教育王國
標題: 普通媽咪係唔會明白我地 [打印本頁]
作者: ^Vivi^ 時間: 10-3-22 14:15 標題: 普通媽咪係唔會明白我地
1) 亞仔啱啱去政府見兒科醫生,証實整體發展遲緩(遲o左一年), 要社工轉介排期"早期訓練", 當時我一聽到又要排期個刻個心實晒。(評估前我仲信心十足,因為亞仔呢大半年進步不少)
2) 大半年前學校懷疑亞仔有自閉傾向(當時好徬徨無助),寫信比我到政府排期見醫生
3) 約一年前亞仔仲未開口講說話(3歲才開口), 在政府見語言治療師做評估, 治療師當時都擔心亞仔的發展,轉介係政府排期做"語言治療"
一而再再而三的打擊,我諗一個正常小朋友的父母親係唔會明白, 我當時的憂慮、徬徨無助及承受的壓力
。
雖然問題始終要自己面對,但當你聽到你個仔比人話有問題個一刻一定唔好受.....
身邊有朋友仲會話:"係咪而家d 醫生要求高?少少事都話要見醫生做訓練..."
作者: chulokto 時間: 10-3-22 16:44
我都一樣啦...
個心其實好鬼大壓力，見到其他正常小朋友我仲唔開心。
作者: ^Vivi^ 時間: 10-3-22 18:32
係呀, 真係好大壓力, 尤其老公無時間理, 佢地成日覺得大把人都係咁啦, 以前d 細路咪又係咁樣長大, 邊有見咁多醫生/評估呀?? 佢地又唔明咩叫"黃金期"如果過o左就更難追...
每當自己唔開心, 就諗下亞仔的笑容& 進步!!
原帖由 chulokto 於 10-3-22 16:44 發表 
我都一樣啦...
個心其實好鬼大壓力，見到其他正常小朋友我仲唔開心。
作者: 麻煩 時間: 10-3-22 22:02
本帖最後由 麻煩 於 17-6-1 11:36 編輯
....
作者: boowong 時間: 10-3-23 00:35 標題: 回覆 1# ^Vivi^ 的文章
我個仔又喺有自閉傾向，我都好認同你講嘅嘢！佢哋跟本唔明白，我哋有幾痛心，又唔會體諒，覺得你個仔有問題，就唔好帶去出街影响人......但喺呢件事令到我認識到一樣嘢，就喺辛福唔喺必然，會好好同Ｄ仔女珍惜現在，一齊同佢行慢長嘅道路.....你哋都加油！！！
作者: pipi331 時間: 10-3-23 02:44
提示: 作者被禁止或刪除 內容自動屏蔽
作者: ricatong 時間: 10-3-23 11:02
唉！其實唔單子普通小朋友的媽咪難明我地，就算連祖父母都未必明白。
作者: chulokto 時間: 10-3-23 11:41
唉.....
我都諗住6月份辭左份工全職湊仔仔，自己湊好似好d！~~
作者: apple~y 時間: 10-3-23 15:00
唔係當時人,人0地又點會明白
朋友講囡囡考什麼名校幼稚園,報十幾,2十間
入唔到好似活日來臨
我時時話小朋友健健康康,咪得
朋友聽唔入耳,為了名校去做天主教徒
健健康康巳經好難得,攪0甘多0野
作者: ^Vivi^ 時間: 10-3-23 15:41
原帖由 chulokto 於 10-3-23 11:41 發表
唉.....
我都諗住6月份辭左份工全職湊仔仔，自己湊好似好d！~~
我覺得你地辭o左份工去全職湊仔....好偉大!!
不過唔好錯過"黃金期", 希望大家的努力無白費,好快有成績!!
大家一齊加油
作者: ^Vivi^ 時間: 10-3-23 15:44
原帖由 ricatong 於 10-3-23 11:02 發表
唉！其實唔單子普通小朋友的媽咪難明我地，就算連祖父母都未必明白。
無錯~~~
佢地老家人成日話:" 使咩咁緊張, 大大下就識嫁la"
但佢地又唔明, 我地聽專業人仕評估同意見都唔啱咩????
我地都係想個小朋友好, 唔想佢地無自信心, 唔想佢地比其他同學/小朋友排斥
作者: ^Vivi^ 時間: 10-3-23 15:54
所以我在此板面發言, 大家有呢方面經歷, 互相有共鳴!
大家互相鼓勵及支持!!
有時收拾亞仔疊語言治療、早期教育訓練同兒童測驗中心文件好心酸......忍唔住, 外人點會明白我呀!望住一疊疊文件,只有自己先可以真正幫到個小朋友
自問見到仔仔有小小進步, 我已經好感動!
大家一齊努力!!
作者: ^Vivi^ 時間: 10-3-23 15:56
原帖由 pipi331 於 10-3-23 02:44 發表
有普通小朋友的媽咪真系好難明我地.
一系就話我唔教 搞到個仔咁差...
一系就我太緊張 慢少少有mud 問題... 唔需要特登追發展.....大個就自然追到...
好嘔 ...
pipi331
係呀...
我d 朋友覺得唔使咁緊張...老實講針唔吉到肉唔知痛
作者: 麻煩 時間: 10-3-23 21:52
本帖最後由 麻煩 於 17-6-1 11:39 編輯
........
作者: nokia6300 時間: 10-3-23 22:02
係啦....其實我地咪系同路人啦....
大家唔洗咁介懷既,雖然總有d心up,特別如家中有差唔多大既小朋友,一定有比較的,但當我地放低d要求,原來我地既小朋友,一d都唔差ka,就連我最好既朋友,都唔明我仲咩擔心咁多,佢地真系一d都唔明ka,但我唸返自己個仔如果冇問題,講真,又點會明呢????最多聽過自閉呢個terms,但原來後面有幾大艱難,真係去左呢版先知呀,所以佢地唔明,都好正常的!
大家努力!!同小朋友一起加油!
作者: 煩惱的爸爸 時間: 10-3-23 23:32
睇完所有留言我都好同意及理解，但由評估完至今，經過幾個月時間不繼去揾相關資料及聽講座，令我明白教導小朋友(不論是否有問題)，身邊所有人行動一致及堅持原則的重要性！所以我從來不理會其他人的言論及眼光(包括親友或在街上)，我都一定堅持自己原則，因為我清楚知道係想小朋將來好，但亦要因應小朋友的能力。
但各位家長緊記要放鬆，不要給自己太大壓力，因為當妳感覺唔到自己不能自控時，相反對小朋友會有更大影響。可自組家長聚會去分享可舒緩壓力及給小朋友多D社交場合！
一起努力吧！總會有晴天！
[ 本帖最後由 煩惱的爸爸 於 10-3-23 23:38 編輯 ]
作者: 煩惱的爸爸 時間: 10-3-23 23:47
有無家長睇過？http://www.youtube.com/watch?v=BJ3BuH37zhs
作者: pipi331 時間: 10-3-23 23:54
提示: 作者被禁止或刪除 內容自動屏蔽
作者: kinheimom 時間: 10-3-24 10:39
我小朋友都係評為發展遲緩(亦係差不多一年),現在讀i位 repeat PN,同自己比進步不少,同大市比係有距離,
同路人的支持係好重要,因為有類似小朋友的mami會知道我地的感受同埋擔憂
我不知你的小朋友多大? 我的3y10m, 要怏些追,唔好將佢的進步同佢自己比, 要同同齡比,你先知道他仲差些什麼?
