教育王國

標題: 繼續還是唔要好，可唔可以比ｄ意見我 [打印本頁]

作者: 花仔媽咪 時間: 10-3-7 16:11 標題: 繼續還是唔要好，可唔可以比ｄ意見我

我個仔唔太專心，英文亦不太理想，依家有個補習老師，英文很好，解釋得好明，但就好惡（當仔仔唔專心），亞仔巳表明唔鍾意佢，我地亦有向補習老師反應佢太惡，老師亦有所改善，但依然是惡，其實我知老師很鍚佢，因個老師是大機構的翻譯，佢是通宵工作，但她都肯在早上９點半同仔仔補，只因她說她喜歡我個仔）你問我，我個仔ｄ英文文法記得很好，因上她堂唔專心，答唔出會勁炳，但可惜我個仔唔識運用，有人說學習是要愉快，近來他去了一間學寫作的ｃｅｎｔｒｅ，佢說很快樂亦寫出文章，可是我又找不到能跟學校的課程而又愉快的老師，怎麼辦？我兩公婆，意見不一，所以睇下有無人可以比ｄ意見我

作者: brian61950 時間: 10-3-7 17:16

問題很簡單,佢又錫你個仔,又有料又幫到佢.
咁都唔要,你唔要大把人要呀.
嚴師出高徒嘛,惡都唔專心,善良既你估佢恰唔恰呀?
將來係學校或出來做野,又換師生又換上司呀?

作者: goodmama2003 時間: 10-3-7 20:15

提示: 作者被禁止或刪除內容自動屏蔽

作者: 黃巴士 時間: 10-3-7 23:39

上咗幾堂呀?? 補咗幾長時間呢?? 小朋友幾大呀???
以前係咪有其他補習老師補開????

我唸我會先衡量小朋友唔鍾意她嘅程度 & 改進英文是因為補習老師定係小朋友已經上校內堂專心&汲收多咗呢而有所改善??? 唔係因為她呢???

如果, 好拒抗&唔鍾意補習老師, 但你囝囝又可以克服到仍然接受她教書, 我唸你囝囝都可駕馭到, 則不喜歡程度在你囝囝心中仍可控制到.

如果真的十分抗拒, 我囝囝會強烈反對我不要她的.同情緒表現上予我, "我下次"唔補"啦, 再囉嗦我, 我唔會按她指示做嫁...... 這樣, 我便會立刻下去.

所以很看你小朋友不接受到她的程度是多少?? 小朋友有時要逼吓又冧吓, 但係不要逼得太緊, 打工就話無得成日撰老闆, 補習老師是有得取捨的.
將來要就範的事, 多的事. 倒不如, 在可撰的情況下, 令他隨心些.

作者: 黃巴士 時間: 10-3-7 23:48

我覺得小朋友大大吓會有反叛, 唔係老師惡就等於可令佢專心. 就算強迫到佢果堂補習堂專心, 跟著佢可以做功課唔用心/無心機溫其他科目書而作反叛行為......
在我而已, 我囝囝專心補習, 是因為老師令他信服, 而唔係惡.

作者: easybring 時間: 10-3-8 11:05 標題: 回覆 5# 花仔媽咪的文章

我覺得老師本身有才華，長期睡眠不足，易動火。小朋友也會失去自信。

作者: IRON 時間: 10-3-8 11:22

我都簡唔要.

作者: ming2002id 時間: 10-3-8 14:03

= =老實說,,,,,我覺得佢係真心想教好你個仔先惡...,.
咁唔通話學校老師惡你就幫佢轉校咩係咪^^?
當然最完美既方法就係,,,每次你仔仔唔專心,.
你叫老師同佢玩一樣野,,,,乜都得(例如:畫畫等等),,之後再黎教D野囉,,,
而家細佬仔係要咁先集中到= =(個人經驗)

作者: 黃巴士 時間: 10-3-8 14:34

但我又咁睇, 覺得學校老師已無得撰, 為何補習老師唔可以自主呢???
學校地方已夠嚴肅&聽命, 在校外, 何不予小朋友有限的自由度大些呢??? 令他嘗試自我空間的學習環境呢??? 間中鬧吓, 我唸小朋友都會聽, 長期鬧, 我唸正常些的小朋友, 都真係睬你都"傻". 就算聽命, 都會有2個面孔. 1個是在長輩面前, 是乖乖仔, 成績好. 第2面是除了校服後, 是反叛的一面.

