 然後和她商量點樣幫呀仔, 我的理據是: 1) 我教他做人要誠實(對媽媽和老師都要) 2) 做錯事要勇於承擔,
若果不向老師說, 好像是講一套做另一套, 但我昨天跟老公商量, 他說沒必要同老師說, 老師知道定會記過, 而且呀仔已知錯, 他不贊成說.
現在我更不知如何是好!!

作者: ydoris 時間: 10-4-16 12:28

可能佢寫手冊吾齊,你同老師講,每日搵個同學OR行長同佢對下手冊,一排之後吾洗架啦.同埋自己疑心要加多D,即係你自己都吾好靠睇手冊,多口問佢有無通告,要吾要帶習作同專題之類.呢D野係我而家做緊既,SO FAR好OK架.最後,你可以咁,買本好平幾蚊既日程薄(放心,我2位公主都用緊呢個方法)有時老師寫D野吾係第2日要交既,可能係下星期或月尾,咁老師未必到時會再提,又或者加埋幾時要默書呀,帶畫碟呀,著體育服呀所有吾係急既野.全部寫晒落去,每晚CHECK一次,做完既可以CHOP個印仔.好清楚既會知要做D咩野,吾會錯架啦...換句話說即係有2本手冊LOR~好得架...

作者: wunma 時間: 10-4-16 12:43

提示: 作者被禁止或刪除內容自動屏蔽

作者: 已刪除用戶 時間: 10-4-16 15:08

同意, 本家課冊仲有幾個月用, 小朋友改左老師寫既野, 一定係錯(驚俾人鬧又好, 想掩飾又好, 唔知訂又好)
錯左要承擔, 呢個係基本原則, 小朋友改老師既野呃家長, 家長知道後唔叫佢同老師坦承, 咪即係教小朋友呃老師? 黎緊呢幾個月, 小朋友仲要擔驚受怕, 怕老師發現, 呢個莫非係正確處理方法?
同老師坦承有好多種, 家長兜口兜面去搵老師, 我覺得係比較"激"既一種, 如果我係老師, 我亦樂於見到家長會教小朋友勇於承認責任, "刑罰"既野, 再慢慢斟啦.....

原帖由 brian61950 於 10-4-15 06:45 PM 發表
其實老師都十分十分之困難唔知,你小朋友用塗左一大片,你唔同老師講,老師發覺了,仲大"獲".
我都同意由媽咪報串可能會嚇親佢,我提議由小朋友自己在手冊寫幾句自首.自首罪名輕一半嘛.
心存僥幸,終日擔驚受怕不如學會面 ...

作者: miffy 時間: 10-4-16 15:15

提示: 作者被禁止或刪除內容自動屏蔽

作者: talent2000 時間: 10-4-20 02:52 標題: 回覆 2# wunma 的文章

提示: 作者被禁止或刪除內容自動屏蔽

作者: easybring 時間: 10-4-20 12:17

十分同意. 老師是覺得"重要"才寫下, 一但發現自己寫的東西被人塗了, 一定氣c. 家長要幫的, 教&鼓勵小朋友如何去認錯.

原帖由 brian61950 於 10-4-15 18:45 發表
其實老師都十分十分之困難唔知,你小朋友用塗左一大片,你唔同老師講,老師發覺了,仲大"獲".
我都同意由媽咪報串可能會嚇親佢,我提議由小朋友自己在手冊寫幾句自首.自首罪名輕一半嘛.
心存僥幸,終日擔驚受怕不如學會面 ...

作者: kuromima 時間: 10-4-20 17:58

同意, 學好行為是十分重要的

原帖由 wunma 於 10-4-16 10:55 發表

我看孩子犯錯的嚴重性, 尤其當事人年紀越小的, 思想越簡單的, 多不會著眼於行為上的錯處, 而是看背後的動機.

"擅自刪去老師的note"的確是大事, 但我認為他沒有欺騙或隱瞞老師的動機(當然做不做到是另一回事), 只 ...

作者: happyvalley 時間: 10-4-22 21:19

家長自己都要唸唸自己，點然自己個小朋友會咁樣做，有因先會有果。

作者: 幸福 時間: 10-4-23 17:16

明白大家都有不同的教仔方法, 看到樓主的情況, 感同身受..我都想分享一下.

我的兒子在小三時發生同樣情況, 帶漏東西給班主任寫手冊, 當晚 check 功課時,,,發覺呀仔用塗改液塗了,, 那刻當然很不開心...不過這是第一次發生, 我亦原諒了他, 不過要求自己向老師道歉, 我把字條夾在手冊內, 內容是請班主任有空時致電給我, 因為我想兒子面對自己的錯誤之餘, 我亦主動跟老師交代一聲. ...

那天放學,,收到班主任的電話, 但從老師口中知道,,,呀仔沒有跟老師說過塗改一事...只是把字條交給老師.於是我跟班主任說了... 請他原諒.

老師說...小事一宗,,會跟他談談..還請我放心.

第二天放學,,,兒子給我一杯茶並道歉. 我哭了. 原來班主任對他說很多人都會做錯事,,要知錯能改,, 還教他向我"針"茶認錯. 之後,,,偶爾都會帶漏東西,,不過他都會向我說對不起..

其實在事件上,,,我覺得讓老師知道是必須的,問題是用什麼態度. 家教合作很重要.我亦慶幸我兒子有個很好的班主任.

通常有問題 or 意見,,我都會寫字條給老師, 我覺這方法很好的. 總好過突如其來的直接打電話到學校找老師.

樓主,,, 加油呀 ! 我地一齊努力教好我地既下一代 !!

作者: Png 時間: 10-4-24 00:51

小朋友真係做錯咗，不過佢仲細仍可以糾正．樓主不要太担心，人誰無過．個人認為都唔算大件事．因為小朋友未知嚴重性，不致於詐騙，最多都係想自欺．

做錯就要認，這是承擔．我都認為應該同老師傾, 向老師了解小朋友在班中情況之餘也請他幫助輔導, 通常這種情況下老師都會表示願意協助的,而且更明白家長對小朋友的關心. 每位老師都會欣賞愛子女的父母和願意改過的孩子.我個人認為這種做法對小朋友是正面的.

另外當然要告訴小朋友他所做的不當之處,但今次巳原諒他,希望他以後會勇於面對自己. 看見有些家長"動之以情"的做法真的很好.　這樣小朋友會很受落和永遠記住．

不過，樓主也可以行多一步，就是近排多些幫小朋友check手册，可能佢既自理能力未到（男仔會遲些的），有心無力．其實可以試試暗地裏聯絡其他家長check下手册內容，睇下有無寫漏，跟進一排，真至他上了軌道便放手．

原帖由幸福於 10-4-23 17:16 發表
明白大家都有不同的教仔方法, 看到樓主的情況, 感同身受..我都想分享一下.

我的兒子在小三時發生同樣情況, 帶漏東西給班主任寫手冊, 當晚 check 功課時,,,發覺呀仔用塗改液塗了,, 那刻當然很不開心...不過這是第一 ...

作者: jamesbond007 時間: 10-4-26 16:47

提示: 作者被禁止或刪除內容自動屏蔽

歡迎光臨教育王國 (/)