有問題可以打e-mail比我, [email protected], 因為我呢排少上BK,今日放假上來八下
原帖由 ^Vivi^ 於 10-3-22 14:15 發表
1) 亞仔啱啱去政府見兒科醫生,証實整體發展遲緩(遲o左一年), 要社工轉介排期"早期訓練", 當時我一聽到又要排期個刻個心實晒。(評估前我仲信心十足,因為亞仔呢大半年進步不少)
2) 大半年前學校懷疑亞仔有自閉傾向(當 ...
作者: ^Vivi^ 時間: 10-3-24 16:13
PIPI3131,
我個仔係返緊普通幼稚園k1, 間學校唔多學生, 而且班主任好有責任心,佢知道仔仔的問題, 好積極幫佢!
原帖由 pipi331 於 10-3-23 23:54 發表
VIVI,
您小朋友而家系唔系返緊普通幼稚園?
呢期 e位條龍長過s位, 會唔會考慮改排e+s??
等小朋友快d有服務. s位雖然個名唔好聽, 但勝在支援夠,可以比小朋友打好個底, 小朋友一夠班, s位會叫佢出去 返 e / i 位 ...
作者: ^Vivi^ 時間: 10-3-24 16:16
原帖由 麻煩 於 10-3-23 21:52 發表
我都係咁....
覺得連伴侶都唔會明白....
我覺得老公的支持好緊要/幫助....但我唔好彩...我老公原全唔明白我的感受
作者: ^Vivi^ 時間: 10-3-24 16:20
原帖由 kinheimom 於 10-3-24 10:39 發表
我小朋友都係評為發展遲緩(亦係差不多一年),現在讀i位 repeat PN,同自己比進步不少,同大市比係有距離,
同路人的支持係好重要,因為有類似小朋友的mami會知道我地的感受同埋擔憂
我不知你的小朋友多大? 我的3y10m, ...
kinheimom,
其實呢半年, 亞仔進步好大, 所以我唔係太擔憂..只不過想借呢個版面大家呻一呻, 傾一傾
最緊要大家一齊努力, 加油!!!
作者: ^Vivi^ 時間: 10-3-24 16:28
各位,
小朋友係自己的, 別人的說話不用太看重,
支持自己的方法, 我全靠亞仔的笑容/進步,
亞仔開心,我就開心
老實講我係在職媽咪, 但會盡量抽時間湊佢,
放工後自己湊, 放假帶佢出街,
我的心機無白費, 因為每次問佢, 佢會話最鍚媽咪,
仲要大大啖鍚埋來我面...哈哈!呢d 感情係由細到大累積gar
作者: 丞丞BB 時間: 10-3-24 18:06
原帖由 ^Vivi^ 於 10-3-24 16:16 發表
我覺得老公的支持好緊要/幫助....但我唔好彩...我老公原全唔明白我的感受
我未覺得仔仔有問題之前,
佢放工返嚟一支箭咁去玩電腦,
望都唔望下個仔,
更唔好話抱,最多叫一聲"bb"
我覺得好心痛,
個仔唔係我一個人咖,佢都有份.
點解佢可以做到咁
作者: ^Vivi^ 時間: 10-3-25 10:39
原帖由 丞丞BB 於 10-3-24 18:06 發表
我老公又係咁,
我未覺得仔仔有問題之前,
佢放工返嚟一支箭咁去玩電腦,
望都唔望下個仔,
更唔好話抱,最多叫一聲"bb"
我覺得好心痛,
個仔唔係我一個人咖,佢都有份.
點解佢可以做到咁 ...
丞丞bb,
我好明白你, 因為我老公好忙佢都唔理,雖然放工後佢會幫手湊一陣仔, 但一講到教 / 訓練就唔會做, 好似做評估見醫生, 老公都唔係次次同我去, 成個責任好似落晒係我身上咁,
我有一次好認真同佢講 :"我真係差d要睇心理醫生, 我真係超大壓力, 你咩都唔理, 好彩有朋友比意見同鼓勵,否則我唔知點算....." 講到我喊晒
我覺得起碼要比老公知你的壓力 、感受
大家兩夫婦,唔怕開心見成同佢講 , 希望佢會明!!!
作者: ChingMan1002 時間: 10-3-25 15:10 標題: 回覆 24# chulokto 的文章
同意. 見到其他朋友d小朋友咁叻就會唔開心.
作者: 丞丞BB 時間: 10-3-25 18:42
原帖由 ^Vivi^ 於 10-3-25 10:39 發表
丞丞bb,
我好明白你, 因為我老公好忙佢都唔理,雖然放工後佢會幫手湊一陣仔, 但一講到教 / 訓練就唔會做, 好似做評估見醫生, 老公都唔係次次同我去, 成個責任好似落晒係我身上咁,
我有一次好認真同佢講 :"我真係差 ...
"多d關心下我同個仔,唔好成日顧住玩game."
佢就應我"好丫."
但之後又係咁,冇變過.
仔仔有事之後,佢最多叫我唔好諗太多.就冇講任何關心緊張個之類ge說話.
我覺得我同個仔比一片灰色朧罩著,將我地同c6分隔開,
而佢站在外面睇住我兩個死.
作者: ~仔仔媽咪~ 時間: 10-3-25 19:06
呢D未算難受,最難受係連自己身邊話係你朋友既人都走黎唔明白我同個仔D難處,我仔無事無干無整親佢地仔女時,就一個二個C話係我教得個仔太嚴,又係話仔無病無事,話係我太緊張,話我仔好正常好純好乖...當個仔唔小心出事整親佢地仔女時,儘管我地成家人點道歉,佢地反轉豬肚就係屎,一個二個手指指指爆我同個仔個頭話我唔教仔,話我仔有爺生無乸教,又話我仔根本無病,話係我死執住個仔係自閉係過度活躍黎做擋箭牌,話係我縱容個仔去打人.............呢D至係最難受,當初個個扮哂明我,但出事後就一人幾腳伸都伸唔切埋黎我地度...所以依家就算自己識朋友,除非大家既仔女都有差唔多既特殊問題,大家係同路人,否則我一律都拒絕帶個仔出黎同佢地D仔女玩,費時又是因為小朋友之間既事,又演變成大人既紛爭同誤會.唔想再俾個仔再受到傷害.個仔有呢個病,我唔想,個仔本身自己更加唔想!有邊個會想自己或自己仔女係自閉同過度活躍?有邊個會想自己或自己仔女係成日整親人同闖禍嗰個?點解總有人會唔明呢兩條簡單道理.呢D永遠有苦自己知,有理說不清,我都想我可以一朝一夕就教好個仔變番正常,無奈我地班仔唔係!
作者: ~仔仔媽咪~ 時間: 10-3-25 19:16
原帖由 chulokto 於 10-3-23 11:41 發表
唉.....
我都諗住6月份辭左份工全職湊仔仔，自己湊好似好d！~~
都好架!我覺得我地呢班仔係需要媽媽親自教同湊會好D囉!我仔就係咁,次次我一忍唔住走去番工(出面D全職),我仔嗰期實差!我一QUIT咗份工又是全職湊佢時,佢就即刻係咁大躍進大進步.所以依家我都係全職湊佢,日頭個仔番學,我至freelance出去教其他小朋友.始終我老公搵得唔多,得佢一個人出去搵食真係維持唔到屋企日常開支.
作者: 丞丞BB 時間: 10-3-25 20:27
原帖由 ~仔仔媽咪~ 於 10-3-25 19:16 發表
都好架!我覺得我地呢班仔係需要媽媽親自教同湊會好D囉!我仔就係咁,次次我一忍唔住走去番工(出面D全職),我仔嗰期實差!我一QUIT咗份工又是全職湊佢時,佢就即刻係咁大躍進大進步.所以依家我都係全職湊佢,日頭個仔番學 ...