所以我覺得在有限度情況下, 不要逼得太緊.
因為這年紀的小朋友, 子女看父母是保護&了解他的, 不要造成彼此之間太多分歧.

(個人意見)

作者: goodmama2003 時間: 10-3-8 15:56

提示: 作者被禁止或刪除內容自動屏蔽

作者: 黃巴士 時間: 10-3-8 16:24

原帖由 goodmama2003 於 10-3-8 15:56 發表
要看下惡的程度去邊, 如果一堂惡, 一堂不惡, 都有的位走下... 如果堂堂都惡,
咁...小朋友的精神是否可以接受得到這種壓力呢? 成日給人閙, 你估好個引呀? 小朋友給人閙到沒晒自信, 第日想建立就難啦, 沒左自信就大 ...

同意!! 間中惡吓都可以接受, 堂堂都惡, 唔好話小朋友, 大人見到都肉痛啦!!

作者: goodmama2003 時間: 10-3-8 18:33

提示: 作者被禁止或刪除內容自動屏蔽

作者: 黃巴士 時間: 10-3-8 19:01

原帖由 goodmama2003 於 10-3-8 18:33 發表

是囉, 如果真是堂堂惡, 她叻過霍金都沒用呀.

仲係, 佢叻還叻, 都要攪得掂個小朋友LIKE佢至係最叻!!

作者: nicolemummy 時間: 10-3-8 21:14

花仔媽咪,

坦白說, 大機構的翻譯作翻譯不一定學好小朋友. 現在很多成功的補習天皇, 佢地大學時可能連HONOR都拿不到.

花仔受軟唔受硬. 我自己覺得, 太惡的老師不太好.

原帖由 花仔媽咪 於 10-3-7 16:11 發表
我個仔唔太專心，英文亦不太理想，依家有個補習老師，英文很好，解釋得好明，但就好惡（當仔仔唔專心），亞仔巳表明唔鍾意佢，我地亦有向補習老師反應佢太惡，老師亦有所改善，但依然是惡，其實我知老師很鍚佢，因個老師是大機構的翻譯，佢是通宵 ...

作者: 黃巴士 時間: 10-3-9 11:09

如果係我, 我會搵定另一個補習老師嘗試比較吓.

作者: brian61950 時間: 10-3-11 11:18

版主,
請問佢教開邊區及收開幾錢個鐘呢?

作者: PansyMummy 時間: 10-3-16 13:14

我依家遇到的問題同你差不多, 分別是我囡囡的英文不太理想。
補習老師教完她後, 她總是忘記, 要她專心上堂, 她總是不專心, 要她温習, 她總是不温, 所以補習老師便很惡駡她, 試過幾次駡足成堂 (個半小時), 又試過駡到補完習後囡囡打電話俾我便哭..... 我有同囡囡解釋點解Miss 咁惡駡她, 她自己知道問題是Miss 每次問番教過她的東西, 她總是又忘記了, 所以.....Miss不斷駡, 她便更加不想補習, 不專心。
唉......, 我其實知道囡囡是不想補習的, 但我根本無時間教她英文, 因為每晚放工回家已夜, 跟一跟她的功課, 吃飯, 洗澡已沒時間, 如果有默書, 評估或測驗便更加夜睡了, 所以都唔知點算。

原帖由 花仔媽咪 於 10-3-7 16:11 發表
我個仔唔太專心，英文亦不太理想，依家有個補習老師，英文很好，解釋得好明，但就好惡（當仔仔唔專心），亞仔巳表明唔鍾意佢，我地亦有向補習老師反應佢太惡，老師亦有所改善，但依然是惡，其實我知老師很鍚佢，因個老師是大機構的翻譯，佢是通宵 ...

作者: 黃巴士 時間: 10-3-16 13:43

原帖由 PansyMummy 於 10-3-16 13:14 發表
我依家遇到的問題同你差不多, 分別是我囡囡的英文不太理想。
補習老師教完她後, 她總是忘記, 要她專心上堂, 她總是不專心, 要她温習, 她總是不温, 所以補習老師便很惡駡她, 試過幾次駡足成堂 (個半小時), 又試過駡 ...

咁老師好惡咁鬧足個半鐘, 下次你小朋友有無改善專心D呢??
如果都無改變一咪遮係你小朋友唔受依套囉.

我覺得補習老師都唔會一拍則合, 我會唔怕去試多幾個,撰到E+依位合適為止.