作者: ngcheukhin 時間: 10-3-25 21:06
原帖由 apple~y 於 10-3-23 15:00 發表
唔係當時人,人0地又點會明白
朋友講囡囡考什麼名校幼稚園,報十幾,2十間
入唔到好似活日來臨
我時時話小朋友健健康康,咪得
朋友聽唔入耳,為了名校去做天主教徒
健健康康巳經好難得,攪0甘多0野 ...
我完工同意APPLE架講法,小朋友最緊要開開心心同健康,因為健康係我地唔可以強求度架,有好多人以為好多野係理所當然,其實唔係架,就算係想佢正正常常咁平平凡凡都唔係咁易.我自己有一個仔仔一歲多D,佢都係發展遲緩,我最初初聽到之後個腦寅左唔識諗野,過左一陣番到屋企,我望住個仔好天真冇邪咁笑.咩都唔知咩都唔識個樣.我即刻抱住佢之後我偷偷地咁喊,但係越喊就喊大聲,好痛呀我個心,雖然我係男人,但係我都忍唔住喊...唉我好唔開心,打到好亂唔知自己想打咩,我祗係知道自己收左好多野係心,好辛苦,妳地咁多位媽媽同爸爸都好堅強,我希望可以學下妳地啦.我曾經諗過叫個仔同埋老婆一齊離開呢個世界架,不過最好好彩,冇咁做.
作者: ~仔仔媽咪~ 時間: 10-3-25 23:08
原帖由 丞丞BB 於 10-3-25 20:27 發表
仔仔媽咪:你ge仔幾歲勒?
就黎十二歲喇.
作者: Ruby_Lau 時間: 10-3-25 23:34
原帖由 ~仔仔媽咪~ 於 10-3-25 19:06 發表
呢D未算難受,最難受係連自己身邊話係你朋友既人都走黎唔明白我同個仔D難處,我仔無事無干無整親佢地仔女時,就一個二個C話係我教得個仔太嚴,又係話仔無病無事,話係我太緊張,話我仔好正常好純好乖...當個仔唔小心出事整 ...
完全道出我們的心聲! 有苦自己知 !
作者: ~仔仔媽咪~ 時間: 10-3-25 23:40
原帖由 ngcheukhin 於 10-3-25 21:06 發表
我完工同意APPLE架講法,小朋友最緊要開開心心同健康,因為健康係我地唔可以強求度架,有好多人以為好多野係理所當然,其實唔係架,就算係想佢正正常常咁平平凡凡都唔係咁易.我自己有一個仔仔一歲多D,佢都係發展遲緩,我 ...
加油呀!我都好明您,嗰時我仔响未評估証實為自閉傾向之前,我仔因為負面行為同情緒,再加上佢完全唔識講野亦唔明白人地講咩,前後响短短半年內俾一間主流幼稚園同一間國際學校幼稚園踢出校,嗰刻我直頭崩潰,响老師面前強裝無野係咁忍住唔俾自己喊或動容...一出校門D眼淚已經狂標,又怕自己咁既喊樣番屋企會令老人家唔開心(唔想俾佢地咁快知個孫又無書讀),結果我係响屋企樓下公園係咁狂摑自己塊面要自己即刻收眼淚唔俾自己喊,停哂收哂眼淚我至敢番屋企...所以都好個刻既痛苦...反而到我仔評估咗係自閉傾向,三歲只有唔夠一歲既言語程度時,我係鬆咗一口氣,至少唔再成日覺得係自己無用教唔到個仔講野或教到個仔咁燥走去打人.之後都用咗好多時間去調較番自己個諗法同情緒.嗰時每次有親戚問我仔讀書讀成點,我真係仲慘過去死,唔知點答佢,次次都係靠我老公幫我擋,幫我作個大話答人話個仔番學番得好好,又有同學仔同佢玩(呢下我差D忍唔住喊出黎,我仔就係因為打人同唔識講野而一個小朋友都唔肯同佢玩,全班同學一齊排擠我仔一個)...
之後俾個仔去私家治療師度做訓練,見個仔真係明顯進步咗,我又成日好主動咁同治療師同醫生傾偈,請教佢地教我仔既意見,結果自己都識咗好多skill,自己又開始教到個仔,嗰下我至開始積極番.
查實小朋友有特殊問題已經係鐵一般既事實,我地就算幾唔開心都無得改變,我地浪費時間去自己諗埋一邊去唔開心,係幫唔到囝囝,亦會浪費咗囝囝有機會改變既黃金時期(六歲之前係黃金期),所以我嗰刻都開始同自己講,唔可以俾自己去浪費咗亞仔D時間,我拎亞仔呢D寶貴時間去諗埋一邊,倒不如留番呢D時間俾哂個仔,去好好幫佢地教好佢,同佢做多D訓練,咁至係愛佢幫到佢!
亦會同自己同埋個仔講(成日講),媽咪同佢永遠都係好朋友好拍擋黎,媽咪永遠都會响佢身邊拖實佢,佢跌倒時我會捉實佢扶持佢,我地係合作伙伴,所以我地就要一齊合作,一齊去衝破呢D障礙.唔好俾呢D病同缺點打敗我地.我地要戰勝佢.呢樣係好重要,唔好以為囝囝有呢D病會唔明,查實佢地一D都唔笨,佢地係好聽得明亞媽亞爸講乜,亦好感受到父母係愛佢關心佢,而且呢D正正係佢地最需要亦最想要囉.
嗰時我仔三歲半,仲未識講野,亦未明白人地講咩,有次我帶佢去公園玩,有個小朋友嫌我仔阻住佢,走埋黎响我仔耳邊尖叫大叫鬧我仔:"死開啦!低能仔!",跟住我仔嚇到想走時,個細路仲走黎係咁踢我仔個背(佢地响滑梯上面),結果我衝上前抱走我仔(我抱走時個細路都仲係咁踢,仲踢埋我),我同個小朋友講,佢唔可以咁做,之後我仔係嚇到唔敢喊,我抱我仔離開公園時,我邊行邊同個仔講:"媽咪幾時都保護你,你唔駛驚..."就係嗰次,我係第一次俾我仔好深情咁攬住我,仲好主動咁錫咗我臉一下...嗰刻我真係差D响街度喊出黎,無人會明白到,個仔平時無反應無eye contact,講乜都無反應唔理你時,當你仲以為個仔同木頭公仔無情感唔明你講乜時,反而佢呢一下咁主動既反應,係令我好乍驚又喜.所以嗰刻我至知我仔唔係木頭公仔,佢係同我心靈相通,佢係明白媽咪係好愛佢係錫佢架.
我仔依家雖則真係好多問題(自閉傾向、過度活躍專注力缺乏症、學習障礙、動作協調障礙、言語發展遲緩),但呢咁多年黎係睇到佢有一路進步的.雖則有好多眼淚(我仔個名有個霖字,久雨...),但亦有好多喜樂既時候.至少呢個人仔會好重視我呢個媽咪,好鍚我呢個媽咪,佢會唔想我死,唔想我唔理佢,好想我笑多D,好怕我唔開心亦好在意我感受(呢樣係學校咁多位老師既感覺黎)...我人生中平平凡凡又唔係咩有用之材,但竟然有個人咁重視我咁在意我既存在,呢樣係一種幸福,亦係神既恩賜黎!所以到依家,雖則我每日都幾乎接到大大小小既投訴(我仔D行為),但我都會認為,個仔永遠都係神所賜俾我地一家最好既禮物黎...如果佢唔係黎我度做我個親生仔,我既人生亦苦悶乏味亦無意義,就係正如我曾經聽過一位有特殊小朋友既媽咪所講,神就係知我地呢班父母係有能力亦好適合去愛去照顧呢班咁特別既小天使,所以至安排小天使黎我地屋企,做我地既仔女,因為我地,小天使至能感受到愛.我第一次聽呢個註解時,我真係忍唔住喊出黎.但我願意相信亦願意接受.個仔永遠都係我地最可愛最純真既小天使黎.我地應該愛佢.
所以都加油啦!當你覺得正能量唔夠時,可以上黎呻一呻,抖一抖,我地咁多位媽咪會願意做聽者,大家都需要扶持同互勉.所以您同太太都要加油呀!
作者: ~仔仔媽咪~ 時間: 10-3-25 23:50
原帖由 Ruby_Lau 於 10-3-25 23:34 發表
完全道出我們的心聲! 有苦自己知 !
嗰時我俾班所謂既朋友指住黎鬧咗大半年甚至幾年,我都喊足半年,真係咁大個女未試過咁難受咁痛咁委屈...細時聽亞媽聽老師講,做錯事或整親人只要誠心真心地向人道歉,人地會原諒您會體諒您,又教我地要學識點去寬恕人,堅信咗咁多年卻因為囝囝有呢D問題,人地唔理解,誤會咗我地,結果無論我地點喊點誠心向人地父母道歉,結果反而係俾人當罪人般看待,要被鞭傷要接受佢地怨恨我地'唔識教仔'而帶來既懲罰...嗰刻至知,就算誠心講十萬句'對唔住',都變成係你'扮可憐扮委屈'既罪名...十萬個問號不斷反覆問自己,究竟要點做至係正確?但過咗一段日子,我終於明白到,人地唔係我地,佢地亦無我地呢班小天使,係無可能要求人地去理解去明白我地既苦處同難處囉.既然係咁,我地真係唔可以怪佢地,只可以話,我地唔係同路人.無緣做真心又交到心既朋友罷.
作者: ^Vivi^ 時間: 10-3-26 09:49
原帖由 ~仔仔媽咪~ 於 10-3-25 23:40 發表
加油呀!我都好明您,嗰時我仔响未評估証實為自閉傾向之前,我仔因為負面行為同情緒,再加上佢完全唔識講野亦唔明白人地講咩,前後响短短半年內俾一間主流幼稚園同一間國際學校幼稚園踢出校,嗰刻我直頭崩潰,响老師面前 ...
仔仔媽咪:
好多謝你分享你寶貴的經歷~~睇到我都眼濕濕!
(尤其睇到你被朋友指住鬧)
我諗你一定好努力捱得好辛苦!
你給予我們正能量
作者: spiga 時間: 10-3-26 18:01 標題: 回覆 34# ~仔仔媽咪~ 的文章
Thanks for sharing. I also when reading yr words. Add oil, all moms here.
作者: ~仔仔媽咪~ 時間: 10-3-26 19:03
原帖由 spiga 於 10-3-26 18:01 發表
Thanks for sharing. I also when reading yr words. Add oil, all moms here.
大家都加油啦!我都會有沮喪既時候,當我正處於負面能量時,都希望大家都support我,等我可以順利捱過...總之各位媽咪爸爸要俾心機!要做個積極又開心既快樂媽媽爸爸!!!
作者: 麻煩 時間: 10-3-26 22:57
.....
作者: Ruby_Lau 時間: 10-3-26 23:30
原帖由 ~仔仔媽咪~ 於 10-3-25 23:40 發表
加油呀!我都好明您,嗰時我仔响未評估証實為自閉傾向之前,我仔因為負面行為同情緒,再加上佢完全唔識講野亦唔明白人地講咩,前後响短短半年內俾一間主流幼稚園同一間國際學校幼稚園踢出校,嗰刻我直頭崩潰,响老師面前 ...
睇到我眼淚都湧晒出來啦 大家都要加油呀!
作者: ~仔仔媽咪~ 時間: 10-3-26 23:53
原帖由 麻煩 於 10-3-26 22:57 發表
仔仔媽咪，
我想問下現在你仔仔講野仲有冇問題，同你係唔係好似一般小朋友咁溝通傾"計"?? 我個仔5歲，我好擔 心佢大個左講野仲一舊舊，唔可以"暢所欲言" ...
我仔都係去到小一下學期(七歲半)至開口講野,之前佢頂多都係去到三歲程度(即係三四隻字一句,唔會連續講兩句以上),去到八九歲至同我地講野有來有往(之前係單向的,即係唔會傾偈,佢要野咪出聲囉,我地問佢野佢係無反應架).
依家基本上佢係好多野講,算係暢所欲言,但一要佢去表達或者講D句子複雜同長少少,佢就會表達唔到,會好甩CUT,都係一舊舊同埋詞不達意囉.我仔最近學校嗰次中文表達評估,老師都係咁樣講,D分都係中下囉.同埋言語治療師既報告(上個月收到嗰份),都係講差唔多野,同埋又係話佢表達力差,要人响佢身邊係咁提水至會勉強表達得好.同埋聽人講野既專注力好差(呢樣我都好知,因為就係連人地同佢講三字一句既野,佢都可以無專注到聽唔到,呢樣就係我教仔既難處,同佢講咗好多做人既道理,但無奈佢連一句都收唔到入腦,好無專注力).
你囝囝五歲都仲有得追架,本身你有無俾佢做ST同思維嗰類訓練?
作者: ~仔仔媽咪~ 時間: 10-3-26 23:55
原帖由 Ruby_Lau 於 10-3-26 23:30 發表
睇到我眼淚都湧晒出來啦 大家都要加油呀!
就係我地有個咁特別既仔,我地至可以成長...講真我都好幼稚好細路女,可能天父就係見我十下十下,所以至送份大禮俾我去鍛練自己,等我可以成長.所以往好方面諗,都係好事黎架.
無錯.我地大家都要加油!唔好灰心!!!
作者: 麻煩 時間: 10-3-27 00:14
本帖最後由 麻煩 於 17-6-1 11:28 編輯
原帖由 ~仔仔媽咪~ 於 10-3-26 23:53 發表
我仔都係去到小一下學期(七歲半)至開口講野,之前佢頂多都係去到三歲程度(即係三四隻字一句,唔會連續講兩句以上),去到八九歲至同我地講野有來有往(之前係單向的,即係唔會傾偈,佢要野咪出聲囉,我地問佢野佢係無反應 ...
.....
作者: ~仔仔媽咪~ 時間: 10-3-27 00:25
原帖由 麻煩 於 10-3-27 00:14 發表
我個仔仲未排到service(排緊e位，自傾，大肌同言語delay)，只係每兩星期一次st(最初係一星期一次，係st認為唔需要個個星期做)，training都係排下卡講故事，睇圖形容下咁。講故事當然係要提下。st話已經係佢歲數範圍，但我覺得佢 ...
如果單靠政府嗰D支援真係會好唔足夠架!我覺得除咗响政府度做訓練,同時都額外响出面搵私家言語治療師同個仔做密訓囉.嗰時我仔小一未去私家度做密訓前,淨係單靠I位嗰個言語治療,做咗三年都無咩起色,我仔都係表達唔到,都係BB話囉.但去到私家嗰度做咗一年密訓(一星期上四日,每日上兩堂,一堂言語同思維訓練,一堂係感統),結果我仔由當年九月中開始做,做咗半年,去到小一下學期就突然變咗開籠雀(當然都跟佢有ADHD有關啦),所以我覺得政府同私家兩邊一齊做成效會大好多.同埋真係平時响屋企多D同個仔做訓練囉,不過嗰屋企媽媽同佢做又唔駛太過serious既,可以生活化D自然D,好似傾偈同玩咁同佢多D講多D教佢D字詞同表達方式,呢樣又會令佢進步好多架.