作者: 阿飛太太 時間: 10-3-16 13:59

學習同讀書係緊要, 但係都要顧及小朋友心理, 慢慢黎啦, 老師可以搵過個, 小朋友心理發展都好重要架!

作者: ming2002id 時間: 10-3-16 15:01

如果咁,,你睇下好唔好D"
你將而家果個老師減少堂數,,,
再搵另一個補返果D時間,,,咁佢比較一兩個月,,
再問下個學生~

作者: PansyMummy 時間: 10-3-16 16:18

勁鬧完果日我返到屋企又會鵝佢

, 咁next day 補習之前我又會打電話提囡囡專心D

, 咁佢咪好D囉, 但過多2日, 囡囡又會故態復萌呢！

原帖由 黃巴士 於 10-3-16 13:43 發表

咁老師好惡咁鬧足個半鐘, 下次你小朋友有無改善專心D呢??
如果都無改變一咪遮係你小朋友唔受依套囉.

我覺得補習老師都唔會一拍則合, 我會唔怕去試多幾個,撰到E+依位合適為止. ...

作者: 黃巴士 時間: 10-3-16 17:50

原帖由 PansyMummy 於 10-3-16 16:18 發表
勁鬧完果日我返到屋企又會鵝佢 , 咁next day 補習之前我又會打電話提囡囡專心D , 咁佢咪好D囉, 但過多2日, 囡囡又會故態復萌呢！

...

有時, 小朋友D嘢好難講. 要小朋友專心, 都要補習老師有D技巧, 老實講, 小朋友肯定定坐聽書, 維持到1HOUR已經好好.
我地都做個小朋友, 上堂老師講書好悶, 都會"雲遊"吓.

佢都只係1:1人遮, 又唔係上堂咁看顧1:30-40人, 補習老師除咗著眼書本外, 依D嘢,佢應該有經驗處理. 補習老師要掌握小朋友心思, 教法形式上, 點樣令佢地ATTENTION返呢??.

(係咪要求老師多咗呢??

)

如果唔係, 小朋友&家長&老師都唔開心, 小朋友又改善唔到成績, 咪嘥錢&時間.

當然地, 如果個個補習老師都係咁情況, 咁你唸吓係咪小朋友自身問題喎???

**個人COMMENT.**

作者: nicoletsui1212 時間: 10-3-16 18:15

我會轉老師, 小朋友學習不愉快, 又怎能學到?

作者: PansyMummy 時間: 10-3-16 18:33

咁我試過放假响屋企(房入面)時聽下補習Miss點教啦, 我都覺得佢好鬼惡, 試過呀囡坐得唔好, 佢拍枱鬧；又試過呀囡唔知做乜眼停停咁望住Miss, 佢都好大聲好惡咁鬧....,
其實我依家都想轉Miss, 不過無人介紹我唔敢再亂咁試, 一來怕呀囡成績重衰過依家, 二來又怕太貴, 諗起都覺得煩！

原帖由 黃巴士 於 10-3-16 17:50 發表

有時, 小朋友D嘢好難講. 要小朋友專心, 都要補習老師有D技巧, 老實講, 小朋友肯定定坐聽書, 維持到1HOUR已經好好.
我地都做個小朋友, 上堂老師講書好悶, 都會"雲遊"吓.

佢都只係1:1人遮, 又唔係上堂咁看顧1:30- ...

作者: ALAL 時間: 10-3-16 18:45

不過這些惡老師總好過是是但但教不懂就算,或不懂就幫學生造埋的老師.

騎牛找馬啦.

作者: 黃巴士 時間: 10-3-16 19:28

原帖由 PansyMummy 於 10-3-16 18:33 發表
咁我試過放假响屋企(房入面)時聽下補習Miss點教啦, 我都覺得佢好鬼惡, 試過呀囡坐得唔好, 佢拍枱鬧；又試過呀囡唔知做乜眼停停咁望住Miss, 佢都好大聲好惡咁鬧....,
其實我依家都想轉Miss, 不過無人介紹我唔敢再 ...

吓, 坐唔好都要拍枱, 我小朋友成日補課耐咗都會咁喎.

作者: 黃巴士 時間: 10-3-16 19:29

原帖由 ALAL 於 10-3-16 18:45 發表
不過這些惡老師總好過是是但但教不懂就算,或不懂就幫學生造埋的老師.

騎牛找馬啦.

如果係咁, 唔洗唸即轉. 費時勞氣!!

歡迎光臨教育王國 (/)