始終依家您囝囝五歲,六七歲前都係小朋友既黃金時期,都係靠呢段黃金期黎改變佢地自閉既問題,過咗真係又會明顯難去改變架...好似我仔咁,佢都錯過咗呢段黃金期,結果依家,佢有好多野都仲係停留响幼稚園甚至更低既LEVEL度,有時見到我都幾激氣同好擔心囉.所以真係要好好把握小朋友呢D時間.千祈唔好錯過.
作者: worry-mom 時間: 10-3-27 00:49
仔仔媽咪,
睇完你講"小天使"後...我既眼淚真係停不了.
每晚我都有為囝囝祈禱. 只希望天父給我更堅強一點, 將來的日子會更加受到考驗, 只但求囝囝每天生活都是開心便已足夠了.
各位媽媽加油!
作者: ngcheukhin 時間: 10-3-27 02:52
原帖由 ~仔仔媽咪~ 於 10-3-25 23:40 發表
加油呀!我都好明您,嗰時我仔响未評估証實為自閉傾向之前,我仔因為負面行為同情緒,再加上佢完全唔識講野亦唔明白人地講咩,前後响短短半年內俾一間主流幼稚園同一間國際學校幼稚園踢出校,嗰刻我直頭崩潰,响老師面前 ...
多謝妳呀,仔仔媽咪,我諗呢度好多家長都有係心諗過一個問題.就係"why me"點解要係我,點解要咁樣對我個小朋友,100分之幾架機會都比到我地,唔通我地呢d家長有d咩特質or我地比人堅強所以就要我地呀...我唔明點解簡單平凡都咁難追求,我唔要佢係人中之龍,我亦都冇諗過佢大左會好叻...我祗係好想佢開開心心做個有責任架人...
我睇完仔仔媽咪妳架小天使故事..令我舒服左好多...thx,我都係唔知自己打咩,好亂,不多謝妳呀,我同太太會加油....我都要係太太面前假裝堅強...
回想一開始太太同我講個仔點解咁耐都識呢樣個樣,我都係好似好多太太架老公咁講,佢懶姐,大個d就識架啦,仲要懶叻成日講個個小朋友架發展速度都唔同,唔使擔 心,到後來見完醫生,又照mri..又驗血,又去評估..我先知自己係個無知,無用又無能架爸爸.....唉
作者: sjmama 時間: 10-3-27 18:01
我有兩個自閉症孩子，大兒還有輕度智障，我也曾經歷過傷心、憤怒、感到絕望的日子，我也曾不斷問"why me"，兩度幾乎崩潰！
但是孩子慢慢成長，然後我才發覺他們帶給我們的，遠比我們帶給他們的多。孩子如果是正常，我們做父母的也許會有很高的要求，比如他考試90分，我可能會因他沒有考到100分而不快。但如今，我看到孩子每一小小的進步，我的快樂卻是無與倫比，因為我知道這代表了孩子、我們、許多人的心血。我明白了天父的用意。
你的孩子還在幼年，理解能力、表達能力較差，這時候做父母的是會辛苦些；但父母是孩子最親的人，我們是最應該接納他/她，幫助他/她成長，也讓他/她按自己的步伐前進。請相信，再過一些日子，你就會體會到這種千金不換的快樂。
下面的文章送給大家，加油呀！
**********************
非常媽媽
The Special Mother by Erma Bombeck
(翻譯：sjmama)
大多數婦女成為媽媽只是偶然的因素，有些是自己的選擇，小部分由於社會壓力，還有三三兩兩因為習慣。這一年，接近十萬名婦女會成為特殊兒的媽媽。你們有沒有想過她們是怎樣被挑選的？
由於某種原因，我看到上帝盤旋大地，慎重地選擇祂認為最合適的繁殖工具。祂一邊觀察，一邊指示天使在生命冊上記錄。
｢Armstrong, Beth，給她兒子，守護者是….給她Gerard，他可以容忍不敬的言語。｣
｢Forrest, Marjorie，給她女兒，守護者是Cecelia。｣
｢Rutledge, Carrie，雙生兒，守護者是Matthew。｣
最後他把一個名字給天使，微笑地說：｢給她一個有殘障的孩子。｣
天使很奇怪：｢主呀，為什麼給她？她是如此快活的人。｣
｢這就對了。｣上帝含笑回答：｢我怎能夠把殘障兒給一個不懂笑的母親?那太殘忍了。｣
｢可是她有沒有耐性？｣天使又問。
｢我不需要她太有耐性，否則她會被自憐和絕望淹沒。一旦震驚與憤慨消逝，她就能夠處理。｣
｢我今天觀察了她一整天，她有自我意識也很獨立，這很罕有更是作為母親極需的特質。你看，我給她的孩子有自己的世界，她要把孩子從自己的世界拉出來，這不是一件容易的事情。｣
｢可是，主呀，我不認為她相信你呢。｣
上帝仍然微笑：｢不要緊，我會處理。這個母親很理想，她有足夠的自私。｣
天使倒抽一口氣：｢自私？難道這也是美德？｣
上帝點頭說：｢如果她不能夠偶爾抽離孩子，她將無法活下去。我會賜福這位母親一個接近完美的孩子。最初她未能理解這點，但將來她會被人們羨慕。她不會認為『能夠言語』是理所當然，她不會視孩子的每一個進步是平常的事。當她的孩子第一次叫『媽媽』，她會見到奇蹟，到時候她就明白了。｣
｢我會允許她清晰地看到我所看到的：無知、殘酷、偏見，但我會讓她崛立。她絕不會孤單，她生命中的每一天每一刻都有我在她身旁，因為她在做我的工作，當然就像在此與我同行。｣
｢那麼誰做她的守護者？｣天使問到，她的筆停留在半空。
上帝莞爾：｢一面鏡子已經足夠。｣
原帖由 ngcheukhin 於 10-3-27 02:52 發表
多謝妳呀,仔仔媽咪,我諗呢度好多家長都有係心諗過一個問題.就係"why me"點解要係我,點解要咁樣對我個小朋友,100分之幾架機會都比到我地,唔通我地呢d家長有d咩特質or我地比人堅強所以就要我地呀...我唔明點解簡單平 ...
作者: ~仔仔媽咪~ 時間: 10-3-27 20:32
原帖由 ngcheukhin 於 10-3-27 02:52 發表
多謝妳呀,仔仔媽咪,我諗呢度好多家長都有係心諗過一個問題.就係"why me"點解要係我,點解要咁樣對我個小朋友,100分之幾架機會都比到我地,唔通我地呢d家長有d咩特質or我地比人堅強所以就要我地呀...我唔明點解簡單平 ...
千祈唔好認為自己無用,你都係一個好爸爸黎架!至少你都會對你囝囝着緊,都會上黎親子網站去尋求方法去幫囝囝,至少你唔會眼白白睇住囝囝有障礙而置之不理.天父送小天使俾我地,實情對我地都有好處,至少我地能夠成長.
你睇我,普通師奶一名,細個讀書唔叻,得中五畢業,家族個個都至少係大學生黎,一直以黎包括我媽都話我廢,唔死都無用,話我根本唔適合做人,連我都變成都係咁認為自己係一個無用又無作為既人黎.
但到我收咗天父送俾我呢份禮物,我由初時日日喊日日怨又唔知點做時,到依家我至少可以有方向有計劃地去教好囝囝,囝囝呢十幾年俾到我好多好好既經驗,結果原本我一事無成又無talent既我,依家竟能可以出黎用囝囝俾我既經驗同talent去教出面既小朋友,做咗老師.呢樣我咁大個女都無諗過我能夠做人老師,而且又得到人地家長既認同(我既能力).
以前既我係既任性又臭脾氣又無EQ可言既人,但依家至少囝囝又鍛練到我有耐性有毅力,當中囝囝係咁闖禍,我地係咁被千夫所指,話我唔識做人亞媽,話我仔有爺生無乸教...當中雖然係好痛好委屈,但反而呢D經历令我變得堅強,亦令我明白好多人生道理.呢D全部都係好野黎架!我都有得着.
依家我至少識得調節自己諗法,識得去原諒人,識得去堅持,亦識得去簡簡單單.至少我依家都係快樂同積極既.
您試下同您太太坦白番個感受啦,無話男人/一家之主就唔俾喊唔俾唔開心嘛!大家開心見誠去講去分擔,至少太太都能夠知道原來您都好關心佢同囝囝,大家就係partner,無分彼此,一齊去面對事情一齊去學習去幫囝囝衝破障礙.呢D對囝囝都好重要亦好大幫助.至少當太太教囝囝教得攰時,您又可以接力去試下教下囝囝,當你未諗到方法去教囝囝時,又輪到太太接力去教,咁樣crossover,總好過只得一方去孤身作戰或各自做囉.
所以你都要加油!如果响教囝囝方面有咩困難,你可以上黎講架!呢度有好多媽媽爸爸都會幫你,一齊去諗計仔囉!
作者: ~仔仔媽咪~ 時間: 10-3-27 20:34
原帖由 worry-mom 於 10-3-27 00:49 發表
仔仔媽咪,
睇完你講"小天使"後...我既眼淚真係停不了.
每晚我都有為囝囝祈禱. 只希望天父給我更堅強一點, 將來的日子會更加受到考驗, 只但求囝囝每天生活都是開心便已足夠了.
各位媽媽加油! ...
大家咁話!至緊要小朋友個個都開開心心就夠!能夠每日都睇住佢地有進步,呢D對我地已經係最大既安慰.
作者: ~仔仔媽咪~ 時間: 10-3-27 20:35
原帖由 sjmama 於 10-3-27 18:01 發表
我有兩個自閉症孩子，大兒還有輕度智障，我也曾經歷過傷心、憤怒、感到絕望的日子，我也曾不斷問"why me"，兩度幾乎崩潰！
但是孩子慢慢成長，然後我才發覺他們帶給我們的，遠比我們帶給他們的多。孩子如果是正常，我們做父母的也許 ...
同意您講法.您都要加油呀!!! 要靠主常常喜樂!
作者: ngcheukhin 時間: 10-3-28 13:23
原帖由 ~仔仔媽咪~ 於 10-3-27 20:32 發表
千祈唔好認為自己無用,你都係一個好爸爸黎架!至少你都會對你囝囝着緊,都會上黎親子網站去尋求方法去幫囝囝,至少你唔會眼白白睇住囝囝有障礙而置之不理.天父送小天使俾我地,實情對我地都有好處,至少我地能夠成長.
...
thx,仔仔媽媽,我會同太太加油的,謝謝妳無私的分享
作者: ngcheukhin 時間: 10-3-28 15:09
原帖由 sjmama 於 10-3-27 18:01 發表
我有兩個自閉症孩子，大兒還有輕度智障，我也曾經歷過傷心、憤怒、感到絕望的日子，我也曾不斷問"why me"，兩度幾乎崩潰！
但是孩子慢慢成長，然後我才發覺他們帶給我們的，遠比我們帶給他們的多。孩子如果是正常，我們做父母的也許 ...
謝謝妳的文章分享
作者: bbchuchu 時間: 10-3-28 15:58 標題: same as me
My son is 5 yrs, he studies at Special Ctr. He doesn't speak, even "
a" "ma"
So sad.
He doesn't understanding the meanings.
作者: anan3388 時間: 10-3-29 09:29
原帖由 bbchuchu 於 10-3-28 15:58 發表
My son is 5 yrs, he studies at Special Ctr. He doesn't speak, even "a" "ma"
So sad.
He doesn't understanding the meanings.
don't know what to say, but, I believe your son understand you love him, only that he can't express in his word. carry on!
我睇過一本書係一個美國 mami 寫的, 佢個小朋友7 歲都一粒字都未出過聲, 甚至治療師都放棄左佢。但係佢一直好努找方法, 結果佢知道一個印度 mami 教識佢個嚴重自閉症既仔仔用字版/寫字黎表達自己。最後, 作者帶左呢個美國 mami 同佢仔仔到左美國, 仲教到佢自己既仔仔用字版表達, 原來佢個仔仔乜都知 ga, 係講唔到出黎... 依家佢學識用字版同佢家人溝通, 雖然都係重重困難, 但係, at least 佢家人知道, 佢係有意識有智力既.
而個印度 mami 將佢自創既方法整合成一套教法, 叫做 Soma's Rapid Prompting Method (<-依家我睇緊佢本書), 在對美國繼續教緊好多無語言既自閉症小朋友...
睇完呢本書後, 我相信(只係一種相信)呢類既小朋友只係好似困左響一個"唔聽駛"既軀殼入面, 但佢地既意識係正常, 智能係 ok ga!
本書叫: 奇蹟的孩子
http://www.books.com.tw/exep/prod/booksfile.php?item=0010417187
我唔知呢 d 資料對你有無幫助, 希望同你 share 一下. 不要放棄希望呀! 希望在明天!
作者: 麻煩 時間: 10-3-29 23:24
本帖最後由 麻煩 於 17-6-1 11:32 編輯
.....
作者: 麻煩 時間: 10-3-29 23:46
原帖由 bbchuchu 於 10-3-28 15:58 發表
My son is 5 yrs, he studies at Special Ctr. He doesn't speak, even "a" "ma"
So sad.
He doesn't understanding the meanings.
希望你繼續努力!! 小朋友一定感受到你的愛!!
作者: aryee 時間: 10-3-30 18:35
各位值得尊敬既爸爸媽媽加油！
為你地鼓掌！向你地致敬！
[ 本帖最後由 aryee 於 10-3-30 18:38 編輯 ]
作者: ~仔仔媽咪~ 時間: 10-3-31 09:03
原帖由 麻煩 於 10-3-29 23:24 發表
一星期4日? 很多錢呢!! 現在私人st兩星期一堂，pt政府醫院同私人兩星期一堂(即每星期一堂)，全日幼稚園，放學去公園。我個仔都算識得表達自己，但唔叻。其實我已經唔知道點先叫正常.... ...
正唔正常又好難同佢定個界線既...至少都係等佢可以表達到自己,同其他人溝通到、又明白又跟到老師同大人既指示...etc.
暫時您囝囝嗰D私人訓練都OK既,可以再多D梗係最好啦,否則就算維持依家咁,你又可以响屋企多D自己同囝囝做訓練,在於我角度,我會覺得出面既訓練實情係訓練埋亞媽,我嗰時都係堂堂睇住我仔做訓練,留意治療師點訓練我仔,跟住又會留意我仔D反應,落堂後又會成日捉住治療師傾偈請教佢地,跟住番屋企訓練個仔囉,咁樣個仔會進步得快好多.
作者: ChingMan1002 時間: 10-3-31 16:00 標題: 回覆 45# 麻煩 的文章
個囡好似淨係自己有份咁, training呀, 唔舒服睇醫生呀,咩都係我理, 連我同事都係咁講, 同個c6講極都唔明. 只係覺得我太緊張....waste $$$. 唔開心都唔知可以同邊個講.
作者: ngcheukhin 時間: 10-3-31 17:55
原帖由 ChingMan1002 於 10-3-31 16:00 發表
個囡好似淨係自己有份咁, training呀, 唔舒服睇醫生呀,咩都係我理, 連我同事都係咁講, 同個c6講極都唔明. 只係覺得我太緊張....waste $$$. 唔開心都唔知可以同邊個講. ...
加油呀,妳對女囡囡的付出,係唔會白費架.我都係一個好c架c6.我地都係想小朋友好姐,唔需要計較誰付出多最緊要係小朋友健健康康
作者: Becky.. 時間: 10-4-2 01:55
Hi all,
我好明白你地的感受 - 傍煌,無助. 我的仔已5歲半了, 2歲多時已做評估 - 整體發展遲緩. 現讀兼收幼稚園K3.
最初我都覺得他進度好慢, 但在這3年多除學校訓練外, 另再找語言治療及不同的學習機會. 我們每星期六日都會同佢去街. 讓他接觸不同的事. 雖然發音都是不太清楚, 但他現在經常講過不停. 其他方方面都比以前進步了很多.
其實在生活上的每一點滴都是學習機會, 所以各位都唔好o甘容易放棄. 只要我地繼續勞力, 小朋友便慢慢進步.
一齊努力!!!
以下是我的e-mail, 互相交換心得及鼓勵
[email protected]
Becky
作者: xixi1218 時間: 10-5-29 22:56
看到各位的留言，我都幾乎哭了出來。
想問~仔仔媽咪~，你兒子讀的是普通學校嗎？
作者: ~仔仔媽咪~ 時間: 10-5-29 23:37
原帖由 xixi1218 於 10-5-29 22:56 發表
看到各位的留言，我都幾乎哭了出來。
想問~仔仔媽咪~，你兒子讀的是普通學校嗎？
係呀,我囝囝依家都係讀緊普通學校,不過間學校係出名D老師好有心去教我地呢類小朋友,所以我至叩門安排個仔入讀.
作者: pipi331 時間: 10-5-30 00:30
提示: 作者被禁止或刪除 內容自動屏蔽
作者: pipi331 時間: 10-5-31 01:04
提示: 作者被禁止或刪除 內容自動屏蔽
作者: owl_2046 時間: 10-5-31 17:10
我成日覺得我老公做得唔夠好, 但睇完你地"呻"後, 發覺我老公都對亞仔訓練方面算唔錯
作者: owl_2046 時間: 10-5-31 17:11
請問你亞仔讀緊邊間學校?
原帖由 ~仔仔媽咪~ 於 10-5-29 23:37 發表
係呀,我囝囝依家都係讀緊普通學校,不過間學校係出名D老師好有心去教我地呢類小朋友,所以我至叩門安排個仔入讀.
作者: xixi1218 時間: 10-5-31 21:29
原帖由 owl_2046 於 10-5-31 17:11 發表
請問你亞仔讀緊邊間學校?
我都想知，仔仔媽咪的小朋友讀緊邊間學校？
作者: pocoyo123 時間: 10-5-31 23:02
想知你小朋友今年揾左邊間小學呢, 有無好介紹, 最好有好多好有愛心的老師....原帖由 Becky.. 於 10-4-2 01:55 發表
Hi all,
我好明白你地的感受 - 傍煌,無助. 我的仔已5歲半了, 2歲多時已做評估 - 整體發展遲緩. 現讀兼收幼稚園K3.
最初我都覺得他進度好慢, 但在這3年多除學校訓練外, 另再找語言治療及不同的學習機會. 我們每星期 ...
作者: pipi331 時間: 10-5-31 23:42
提示: 作者被禁止或刪除 內容自動屏蔽
作者: Capricorn2521 時間: 10-6-1 11:05
Dear pipi331,
你一定要堅持，吾好放棄！再問吓個私人個別導師，你有乜野要改善..... 如果佢冇乜意見，或再過一排都冇改善，我應為要轉個導師。有時d野係人夾人的，時間及金錢更不可以浪費。希望幫到你，加油！
原帖由 pipi331 於 10-5-31 23:42 發表
借個位呻吓.
蹤使我能力範圍做到ge都做哂, 亞仔進展仲系好差, 上去cac評估做到甩皮甩骨. 私人個別訓練 同埋家居訓練 都唔合作, 個私人導師話進展唔好, 叫我繼續努力.....
公司又隨時炒我, 比人炒咗唔知幾時至揾 ...
作者: MaggieHei 時間: 10-6-2 16:36
我是一個普通小朋友的媽媽. 我沒有你們心深感受帶著有問題小朋友的難處, 所付出的耐心, 愛心及忍耐. 你們是很偉大的 !
今早, 我帶著我家大小姐去兒童發展部睇發展. 因她懷疑有 hypre. 不過, 已斷定是我們過份憂慮.
在中心等候時, 有很多小朋友及家長. 小朋友在玩耍. 突然, 有2個小朋友在吵鬧. 因他們在搶東西玩. 其中一個小朋友 A 在玩 lego 時, 另一個小朋友 B 也想玩, 不問分由便去搶. 當然, 小朋友 A 沒給他搶到, 小朋友 B 便發脾氣. 2個小朋友媽媽立即去平息此事. 小朋友 B 相信是有些情緒問題 (我不知是什麼問題), 當他大發脾氣時, 他媽媽去安慰及撫平他的情緒.要知道,有問題的小朋友是很難去自我控制自己特別是情緒. 他拿起玩具大力拋在地上. 此時, 小朋友 A 爸爸立即拖著他的寶貝兒子走開. 本能是 : 他怕小朋友 B 會傷害自己寶貝兒, 這也無可厚非. 但他居然在 B 媽媽面前說 : 仔, 我地唔好同呢D 小朋友玩....
可以想像, 聽在 B 媽媽心裡是有多難受.
過了一陣子, A 小朋友想去找書本看.行近 B 小朋友, 他爸爸又再次拉開他的寶貝兒子. FINE ! 冇問題. 但他居然很有品格地說 : 我地唔好同呢 D ge 人玩, 佢地咁野蠻, 他仲恨恨地拋下一個可恥的眼神給 小朋友 B 及 B 媽媽. 說實句, 當時我真係好想大罵他. 他的行為實在是.........
有邊個父母不想自己的小朋友健健康康, 正正常常. 很深感受, 身教是很重要的. 說真一句, 去兒童發展部要跟進的 (開了 file) 小朋友, 是真的有問題, 只是輕重之分, 或是什麼問題而已. 為什麼這小小包容之心也沒有呢 ? 看見 B 小朋友的媽媽, 我心裡也在流淚.
在此, 我再次向這位好爸爸致敬
作者: pipi331 時間: 10-6-3 00:03
提示: 作者被禁止或刪除 內容自動屏蔽
作者: ChingMan1002 時間: 10-6-3 00:15 標題: 回覆 10# pipi331 的文章
你既情況真係同我好相似,想問你個小朋友慢左幾多呀? 我個囡今日去左CAC評估,個RESULT當然好差啦,我C6放工返黎竟然一句都無問過個囡既RESULT.好失望.
作者: pipi331 時間: 10-6-3 01:50
提示: 作者被禁止或刪除 內容自動屏蔽
作者: lokhimbb 時間: 10-6-3 11:09
睇到有件咁嘅事...心裡面真係好難過....點解唔可以包容多dd..小朋友都唔想...做人父母當然心更難受....
原帖由 MaggieHei 於 10-6-2 16:36 發表
我是一個普通小朋友的媽媽. 我沒有你們心深感受帶著有問題小朋友的難處, 所付出的耐心, 愛心及忍耐. 你們是很偉大的 !
今早, 我帶著我家大小姐去兒童發展部睇發展. 因她懷疑有 hypre. 不過, 已斷定是我們過份憂慮.
...
作者: MaggieHei 時間: 10-6-3 15:04
我家大小姐分別見了2個不同的醫生, 他們是政府及私家.
暫時, 他們均說沒有 hypre, 專注力不足之類問題. 也見不到她有此表徽.
不過, 醫生也要我在小一時問問老師情況. 因為小一跟 k3 會有很大分別.
有什麼問題可能在此時會發現.
原帖由 pipi331 於 10-6-3 00:03 發表
hyper 正苦 通常去到上小學至斷症. 但未正式斷症之前, 小朋友唔好教, 其實己經有大把嘢可以做. 發展部主要系評估 同比人 排d要等幾耐 又唔多夠的服務. 互勉之. ...
作者: anan3388 時間: 10-6-3 17:21
原帖由 pipi331 於 10-5-31 23:42 發表
借個位呻吓.
蹤使我能力範圍做到ge都做哂, 亞仔進展仲系好差, 上去cac評估做到甩皮甩骨. 私人個別訓練 同埋家居訓練 都唔合作, 個私人導師話進展唔好, 叫我繼續努力.....
公司又隨時炒我, 比人炒咗唔知幾時至揾 ...
你俾既心機個天會知, 你個小朋友個心都知 ga~ 呢度d mami都知 ga!
唔知你小朋友有無做感統呢? 我發覺我仔仔做完運動後訓練會集中少少 ga, 或者睇下可否分配你老公同佢玩一輪, 然後先同佢訓練? 再唔係, 當放下自己一兩日假, 同仔仔玩下鬆下先, 先再黎過. 有時長期作戰, 都要好好愛惜自己照顧自己, 有力再去照顧仔仔 ga~ 加油呀!
作者: pipi331 時間: 10-6-3 23:35
提示: 作者被禁止或刪除 內容自動屏蔽
作者: pipi331 時間: 10-6-3 23:54
提示: 作者被禁止或刪除 內容自動屏蔽
作者: midcocc 時間: 10-6-4 10:46
原帖由 ~仔仔媽咪~ 於 10-5-29 23:37 發表
係呀,我囝囝依家都係讀緊普通學校,不過間學校係出名D老師好有心去教我地呢類小朋友,所以我至叩門安排個仔入讀.
在那一區??
作者: MaggieHei 時間: 10-6-4 18:03
當天我們對佢有懷疑是 因為 :
1> 幼稚園老師說她不專心上課. 有時發白日夢
2> 合唱團老師說 她冇心聽老師講野
3> 在家冇心機做功課, 什麼也是三秒熱度, 不是三分鐘
在私家 test 時是兒科醫生幫佢做評估.
在政府也是醫生幫佢做評估
他們的評估是包括跟小朋友做了 30-40 分鐘不同的 test. 另加家長面談.
2個醫生都是給類似的東西給她做. 當然, 內容是不一樣.
基於幾個原因他們斷定她沒有 hyper.
1> 以5.5 年歲小朋友來說, 通常專注力只是 30分鐘左右. 但她可以做了 3-40分鐘也沒走開
2> 她發白日夢是可以叫回來. 不是叫極都冇反應. 如果是叫極都冇反應便要小心了
3> 其中有一個 test 是有很多細小英文字混在一張紙上, 醫生要佢找出所有 'A' 字圈出來. 她做了5分鐘有多, 也圈了很多出來. 醫生說 : 如果有問題小朋友做2-3分鐘便放棄. 也有些小朋友是是旦旦做 dd 便算數, 又有些小朋友死都要找出所有 'A' 出來才肯算. 這些都是有問題. 但她找了很多出來, 雖然是找不足. 但也是合格.
基於以上種種, 斷定她是正常.
其實, 她也是 4歲時開始有你朋友個囝同樣問題.不過, 4歲 是轉列點, 佢地覺得自己好大個, 有主見, 會反判 d. 不過, 5歲時又好d.
原帖由 pipi331 於 10-6-3 23:35 發表
請問系唔系正式專注力評估? 包括 同家長, 小朋友個別面談 做測試, 測試小朋友專注力 同 智能.
我朋友個仔4yr old 開始嚟料, 包括: 大人叫佢做嘢叫極唔聽, 頂咀駁咀多言, 搞對抗, 系幼稚園課堂成日借d椅走出位, ...
作者: anan3388 時間: 10-6-4 21:47
原帖由 pipi331 於 10-6-3 23:54 發表
佢系屋企好衝, 四圍跑 走上床度跳, 好high energy. 至衰呢期落雨去唔到公園...
有開始做ot啦. 小組 1:4/1:6 9秒9完成指定動作, 唔夠喉, 無mud效果. 做個別 就扭計喊半堂, 多多錢都唔夠佢fing. 唉! 我就 mota no ...
唉~ 我都見過呢種家長~ 我心諗, 都話左3 歲/6歲前係黃金期, 咁梗係搞到幾多得幾多 ga la! 無法啦, 各人睇法唔同, 你講得岩, 搞左自己o個個先~ 自己個都大把野搞 :p~
我覺得你係真心幫自己個仔, 真係一個好 mami! 知你好多壓力, 只可以同你講聲: 加油! ^_^
作者: bobolam 時間: 10-6-5 10:47
請問你仔仔係邊度上ot小組?
原帖由 pipi331 於 10-6-3 23:54 發表
佢系屋企好衝, 四圍跑 走上床度跳, 好high energy. 至衰呢期落雨去唔到公園...
有開始做ot啦. 小組 1:4/1:6 9秒9完成指定動作, 唔夠喉, 無mud效果. 做個別 就扭計喊半堂, 多多錢都唔夠佢fing. 唉! 我就 mota no ...
作者: pipi331 時間: 10-6-6 00:26
提示: 作者被禁止或刪除 內容自動屏蔽
作者: pipi331 時間: 10-6-7 02:07
提示: 作者被禁止或刪除 內容自動屏蔽
作者: pocoyo123 時間: 10-6-7 22:27
我亞仔8個月前都有偏食問題, 佢好鐘意虾條, 薯條, 朱古力, 食飯就唔食送, 面, & 奶, 通心枌係佢至愛,生果只食香蕉, 我都好頭痛, 不過, 呢8個月轉左新校, 好神奇, 佢食多左好多野, 現可以將D肉 碎&菜碎加埋D飯一齊食, 又食其他生果, 又食意枌,仲有好多野都肯食, 好好, 你唔使太煩......要強硬D原帖由 pipi331 於 10-6-7 02:07 發表
唉! 亞仔成日四圍衝 (?中埋adhd) 練仙又偏食. 承蒙佢老豆踨壞, 最鐘意食零食..... 昨晚返6299吃飯, 佢一啖都唔食. 比我二個姑奶, 您一句我一句咁話: 踨壞哂, 哎呀! 返去飲奶啦... 唔夠營養影響腦部發展呀.....
今 ...
作者: pipi331 時間: 10-6-8 00:47
提示: 作者被禁止或刪除 內容自動屏蔽
| 歡迎光臨 教育王國 (/) |
Powered by Discuz! X1.5 |